„დაელოდო სანქციებს, მაგრამ თუ აქამდე მივედით, ე.ი. უკუნითი სიბნელეა. ე.ი. კვირიკაშვილის მერე ღარიბაშვილი ავიტანეთ. ღარიბაშვილის მერე რომელიმე ალტ-ინფოელსაც ავიტანთ. გაიღვიძეთ, დეპოში ვართ“, — ამის შესახებ ეკონომისტი აკაკი ცომაია სოციალურ ქსელში პოსტს აქვეყნებს.
„კომერსანტი“ მის პოსტს უცვლელად გთავაზობთ:
„- სასაცილოა, თუ რძის ნაწარმის ექსპორტზე დაშვება ეკონომიკა გგონიათ და არა საინფორმაციო პროპაგანდა. ამოცანა კი ჩვენი რუსეთის ალიანსთან დაკავშირებაა.
- სასაცილოა თუ ვინმე ფიქრობთ, რომ საქართველოს მთავრობა ამ ნარატივს გაემიჯნება.
- სასაცილოა თუ რუსეთის მოქალაქეების მოზღვავებაში მხოლოდ ეკონომიკურ სტიმულებს ხედავთ. მალე მოისმენთ ლავროვის სიტყვას თუ როგორ ეხმარება ქართველი საზოგადოება რუს მოძმე ხალხს სანქციების ირიბად არიდებაში. ნუ ელოდებით რომ საქართველოს მთავრობა რამეს გააქარწყლებს და გაემიჯნება.
- სასაცილოა თუ შემოსულ ნაკადში მხოლოდ სანქცია დაღწეულებს ხედავთ. მათთან კომუნიკაციისას მოისმენთ თქვენთვის დამამცირებელ ფრაზებსაც. ემოციურ ფონზე ფრთხილად იყავით. შსს თქვენ დაგაპატიმრებთ. ლავროვი გეტყვით, რომ ქართველი მოძმე ხალხი უკრაინელებივით არ იქცევიან. საქართველოს მთავრობა არაფერს გააკეთებს ამის გასაქარწყლებლად.
- ნუ გიკვირთ რომ დოჟდის ჟუნალისტი არ შემოუშვეს. ნურც ის გაოცებთ რომ გავრილოვი პარლამენტის სავარძელში ჩასვეს.
- ნუ ფიქრობთ, რომ ეს მთავრობა ოდესმე იანუკოვიჩივით იტყვის, რომ ჩვენი გზა აღარაა ევროატლანტიკური არჩევანი. რამდენადაც არ უნდა გაგიკვირდეთ, ამის გაკეთებას რუსეთიც არ მოსთხოვს. ორივემ კარგად იცის, რომ ქართული საზოგადოების 70%-ზე მეტის არჩევანი ევროატლანტიკური სივრცეა. მას სულაც არ აწყობს ამ მთავრობის ისეთი გაშიშვლება, რომ ბევრმა თქვენგანმა შეამჩნიოს როგორ ასრულებს ჩვენი მთავრობა მის დავალებებს. გაშიშვლება კი ჩვენს გაღვიძებას ნიშნავს.
- მანამდე, სანამ შენში პროგრესს, რეფორმებს ვერ ხედავს, რა პრობლემაა, გეგონოს რომ ევროატლანტიკური კურსი გაქვს, არ ეჩქარება. საინფორმაციო პროპაგანდით ტვინს გამოგირეცხავს. ხანდახან გავრილოვსაც შემოიყვანს და დატესტავს: ნეტავ, როგორ მუშაობს პროპაგანდა? შემთხვევით თუ პროგრესი შეამჩნია, მერე კი, ტანკებით წამოვა თუ კიდევ დარჩა.
ბოლო-ბოლო გააცნობიერეთ რა ხდება! ყველაფერი ხელის გულზე დევს!
ამ დღეების წინ, ერთმა მეგობარმა მითხრა. სანამ სანქციებს არ დაგვადებენ, მანამდე არაფერი გვეშველებაო. შეიძლება გავყვეთ მოვლენების ასეთ განვითარებას.
დაელოდო სანქციებს, მაგრამ თუ აქამდე მივედით, ე.ი. უკუნითი სიბნელეა. ე.ი. კვირიკაშვილის მერე ღარიბაშვილი ავიტანეთ. ღარიბაშვილის მერე რომელიმე ალტ-ინფოელსაც ავიტანთ.
გაიღვიძეთ, დეპოში ვართ!“, — წერს ცომაია.