“დერეგულირება და გადასახადების შემცირება ეს არის ეკონომიკურად სწორი ნაბიჯი, დანარჩენი რასაც მთავრობა აკეთებს სოციალური პაკეტია, რომელსაც ჯანსაღ ეკონომიკურ გადაწყვეტილებასთან კავშირი არ აქვს.”-ასე აფასებს საქართველოს ეკონომიკისა და მდგრადი განვითარების მინისტრის ნათია თურნავას მთავრობის ანტიკრიზისული გეგმის ბიზნესის მხარდაჭერის პროგრამების შესახებ გამართულ  პრეზენტაციას,  ეკონომიკის ექსპერტი ზვიად ხორგუაშვილი.

ზვიად ხორგუაშვილი მიიჩნევს, რომ ყველაზე სწორი მიდგომა როდესაც საქმე ეხება სესხს, მცირე და საშუალო ბიზნესისთვის სესხების გამარტივება და ხარჯების შემცირებაა.

„ბიზნესისთვის ხარჯების შემცირება ყველაზე სწორი მიდგომაა. ასევე  მაქსიმალურად დერეგულირება საფინანსო და საბანკო სექტორს, მათთვის ლიკვიდურობის გაზრდა , სარეზერვო მოთხოვნების შემცირების  გზით. 

ისევ ბიზნესს რომ დავუბრუნდე, ბიზნესს სესხებზე ესაჭიროება დახმარება.

როდესაც ერთი ბიზნესი ფუნქციონირებს ნაკლები სესხით მეორე უფრო დიდით , ერთმანეთთან კონკურენციაში არიან და მთავრობა უფრო მეტ დახმარებას ერთ-ერთს სთავაზობს , რაც არასამართლიანი მიდგომაა.

ბიზნესში სახელმწიფოს მხრიდან,  კონკურენციაში ირიბად ჩარევა ხდება და ხელის შეშლა. ამიტომ ბევრად მნიაშვნელოვანია რომ პროცენტები და სხვა ტიპის საფინანსო ხარჯების შემცირება. რაც  მხოლოდ იმ შემთხვევაში მოხდება თუ მოიხსნება ის უარავი რეგულაცია რომელიც სახელმწიფომ დაუწესა საბანკო სექტორს.

მსგავსი შეზღუდვები  კორონავირუსის კრიზისამდე ხდებოდა და ახლა უფრო გართულდა მდგომარეობა.  ამიტომ მნიშვნელოვანია, სახელმწიფო ორივე მხარეს დაეხმაროს. ერთადერთი სწორი მიდგომა რეგულაციების შეებილებაა და ასევე როდესაც ბიზნესის სტიმულირებაზე ვსაუბრობთ, ესეთი ტიპის დახმარება არის მცირედი რადგან ბიზნესს უდგას ფუნქციონირების და დასაქმებოს პრობლემა. მათ დავეხმარებით მხოლდო გადასახადების შემცირებით,  რასაც სამწუხაროდ მთავრობა არ აკეთებს ან თუ აკეთებს ხდება დროებით გამოქვითვის ხარჯზე.“-აღნიშნა ხორგუაშვილმა.  

შეგახსენებთ, რომ საქართველოს ეკონომიკისა და მდგრადი განვითარების მინისტრი ნათია თურნავა მთავრობის ანტიკრიზისული გეგმის ბიზნესის მხარდაჭერის პროგრამების შესახებ პრეზენტაცია გამართა.

პრეზენტაციაზე წარდგენილი იყო დეტალური ინფორმაცია სამინისტროსა და მის სისტემაში შემავალი სტრუქტურული ქვედანაყოფების მიერ მთავრობის ანტიკრიზისული ეკონომიკური გეგმის თანახმად დაგეგმილი პროგრამების შესახებ. ყურადღება გამახვილდა ახალი კორონავირუსის პანდემიის გამო, საქართველოსა და მსოფლიოში არსებულ ეკონომიკურ პროგნოზებსა და შექმნილი კრიზისული ვითარებიდან გამოსვლის გზებსა და შესაძლებლობებზე. მათ შორის, ადგილობრივი წარმოების განვითარების მიზნით მთავრობის მიერ დაფინანსებულ სტიმულირების პროგრამებზე.

ნათია ლომიძე