ელექტრომობილების რაოდენობამ 2019 წელს 7 მლნ-ს გადააჭარბა, მაშინ როცა 5 წლით ადრე 1 მლნ-ზე ნაკლები იყო. ფასების ვარდნა, ერთ დამუხტვაზე გასავლელი მანძილის ზრდა და სახელმწიფო რეგულაციები გაყიდვებზე პოზიტიურად მოქმედებს. ავიაბაზარი ანალოგიური წარმატებით ჯერჯერობით ვერ დაიკვეხნის, თუმცა გეგმები ამ შემთხვევაშიც ამბიციურია.
ფრანგული Airbus ნულოვანი ემისიის მქონე თვითმფრინავის ექსპლუატაციასი ჩასვებას 2035 წლისთვის გეგმავს. ავიაინდუსტრიის გიგანტმა წყალბადის ძრავზე მომუშავე საჰაერო ხომალდის 3 კონცეპტი წარადგინა. თითოეული მათგანის ფრენის რადიუსი 3200 კილომეტრია, რაც საკმარისია პარიზიდან არამხოლოდ ლონდონამდე ან ბერლიანდმე, არამედ რომამდე, ლისაბონამდე, მოსკოვამდე და სტამბოლამდემანძილის დასაფარად. თითოეული თვითმფრინავი 200 მგზავრზე იქნება გათვლილი.
კომპანიის აღმასრულებელი დირექტორის გალიმ ფაირის განცხადებით ეკოლოგიურ საწვავზე მომუშავე თვითმფრინასვების წარდგენა სექტორისთვის ისტორიული მომენტია.
წყალბადზე მომუშავე საზოგადოებრივი ტრანპორტი უკვე მოძრაობს პეკინში, სეულსა და ლონდონში. ფრანგულმა AIstom-მა წყალბადზე მატარებელიც გადაიყვანა. მსუბუქი ავტომობილებიდანყველაზე ცნობილი Toyota mirai-ა, თუმცა თუ 2018-2019 წლებში 440 000-ზე მეტი Tesla model 3 გაიყიდა, Toyota mirai-ს გაყიდვებმა 2015-2019 წლებში მხოლოდ 10 250 შეადგინა, აქედან უმრავლესობა - 6200 შეერთებულ შტატებში, 3500 თავად იაპონიაში და მხოლოდ 640 ევროპაში.
ნახშირორჟანგის ყოველწლიური ემისია 37 მლრდ ტონას აღწევს, საიდანაც 2%, ანუ 740 მლნ ტონა ავიაციაზე მოდის. 2050 წლისთვის ამ რიცხვის განახევრებაა დაგეგმილი.
წყალბადის სამყაროში ყველაზე გავრცელებული ელემენტია. მზის მასის 73% და მოცულობის 90% წყალბადისგან შედგება. ყველაზე ძლიერი წყაბადის ბომბი თავისი დამანგრეველი ძალით ჰიროსიმაში ჩამოგდებულ ბომბს 5000-ჯერ აღემატება. დედამიწაზე წყალბადი პრაქტიკულად მხოლოდ ნაერთის სახით გვხდება, მის მისაღებად ყველაზე გავრცელებული მეთოდი წყლის დაშლაა. თავად წყალი რომელიც პლანეტის ზედაპირის 70%-ზე მეტს ფარავს 2 ატომი წყალბადისა და 1 ატომი ჟანბადისგან შედგება.
გიორგი ელიზბარაშვილი