„ამ გამოცდილებამ ჩემი ცხოვრება შეცვალა“ - ფულბრაიტის სტიპენდიანტი თათული ოქრიაშვილი

„ამ გამოცდილებამ ჩემი ცხოვრება შეცვალა“ - ფულბრაიტის სტიპენდიანტი თათული ოქრიაშვილი

access_time2020-05-28 11:00:32

საქართველოს ბანკისა და საქართველოში აშშ-ს საელჩოს მხარდაჭერით  ფულბრაიტის სამაგისტრო პროგრამაზე კონკურსის განაცხადების მიღება დაიწყო.   კონკურსში მონაწილეობის მსურველებს დაწვრილებითი ინფორმაციის მიღება შეუძლიათ  ამერიკის საელჩოს ვებგვერდზე. აპლიკაციების მიღება  2020 წლის 1 აგვისტოს, 18:00 საათზე დასრულდება. 

 

ფულბრაიტის სასტიპენდიო პროგრამა ითვალისწინებს აშშ-ის უნივერსიტეტების სამაგისტრო პროგრამაზე სწავლის სრულ დაფინანსებას. აშშ-ის სახელმწიფო დეპარტამენტთან ერთად ფულბრაიტის სამაგისტრო პროგრამის თანადამფინანსებელია საქართველოს ბანკი, განათლების საერთაშორისო ცენტრი და ჯორჯია კაპიტალი.


გთავაზობთ ფულბრაიტის სტიპენდიანტის თათული ოქრიაშვილის ინტერვიუს, სადაც ის ფულბრაიტის სტიპენდიის მოპოვების სირთულეებზე, ამერიკაში ვილამეტის უნივერსიტეტის MBA-ზე სწავლის პერიოდზე და სამაგისტრო პროგრამის მნიშვნელობაზე საუბრობს.

 

-რამდენად რთული იყო სტიპენდიის მოპოვება?

 

-საკმაოდ დიდი კონკურენციაა ფულბრაიტის სტიპენდიაზე, შესაბამისად რთული იყო ნამდვილად. ყველა პატარა დეტალს დიდი მნიშვნელობა აქვს თავდაპირველი აპლიკაციით დაწყებული და ინტერვიუთი დამთავრებული. პროცესი გრძელდება დაახლოებით ერთი წელი, და ეს მუდმივი მოლოდინის რეჟიმი ემატება სირთულეს.

 

-როგორ დაახასიათებდი სწავლის პროცესს.

 

-როგორც დაუსრულებელს მაგრამ ამავე დროს სასიამოვნოს. არ მახსოვს დღე როდესაც არ მქონდა რამე გასაკეთებელი, შაბათ-კვირის ჩათვლით. თუმცა როდესაც ესეთ რთულ რეჟიმში ხარ შემდეგ დასვენებას კიდევ უფრო დიდი ფასი აქვს და უფრო მეტად სასიამოვნოა. 

 

-რა გხიბლავს ყველაზე მეტად საზღვარგარეთ სწავლაში.

 

-ყველაზე მეტად მომწონს დამოუკიდებლობა. ეს თავიდან გაშორებს გარშემო მყოფების აზრებს და სრულად შეგიძლია საკუთარ თავზე კონცენტრირება. მიმაჩნია რომ საქართველოში თუნდაც მარტო ცხოვრობდე მაინც ვერ ახერხებ სრულად დამოუკიდებლად ყოფნას. სწავლების სტილს რაც შეეხება, ლექტორების მიდგომა სტუდენტების მიმართ არის სრულიად განსხვავებული. უმრავლესობას მიაჩნია რომ ჩვენ სტუდენტები ზრდასრული ადამიანები ვართ და სრულიად გვენდობიან საკუთარი თავისთვის გადაწყვეტილების მიღებაში. შედეგი არის ის რომ ვინც ნამდვილად სასწავლებლად არის პროგრამაში, ის მაქსიმუმს იღებს პროცესიდან. ასევე ყველა კურსი რაც მე მქონდა არის ორიენტირებული პრაქტიკული გამოცდილების მიღებაზე და არა თეორიის დაზეპირებაზე - რაც შეიძლება მეტი ქეისების განხილვა, სიმულაციები, რეალური კომპანიებისთვის სტრატეგიის შემუშავება და ა.შ. ერთ მაგალითს მოვიყვან: ერთ-ერთი experiential კლასის, Angel Investing, ნაწილი ვიყავი ერთი წლის განმავლობაში, რისთვისაც შეგვარჩიეს 12 სტუდენტი. კლასის იდეა არის ის რომ სტუდენტები გადაგვანაწილეს 6 სხვადასხვა Angel ინვესტორების ჯგუფებში და ყოველ თვე ვესწრებოდით მათ შეხვედრებს სხვადასხვა შტატებში. მე მაგალითად ყოველ თვე ლოს ანჯელესში მიწევდა მოგზაურობა ამ შეხვედრაზე დასასწრებად, სადაც ვუსმენდით რამოდენიმე ენტრეპრენორის ფიჩებს და უკან დაბრუნების შემდეგ კლასს წარვუდგენდით. კლასი განიხილავდა ამ სტარტაპებს და შემდეგ გადაწყვეტილებას ვიღებდით ინვესტიცია გაგვეკეთებინა თუ არა (რეალური ინვესტიცია, რომელიც უნივერსიტეტის Angel Fund-დან არის გამოყოფილი). ჩემმა კლასმა ერთ კომპანიაში გააკეთა ინვესტიცია და ახლა ერთი სული გვაქვს გავიგოთ რა შედეგს გამოიღებს წლების შემდეგ. მოგზაურობა რა თქმა უნდა უნივერსიტეტის მიერ იყო დაფინანსებული. ეს იყო ჩემი სწავლის პროცესის საუკეთესო გამოცდილება, რაც არცერთ სხვა უნივერსიტეტს არ აქვს ამერიკაში (და თუ არ ვცდები არც სხვა ქვეყანაში).  


 



-შენი აზრით, რა არის ყველაზე მნიშვნელოვანი რამ, რაც აქ სწავლისას შეიძინე.

 

-მეგობრები მსოფლიოს გარშემო, ლექტორები, რომლებთანაც აუცილებლად გავაგრძელებ კომუნიკაციას, და ზოგადად ნეთვორქი. დარწმუნებული ვარ რომ ამერიკაში რომ მომინდეს რაიმეს წამოწყება, ჩემი ნეთვორქის დამსახურებით ბევრად უფრო გამიმარტივდება ვიდრე აქ ჩამოსვლამდე. ასევე ბევრად უფრო დავაფასე ბევრი შრომის მნიშვნელობა და ამერიკამ დამარწმუნა იმაში რომ ნამდვილად არ აქვს საზღვარი შესაძლებლობებს. თუ სურვილი გაქვს და ასევე დროს და ენერგიას არ დაინანებ 100% გამოვა ის რისთვისაც იბრძვი. ასევე რომ ვადარებ ჩემს თავს აქ ჩამოსვლამდე დღის განმავლობაში რამდენი რამის მოსწრება შემეძლო და აქაური გამოცდილების შემდეგ რამდენი შემიძლია, საოცრად დიდ სხვაობას ვიღებ.  რაც იმას ნიშნავს რომ დროის სწორად გადანაწილებაც მასწავლა აქაურობამ. 

 

-იყო თუ არა რაიმე განსხვავება იმას შორის, რასაც მოელოდი და რაც რეალურად დაგხვდა.

 

-სიმართლე რომ ვთქვა ველოდი რომ ნაკლებად მეგობრული გარემო იქნებოდა, მაგრამ შევცდი. ბევრი ახლო მეგობარი შევიძინე ამ პერიოდის განმავლობაში. ასევე მეგონა რომ სწავლის პროცესი რთული იქნებოდა, მაგრამ ძალიან მალე მივეჩვიე ამ ტემპს. ასევე მეგონა არ არსებობდა ქალაქი საზოგადოებრივი ტრანსპორტის გარეშე, მაგრამ თურმე არსებობს, რაც ჩვეულებრივი ამბავია ამერიკაში. 

 

-სამი რამ, რაც უნდა იცოდე ამერიკაში ცხოვრება და სწავლა თუ გინდა.

  • ამერიკის ტემპი ძალიან ძალიან სწრაფია. თუ გინდა რომ ფეხი აუწყო, ბევრი უნდა იშრომო და მუდმივად იფიქრო თვით-განვითარებაზე („What doesn’t kill you, makes you stronger” პრინციპი შეესაბამება ამ გარემოს)
  • Networking, networking, networking! დასაქმება 80% რეფერალებით და „ნაცნობობით“ ხდება. თუ გინდა რომ ამერიკაში წარმატებას მიაღწიო, ეს ყოველდღიურად უნდა აკეთო. შესაბამისად კომფორტულად უნდა გრძნობდე თავს რომ უცხო ადამიანებს დაუკავშირდე და ესაუბრო მათ გამოცდილებაზე
  • იყავი ცნობისმოყვარე და არ შეგეშინდეს კითხვების დასმის. ჩემი გამოცდილებიდან გამომდინარე, ყველას უყვარს როცა დახმარება შეუძლიათ და დროს არ ზოგავენ ამაში. 

 

-გაქვს თუ არა უკვე რამე შემოთავაზებები ან გეგმები რას გააკეთებ სწავლის დასრულების შემდეგ.

 

-ვბრუნდები საქართველოში მაისის ბოლოს. ჯერჯერობით კონკრეტული გეგმები არ მაქვს, დასვენების გარდა. ამ პერიოდის განმავლობაში მინდა რომ საკუთარი სტარტაპის იდეაზე ვიმუშავო. 

 

-რა იყო შენთვის ყველაზე რთული, ამ ახალი ეტაპის დაწყებისას.

 

-აქ ჩამოსვლა და დაბინავება როდესაც არავინ არ მყავდა გარშემო. ბევრი ადამიანი გავიცანი ერთდროულად, რაც რთული მაგრამ ამავდროულად ძალიან საინტერესო იყო. 

 

-რას ურჩევდი მათ, ვისაც სტიპენდიის მოპოვება სურს.

 

-ზუსტად იცოდეთ რაზე და რატომ გინდათ სწავლა. ეცადეთ ესეებში story მოყვეთ თქვენს თავზე უფრო მეტად ვიდრე უბრალოდ ფაქტებზე ისაუბროთ. დაიმახსოვრეთ რომ ყველა დეტალს დიდი მნიშვნელობა აქვს. დაისახეთ მიზნად, იმუშავეთ ბევრი და არ დაიზაროთ დახმარების თხოვნა, თუ ეს საჭიროა მიზნის მისაღწევად.

 

ამ გამოცდილებამ შეცვალა ჩემი ცხოვრება და ძალიან დიდი მადლობა საქართველოს ბანკს ამ შესაძლებლობისთვის. მაქსიმუმს გავაკეთებ იმისთვის რომ საქართველოს სასიკეთოდ გამოვიყენო ეს ცოდნა.

 

ფულბრაიტის სამაგისტრო პროგრამა ღია კონკურსია, რომელსაც ადმინისტრირებას უწევს თბილისში აშშ საელჩო. ფულბრაიტის სტიპენდია წარმოადგენს აშშ-ის მთავრობის ერთ-ერთ ყველაზე პრესტიჟულ პროგრაგრამას მთელს მსოფლიოში.  პროგრამის კურსდამთავრებულებს შორის არიან სახელმწიფოთა ნობელის პრემიის ლაურეატები, სახლემწიფოთა ლიდერები და საერთაშორისო ორგანიზაციების ხელმძღვანელები. პროგრამაში მონაწილეობა შეუძლია საქართველოს ნებისმიერ მოქალაქეს.


(R)




დღის Top 10 საინტერესო ამბავი

 დღის Top 10 საინტერესო ამბავი
access_time2020-10-22 21:00:21
1. ბანკებზე თავდასხმის ქრონიკა საქართველოში   ბანკების ძარცვა ტექნოლოგიების ერაში ბევრს ყველაზე მოძველებულ კრიმინალურ აქტად მიაჩნევა, თუმცა ფინანსურ ინსტიტუტებზე შეიარაღებული თავდასხმა პლანეტის ერთერთ მთავარ გადაუჭრელ პრობლემად დღემდე რჩება....

22 ოქტომბერი - რეგიონში ქართული ლარი გამყარდა, თურქული ლირა გაუფასურდა

22 ოქტომბერი - რეგიონში ქართული ლარი გამყარდა, თურქული ლირა გაუფასურდა
access_time2020-10-22 18:10:25
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 22 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, კურსის ცვლილებამ 0.93 თეთრი შეადგინა, რის შედეგადაც ერთი...

Forbes: აშშ-ს იუსტიციის სამინისტრომ Google-ს უჩივლა

Forbes: აშშ-ს იუსტიციის სამინისტრომ Google-ს უჩივლა
access_time2020-10-22 20:00:48
აშშ-ს იუსტიციის სამინისტრომ Google-ის წინაამღდეგ სასამართლოში ანტიმონოპოლური სარჩელი შეიტანა.   უწყების აზრით, კორპორაცია ონლაინ-ძიების ბაზარზე ხელოვნულ მონოპოლიას აჩენს.   Google არის მსოფლიოს ერთ-ერთი უმდიდრესი კომპანია, რომლის საბაზრო ღირებულებაც 1 ტრლნ. დოლარია. ის თითქმის მონოპოლოსტია მილიარდობით ინტერნეტ-მომხმარებლისთვის, კომპანია ისეთ სერვისებს ფლობს, როგორც  Chrome,  YouTube, Google maps, Google translate და...

უნდა გახსნას თუ არა საზღვრები საქართველომ - PMC RESEARCH-ის შეფასებები

უნდა გახსნას თუ არა საზღვრები საქართველომ - PMC RESEARCH-ის შეფასებები
access_time2020-10-22 17:30:00
2020 წლის სამ კვარტალში, საერთაშორისო მოგზაურობიდან საქართველომ 499 მლნ დოლარის შემოსავალი მიიღო, ეს 81%-იანი დანაკლისია 2019 წლის ანალოგიურ მაჩვენებელთან შედარებით. PMC Research-ის ინფორმაციით, 2020 წლის სექტემბერში საერთაშორისო მოგზაურთა რიცხვი 94.2%-ით შემცირდა. აპრილის შემდეგ, 2019 წლის შესაბამის პერიოდთან შედარებით, ყოველ თვეში, მოგზაურების, ვიზიტორებისა და ტურისტების რაოდენობა 90%-ზე მეტად მცირდებოდა. კვლევაში მითითებულია, რომ COVID-19...

ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე

 ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე
access_time2020-10-22 17:00:34
დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის ამირან გამყრელიძის განცხადებით, კორონავირუსის გავრცელებასთან დაკავშირებით, ნოემბრის პროგნოზი ახლიდან გაკეთდება.   მისივე ინფორმაციით, აქამდე გაკეთებული პროგნოზის თანახმად, ვირუსის გავრცელების პიკი ნოემბრის შუა რიცხვებში დადგება და ამ პიკის დროს დღიურმა მაჩვენებელმა შესაძლოა 4-5 ათას შემთხვევას მიაღწიოს.   „პროგნოზირება ძალიან უმადური რამ არის. არ არსებობს არც ერთი...


მსგავსი სიახლეები

up