ალექსანდრე ძნელაძე - ბანკები სხვადასხვა ბიზნესსექტორის წარმომადგენლებს რესტრუქტურიზაციას მათთვის ხელსაყრელი გრაფიკით შესთავაზებენ

ალექსანდრე ძნელაძე - ბანკები სხვადასხვა ბიზნესსექტორის წარმომადგენლებს რესტრუქტურიზაციას მათთვის ხელსაყრელი გრაფიკით შესთავაზებენ

access_time2020-10-26 12:00:00

პანდემიის გამო, ყველაზე მოწყვლადი სექტორებისთვის ბანკებმა რესტრუქტურიზაციებთან დაკავშირებით უკვე განაცხადეს მზაობა, რომ ყველასთან იმუშავებენ ინდივიდუალურად და შესთავაზებენ რესტრუქტურიზაციებს იმ გრაფიკებით, რა გრაფიკებიც მათთვის იქნება ხელსაყრელი, – ამის შესახებ საქართველოს პირველ არხს „ბანკების ასოციაციის“ პრეზიდენტმა, ალექსანდრე ძნელაძემ განუცხადა.



ამასთან ძნელაძის თქმით, სესხების საყოველთაო გადავადება არ იგეგმება.



„რეალურად, აღარ იქნება ერთიანი საყოველთაო გადავადება, რაც იყო წინა პერიოდში შეთავაზებული. მაგრამ მონიტორინგი კეთდება ინდივიდუალურად, უკვე მიდის კლიენტებთან მუშაობა და ხდება რესტრუქტურიზაციები.



პრემიერ-მინისტრმა დაავალა ბიზნესომბუდსმენის აპარატს აღნიშნული მიმართულებით მუშაობის გაგრძელება. ჩვენც ვაგრძელებთ მუშაობას იმ პრობლემების იდენტიფიცირებაზე, რა პრობლემებიც შეიძლება არსებობდეს რესტრუქტურიზაციების დროს. ასევე გამოითქვა მზაობა, რომ წლის ბოლომდე გარკვეული არსებული პროექტების გაფართოებით იქნება მუშაობა, მათ შორის იქნება ეს სუბსიდირების ნაწილი თუ საკრედიტო-საგარანტიო მიმართულება და ეს რა თქმა უნდა ხელს შეუწყობს იმას, რომ უფრო მარტივად მოხდეს რესტრუქტურიზაცია. ოღონდ აქ ცალსახად უნდა ვთქვათ, რომ ერთ-ერთი ყველაზე მნიშვნელოვანი პრობლემა, რომელსაც კლიენტები აფიქსირებენ, არის ის დარიცხული პროცენტები, რაც უკვე დაუგროვდათ წინა გადავადებების დროს და დღეის მდგომარეობითაც, მისი კაპიტალიზაცია ხდება“, – აღნიშნა ალექსანდრე ძნელაძემ.




„ბანკების ასოციაციის“ პრეზიდენტის განმარტებით, ყველაზე მოწყვლად სექტორად, რომელიც პანდემიის დროს განსაკუთრებით დაზარალდა, ე.წ. სტუმარ-მასპინძლობის მიმართულება და მასთან დაკავშირებული სექტორები ითვლება.



„აქ იყო იგივე რესტორნების ნაწილი, რომელიც გარკვეული დროის მანძილზე ამუშავდა, ჰორეკას მიმართულებაც ერთი პერიოდი ამუშავდა და საკმაოდ ნორმალურადაც მიდიოდა მისი რეაბილიტაცია, მაგრამ დღეის მდგომარეობით, როგორც ვიცი, შეზღუდვები არის, რომელიც მნიშვნელოვნად დააზიანებს ისევ ამ მიმართულებას“, – განაცხადა საქართველოს პირველ არხთან საუბრისას „ბანკების ასოციაციის“ პრეზიდენტმა.



ახალი კორონავირუსის პანდემიით გამოწვეული ვითარებიდან გამომდინარე, „აწარმოე საქართველოში“ სპეციალური პროგრამა შეიმუშავა „თანადაფინანსების მექანიზმი საოჯახო, მცირე და საშუალო სასტუმრო ინდუსტრიის ხელშეწყობისთვის“, რომლის მიზანიც, საქართველოში საოჯახო, მცირე და საშუალო ტიპის სასტუმროებისთვის კომერციული ბანკების წინაშე ფინანსური ტვირთის შემსუბუქება და მათი ბაზარზე ოპერირების გაგრძელების შესაძლებლობა იყო. სააგენტო 2020 წლის პირველი მარტიდან მომდევნო ექვსი თვის განმავლობაში მეწარმე სუბიექტებისთვის სესხზე დარიცხული წლიური სარგებლის თანადაფინანსებას ახორციელებდა – ეროვნულ ვალუტაში 80 პროცენტის ოდენობით, ხოლო უცხოურ ვალუტაში 70 პროცენტის ოდენობით. ალექსანდრე ძნელაძის ინფორმაციით, მთავრობა სავარაუდოდ აპირებს ამ პროგრამის გაგრძელებას.



„მხოლოდ სასტუმროების ნაწილია სუბსიდირების პროექტში. აქვე უნდა ვახსენოთ, რომ იყო სასტუმროების ნაწილი, რომელიც ვერ მოხვდა ამ სუბსიდირების პროექტში და ამაზეც მიმდინარეობს მსჯელობა, როგორ იქნება შესაძლებელი, რომ ვთქვათ ამ პროექტს უფრო მეტი მოცვა ჰქონდეს. მე როგორც ვიცი, ამ პროგრამის გაგრძელებაზე არის მსჯელობა, მაგრამ ჯერ არაფერზე კონკრეტულად საუბარი არ შემიძლია“, – განმარტა „ბანკების ასოციაციის“ პრეზიდენტმა, ალექსანდრე ძნელაძემ.



1tv.ge









დღის Top 10 საინტერესო ამბავი

დღის Top 10 საინტერესო ამბავი
access_time2020-11-30 21:00:27
დღის Top 10 საინტერესო ამბავი     1. „არ შეიძლება ადამიანებს ცხოვრება აუკრძალო, ეს კატასტროფა და სრული სიგიჟეა, კომუნიზმია“     საქართველოში უკვე მორედ, საქართველოს მთავრობამ კარანტინი გამოცხადა, ოფიციალურად ხელისუფლებამ წერტილოვანი შეზღუდვები აამოქმედა თუმცა, მათი გადაწყვეტილებით ქვეყანა რეალურად ისევ...

ხელისუფლება გარემოვაჭრეებს „ეღადავება“

ხელისუფლება გარემოვაჭრეებს „ეღადავება“
access_time2020-11-30 19:46:50
ჯანდაცვის სამინისტროს შრომის ინსპექციის ხელმძღვანელი, ბექა ფერაძე გარემოვაჭრეებს ურჩევს, მუშაობა შეზღუდვების დროს ონლაინ გააგრძელონ. ამის შესახებ მან ჟურნალისტებს ქუჩაში მომუშავე მეყვავილეების შესახებ დასმული კითხვის საპასუხოდ უთხრა.   მათ შეუძლიათ, დისტანციურად, ონლაინ განახორციელონ ეკონომიკური საქმიანობა. ეს არ არის აკრძალული, თუმცა, მობილობის შესამცირებლად მსგავსი ტიპის საქმიანობები მთელი მსოფლიოს მასშტაბით არის შეზღუდული, - თქვა ჯანდაცვის უწყების...

საქართველოს ფინანსთა მინისტრ ივანე მაჭავარიანს კორონავირუსი დაუდასტურდა

საქართველოს ფინანსთა მინისტრ ივანე მაჭავარიანს კორონავირუსი დაუდასტურდა
access_time2020-11-30 19:43:42
ტესტირების შედეგად  საქართველოს ფინანსთა მინისტრ ივანე მაჭავარიანს კოვიდ-19 დაუდასტურდა. ამის შესახებ იფორმაციას ფინანსთა სამინისტროს პრესსამსახური ავრცელებს. მათი ინფორმაციით მინისტრი  ამჟამად, იგი თავს კარგად გრძნობს და მუშაობას სახლიდან, დისტანციურ რეჟიმში განაგრძობს.   ტესტირების შედეგად, კოვიდ-19 დაუდასტურდა  მინისტრის მოადგილეს, გიორგი კაკაურიძესაც, რომელიც ასევე სახლში გადის მკურნალობას.

როგორ ცხოვრობს ყარაბაღი ომის შემდეგ?

როგორ ცხოვრობს ყარაბაღი ომის შემდეგ?
access_time2020-11-30 20:00:36
ომი ყარაბაღში 10 ნოემბერს სომხეთის, აზერბაიჯანის და რუსეთის მიერ ხელმოწერილი შეთანხმების საფუძველზე დასრულდა. სომხეთში გაქცეული ადგილობრივები კი ნელა-ნელა სახლებში ბრუნდებიან. ომამდე მთიანი ყარაბაღის მოსახლეობა 140 000, ხოლო რეგიონის დედაქალაქ სტეფანაკერტის - 50 000-ს შეადგენდა. მათი დიდი ნაწილი ომის პირველივე დღეებში სომხეთში გადაიხვეწა, დღეს კი ვითარება საპირისპიროა, ყარაბაღელები სახლებში...

IMF-მა უკრაინას ფინანსურ დახმარებაზე უარი უთხრა

IMF-მა უკრაინას ფინანსურ დახმარებაზე უარი უთხრა
access_time2020-11-30 19:00:59
ის, რომ უკრაინას შესაძლოა საერთაშორისო სავალუტო ფონდის დახმარების მორიგ ტრანში ვერ მიეღო, წარმოუდგენელი და დაუჯერებელი სულაც არ ყოფილა. და აი ეს დღე მოვიდა, თუ რამე არ შეიცვალა და სავარაუდოდ, არაფერი შეიცვლება, ქვეყანა საერთაშორისო ფინანსურ დახმარებას ვერ მიიღებს.   შესაბამისად, მთავრობა ბიუჯეტის შესრულების მხრივ საშინელ სიტუაციაში აღმოჩნდება. უზარმაზარი დეფიციტი ასევე უზარმაზარ პრობლემებს შექმნის. პირველ რიგში ეს ე.წ. „დაუცველ ხარჯებს“ შეეხება, მათი შესრულება უკვე დაუწყო,...


მსგავსი სიახლეები

up