თამაზ ელიზბარაშვილი: სიგარეტზე აქციზის გაზრდით  დაზარალდა ლეგალური ბიზნესი, დაარტყა სახელმწიფო ბიუჯეტს და  გზა გაუხსნა კონტრაბანდას

თამაზ ელიზბარაშვილი: სიგარეტზე აქციზის გაზრდით დაზარალდა ლეგალური ბიზნესი, დაარტყა სახელმწიფო ბიუჯეტს და გზა გაუხსნა კონტრაბანდას

access_time2019-07-04 17:00:30

„მწეველების ნაწილი გადავიდა გასახვევ თამბაქოზე, რომელიც არ კონტროლდება საიდან შემოდის, როგორი ხარისხია, რას იწვევს და ა.შ.  აკაკი ზოიძემ  კი მიიღო ახალი კანონი იმ ლოგიკით, რომ ვითომ მოწევა მავნეა, გავაძვიროთ, რომ ნაკლებმა ხალხმა მოწიოს სიგარეტიო.  ამ ადამიანმა  სიგარეტზე აქციზის გაზრდით დაზარალა ლეგალური ბიზნესი, დაარტყა სახელმწიფო ბიუჯეტს და გზა გაუხსნა კონტრაბანდას. მწეველთა რიცხვი არ შემცირებულა და მეტიც, მათი ჯანმრთელობის გაუარესების რისკი გაიზარდა,“ – „ელიზი ჯგუფის“ ყოფილი დამფუძნებელი თამაზ ელიზბარაშვილი გასახვევ თუთუნზე აქციზის დაწესებასა და უფილტრო სიგარეტზე ადვალური გადასახადის გაზრდას ასე აფასებს.


ბიზნესმენი, რომელიც წლების განმავლობაში სიგარეტების იმპორტიორ კომპანიას ხელმძღვანელობდა მიიჩნევს, რომ სიგარეტებზე აქციზების გაძვირება კონტრაბანდულ ბაზარს აძლიერებს, ხოლო ადგილობრივ ბიუჯეტს ასობით მილიონი ლარით აზარალებს.  ელიზბარაშვილის თქმით, პირველი პასუხისმგებელი ამ კანონპროექტის უარყოფით შედეგებზე ჯანდაცვის კომიტეტის თავმჯდომარეა.



„აკაკი ზოიძემ  ამ კანონპროექტით, რომელიც შემდეგ პარალამენტში დაამტკიცეს,  ქვეყნის ბიუჯეტს მიაყენა 600 მილიონი ლარის ზარალი. ჩემი აზრით, რაღაცა დიდი გრანტებია გამოყოფილი იმისთვის, რომ ქვეყანაში მოხდეს შეზღუდვები მოწევასთან დაკავშირებით, არის ასეთი მსოფლიო ფონდები, რომლებიც გამოყოფენ გრანტებს ამისთვის. 



როცა სიგარეტზე ამხელა გადასახადებია დაწესებული,  ბუნებრივია, უნდა შევხედოთ, რა ხდება მეზობელ ქვეყნებში, როცა მეზობელ ქვეყანაში დაბალია სიგარეტზე გადასახადი, ადამიანი მიდის რისკზე, რომ გარიგებაში შევიდეს კონტრაბანდისტებთან.  საქართველოში ძირითადი კონტრაბანდული სიგარეტი შემოდის აფხაზეთიდან და სომხეთიდან. ესაა მთლიანი მოცულობის 70%.  აქციზების გაძვირებამდე ლეგალურ სიგარეტს ბაზრის 90% ეჭირა, ახლა მხოლოდ 30 პროცენტი უკავია.  ეს იმას ნიშნავს,  რომ  სიგარეტის ბიზნესიდან  ამოღებული თანხის 70 პროცენტი ბიუჯეტში არ ხვდება.  უფრო ზუსტად კი, რეალიზაციის შემდეგ ამოღებული თანხა მიდის აფხაზი სეპარატისტების ჯიბეში - იმ სეპარტატისტების ჯიბეში, რომლებიც ჩვენს ბიჭებს ხოცავენ. 



გადასახადის გაზრდის შემდეგ,  უმეტესობა ყიდულობს კონტრაბანდულ სიგარეტს, რომელიც ბევრად უფრო იაფი ღირს.  დასავლეთ საქართველოში თქვენ შეიძლება დახლებზე ნახოთ კონტრაბანდული სიგარეტები, რომელიც ღირს იაფი. მწეველი, რომელსაც სურს იყიდოს ფილტრიანი სიგარეტი, არ ყიდულობს ლეგალურ სიგარეტს, რომლიდანაც შედის საქართველოს ბიუჯეტში ფული და ყიდულობს კონტრაბანდულ სიგარეტს,“ - აცხადებს ბიზნესმენი „კომერსანტთან“ საუბარში

 

 

შეგახსენებთ, რომ გუშინ გავრცელებული ინფორმაციით საგადასახადო კოდექსში დაგეგმილი ცვლილებების მიხედვით, დაჭრილ (გასახვევ) თამბაქოზე აქციზის გადასახადი დაწესდება. ამასთან, ძვირდება აქციზი უფილტრო სიგარეტზეც. შესაბამისი ცვლილებების პროექტი პარლამენტში უკვე დარეგისტრირდა.



ახალი კანონპროექტით, 1 კგ გასახვევი თუთუნი 60 ლარით დაიბეგრება. ამასთან, უფილტრო სიგარეტზე გაიზრდება ადვალური გადასახადი 10%-დან 30%-მდე და ის ფილტრიან სიგარეტს გაუტოლდება.



ხელით გასახვევი თამბაქოს დაბეგვრის ინიციატივით თავდაპირველად ქართული ოცნების დეპუტატი აკაკი ზოიძე 1 მარტს გამოვიდა. ზოიძე თავის ინიციატივას იმით ხსნიდა, რომ თამბაქოზე ფასის ზრდის შემდეგ, მოქალაქეებმა შედარებით იაფი ალტერნატივების ძიება დაიწყეს.

 

 მარიამ მორგოშია




ანა დოლიძე:„შეშფოთებული ვარ იმ მწარე სილით,რომელიც „ქართულმა ოცნებამ“ საზოგადოებას გააწნა“

ანა დოლიძე:„შეშფოთებული ვარ იმ მწარე სილით,რომელიც  „ქართულმა ოცნებამ“ საზოგადოებას გააწნა“
access_time2019-11-14 14:56:47
„შეშფოთებული ვარ იმ ამბებით,რაც მომდის საქართველოდან. ამ წუთებში ვიმყოფები ყაზახეთში, ვატარებ რამდენიმე საჯარო ლექციას, დღეს შეხვედრა მქონდა უზენაეს სასამართლოში. შეშფოთებული ვარ იმ მწარე სილით,რომელიც გააწნა „ქართულმა ოცნებამ“ საზოგადოებას“-ამის შესახებ იურისტმა ანა დოლიძემ პროპორციულ სისტემაზე გადასვლასთან დაკავშირებით პარლამენტში მიმდინარე მოვლენების შეფასებისას განაცხადა. მისი განცხადებით, სიმწრით მოპოვებული პროპორციული არჩევნები დღეს სახელდახელოდ...

ლევან კობერიძე „ოცნებიდან“ დეპუტატების წასვლაზე: გრძელდება სპექტაკლი? არ დამთავრებულა?

ლევან კობერიძე „ოცნებიდან“ დეპუტატების წასვლაზე: გრძელდება სპექტაკლი? არ დამთავრებულა?
access_time2019-11-14 13:55:16
“გრძელდება სპექტაკლი? არ დამთავრებულა? ეტყობა დამატებითი მოქმედება არის. თუ დატოვება უნდოდათ და ასეთი მკვეთრი განცხადებების გაკეთება, ჩვენ როდესაც რამეს ვაპროტესტებდით, ვინც დავტოვეთ თავის დროზე უმრავლესობა.. ვერ გეტყვით, გავარკვევ რა ვითარებაა, მაგრამ სპექტაკლის ნაწილი მეჩვენება ” უთხრა დეპუტატმა ლევან კობერიძემ ტელეკომპანია პირველს მას შემდეგ, რაც პარლამენტმა პროპორციულ სისტემაზე გადასვლის შესახებ პროექტი ჩააგდო, უმრავლესობა კი რამდენიმე დეპუტატმა...

დეპუტატები,რომლებმაც საარჩევნო სისტემის ცვლილებას მხარი არ დაუჭირეს

დეპუტატები,რომლებმაც  საარჩევნო სისტემის ცვლილებას მხარი არ დაუჭირეს
access_time2019-11-14 14:18:29
პარლამენტმა საარჩევნო სისტემის ცვლილებასთან დაკავშირებით კონტიტუციურ კანონში ცვლილებები პირველი მოსმენით ჩააგდო.   პლენარულ სხდომაზე რეგისტრაცია 141-მა დეპუტატმა გაიარა. პროპორციულ საარჩევნო სისტემაზე გადასვლას პირველი მოსმენით 101-მა დეპუტატმა, მათ შორის ოპოზიციონერმა დეპუტატებმა დაუჭირეს მხარი. წინააღმდეგ კი 3 დეპუტატი წავიდა:   ენზელ მკოიანი კახა ოქრიაშვილი დიმიტრი ხუნდაძე   რეგისტრაცია გაიარეს თუმცა კენჭისყრაში...

პარლამენტმა პროპორციულ საარჩევნო სისტემაზე გადასვლასთან დაკავშირებული საკონსტიტუციო ცვლილებები კენჭისყრაზე ჩააგდო

პარლამენტმა პროპორციულ საარჩევნო სისტემაზე გადასვლასთან დაკავშირებული საკონსტიტუციო ცვლილებები კენჭისყრაზე ჩააგდო
access_time2019-11-14 13:18:30
პარლამენტმა საარჩევნო სისტემის ცვლილებასთან დაკავშირებით კონტიტუციურ კანონში ცვლილებები პირველი მოსმენით ჩააგდო.პლენარულ სხდომაზე რეგისტრაცია 141-მა დეპუტატმა გაიარა. პროპორციულ საარჩევნო სისტემაზე გადასვლას პირველი მოსმენით 101-მა დეპუტატმა, მათ შორის ოპოზიციონერმა დეპუტატებმა დაუჭირეს მხარი. წინააღმდეგ კი 3 დეპუტატი წავიდა, თუმცა კვორუმი 113 ხმა იყო, რის გამოც კანონპროექტი ჩავარდა. საპარლამენტო უმრავლესობის 93 დეპუტატის მიერ შემუშავებული კანონპროექტი კონსტიტუციაში...

„აზარტულ თამაშებზე შესაძლოა, რეგულაციები დაწესდეს, რომელიც ორი-სამი წლის პერსპექტივაში დაახლოებით 60%-მდე შეამცირებს მომხმარებელთა რიცხვს“

„აზარტულ თამაშებზე შესაძლოა, რეგულაციები დაწესდეს, რომელიც ორი-სამი წლის პერსპექტივაში დაახლოებით 60%-მდე შეამცირებს მომხმარებელთა რიცხვს“
access_time2019-11-14 13:12:41
დეპუტატთა ჯგუფმა აზარტულ და მომგებიან თამაშებთან დაკავშირებით საკანონმდებლო ინიციატივა დაარეგისტრირა - ამის შესახებ საქართველოს პარლამენტის დამოუკიდებელმა წევრმა ლევან გოგიჩაიშვილმა პარლამენტში გამართულ პრესკონფერენციაზე განაცხადა. მისი განცხადებით, მნიშვნელოვანია აზარტული და მომგებიანი თამაშების სფეროში მკაცრი რეგულაციების დამყარება. „ჩვენ უკვე დავარეგისტრირეთ კანონპროექტი, რომელიც რეკლამის აკრძალვას ეხება. ახლა კი დარეგისტრირდა...


მსგავსი სიახლეები

up