აკაკი ცომაია: „ ეკონომიკაში არსებული პროცესები, ინვესტიციების შემოდინებები ლარის გამყარების საფუძველს არ გვაძლევს“

აკაკი ცომაია: „ ეკონომიკაში არსებული პროცესები, ინვესტიციების შემოდინებები ლარის გამყარების საფუძველს არ გვაძლევს“

access_time2019-07-10 17:30:53

„ლარის კურსის გაუფასურების ტრენდი მომავალშიც შენარჩუნდება,“ — ამის შესახებ ეკონომისტმა აკაკი ცომაიამ „კომერსანტთან“ განაცხადა. მისი განმარტებით, გუშინ ლარი პანიკის გამო გაუფასურდა. იყო მოლოდინი, რომ რუსეთი დააწესებდა სანქციებს. დღევანდელი გამყარება კი არის იმის შედეგი, რომ მოლოდინი არ გამართლდა და რუსეთის პრეზიდენტმა საქართველოსთვის სანქციების დაწესება მიზანშეწონილად არ მიიჩნია.


მისი განცხადებით, ლარის კურსი სადამდე წავა, ეს არავინ არ იცის.


„ადამიანების ემოციების დონეზეა ეს. ამის დათვლა კი  შეუძლებელია. ის, თუ როგორი იქნება ლარის კურსის მომავალი ტრენდი, ამის შეფასება შესაძლებელია. ეკონომიკაში არსებული პროცესები, ინვესტიციების შემოდინებები ლარის გამყარების საფუძველს არ გვაძლევს. ლარი სამომავლოდ უფრო გაუფასურდება, ვიდრე გამყარდება,“ აცხადებს ცომაია.


მისი თქმით, ასეთ სიტუაციაში ეროვნულ ბანკს შეუძლია მხოლოდ აჟიოტაჟის ჩაცხრობა. მარეგულირებელს შეუძლია რეზერვები გაყიდოს და შემდეგ იყიდოს. სხვა მას არაფერი შეუძლია, ეროვნული ბანკი ეკონომიკას ვერ გაზრდის. რაც შეეხება მთავრობას, ცომაია თვლის, რომ ხელისუფლებამ გადასახადები უნდა შეამციროს.


შეგახსენებთ, საქართველოს ეროვნული ბანკის დღეს  დადგენილი კურსით, ხვალ ერთი აშშ დოლარის ოფიციალური ღირებულება 2.8542 ლარი იქნება. რაც შეეხება ევროს, მისი კურსი 3.2027  ლარით განისაზღვრა. აღსანიშნავია, რომ საქართველოს ეროვნული ბანკის მიერ  გუშინ დადგენილი კურსით, დღეს ერთი აშშ დოლარის ოფიციალური ღირებულება 2.9096 ლარია. რაც შეეხება ევროს, მისი კურსი 3.2599 ლარია.




დღეს Bloomberg-ის სავაჭრო პლატფორმაზე 14:00 საათზე ერთი დოლარი უკვე 2,8669 ლარად ივაჭრება. გუშინ, დილიდან Bloomberg-ზე 1 აშშ დოლარის ვაჭრობა 2.8401 ნიშნულიდან დაიწყო და ყველაზე მაქსიმუმი 2.9325- ლარი იყო. თუმცა, მას შემდეგ რაც ვლადიმერ პუტინმა საქართველოს წინააღმდეგ საკუთარი დუმის მხარდაჭერილ სანქციებზე უარი თქვა, ავტომატურად Bloomberg-ზე ლარის გამყარების ტენდენცია დაიწყო. 



თიბისი ბანკის“ მთავარი ეკონომისტის ოთარ ნადარაიას განცხადებით, ლარი სანქციების დაწესებამდეც გაუფასურებული იყო, ახალი შოკის შედეგად კი დოლარის კურსი შესაძლოა 3.00-3.05-მდე გაიზარდოს, რასაც შედარებითი გამყარება მოყვება.


სოფო ქსოვრელი 

 

 

 





მაჭავარიანი: ბევრი ევროპული ქვეყანა ისურვებდა, ვალის ასეთი დაბალ მაჩვენებელს

მაჭავარიანი: ბევრი ევროპული ქვეყანა ისურვებდა, ვალის ასეთი დაბალ მაჩვენებელს
access_time2019-11-15 14:30:45
„დღეის მდგომარეობით, მთლიან შიდა პროდუქტთან მიმართებაში ვალი 45 პროცენტია. 41 პროცენტიდან ზრდა კურსის ვარდნამ გამოიწვია“, – ეს განცხადება საქართველოს ფინანსთა მინისტრმა ივანე მაჭავარიანმა,პარლამენტის სხდომაზე 2020 წლის ბიუჯეტის წარდგენისას გააკეთა. მისი თქმით, ბევრი ევროპული ქვეყანა ისურვებდა, საქართველოს მსგავსად ვალის ასეთი დაბალი მაჩვენებელი ჰქონდეს: „რამდენად საგანგაშოა ამჟამად არსებული ვალის ნიშნული? ჩვენ ვამბობთ, რომ ეს ნიშნული არ არის...

„არცერთ სტრუქტურას პასუხი არ აქვს“ -ცნობილი ექიმი მე-6 დღეა ტყვეობაშია

„არცერთ სტრუქტურას პასუხი არ აქვს“ -ცნობილი ექიმი  მე-6 დღეა  ტყვეობაშია
access_time2019-11-15 16:00:13
საოკუპაციო ხაზთან ცნობილი ტრავმატოლოგის ვაჟა გაფრინდაშვილის დაკავებიდან თითქმის ერთი კვირა გავიდა, თუმცა,ხელისუფლებამ ამ ფაქტის შესახებ  გატაცებიდან მხოლოდ, ოთხი დღის შემდეგ გაავრცელა ინფორმაცია და კონკრეტულად ვერც ის თქვა, რა კეთდება იმისათვის,რომ გაფრინდაშვილი  ცხინვალის იზოლატორიდან გათავისუფლდეს. დღეს კი, ცნობილი გახდა, რომ ოკუპირებული  ახალგორის  სასამართლომ, საქართველოს მოქალაქე ვაჟა გაფრინდაშვილს, ორთვიანი...

არჩილ თალაკვაძე: არჩევნებს ხალხის ნდობა იგებს და არა ცალკე აღებული საარჩევნო მოდელი

არჩილ თალაკვაძე: არჩევნებს ხალხის ნდობა იგებს და არა ცალკე აღებული საარჩევნო მოდელი
access_time2019-11-15 15:09:56
„პროპორციულ საარჩევნო სისტემაზე გადასვლა „ქართული ოცნების“ ინიციატივა იყო თავის დროზე. სწორედ ჩვენი გუნდის ძალისხმევით ჩაიწერა კონსტიტუციაში, რომ 2024 წლიდან არჩევნები სრულად პროპორციული სისტემით გაიმართება“-ამის შესახებ უმრავლესობის ლიდერმა, პარლამენტის თავმჯდომარე არჩილ თალაკვაძემ რამდეიმე წუთის წინ გამართულ ბრიფინგზე განაცხადა.  „ასევე „ქართული ოცნების“ ინიციატივა იყო პროპორციულ საარჩევნო სისტემაზე 2020 წლიდან გადასვლა, რასაც, როგორც ვნახეთ, სამწუხაროდ, დეპუტატთა...

BAG ორგანიზებით, ასოციაციის წევრი კომპანიები შრომის კანონმდელობაში დაგეგმილი ცვლილებების განსახილველად დღეს ეკონომიკურ ექსპერტებს შეხვდენენ

BAG ორგანიზებით, ასოციაციის წევრი კომპანიები შრომის კანონმდელობაში დაგეგმილი ცვლილებების განსახილველად დღეს ეკონომიკურ ექსპერტებს შეხვდენენ
access_time2019-11-15 14:00:59
საქართველოს ბიზნეს ასოციაციის (BAG) ორგანიზებით, ასოციაციის წევრი კომპანიები შრომის კანონმდელობაში დაგეგმილი ცვლილებების განსახილველად დღეს ეკონომიკურ ექსპერტებს შეხვდენენ. შეხვედრის ფარგლებში BAG-იმ გააცნო ექსპერტებს თავიანთი შენიშვნები, ხედვები და რეკომენდაციები ვადიანი შრომითი ხელშეკრულების დადების საფუძვლების შეზღუდვაზე, სტაჟირების დაქვემდებარებაზე შრომის კოდექსით განსაზღვრული სტანდარტებისადმი, ასევე საუბარი შეეხო ზეგანაკვეთური სამუშაო დროის ლიმიტირებების საკითხებს,...

სახელმწიფო სტრუქტურებში სამსახურებრივი უფლებამოსილების ბოროტად გამოყენების ფაქტები 12.07%-ით გაიზარდა

სახელმწიფო სტრუქტურებში სამსახურებრივი უფლებამოსილების ბოროტად გამოყენების ფაქტები 12.07%-ით გაიზარდა
access_time2019-11-15 13:45:46
შინაგან საქმეთა სამინისტროს მონაცემებით, 2019 წლის იანვარ-სექტემბერში სახელმწიფო სტრუქტურებში სამსახურებრივი უფლებამოსილების ბოროტად გამოყენების ფაქტები წინა წლის ანალოგიურ პერიოდთან შედარებით 12.07%-ით გაიზარდა. კერძოდ, შს სამინისტროს ცნობით, მიმდინარე წელს ამ დანაშაულის - 65, ხოლო 2018 წლის იანვარ-სექტემბერში 58 ფაქტი დაფიქსირდა. ზოგადად სამოხელეო დანაშაულის სტატისტიკა კი მიმდინარე წლის 1-ელ ცხრა თვეში გასული წლის ანალოგიურ პერიოდთან შედარებით...


მსგავსი სიახლეები

up