„ამაზე მძიმე მდგომარეობა ისაა, ვიღაც გამოვიდეს და თავი მოიკლას, რომ გაკოტრდა“ : ივა ჭყონია ლარის გაუფასურებაზე

„ამაზე მძიმე მდგომარეობა ისაა, ვიღაც გამოვიდეს და თავი მოიკლას, რომ გაკოტრდა“ : ივა ჭყონია ლარის გაუფასურებაზე

access_time2019-09-06 12:00:55

საქართველოს დისტრიბუტორთა ბიზნეს ასოციაციის თავმჯდომარე ივა ჭყონია ლარის კვლავ გაუფასურებას ეხმიანება და ამბობს, რომ ბიზნესი ურთულეს მდგომარეობაშია. ასეთ ვითარებაში განსაკუთრებით მცირე და საშუალო ბიზნეს უჭირს და ტენდენციის გაგრძელების შემთხვევაში ბევრი მათგანი წნეხს ვეღარ გაუძლებს.


ივა ჭყონიას თქმით, ლარის გაუფაუსურებით ზარალდება ბიზნესი და ღარიბდება მოსახლეობა. ასეთ დროს პირდაპირი პასუხისმგებლობა ხელისუფლებას ეკისრება:

 

„ამაზე მძიმე მდგომარეობა არის ის,რომ ვიღაც გამოვიდეს და თავი მოიკლას, რომ გაკოტრდა. დაახლოებით, მესამე წელია მიწევს ამ თემაზე საუბარი. არა თუ მძიმე, არამედ ძალიან მძიმე მდგომარეობაა. ფასების ზრდის პირველი ტალღა დაიწყო ივლისის ბოლოს, აგვისტოს დასაწყისში. სექტემბრის პირველ  ნახევარში, ათ სექტემბრამდე ძირითადად, ყველგან აისახება გაზრდა. ნებისმიერი, ვინც დადის სუპერმარკეტში ნახავს,რომ  გაძვირებულია ფასები 10-დან 15%-მდე. დამერწმუნეთ რომ  დოლარი 3.0 ლარს თუ გადასცდა, კიდევ უფრო მძიმე მდგომარეობაში ჩავარდებიან კომპანიები. მსყიდველობითუნარიანობა საკმაოდ დავარდნილია, სამომხმარებლო კალათა იზრდება და ხელფასი იგივეა“,- განმარტავს ივა ჭყონია.


მისივე თქმით, დღეს საქართველოში მოსახლეობის  დიდი ნაწილს სესხი აქვს აღებული, მსგავს არასტაბილურ მდგომაროებაში კი ეს საკითხის უფრო პრობლემური ხდება.

მეორე მხრივ, მოქალაქეები ცდილობენ რაც შეიძლება ნაკლები დახარჯონ ფუფუნების საგნებსა და პროდუქტზე, რაც ძალიან რთულია კომპანიებისთვის. როდესაც რეალიზაცია ვარდება, ბიზნესი  წნეხს ან გაუძლებს, ან ვერ გაუძლებს:

 

„თავს რომ იწონებს ეროვნული ბანკის პრეზიდენტი, ბიზნეს სესხებია გაზრდილიო. სწორი თქვა, არის გაზრდილი, თუმცა რა კუთხით ?  - ბიზნეს სესხები გაზრდილია იმისთვის, რომ კომპანიებმა შეინარჩუნონ თავი და არ დაკარგონ პოზიციები, გაისტუმრონ ის ვალდებულებები, რომლებიც აქვთ. მცირე და საშუალო ბიზნესისთვის ეს ყოველივე მომაკვდინებელია.

ამასთან,  ჯაჭვურად ლარის რყევები მიბმულია ბანკებზე, რადგან  ყველა ბიზნესსექტორი სარგებლობს საბანკო კრედიტით. ამ ვალდებულებების უკან კი დგას უძრავი ქონება. წარმოიდგინეთ რამდენად მძიმე სიტუაციაში შეიძლება ჩავარდეს ბიზნესი? რამდენად პრობლემატურია უკვე ის, რომ კომპანია ვერ გაუძლებს, გაკოტრდება და თანამშრომლებს შეამცირებს. პირველ ეტაპზე, ყოველთვის ცდილობენ რომ შეამცირონ თანამშრომლები და შეუმცირონ ხელფასები.

 


ლარის გაუფასურებით ბზინესსზე ასახული პრობლემები საბანკო სექტორისთვისაც გამოწვევა ხდება:


„როდესაც ასეთი მძიმე მდგომარებაა, ბევრი  ბიზნესი გაკოტრდება და ბანკის წინაშე არსებული ვალდებულებებით დარჩება. ბანკს კი მოუწევს აღსრულება და ქონებების რეალიზება, ამიტომ საბანკო სექტორზეც ნეგატიურად აისახება ეს ყოველივე. ფაქტია, ბანკებისთვის  არასდროსაა მომგებიანი  უძრავი ქონების ხელში ჩაგდება და პარალელურ რეჟიმში, თავად უძრავ ქონებასაც აღნიშნული სქემა და მოდელი აუფასურებს.


ამ რეალობაზე პასუხისმგებლობას ივა ჭყონია ხელისუფლებლას აკისრებს. არსებული ჯაჭვური პრობლემების მოგვარებას, პირველ რიგში, ლარის დასტაბილურება სჭირდება. თუმცა  მთავრობა განსხვავებულად მოქმედებს, ამიტომ ბიზნესის მხარდაჭერის იმედი ხელისუფლებას არ უნდა ჰქონდეს:


„როდესაც საპროტესტო აქცია ასეთ ეკონომიკურ რყევას იწვევს და ამაზე აპელირებს სახელმწიფო და არ მოქმედებს, ძალიან არაკომპეტენტური განცხადებაა. ამის შემდეგ, სახელმწიფოს არ უნდა უკვირდეს ბიზნესის მხრიდან ნდობის არქონა და შიში. ეს ნეგატიური მოლოდინები ჰქმნის იმას, რომ ვიღაც წინასწარ ყიდულობს დოლარს და ა.შ.

ნეგატიურ მოლოდინს ქმნის თავად ხელისუფლება, რომელიც არის ჩვენ მიერ არჩეული. ბიუჯეტში ფულს ვიხდით და სარგებელს ისინი ნახულობენ . ბიზნესისთვის კი - ოპერატორებისთვის , იმპორტიორებისთვის, მწარმოებლებისთვის, მთავარი საზომი არის ლარის კურსი.

დღესდღეობით, კერძო სექტორისთვის გრძელვადიან პერსპექტივაში დაგეგმვა კი არა, სამი თვის დაგეგმვაა უკვე რთული, ისე სწრაფად ხდება რყევები. როცა 2019 წელს ბიუჯეტი 2.3-ზე დაიგეგმა, როგორ წარმოგიდგენიათ, ამ რეალურად ძალიან დიდი კონკურენციის პირობებში,  მაქსიმალური ვისაც შეეძლო აეღო 2.7 იყო, ისე ტრიალებდა 2.65-67 შორის“.


ხელისუფლების გარდა, დისტრიბუტორთა ბიზნეს ასოციაციის თავმჯდომარე პასუხისმგბელობას ეროვნულ ბანკსაც აკისრებს:

 

„ბოლო წლების განმავლობაში, ლარი გაუფასურებას ყოველთვის იწყებდა ამ პერიოდში, ან ცოტა მოგვიანებით. ერთ-ერთი ყველაზე მთავარი ფაქტორი რაც ლარის გაუფასურებას იწვევს, მეოთხე კვარტალში მთავრობის მიერ გადახდილი ვალდებულებებია. სატენდერო სამუშაოების დროს  არის შემთხვევები, როცა საბანკო გაარანტიით მოაქვთ პროდუქცია და შემდეგ ამ ვალდებულებებს იხდიან უცხოურ ვალუტაში. ეს ლოგიკურად კიდევ უფრო აუფასურებს ლარს. ამიტომ ეკონომიკური გუნდი ვალდებულია შიდა ფაქტორებზე იზრუნოს.

ამ მძიმე ეკონომიკური ფონის პარალელურად, ეროვნული ბანკი  უცხოურ ვალუტას იძენს და შემდეგ ხდება მისი  ამოღება საბრუნავი საშუალებებიდან -  ეს ყოველივე უნდა იყოს სისხლის სამართლის დანაშაული. ეს კლავს  მცირე და საშუალო ბიზნესს“.



შეგახსენებთ,  ლარმა მორიგი გაუფასურება რამდენიმე  დღის წინ დაიწყო.

ეროვნული ბანკის მონაცემებით 1 აშშ დოლარის ოფიციალური ღირებულება 2.9598 ლარი გახდა.


რაც შეეხება, კომერციულ ბანკებს,  ერთი აშშ დოლარის ღირებულება 3 ლარსაც აჭარბებს. 

თეგები:
ივა ჭყონია



BAG: „არბიტრაჟის როლი სულ უფრო მზარდია და ეს განსაკუთრებით საყურადღებოა ჩვენს რეალობაში“

BAG: „არბიტრაჟის როლი სულ უფრო მზარდია და ეს განსაკუთრებით საყურადღებოა ჩვენს რეალობაში“
access_time2020-01-24 11:30:21
საქართველოს ბიზნეს ასოციაციის (BAG) საკანონმდებლო ბაზის განვითარების კომიტეტის ფარგლებში, ასოციაციის წევრი კომპანიების წარმომადგენლებისათვის გაიმართა მრგვალი მაგიდა თემაზე ,,შრომითი დავები არბიტრაჟში“. შეხვედრის ფარგლებში გამართულ დისკუსიაში მონაწილეობისათვის ასევე მოწვეულნი იყვნენ თბილისის სააპელაციო სასამართლოს მოსამართლეები, ქეთევან მესხიშვილი და ანა გოგიშვილი, დავების განმხილველი ცენტრის (DRC) და პროფესიული წრეების წარმომადგენლები. დისკუსიის...

ქართველმა ბიზნსესმენებმა უკრაინული პორტი 30 წლიანი მართვის უფლებით აიღეს

ქართველმა ბიზნსესმენებმა უკრაინული პორტი 30 წლიანი მართვის უფლებით აიღეს
access_time2020-01-24 12:30:25
დავოსში გამართულ ფორუმზე უკრაინის პრეზიდენტმა ვლადიმერ ზელენსკიმ პოტენციურ ინვესტორებთან საზღვაო პორტების მართვის უფლების გადაცემის შესახებ ისაუბრა. „ჩვენ ხმა მივეცით მიწის რეფორმას, კონცესიას, მე ძალიან ბევრი შემიძლია ვისაუბრო ამის შესახებ“, - განაცხადა ზელენსკიმ. მან ასევე აღნიშნა, რომ რამდენიმე დღეში “დასავლელ ინვესტორს“ უკრაინული პორტების მართვის უფლება...

„ეს არის იმ დიდი კამპანიის ნაწილი, რაც სებ-ის უფლებების განუსაზღვრელად ზრდას და ფინანსური ინსტიტუტების მკაცრად რეგულირებას მოიცავს“

„ეს არის იმ დიდი კამპანიის ნაწილი, რაც სებ-ის უფლებების განუსაზღვრელად ზრდას და ფინანსური ინსტიტუტების მკაცრად რეგულირებას მოიცავს“
access_time2020-01-24 10:45:27
საქართველოს პარლამენტმა ფინანსური გირავნობის, ურთიერთგაქვითვისა და დერივატივების შესახებ საკანონმდებლო პაკეტი დაამტკიცა. ეროვნული ბანკის ცნობით, ამ კანონის მიღებით ქართული კაპიტალის ბაზრის განვითარების ახალი ეტაპი იწყება, დერივატივები კომპლექსური ფინანსური ინსტრუმენტია და მისი გამოყენებით შესაძლებელია ფინანსური რესურსებისა და მასთან დაკავშირებული რისკების უკეთ მართვა. ახალი...

მმართველი გუნდის წევრები კორუფციის აღქმის ინდექსის შედეგებს არ იცნობენ

მმართველი გუნდის წევრები კორუფციის აღქმის ინდექსის შედეგებს არ იცნობენ
access_time2020-01-24 10:00:28
„სახელმწიფოს მიტაცება, ძალაუფლების კონცენტრაცია, ძლიერი პოლიტიკური გავლენა საკვანძო ინსტიტუტებზე და სასამართლოს არასაკმარისი დამოუკიდებლობა კვლავ გამოწვევად რჩება საქართველოს პოლიტიკური მთლიანობისთვის“, -ამ უმწვავეს შეფასებას „საერთაშორისო გამჭვირვალობის“ ბერლინის სამდივნოს მიერ გამოქვეყნებულ ანგარიშში ვკითხულობთ, რომლის მიხედვითაც ირკვევა, რომ  საქართველოს მონაცემები კორუფციის აღქმის ინდექსში  გასულ წელთან შედარებით სამი  ქულით...

ამოყირავებული მანქანების ინსტალაციები შსს-ს 40 ათას ლარამდე დაუჯდა, კამპანია #მეტისიცოცხლისთვის ნახევარ მილიონზე მეტი

ამოყირავებული მანქანების ინსტალაციები შსს-ს 40 ათას ლარამდე დაუჯდა, კამპანია #მეტისიცოცხლისთვის ნახევარ მილიონზე მეტი
access_time2020-01-23 20:25:56
2019 წლის აპრილში თბილისის რამდენიმე ადგილად გამოჩნდა დამტვრეული მანქანების ინსტალაციები, რომლის ავტორი და მიზანიც თავიდან “გასაიდუმლოებული” იყო. შსს ამბობდა რომ მათ შესახებ არაფერი იცოდა, მერია კი ერთ-ერთი სარეკლამო კამპანიის ნაწილად მიიჩნევდა. საბოლოოდ, ამოყირავებული და დაზიანებული მანქანები შინაგან საქმეთა სამინისტროს საგზაო უსაფრთხოებისადმი მიძღვნილი სოციალური კამპანიის ნაწილი აღმოჩნდა, რომელიც როგორც რადიო თავისუფლების მიერ შსს-დან გამოთხოვილი საჯარო ინფორმაციის მიხედვით ირკვევა, ჯამში...


მსგავსი სიახლეები

up