„ამ ეტაპზე კონკრეტული პრიორიტეტული საკითხების ჩამოთვლა არაპროფესიონალურად მიმაჩნია„ - რა გეგმა აქვთ პარლამენტის კომიტეტების ახალ თავმჯდომარეებს?

„ამ ეტაპზე კონკრეტული პრიორიტეტული საკითხების ჩამოთვლა არაპროფესიონალურად მიმაჩნია„ - რა გეგმა აქვთ პარლამენტის კომიტეტების ახალ თავმჯდომარეებს?

access_time2020-12-14 10:00:37

დღეს ახლადშეკრებილი პარლამენტის კომიტეტების პირველი სხდომა გაიმართება. კომიტეტები შეიმუშავებენ და დაამტკიცებენ დებულებებს..


11 დეკემბერს მე-10 მოწვევის პარლამენტის პირველი სხდომა გაიმართა. საქართველოს უახლეს ისტორიაში ეს პირველი ერთპარტიული პარლამენტის სხდომა იყო. სხდომაზე პარლამენტის წევრებმა საპარლამენტო კომიტეტების თავმჯდომარეები აირჩიეს, რომელთა ხელმძღვანელობით საკანონმდებლო ორგანოში საკომიტეტო სხდომების ფარგლებში განიხილება, ეკონომიკური, საფინანსო, საგარეო, აგრარული თუ სხვა საკითხები.


„კომერსანტი“ დაინტერესდა ახლადარჩეული პარლამენტის კომიტეტების თავმჯდომარეების საკანონმდებლო ხედვებით, რა იქნება პარლამენტის პრიორიტეტი მომდევნო 4 წლის მანძილზე? ...კოვიდკრიზისთან გასამკლავებლად? რა გამოწვევების წინაშე დგას საკანონმდებლო კუთხით დღეს სისტემა? ამ კითხვებით ეკონომიკური კომიტეტის ახალ თავმჯდომარეს დავით სონღულაშვილს მივმართეთ, რომელმაც საუბარში ხაზგასმით არაერთხელ აღნიშნა, რომ საზედამხედველო და საკანონმდებლო ფუნქციის მქონე პარლამენტის ეკონომიკურ კომიტეტი ასი პროცენტით მხარს დაუჭერს აღმასრულებელ ხელისუფლებას და მის მიერ მიღებულ ყველა გადაწყვეტილებას. რაც შეეხება გრძელვადიან ეკონომიკურ გეგმასა და პრიორიტეტებს, ამასაც აღმასრულებელ ხელისუფლებასთან ერთად შეიმუშავებს, რადგან სონღულაშვილის თქმით,  ცვალებად პერიოდში რთულია დაასახელო სად უჭირს ეკონომიკას.

 

„კომიტეტი საკანონმდებლო დონეზე აუცილებლად იქნება ყველა იმ რეფორმების მხარდამჭერი, რომელსაც აღმასრულებელი ხელისუფლება განახორციელებს, რათა იყოს სწრაფი ეკონომიკური ზრდა ქვეყანაში. კომიტეტი იქნება პლატფორმა ყველა იმ მწვავე საკითხებისთვის, რომლის განხილვაც იქნება საჭირო, რათა ადეკვატური პასუხები და ქმედებები მოჰყვეს პრობლემას,  რათა ხელი შეეწყოს ეკონომიკის სწრაფ ზრდას. ბოლომდე მხარდაჭერა ექნება აღმასრულებელ ხელისუფლებას, როგორც საკანონმდებლო ასევე საზედამხედველო ნაწილში.



ახლა იმდენად ცვალებადი გარემოა პანდემიის გამო, რომ ნიშნული საიდანაც რამე გამოწვევას უნდა გაუმკლავდე ყოველდღიურად იცვლება. ახლა რამე კონკრეტული პრიორიტეტული საკითხების ჩამოთვლა არაპროფესიული იქნება იმიტომ, რომ ასე სწრაფად ცვალებად გარემოში არასწორი მიმაჩნია შეფასებების გაკეთება. პირველი იქნება არსებული რეცესიიდან გამოსვლის გეგმა, შემდგომ 4 წლის გეგმა, რომელთაც მთავრობასთან ერთად შევიმუშავებთ,“ - განმარტავს დავით სონღულაშვილი.

 

საპარლამენტო კომიტეტის, როგორც საზედამხედველო ორგანოს მნიშვნელობას აგრარულ კომიტეტში უფრო უსვამენ ხაზს - კომიტეტის ახლადარჩეული თავმჯდომარე ნინო წილოსანი აღნიშნავს, რომ აგრარულ საქმეთა კომიტეტი გააკონტროლებს იმ სუბსიდირების პროგრამების აღსრულებას ფერმერებისთვის, რაც აღმასრულებელმა ხელისუფლებამ დააანონსა. რაც შეეხება სამომავლო პრიორიტეტებს - კომიტეტისთვის ესენია აგრარული განათლება და ევროპის ბაზარზე მეტი სასოფლო სამეურნეო პროდუქციით საქართველოს წარმოჩენა.

 

„ძალიან მნიშვნელოვან მიმართულებას ჩავუდექი სათავეში - პარლამენტის აგრარულ საკითხთა კომიტეტი, რომელიც საპარლამენტო საქმიანობის ფარგლებში განსაზღვრავს და ზედამხედველობას უკეთებს საქართველოს სოფლის მეურნეობის პრიორიტეტებს და პოლიტიკას. ეს არის უმნიშვნელოვანესი ქვეყნისთვის, რადგან  მოსახლეობის 40 პროცენტზე მეტი ცხოვრობს სოფლად და ისინი უშუალოდ არიან დაკავშირებული ამ სფეროსთან. ბოლო 6 წლის მანძილზე რომ უამრავი რამ გაკეთდა როგორც პროგრამულად, ასევე საკანონმდებლო ინიციატივების ნაწილში - მიწის დაკანონების მოწესრიგება ხორციელდება და ამ კუთხით საკანონმდებლო ჩარჩო კარგად დარეგულირდა.  თუმცა ვხედავთ , რომ უამრავი ინიციატივები გველოდება ასოცირების ხელშეკრულებიდან გამომდინარე, იქნება ეს სასურსათო უსაფრთხოება, თუ სხვა საკითხები, რომლის ვალდებულებაც აღებული გვაქვს. უნდა ვნახოთ,  რა  რესურსი არსებობს სოფლად მცხოვრები ადამიანებისთვის, რომ მათ უფრო მეტი დოვლათი შეიტანონ საკუთარ ოჯახებში.

 

ჩემი განსაკუთრებული პრიორიტეტი იქნება აგრარულ სექტორში განათლების დონის ამაღლება, სპეციალისტების მომზადება, აგრონომების ვეტერინარების პოპულარიზაცია, ასევე თავად ფერმერებში ცნობიერების ამაღლება. დღესდღეობით, ნამდვილად იკვეთება კვალიფიციური კადრების ნაკლებობა აგრარულ სექტორში და ამ მიმართულებით  ვაპირებთ განსაკუთრებული ძალისხმევის ჩადებას. ევროპის ბაზრის ასათვისებლად უნდა ვიცოდეთ, რა საკანონმდებლო თუ სხვა სახის ხარვეზები არსებობს ან რა კუთხით სჭირდებათ ფერმერებს დახმარება, რომ იმ სტანდარტებს აკმაყოფილებდნენ, რათა მათი პროდუქცია მოხვდეს ევროპის ბაზარზე . პანდემიის პირობებში ათმაგდება ის გამოწვევები, რაც სოფლის მეურნეობის გაძლიერების კუთხით არსებობს, შესაბამისად კომიტეტის ფარგლებში მოვისმენთ, როგორ შესრულდა ის სუბსიდირების პროგრამა, რაც დაანონსდა ხელისუფლების მიერ და ხომ არ ყოფილა ხარვეზები.“ - ამბობს ნინო წილოსანი.

 

დღის წესრიგით 14 დეკემბერს სხდომას გამართავს საფინანსო საბიუჯეტო კომიტეტი, საპროცედურო საკითხთა და წესების კომიტეტი, დიასპორისა და კავკასიის საკითხთა კომიტეტი, ჯანმრთელობის დაცვისა და სოციალურ საკითხთა კომიტეტი.


მარიამ მორგოშია




Samsung Galaxy A52 - პოპულარული საფასო სეგმენტის ყველაზე მოთხოვნადი სმარტფონი

Samsung Galaxy A52 - პოპულარული საფასო სეგმენტის ყველაზე მოთხოვნადი სმარტფონი
access_time2021-04-23 09:55:25
Galaxy A სერია წლების განმავლობაში ინარჩუნებს ყველაზე მოთხოვნადი და გაყიდვადი სმარტფონის სტატუსს სამსუნგის ბიუჯეტური მოდელების კატეგორიაში; დღეს მინდა დეტალურად გაგაცნოთ Galaxy A52, რომელიც სამსუნგმა 2021 წლის მარტში წარუდგინა მსოფლიოს;   Galaxy A52 აღჭურვილია თანამედროვე უსაზღვრო O ტიპის 6.5’’ ინჩიანი, FHD+ რეზოლუციის Super  AMOLED ეკრანით. A52-ის ეკრანის ყველაზე შთამბეჭდავი პარამეტრი მისი განახლების სიხშირეა. A52-ს 90 ჰერციანი ეკრანი აქვს და გადმოსცემს დინამიურ და გლუვ...

ტვირთბრუნვის 7.3%-იანი ზრდის მიუხედავად საქართველოს რკინიგზა პოტენციალის მხოლოდ 1/3-ს იყენებს

ტვირთბრუნვის 7.3%-იანი ზრდის მიუხედავად საქართველოს რკინიგზა პოტენციალის მხოლოდ 1/3-ს იყენებს
access_time2021-04-23 10:00:58
დიდი ვარდნის შემდეგ საქართველოში სარკინიგზო გადაზიდვებში ზრდა ფიქსირდება. 2021 წლის პირველ კვარტალში რკინიგზით 2.917 მლნ ტონა ტვირთი გადაიზადა, რაც გასული წლის ანალოგიურ პერიოდთან შედარებით 7.3%-ით მეტია. კიდევ უფრო მეტად, 14%-ით 86.9 მლნ-მდე გაიზარდა სატვირთო გადაზიდვებით მიღებული შემოსავალი. 2012 წელს რკინიზის ტვირთბრუნვა 20.1 მლნ ტონას შეადგენდა. 2018 წელს ის 10 მლნ ტონამდე შემცირდა. 2019 წელს 8 წლიანი მუდმივი კლების შემდეგ ბრუნვა 8%-ით 10.8 მლნ ტონამდე...

Reuters - მსოფლიომ შესაძლოა მშპ-ს მეხუთედი დაკარგოს - კვლევა

Reuters - მსოფლიომ შესაძლოა მშპ-ს მეხუთედი დაკარგოს - კვლევა
access_time2021-04-22 20:00:21
გლობალურმა ეკონომიკამ შესაძლოა 2050 წლისთვის მსოფლიოს შემოსავლების მეხუთედი დაკარგოს, თუ კლიმატის ცვლილების შესწავლის პროგრამამ კრახი განიცადა. განსაკუთრებული რისკის ქვეშ აზია იმყოფება - კვლევა  Swiss Re-მ გამოაქვეყნა.   მოხსენება, რომელიც ინსტიტუტმა გაავრცელა, ხაზს უსვამს, რომ შემოსავალი შესაძლოა 18 პროცენტით დაბალი იყოს ვიდრე მსოფლიოში, სადაც კლიმატის ცვლილება არაა მოსალოდნელი.   აღმოჩნდა, რომ თუ პარიზის შეთანხმების...

რუსეთ-ჩეხეთის კრიზისი - დააწესებს თუ არა რუსეთი ჩეხურ ლუდზე ემბარგოს?!

რუსეთ-ჩეხეთის კრიზისი - დააწესებს თუ არა რუსეთი ჩეხურ ლუდზე ემბარგოს?!
access_time2021-04-22 19:00:26
რუსეთის ფედერაციის საზოგადოებრივი პალატის „ფხიზელი რუსეთის“ წევრმა სულთან ჰამზაევმა რუსული რადიოსადგურის ეთერში ჩეხური ლუდის აკრძალვის აუცილებლობაზე ისაუბრა, ეს ყველაფერი კი ჩეხეთის ქმედებების პასუხად.   მისი აზრით ასეთ შემხთევვაში ჩეხეთის პოლიტიკური ჯგუფები გაიაზრებენ, რომ მათი განცხადებები შეიძლება ეკონომიკური შედეგების მომტანი იყოს მთელი ქვეყნისთვის. ჰამზაევის თქმით, რუსები შეძლებენ სასმლის გარეშე არსებობას , ხოლო აკრძალვა კი მოსახლეობაში ალკოჰოლის პოპულარობას...

22 აპრილი - რეგიონში თურქული ლირა ყველაზე მეტად გაუფასურდა

22 აპრილი - რეგიონში თურქული ლირა ყველაზე მეტად გაუფასურდა
access_time2021-04-22 18:15:54
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 22 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 22 აპრილის ვაჭრობის შედეგად (რომლის ოფიციალური კურსი 23 აპრილისთვისაა) ეროვნული...


მსგავსი სიახლეები

up