საქართველოს ფინანსთა ექსმინისტრი საჯარო ფინანსების მართვის საერთაშორისო კონსორციუმის ვიცე-პრეზიდენტად აირჩეს

საქართველოს ფინანსთა ექსმინისტრი საჯარო ფინანსების მართვის საერთაშორისო კონსორციუმის ვიცე-პრეზიდენტად აირჩეს

access_time2022-02-02 16:00:38

პოლიტიკისა და მართვის კონსალტინგ ჯგუფის (PMCG) დამფუძნებელი, საქართველოს ყოფილი ფინანსთა მინისტრი ალექსი ალექსიშვილი საჯარო ფინანსების მართვის საერთაშორისო კონსორციუმის (ICGFM) პროგრამების ვიცე-პრეზიდენტად აირჩეს. ამის შესახებ ინფორმაციას PMCG ავრცელებს. საკონსულტაციო კომპანიის განცხადებაში ნათქვამია, რომ ICGFM წამყვანი საერთაშორისო ორგანიცაა, რომელიც აერთიანებს სამთავრობო უწყებებს, საერთაშორისო საფინანსო ინსტიტუტებს, საკონსულტაციო ჯგუფებს, პროფესიულ ასოციაციებს, უნივერსიტეტების ფაკულტეტებსა და ფინანსური მენეჯმენტის მაღალი დონის პროფესიონალებს, რომლებიც ფინანსური მენეჯმენტის გაუმჯობესებით არიან დაკავებული.

 

„ჩემთვის დიდი პატივია ICGFM  პროგრამების ვიცე-პრეზიდენტად არჩევა. სასიამოვნოა, რომ მექნება შესაძლებლობა ამ პლატფორმის ნაწილი გავხდე და განვავითარო ფინანსური მენეჯმენტი ინფორმაციის გაცვლით და შესაძლებლობების მიწოდებით. ჩვენ პოლიტიკისა და მართვის კონსალტინგ ჯგუფში სხვადასხვა ქვეყანაში მუშაობით საჯარო ფინანსების მენეჯმენტის სფეროში მრავალფეროვანი პორტფელი დავაგროვეთ. ვაგრძელებთ სახელმწიფოების მხარდაჭერას, რათა შეიმუშაონ პოლიტიკის ჩარჩოები და საჯარო ფინანსების მართვის თანამედროვე სისტემები“, - განაცხადა ალექსი ალექსიშვილმა.

 


PMCG-ს  ინფორმაციით,  15 წლის განმავლობაში, პოლიტიკისა და მართვის კონსალტინგ ჯგუფმა საერთაშორისო დონეზე წვლილი შეიტანა ანგარიშვალდებულების, გამჭვირვალობისა და კარგი მმართველობის ამაღლებაში. მსოფლიოს მასშტაბით სახელმწიფოებს ეხმარება უახლესი მეთოდოლოგიებითა და ინოვაციურ მიდგომებით განავითარონ საჯარო ფინანსების მართვის სისტემები, რომელიც თანამედროვე საინფორმაციო და საკომუნიკაციო ტექნოლოგიებზეა დაფუძნებულია. ეს ყველაფერი უზრუნველყოფს სახელმწიფო ფინანსების მდგრად, ეფექტურ და გამჭვირვალე მართვას.

 

განაცხადებში ნათქვამია ისიც, რომ ალექსიშვილს საჯარო ფინანსების მართვაში განსაკუთრებული ცოდნა აქვს დაგროვებული. როგორც ხელისუფლების მაღალჩინოსანსა და მრჩეველს მას აქვს 20 წლიანი გამოცდილება საჯარო ფინანსებისა და ეკონომიკური განვითარების პოლიტიკაში. PMCG-ს  ინფორმაციით,  ის არის საქართველოში გატარებული უმნიშვნელოვანესი რეფორმების ერთ-ერთი წამყვანი არქიტექტორი, რა დროსაც ის მუშაობდა ეკონომიკისა (2004-2005) და ფინანსთა (2005-2007 )მინისტრად. საჯარო ფინანსების მართვისა და ბიზნესგარემოს გაუმჯობესების მიზნით ის კონსულტაციებს ასევე უწევდა  სხვადასხვა ქვეყნის მთავრობებს როგორებიც არიან ალბანეთი, მონღოლეთი, კოსოვო, მოზამბიკი, ერაყი, მოლდოვა, ყირგიზეთი, იორდანია და სხვები.





ნოემბერში მარცვლეულის მსოფლიო ფასები 1,3%-ით შემცირდა - გაეროს

ნოემბერში მარცვლეულის მსოფლიო ფასები 1,3%-ით შემცირდა - გაეროს
access_time2022-12-03 19:30:40
მარცვლეულის მსოფლიო ფასი ნოემბერში 1,3%-ით დაეცა. ამის მიზეზია შავი ზღვაზე „მარცვლეულის შეთანხმების“ ინიციატივის გაგრძელება.   შავი ზღვის გავლით მარცვლეულის ექსპორტის შეთანხმება 120 დღით გახანგრძლივდა ამის შესახებ გაერო-ს სურსათისა და სოფლის მეურნეობის ორგანიზაციის (FAO) მთავარმა ეკონომისტმა მაქსიმო ტორერომ ბრიფინგზე განაცხადა.   „მარცვლეულის ფასის ინდექსი 1,3%-ით დაეცა. ნოემბერში კლება განპირობებულია შავი ზღვის მარცვლეულის ინიციატივის...

შუა დერეფანი „მწვანე“ და ელექტრონულ სატრანსპორტო მარშრუტად გადაიქცევა

შუა დერეფანი „მწვანე“ და ელექტრონულ სატრანსპორტო მარშრუტად გადაიქცევა
access_time2022-12-03 20:00:58
სამომავლოდ, შუა დერეფნის (ტრანსკასპიური საერთაშორისო სატრანსპორტო მარშრუტი) „მწვანე“ და ელექტრონულ სატრანსპორტო მარშრუტად გადაქცევა იგეგმება. ამის შესახებ ჟურნალისტებს ბაქოს საერთაშორისო საზღვაო სავაჭრო პორტის გენერალურმა დირექტორმა ტალეჰ ზიადოვმა განუცხადა.   მისი თქმით, უახლოეს 10 წელიწადში შუა დერეფანი შესაძლოა, აღმოსავლეთისა და დასავლეთის დამაკავშირებელი მთავარი რგოლი გახდეს.   მისივე თქმით „მწვანე კონცეფცია“ ათ წელიწადში უფრო მეტად აქტუალური...

მეცნიერები C ჰეპატიტის ვაქცინის შექმნას ერთი ნაბიჯით მიუახლოვდნენ

მეცნიერები C ჰეპატიტის ვაქცინის შექმნას ერთი ნაბიჯით მიუახლოვდნენ
access_time2022-12-03 19:00:47
C ჰეპატიტის ვირუსი (HCV) ყოველწლიურად 70 მილიონზე მეტ ადამიანს აინფიცირებს და დაახლოებით 400 000-ს კლავს. ვირუსი ღვიძლის ქრონიკულ ინფექციას იწვევს და უფრო მძიმე შემთხვევებში შეიძლება ღვიძლის ქსოვილის ნაწიბურების წარმოქმნა ან კიბოც კი გამოიწვიოს, წერს Inverse-ი.   ამჟამად HCV-ის შედეგად გამოწვეული ინფექციების მკურნალობა შესაძლებელია, მაგრამ ძვირია და პაციენტს ხელახალი...

2021 წელს თხილის ექსპორტით მიღებულმა შემოსავალმა 115 მლნ აშშ დოლარს გადააჭარბა

2021 წელს თხილის ექსპორტით მიღებულმა შემოსავალმა 115 მლნ აშშ დოლარს გადააჭარბა
access_time2022-12-03 15:30:31
  „თხილი ერთ-ერთი აგროკულტურაა, რომლის მასშტაბური წარმოების და ექსპორტის პოტენციალიც საქართველოს აქვს. 2021 წელს თხილის ექსპორტით მიღებულმა შემოსავალმა 115 მლნ აშშ დოლარს გადააჭარბა. ექსპორტის უდიდესი წილი ევროკავშირის ქვეყნებზე მოდის. სახელმწიფო აქტიურად აგრძელებს ხარისხიანი ქართული თხილის წარმოების მხარდაჭერას არაერთი ღონისძიებით, მათ შორისაა თხილის წარმოების ხელშემწყობი ახალი პროგრამა, რომლის განხორციელების მიზანია, ქართული თხილი იყოს ხარისხიანი და კონკურენტუნარიანი,...

მკვლევრები ქმნიან რობოტებს, რომლებიც საკუთარი თავის შექმნას შეძლებენ

მკვლევრები ქმნიან რობოტებს, რომლებიც საკუთარი თავის შექმნას შეძლებენ
access_time2022-12-03 17:30:45
MIT-ის ბიტებისა და ატომების ცენტრის მკვლევრები ამბიციურ პროექტზე მუშაობენ - ქმნიან რობოტებს, რომლებიც საკუთარი თავის შექმნას შეძლებენ. ამის შესახებ techcrunch-ი წერს. მეცნიერები აღიარებენ, რომ ავტონომიური თვითმშენებლობის რობოტის შექმნამდე ჯერ კიდევ წლები სჭირდებათ, მაგრამ სამუშაომ ჯერ-ჯერობით დადებითი შედეგები...


მსგავსი სიახლეები

up