აკაკი ზოიძე - საყოველთაო ჯანდაცვის პროგრამაში 100 მილიონამდე ლარის გამოთავისუფლებაა შესაძლებელი

აკაკი ზოიძე - საყოველთაო ჯანდაცვის პროგრამაში 100 მილიონამდე ლარის გამოთავისუფლებაა შესაძლებელი

access_time2016-09-14 10:30:48

„ქართულმა ოცნებამ" ჯანდაცვის სისტემის საგრძნობლად გაუმჯობესება შეძლო და ეს მისთვის ამ გუნდის ყველაზე დიდი მიღწევაა - ამის შესახებ   „ქართული ოცნების" ახალმა სახემ, პარტიის საარჩევნო სიის წევრმა აკაკი ზოიძემ რადიო „კომერსანტის" ეთერში ვახო სანაიას საავტორო გადაცემა „სოციალურ პოლიტიკაში" განაცხადა. რას ფიქრობს ქართული ოცნების 4 წლიან საქმიანობაზე და სიახლეებია საარჩევნო პროგრამაში აკაკი ზოიძის ინტერვიდან შეიტყობთ


- რამდენად მძიმე ტვირთად აწევს დღეს ქართული ოცნების პოლიტიკურ გუნდს ის დაპირებები, რომელიც 2012 წელს იქნა გაცემული - დღეს, როდესაც ამომრჩეველთან გიწევთ ურთიერთობა გიქმით თუ არა ეს სერიოზულ სირთულეებს?


- ორად გავყოთ. პირველი დაპირებები, რომელიც „ქართული ოცნების" მიერ გაიცა და მის პროგრამაში იყო. ამ დაპირებების დაახლოებით 90%-ი შესრულებულია. რაც შეეხება მეორეს, ანუ იმ ინდივიდუალურ დაპირებებს, რომლებსაც შეხვედრების დროს კოალიციის ცალკეული წარმომადგენლები გასცემდნენ სწორედ ესაა ის დაპირებები, რომელიც ეთერებში ტრიალებს და საუბარია იმაზე, რომ გარკვეულწილად დაპირებები არ შესრულდა. მიმაჩნია, რომ ზოგ შემთხვევაში ცალკეული წარმომადგენლების მიერ ზედმეტი დაპირებები გაიცა, იმ დროისთვის ქართველი ხალხისთვის ერთი დაპირება აბსოლუტურად მისაღები იყო.


- როდესაც ამომრჩეველს უთხრეს, რომ მე-4 წელიწადი კარგი იქნებოდა, როგორია მისთვის ეს მეოთხე წელი?


- ამ შემთხვევაში 2012 წელს „ქართულ ოცნებასთან" კავშირი არ მქონდა. მეც ამ პროცესებს გარედან ვაკვირდებოდი. ამ გუნდს რამდენიმე თვის წინ შევუერთდი. მე მათში დავინახე ის, რომ განსხვავებით წინა მთავრობებისგან მათ მთავარი დაპირების შესრულება შეძლეს. დღეს არცერთი ადამიანი უფულობის გამო არ ინვალიდდება, ან არ კვდება. საყოველთაო ჯანდაცვის პროგრამაა შემოღებული. ეს უზარმაზარი მიღწევაა, რომელსაც შემდგომი სრულყოფა სჭირდება. ასევე იყო ზეპირი დაპირება, რომ 220 ლარი უნდა ყოფილიყო პენსია, დღეს მაღალმთიან რეგიონებში 216 ლარია პენსია. მთლიანობაში პენსია 80%-ით გაიზარდა.


- მინიშნება იყო იმაზეც, რომ გარკვეული პერიოდის შემდეგ საყოველთაო ჯანდაცვას მოდიფიცირება დასჭირდება, სავარაუდოდ არჩევნების შემდეგ. შეგიძლიათ გვითხრათ საყოველთაო ჯანდაცვა რა ნაწილში შენარჩუნდება და სად განიცდის ის მომავალში ცვლილებას?


- რაც შეეხება ჯანდაცვას, კატასტროფული გამაღარიბებელი ხარჯებისგან აბსოლუტურად ყველა მოქალაქე დაცული იქნება. საუბარია იმაზე, რომ კერძოდ დაზღვეულებისა და საყოველთაო ჯანდაცვის ჯგუფის გამიჯვნა უნდა მოხდეს. ამ და სხავადასხვა ცვლილებებით ას მილიონამდე ლარის გამოთავისუფლებაა შესაძლებელი. მეორე სიახლე რომელიც პროგრამაში იქნება ეს მედიკამენტების ანაზღაურებაა. ამით ჩვენ ძალიან ბევრ მოქალაქეს დავიცავთ, მათ შორის პენსიონრებს.


- როდის დაიწყება ის საპენსიო რეფორმა, რომელსაც ჩვენ მოსახლეობას ყველა პოლიტიკური ძალა ჰპირდება?


- ამ დაპირებების შეჯიბრება ყველას კარგად გვესმის. ჩვენ პროგრამაში კონკრეტული ციფრი პენსიასთან მიმართებაში ჩადებული არ არის. ჩვენ ვპირდებით და ვიღებთ ვალდებულებას, რომ პენსიის გაზრდა ეკონომიკური ზრდის შესაბამისად მოხდეს. დაგროვებითი სისტემით 20 წლის შემდეგ დღევანდელ საარსებო მინიმუმზე 4-ჯერ მეტ პენსიას მიირებთ.


- ჩვენ ორნიშნა ეკონომიკური ზრდა 2007 წელს გვქონდა, მაგრამ რეალურად ვხედავთ, რომ მიუხედავად ამისა მოსახლეობის ზოგადი სოციალური მგომარეობა არსებითად არ იცვლებოდა, აქ გარღვევას როგორ აპირებთ? მხოლოდ ეკონომიკური ზრდა ამ ყველაფრის შესაცვლელად საკმარისია?


- „ნაციონალური მოძრაობის" პირობებში რაღაც მომენტში სიღარიბე გაიზარდა, იმიტომ, რომ ეკონომიკის არათანასწორი განვითარება ხდებოდა. ფაქტია, რომ როდესაც ეკონომიკას ვალებსა და მოზიდულ სასიცოცხლო ვალდებულებებით ავითარებ, მაშინ ასეთი მდგომარეობა არავის უკვირს. ამ დროს ეკონომიკური ზრდის პარალელურად სოციალური უთანასწორობა იზრდება. დღეს განსხვავება არის ის, რომ უნდა გადავანაწილოთ ეკონომიკური ზრდის შედეგები მოსახლეობის შესაბამის ფენებზე.

 



გიორგი გახარია - მსოფლიო ბანკის მონაცემებით, უკიდურესი სიღარიბე საქართველოში ორჯერ შემცირდა

გიორგი გახარია - მსოფლიო ბანკის მონაცემებით, უკიდურესი სიღარიბე საქართველოში ორჯერ შემცირდა
access_time2020-05-29 14:54:22
2012 წლის შემდეგ საქართველოში სიღარიბე შემცირდა 10,5 პროცენტული პუნქტით, - ამის შესახებ საქართველოს პრემიერ-მინისტრმა გიორგი გახარიამ პარლამენტში განაცხადა, სადაც ინტერპელაციის წესით იმყოფება. მთავრობის მეთაურის თქმით, ყველას კარგად ესმის, რომ სიღარიბე ჩვენი ქვეყნის ეკონომიკის სტრუქტურული პრობლემაა ბოლო ათწლეულების განმავლობაში. „ეს არის ფაქტი და ამ ფაქტის გახსენება ყველაზე ნაკლებად გვჭირდება ჩვენ. აგიხსნით, რომ ბოლო წლების განმავლობაში,...

2020 წლის 3 თვეში სადაზღვევო ბაზრის წმინდა მოგება გაორმაგდა

2020 წლის 3 თვეში სადაზღვევო ბაზრის წმინდა მოგება გაორმაგდა
access_time2020-05-29 16:30:03
2020 წლის 3 თვის განმავლობაში საქართველოს სადაზღვევო სექტორის მიერ მოზიდულმა სადაზღვევო პრემიამ პირდაპირი დაზღვევის საქმიანობიდან 211,1 მილიონი ლარი 625 შეადგინა. ამის შესახებ ინფორმაცია, დაზღვევის ზედამხედველობის სამსახურის მიერ გამოქვეყნებულ ანგარიშშია მოცემული.   ამავე პერიოდის შედეგებით, მზღვეველების სადაზღვევო მოგებამ  41,5 მილიონი ლარი, ხოლო წმინდა მოგებამ  16,6 მილიონი ლარი შეადგინა, რაც წინა წლის ანალოგიურ პერიოდთან შედარებით გაორმაგებული...

ყოფილი გენერალური პროკურორი მოქმედ მართლმსაჯულებას უსამართლობასა და კორუფციაში ადანაშაულებს

ყოფილი გენერალური პროკურორი მოქმედ მართლმსაჯულებას უსამართლობასა და კორუფციაში ადანაშაულებს
access_time2020-05-29 14:30:37
„რაც თანამდებობაზე აღარ ვარ და ვაგრძელებ საადვოკატო პრაქტიკას, ეს არის ჩემი პირველი შეხვედრა მედიასთან. ამ გამონაკლისს ვუშვებ, რადგან კონკრეტული საქმე ერთგვარი ტესტი გახდება ქართული მართლმსაჯულებისთვის“, - ამ სიტყვებით დაიწყო თავისი პრესკონფერენცია ადვოკატმა, არჩილ კბილაშვილმა, რომელიც კომპანია „ლიდერფუდის“ დამფუძნებლის დავით ზეიკიძის ინტერესებს იცავს. მან დასაწყისშივე მიმართა საზოგადოებას თხოვნით, ამ კონკრეტული საქმის უკვე მესამე ინსტანციაში მიმდინარეობას...

თბილისის ზღვის კლუბი გაიხსნა

თბილისის ზღვის კლუბი  გაიხსნა
access_time2020-05-29 15:30:35
„თბილისის ზღვის კლუბი“ გაიხსნა და მსურველებს უკვე მასპინძლობს-ამის შესახებ „კომერსანტს“ კლუბის ადმინისტრაციაში განუცხადეს.მათი ინფორმაციით,არსებული რეგულაციის შედეგად, სტუმრებს აუზით სარგებლობა ჯერ არ შეუძლიათ. დაშვებულია მხოლოდ ზღვაში შესვლა და წყლის საშხაპეებით სარგებლობა.    კითხვაზე, არის თუ არა აქტივობა და დატვირთულია თუ არა ტერიტორია  სტუმრებით,...

სწორი ეკონომიკური პოლიტიკა თუ არ გატარდა, ეკონომიკის შემცირება მომდევნო წლებში ქრონიკულში გადაგვივა

სწორი ეკონომიკური პოლიტიკა თუ არ გატარდა, ეკონომიკის შემცირება მომდევნო წლებში ქრონიკულში გადაგვივა
access_time2020-05-29 14:00:00
„ეკონომიკური აქტივობის გაჩერებამ გამოიწვია აპრილში ეკონომიკის შემცირება და რაც უფრო მყიფე და სუსტი არის ეკონომიკა, მით უფრო მეტად მცირდება ის და სახეზე მივიღეთ ჩვენი ეკონომიკის ორნიშნა მაჩვენებლით შემცირება“, - ასე შეაფასა ეკონომისტმა ირაკლი ყიფიანმა 2020 წლის აპრილში, წინა წლის შესაბამის პერიოდთან შედარებით, რეალური მთლიანი მშპ-ს 16.6%-იანი კლება. ეკონომისტის შეფასებით, თუ არ მოხდება მთვარობის მიერ პანდემიის პირობებში აღებული ვალების სწორად გადანაწილება,...


მსგავსი სიახლეები

up