პოლიტიკური პარტია „ლელო საქართველოსთვის“ ერთ-ერთი ლიდერი ბადრი ჯაფარიძე მიმართვას ავრცელებს, რომელსაც „კომერსანტი“ უცვლელად გთავაზობთ: „ვალუტის კურსზე მოქმედებს რამდენიმე გარემოება, ერთია ობიექტური, მეორე წმინდა ფსიქოლოგიური ფაქტორი, მოლოდინი.
ჩვენს მიერ გაჟღერებულ ინიციატივაში სწორედ ამაზეა საუბარი, რომ ლარის რყევა, იქნება ეს ერთი მიმართულებით თუ მეორე მიმართულებით, არის დამაზიანებელი.
ამიტომ შევთავაზეთ, ეროვნულ ბანკს და ხელისუფლებას, ამ პერიოდში როდესაც ასეთი გაურკვევლობაა, როდესაც ადამიანები არიან სახლებში გამოკეტილები, ეკონომიკა გაჩერებული. უნდა ვაღიაროთ რომ მყარი ვალუტის შემოდინება ქვეყანაში მკვეთრად შემცირდა და ეს ტენდენცია გაგრძელდება რაღაც პერიოდში. ამ დროს აუცილებლად უნდა დაწესებულიყო 3 თვით ე.წ. საკურსო დერეფანი.
რაც ნიშნავს, რომ იქნება განსაზღვრული ზედა და ქვედა ზღვარი. ეკონომიკურ აგენტებსა და მოთამაშეებს ეცოდინებათ, რომ ამ საზღვრებს ლარი არ გასცდება. ამით თავს ავარიდებთ ვალუტის პანიკურ მოთხოვნას.“-აცხადებს ბადრი ჯაფარიძე.