უმსხვილესი ინტერნეტ საცალო მოვაჭრის AMAZON-ის გაყიდვებმა 2021 წელს კიდევ ერთი რეკორდი მოხსნა და $470 მლრდ-ს მიაღწია. ეს თანხა 2021 წლის მაჩვენებელს 22%-ით 2019 წლის მაჩვენებელს კი 68%-ით აღემატება.
AMAZON ონლაინ გაყიდვებში უპირობო ლიდერია, იმავე 2021 წელს ALIEXPRESS-ის საშუალებით მხოლოდ $130 მლრდ-ის პროდუქცია გაიყიდა, რაც ამერიკულ კონკურენტთან შედარებით 3.6-ჯერ ნაკლებია. ერთადერთი ვისაც AMAZON ჩამორჩება, ეს ასევე ამერიკული, ჩვეულებრივ სუპერმარკეტთა ქსელი Walmart-ა, მაგრამ სხვაობა წლიდან წლამდე მცირდება.
2006 წელს Wall mart-ის შემოსავალმა AMAZON-თან შედარებით 1700%-ით მეტი $309 მლრდ შეადგინა, 2011 წელს 773%-ით მეტი $419 მლრდ, 252%-ით მეტი - $479 მლრდ, 2021 წელს კი მხოლოდ 18%-ით მეტია - $568 მლრდ. აბსოლუტურ ლიდერობამდე დარჩენილი დრო უკვე შორს აღარ არის. 2006-2016 წლებში Walmart-ის გაყიდვები 80%-ით გაიზარდა, AMAZON-ის 4100%-ით.
AMAZON ჯეფ ბეზოსმა 1994 წელს დააარსა, ღია სააქციო საზოგადოებად კი 1997 წელს გარდაქმნა. თავდაპირველად ინტერნეტით მხოლოდ წიგნები იყიდებოდა. ინტერნეტ-ვაჭრობის იდეა გასული საუკუნის მიწურულს ქილიკის მიზეზი ხდებოდა, მეოთხედ საუკუნეზე მოკლე დროში ბეზოსმა ცენტი-მილიარდერისა და პლანეტის უმდიდრესი ადამიანის სტატუსი მოიპოვა. დღეს ბეზოსი $133 მლრდ-იანი ქონებით Forbes-ის რეიტინგში მესამე ადგილს იკავებს. თავად AMAZON-ის კაპიტალიზაცია კი 11 მაისის მდგომარეობით $1.1 ტრლნ-ს შეადგენს.