„ამ ბიჭებს ძეგლი უნდა დავუდგათ“ - ბატიაშვილის უწყების ექსპერტი ფილარმონიის მმართველებზე

„ამ ბიჭებს ძეგლი უნდა დავუდგათ“ - ბატიაშვილის უწყების ექსპერტი ფილარმონიის მმართველებზე

access_time2019-03-26 20:15:20

საქართველოს განათლების, მეცნიერების, კულტურისა და სპორტის სამინისტროს დარგის ექსპერტის კახა კანდელაკის აზრით, ეკონომიკის სამინისტრომ ფილარმონიის მმართველ კომპანიას დაგროვილი დავალიანება უნდა გადაუნაწილოს.


ამის შესახებ კანდელაკმა bm.ge-ის თბილისის სახელმწიფო საკონცერტო დარბაზის მმართველი კომპანიის შპს „ინტერნეიშენალ ივენთსის“ მიერ სახელმწიფოს მიმართ დაგროვილი დაახლოებით, 3 მლნ ლარის დავალიანების თემის კომენტირებისას განუცხადა, რის გამოც კომპანიასთან ხელშეკრულების გაწყვეტის საკითხი დღის წესრიგში დადგა, მაგრამ ეკონომიკის სამინისტროს საბოლოო გადაწყვეტილება, ჯერ არ მიუღია.


მიუხედავად იმისა, რომ კახა კანდელაკი სახელმწიფოს წარმოადგენს, ის ფიქრობს, რომ „ინტერნეიშენალ ივენთს“, რომელმაც ფილარმონიის 49 წლით მართვის ვალდებულება 2007 წელს აიღო, ხელშეკრულება არ უნდა შეუწყდეს.

„ფილარმონიის კერძო კომპანიისთვის მართვაში გადაცემა, თავიდანვე სახელმწიფო ინტერესს წარმოადგენდა, რადგან სახელმწიფო ვერ უვლიდა დარბაზს - ნახევარი მეტრი სიმაღლის წყალი იდგა, სკამზე ვერ დაჯდებოდი, „საუნდი“ საშინელი იყო, რაღაცეებს ყიდდნენ შიგნით, ყველა კვადრატულ მეტრზე ვიღაცა ქურდი იდგა... საშინელება ხდებოდა და რაც მთავარია, გათბობა-გაგრილების სისტემა საერთოდ არ იყო და კონცერტებს ვერც ზაფხულში და ვერც ზამთარში ვერ ატარებდნენ, მარტო შემდოგომაზე იყო საშუალება... ამ სიტუაციაში კერძო ინვესტორმა აიღო დარბაზის მართვა საკუთარ თავზე, გაარემონტა, ჩადო ინვესტიცია, პლიუს კიდევ ფართები ქირავდება შიგნით, იქიდან დღგ-ს გადასახადსაც ხომ იხდის და ბიუჯეტში შეაქვს, რაღაცეები ხომ არის კიდევ, სხვა პლიუსები და ჯამში, სახელმწიფო მოგებაზეა“, - განაცხადა კანდელაკმა.


ჟურნალისტის რეპლიკაზე - „წლების განმავლობაში ფილარმონიის მმართველი ვერ იხდიდა მართვის საზღაურს, რის გამოც ჯამში, 3 მლნ ლარამდე დავალიანება დაუგროვდა სახელმწიფოს წინაშე“, მიხეილ ბატიაშვილის უწყების დარგის ექსპერტმა აღნიშნული ობიექტური ფაქტორებით ახსნა.



„ეგ კი ვიცი, მაგრამ 18 მინისტრი გამოიცვალა, თავიდანვე იყო... უფრო კარგად გეტყვით გირგი კერსელიძე (გიორგი კერესელიძეა ფილარმონიის დირექტორია) მოტყუებით იყო ერთი ნული მიწერილი. წარმოიდგინეთ, ამხელა რაღაცა გაურემონტე სახელმწიფოს, რომელსაც კაპიკი ფული არ უჯდება, 120 კაცი დაუსაქმე, იმათ ხლეფასს აძლევ, უვლი და თან იცით, შოუბიზნეის როგორ არის? - პატარა მიტინგი როცა არის, არავის ეკონცერტება; ეს რომ პური და წყალი იყოს, მიხვალ და იყიდი, აქ კი, ხომ კონცერტებზე არავინ დადის?! ზოგჯერ საპარლამენტო არჩევნები რომ არის, ისე დასცხებენ მეზობლები ერთმანეთს, არ ელაპარაკებიან და კონცერტების ბილეთებს იყიდნენ?... 2008 წლის ომის მერე საერთოდ არავის ეკონცერტებოდა, მერე რაღაც მოხდა, მერე ის მოხდა, მერე კიდევ ის მოხდა, მერე არჩევნები იყო, მერე მთავრობა შეიცვალა და როცა სულ რაღაც ხდება, ეს ყველაზე მეტად ურტყამს კონცერტებს; ასე რომ, ეს ბიზნესი არასტაბილურია, დარბაზი რთულად შესანახია და ამიტომ ახლა ეს ბიჭები ამას აკეთებენ და მე მგონი, მათ იქით ძეგლი უნდა დავუდგათ ისეთ მაგარ რაღაცას აკეთებენ, თან მით უმეტეს, თვითმფრინავებს ეგენი არ ყიდულობენ და მილიონერები ეგენი არ არიან; პლიუს გადასახადი რომ დააწესა ზურაბ ნოღაიდელმა, ისეთი სიტუაცია იყო, რომ ძალით მოაწერინეს ხელი იმ პერიოდში... წარმოიდგინეთ - გაარემონტებინეს თან სახელმწიფოს საკუთრებაში არსებული დარბაზი და უთხრეს, კიდევ მომეცი ზემოდან წლიურად 250,000 ლარი მართვის საზღაურიო. რატომ მოაწერეს ასეთ კონტრაქტს ხელი? - არ მოაწერდით და... ხომ იცით, როგორც იყო მაშინ. ეჩქარებოდათ დარბაზის გარემონტება - აბა ბიჭებო ჩქარა გააკეთეთ და ზეგ მოგიხსნით ყველა ვალდებულებასო; მერე მეორე მინისტრი მოვიდა - ამას მე ვერ ავიღებ ჩემს თავზეო და ასე 18 მინისტრი დაჰპირდა ფილარმონიის მმართველებს საზღაურის შემცირებას და დღემდე მოვიდნენ ასე“, - აღნიშნა კანდელაკმა.


ის მიიჩნევს, რომ თბილისის საკონცერტო დარბაზის მმართველ კომპანიას დაგროვილი დავალიანება უნდა გადაუნაწილონ.


„ვთქვათ, „ინტერნეიშენალ ივენთსს“ ჩამოართვეს ფილარმონია, მერე სახელმწიფო რას იზამს? ის გადასახდელი დავალიანებაც ხომ დაიკარგება?! მაგათ კი არა მილიარდერებს გადაუვადეს სასტუმროებს რომ ვერ აშენებდნენ და რა მოხდა?! ნელ-ნელა გადაიხდიან, ჩვეულებრივი ამბავია. ეკონომიკის სამინისტრო ყველას ეხმარება, კი არ უნდა მოკლას, პირიქით უნდა გააცოცხლოს და თუ გადაუნაწილებენ 8-9 წელზე ისინიც ნელ-ნელა გადაიხდიან, რაც გადასახდელი არ არის „დაჟე“, მაგრამ მაინც გადაიხდიან და რა ჰგონია ხალხს, რომ ეს რომ სახელმწიფოს გადაეცეს, ხომ დააწვება ამის შენახვა სახელმწიფოს? ან ვინმეს ჰგონია, რომ სახელმწიფოს მართვაში თუ იქნება დარბაზი, იქ უფასოდ შეუშვებენ ქართველ მომღერლებს? სახელმწიფოსია ოპერის თეატრი, მაგრამ იქ შესვლა და ღონისძიების ჩატარება 35,000 ლარი ღირს. 500 ლარად რატომ ვერ შედიან?! მაგას კი არ ფიქრობენ...“, - განაცხადა კახა კანდელაკმა.


შეგახსენებთ: დღეს გახდა ცნობილი, ევგენი მიქელაძის სახელობის საქართველოს ეროვნულმა/ფილარმონიულმა ორკესტრმა საქართველოს პრემიერ-მინისტრ მამუკა ბახტაძეს, განათლების, მეცნიერების, კულტურისა და სპორტის მინისტრ მიხეილ ბატიაშვილს და ეკონომიკისა და მდგრადი განვითარების მინისტრ გიორგი ქობულიას მიმართა და ფილარმონიის გადაცემა ითხოვა.


ცნობისთვის: ამჟამად, ფილარმონიის მმართველი კომპანია „ინტერნეიშენალ ივენთსია“, რომელიც დარბაზს 2007 წლიდან 49-წლიანი იჯარით მართავს.

ოფიციალური ინფორმაციით, ამ დროისთვის დარბაზს სახელმწიფოს წინაშე 3,115,146 ლარის და $177,102 დოლარის დავალიანება ერიცხება.

2019 წლის 18 იანვარს ფილარმონიის მმართველმა ეკონომიკის მინისტრ გიორგი ქობულიას წერილით მიმართა, რომელშიც დავალიანება 9 წელზე გადანაწილებას სთხოვს. სამინისტროს საბოლოო გადაწყვეტილება ჯერ არ მიუღია.


bmg.ge





მამუკა ხაზარაძე: „პროკურატურამ ჩემი და ბადრი ჯაფარიძის ყველა საბანკო ანგარიში დააყადაღა“

მამუკა ხაზარაძე: „პროკურატურამ ჩემი და ბადრი ჯაფარიძის ყველა საბანკო ანგარიში დააყადაღა“
access_time2019-08-20 20:34:59
თიბისი ბანკის დამფუძნებელი მამუკა ხაზარაძე სოციალურ ქსელში პოსტს აქვეყნებს, რომელსაც „კომერსანტი“  უცვლელად გთავაზობთ: „დღეს პროკურატურის მოთხოვნით და სასამართლოს განჩინებით მოხდა ჩემი და ბადრი ჯაფარიძის ყველა საბანკო ანგარიშის დაყადაღება. ეს ქმედება ემსახურება მხოლოდ ერთ მიზანს, რომ მოხდეს ჩვენს მიერ დაანონსებული საზოგადოებრივი მოძრაობის და ყველა მიმდინარე დასაფინანსებელი საქველმოქმედო და ბიზნეს...

“ესტონეთი არის ყველაზე მდიდარი პოსტსაბჭოთა ქვეყანა“ - რა შეიცვლა ესტონეთში დამოუკიდებლობის აღდგენიდან 28 წლის შემდეგ - გიორგი ქადაგიძის პოსტი

“ესტონეთი არის ყველაზე მდიდარი პოსტსაბჭოთა ქვეყანა“  -  რა შეიცვლა ესტონეთში დამოუკიდებლობის აღდგენიდან 28 წლის შემდეგ - გიორგი ქადაგიძის პოსტი
access_time2019-08-20 19:30:07
1991 წლის 20 აგვისტოს, საღამოს 11 საათზე ესტონეთმა საბჭოთა კავშირისგან დამოუკიდებლობის აღდგენა გამოაცხადა — რა შეიცვალა 28 წლის შემდეგ —  ეროვნული ბანკის ყოფილი პრეზიდენტის გიორგი ქადაგიძის facebook  პოსტს უცვლელად გთავაზობთ: ესტონეთი არის ყველაზე მდიდარი პოსტსაბჭოთა ქვეყანა (საქართველოზე 3-ჯერ მდიდარი). 2. ესტონეთი არის...

“კომერსანტის“ ბიზნეს მიმომხილველი ჯაბა დიხამინჯია: კომპანია ROKU. Inc-ის აქციები ნებისმიერი ინვესტორის პორტფელში უნდა არსებობდეს

“კომერსანტის“ ბიზნეს მიმომხილველი ჯაბა დიხამინჯია: კომპანია ROKU. Inc-ის აქციები ნებისმიერი ინვესტორის პორტფელში უნდა არსებობდეს
access_time2019-08-20 20:00:21
მოგესალმებით. დღეს მინდა ვისაუბრო კომპანიაზე, რომლის აქციებიც შევიძინეთ 2017 წლის 21 ნოემბერს. აქციების შეძენა მოხდა $38 დოლარად. ამ დროისთვის კომპანიის აქციის ფასია $131 დოლარი. რაც ინვესტირებული თანხის 240%-იან ზრდას შეადგენს. მე JDinvestment-ის პორტფელში ამ დროსითვის რამოდენიმე კომპანიის აქცია მაქვს მფლობელობაში. მათ შორის არის კომპანია...

კომპანია China Railway 23rd Bureau Group Co-მ , რომელსაც ტენდერებში მონაწილეობა მსოფლიო ბანკმა აუკრძალა, 2017 წელს 129,843,076 ლარის შემოსავალი მიიღო

კომპანია China Railway 23rd Bureau Group Co-მ , რომელსაც ტენდერებში მონაწილეობა მსოფლიო ბანკმა აუკრძალა, 2017 წელს 129,843,076 ლარის შემოსავალი მიიღო
access_time2019-08-20 18:30:57
კომპანია China Railway 23rd Bureau Group Co, რომელსაც მსოფლიო ბანკმა ტენდერებში მონაწილეობა დროებით აუკრძალა, საქართველოში სხვადასხვა პროექტთან ერთად, ქვეშეთი-კობის საავტომობილო გზის 13 კმ-იან მონაკვეთს ააშენებს. გამარჯვებული კომპანია სწორედ ტენდერის შედეგად გამოვლინდა, თუმცა, როგორც საავტომობილო გზების დეპარტამენტის თავმჯდომარე აცხადებს, ეს იქამდე მოხდა, ვიდრე მას ტენდერებში მონაწილეობა აეკრძალებოდა. ცნობისათვის, მსოფლიო ბანკმა საქართველოს მთავრობის ერთ-ერთ უმსხვილეს...

სილქროუდ ჯგუფის განცხადება „ბათუმი რივიერასთან“ დაკავშირებით: ვაცხადებთ სრულ მზადყოფნას, ნებისმიერი დამატებითი ინფორმაციის გასაცემად

სილქროუდ ჯგუფის განცხადება „ბათუმი რივიერასთან“ დაკავშირებით:  ვაცხადებთ სრულ მზადყოფნას, ნებისმიერი დამატებითი ინფორმაციის გასაცემად
access_time2019-08-20 16:30:56
  პროექტ „ბათუმი რივიერასთან“ დაკავშირებით სილქროუდ ჯგუფი ავრცელებს საჯარო განცხადებას. “კომერსანტი გთავაზობთ ტექსტს უცვლელად: „რივიერას ტერიტორიაზე დაგეგმილ მშენებლობასთან დაკავშირებით უკვე ჩატარდა 8 საჯარო განხილვა, რაც უპრეცედენტო შემთხვევაა საქართველოში განხორციელებული თუ დაგეგმილი პროექტებისთვის. ჩვენ ყველა დაინტერესებულ მხარეს მივაწოდეთ ამომწურავი ინფორმაცია და მოვისმინეთ მათი პოზიცია. სამწუხაროდ, ბოლო რამდენიმე შეხვედრა...


მსგავსი სიახლეები

up