აირბალონიანი მანქანების შემოწმების ვადა იწურება - 300 ათასი გაზზე მომუშავე ავტომობილიდან მხოლოდ 165-ია შემოწმებული

აირბალონიანი მანქანების შემოწმების ვადა იწურება - 300 ათასი გაზზე მომუშავე ავტომობილიდან მხოლოდ 165-ია შემოწმებული

access_time2016-10-16 16:20:33

წლის ბოლოს გაზზე მომუშავე ავტომობილების ტექდათვალიერება დასრულებული უნდა იყოს. მიუხედავად ამისა, მძღოლები ჯერ თავს არ იწუხებენ, არადა, ახალი წლიდან შეუმოწმებელი მანქანები დაჯარიმდება. შპს "აირბალონისა" და შპს "გაზინჟინერის" წარმომადგენლები შემოწმების მსურველთა რაოდენობას უჩივიან, მიზეზად კი ინფორმაციის ნაკლებობას ასახელებენ.

 

გაზზე მომუშავე ავტომობილების ინსპექტირებას მხოლოდ ორი კომპანია - შპს "აირბალონი" და შპს "გაზინჟინერი" ახორციელებს. მომსახურების საფასური 120-130 ლარია. ამ თანხაში რამდენიმე პროცედურა შედის, რომელიც აუცილებელია გაზზე მომუშავე, ავტომობილების შემოწმებისათვის.

 

შპს "აირბალონის" ტექნიკურმა დირექტორმა ნოდარ რამიშვილმა "რეზონანსთან" საუბრისას აღნიშნა, რომ ავტომფლობელთა მხრიდან მომართვიანობა ძალიან მცირეა. წესით, ავტომობილების შემოწმება მძღოლების ნება-სურვილი უნდა იყოს და არანაირი ძალდატანება არ უნდა სჭირდებოდეთ.

 

"როდესაც ნაციონალური მოძრაობა მოვიდა ხელისუფლებაში, ტექდათვალიერება საერთოდ აკრძალეს. "ქართული ოცნების" პერიოდში კი, 2014 წლიდან განაახლეს ეს საკითხი და მიიღეს #80 დადგენილება. 2015 წლის მარტში კვლავ ჩატარდა სხდომა და მიიღეს ტექნიკური რეგლამენტი (ეს არის იურიდიული დოკუმენტი და მისი შესრულება სავალდებულოა). მძღოლებმა, რომლებიც მართავენ აირბალონიან სატრანსპორტო საშუალებებს, უნდა უზრუნველყონ აღნიშნული ავტომობილების ამ დადგენილებით გათვალისწინებული ინსპექტირება.

 

მალევე კვლავ ჩატარდა სხდომა და #167 დადგენილებით შემოწმების ბოლო ვადად 2017 წლის 1-ლი იანვარია განსაზღვრული. ვინაიდან ახალი დადგენილება არ გამოსულა, ახალი წლიდან პატრულს უფლება ექნება, გაამკაცროს კონტროლი და დააჯარიმოს ყველა ის მძღოლი, ვინც ტექდათვალიერების გარეშე იმოძრავებს.

 

ამ ეტაპზე ავტომფლობელთა მხრიდან მანქნების შემოწმების აქტივობა ძალიან დაბალია. ჩვენმა კომპანიამ მიიღო აკრედიტაცია 2016 წლის 16 ივნისს. ამ დროიდან დღემდე სულ 130 ავტომობილია გატარებული, აქედან 40 - ყვითელი მიკროავტობუსი. სატვირთო ავტომობილები საერთოდ არ გვყავს შემოწმებულთა სიაში.

 

რაც შეეხება ინფორმირებულობას, მართლაც ძალიან დაბალ დონეზეა. არ ვიცი, მთავრობა რატომ პასიურობს. ეს შემოწმება, პირიქით, ყველა მძღოლის სურვილი უნდა იყოს და არანაირ ძალდატანებას არ უნდა ჰქონდეს ადგილი.

 

მძღოლების ინფორმირებულობაზე არავინ ზრუნავს და განცხადებას არ აკეთებს. ჩემი რჩევა იქნება, კომპლექსურად იმუმუშაოს ეკონომიკის სამინისტრომ და აკრედიტაციის ეროვნულმა ცენტრმა. ისინი თავად უნდა აკეთებდნენ რეკლამას, რომ მოსახლეობა არ დაიბნეს და მიიღოს ზუსტი, ამომწურავი ინფორმაცია. ამაში დიდი როლი პატრულმაც უნდა ითამაშოს. საჭიროა, მძღოლების გაფრთხილება დაიწყონ, არ ვგულისხმობ ჯარიმას, უბრალოდ, სიტყვიერი ან წერილობითი გაფრთხილების მიცემა უფრო დააჩქარებდა პროცესს", - განაცხადა რამიშვილმა.

 

იგი ვარაუდობს, რომ ყველას ბოლო თვეს მოუნდება ავტომობილის შემოწმება და იქნება საშინელი რიგი. ეს თავად შეუქმნის ავტომობილის მეპატრონეებს დისკომფორტს.

 

"აქედანვე ვაცხადებთ, რომ კომპანიები არც ერთ დეტალზე არ დავხუჭავთ თვალს და ყველაფერი ჩატარდება წესების დაცვით. მინდა მძღოლებს მივმართო და ვთხოვო, რომ მანქანის შესამოწმებლად მოყვანამდე, მის სისუფთავეზე იზრუნონ. იმედია, ამას გაითვალისწინებენ და დიდ დროს არ დავკარგავთ შემოწმების პროცესში", - აღნიშნა რამიშვილმა.

 

შპს "გაზინჟინერის" ხარისხის მართვის მენეჯერის ირაკლი კიღურაძის განცხადებით, მძღოლები ინფორმაციულ ვაკუუმში იმყოფებიან და სწორედ ეს არის მიზეზი ინსპექტირებული ავტომობილების სიმცირისა.

 

"ჩვენი კომპანია მაისიდან მუშაობს და მხოლოდ 35 მანქანაა შემოწმებული, რაც მძღოლების არაინფორმირებულობაზე მიუთითებს. ავტომობილების შემოწმება უნდა ჩაეტიოს მოცემულ ვადებში და ეს პროცესი თუ ამ ტემპით გაგრძელდა, ვფიქრობ, გაგვიჭირდება მოვასწროთ ყველა საჭირო პროცედურის გავლა. ის მძღოლი კი, რომელსაც არ ექნება შესაბამისი საბუთი, რასაკვირველია, კანონდამრღვევად ჩაითვლება", - განაუცხადა "რეზონანსს" კიღურაძემ.

 

ინფორმაციის ნაკლებობაზე საუბრობს ავტომფლობელი ირაკლი ბრეგვაძე, რომელსაც კარგა ხანია, მანქანა "გაზზე ჰყავს გადაყვანილი". ის ავტომობილის შემოწმებას ახლო მომავალში აპირებს და ამ საქმეში ჩართულ ყველა ორგანოს მოუწოდებს ინტენსიური მუშაობისკენ, რათა მოხდეს მძღოლების დროული გაფრთხილება.

 

"საერთოდ არ მქონდა ინფორმაცია შემოწმების შესახებ, ახლა პირველად მესმის თქვენგან. აუცილებლად გავივლი შემოწმებას. ძალიან კარგი გადაწყვეტილებაა. ბოლოდროინდელ ავტოსაგზაო შემთხვევებსაც თუ გავითვალისწინებთ, ისევ საგზაო უსაფრთხოებისთვის კეთდება ეს ყველაფერი. ვფიქრობ დათვალიერების კიდევ უფრო აქტიური დარეკლამებაა საჭირო, რადგან შეიძლება სხვებიც არ იყვნენ საქმის კურსში", - ამბობს ირაკლი ბრეგვაძე.

 

ზურა ბენაშვილი ერთ-ერთი მძღოლია, რომელმაც საკუთარ ავტომობილს ინსპექტირება ჩაუტარა და მშვიდად ხვდება ძალაში შესულ კანონს, რომლის მიხედვითაც 2017 წლის 1-ლი იანვრიდან დაიწყება შემოწმება.

 

"ერთი თვის წინ გავიარე ტექდათვალიერება და მშვიდად ვარ. არანაირი შიში აღარ მაქვს. ძალიან კარგია, როდესაც მსგავს საკითხებზე ყურადღება მახვილდება. სულ რომ არ იყოს სავალდებულო, თავად მძღოლებმა უნდა მიმართონ მაკონტროლებელს", - განუცხადა "რეზონანსს" ზურა ბენაშვილმა.

 

სპეციალისტების ცნობით, გაზზე მომუშავე ავტომობილების რიცხვი 250-300 ათასია, ტექდათვალიერების ვადის ამოწურვამდე კი 2,5 თვე რჩება. დროის სიმცირის მიუხედავად, ისინი იმედოვნებენ, რომ ავტომფლობელები მანქანების შემოწმებას ამ მცირე დროში მაინც მოახერხებენ.

 



„ელექტროენერგიის იმპორტის ჩანაცვლება ნებისმიერ ფასად არ გვაწყობს“-ფინანსთა მინისტრის იდეებს ენერგეტიკოსები არ ეთანხმებიან

„ელექტროენერგიის იმპორტის ჩანაცვლება ნებისმიერ ფასად არ გვაწყობს“-ფინანსთა მინისტრის იდეებს ენერგეტიკოსები არ ეთანხმებიან
access_time2020-02-21 12:29:41
„გარანტირებულ შესყიდვებზე ხელსაყრელი ელექტროენერგიის იმპორტია და ეს პრაქტიკა წარსულს უნდა ჩაბარდეს“- ფინანსთა მინისტრი ახალი ინიციატივით გამოვიდა, მაგრამ თუ რას შეცვლის იგი ელექტროსისტემაში ეს გაუკვეველია. მინისტრის პოზიცია ცალსახაა, იმპორტული ელექტროენერგიის ადგილობრივით ჩანაცვლება ნებისმიერ ფასად არ ღირს. 2019 წელს საქართველომ ელექტროენერგიის იმპორტზე...

გიორგი ჩერქეზიშვილი - „ახალი კანონი საქართველოს საინვესტიციო სამართლებრივ გარემოს უცხოელი ინვესტორებისათვის უფრო გასაგებს გახდის“

გიორგი ჩერქეზიშვილი - „ახალი კანონი საქართველოს საინვესტიციო სამართლებრივ გარემოს უცხოელი ინვესტორებისათვის უფრო გასაგებს გახდის“
access_time2020-02-21 13:30:31
საქართველოს მთავრობამ მოიწონა და დაამტკიცა კანონპროექტი „საინვესტიციო ფონდების შესახებ“, რომელიც მათი თქმით, კაპიტალის ბაზრის რეფორმის ერთ-ერთი მნიშვნელოვანი ნაწილია. ინვესტორთა საბჭოს ხელმძღვანელმა გიორგი ჩერქეზიშვილმა „კომერსანტთან“ „საინვესტიციო ფონდების შესახებ“ კანონპროექტის მნიშვნელობაზე ისაუბრა და აღნიშნა, რომ საკანონმდებლო ჩარჩოს...

პროგრამის „დანერგე მომავალი“ ფარგლებში 50 379 477 ლარი იქნა ათვისებული - გაამართლა თუ არა სახელმწიფო პროგრამამ?

პროგრამის „დანერგე მომავალი“ ფარგლებში 50 379 477 ლარი იქნა ათვისებული - გაამართლა თუ არა სახელმწიფო პროგრამამ?
access_time2020-02-21 10:45:38
 სოფლისა და სოფლის მეურნეობის განვითარების სააგენტო სახელმწიფო ბიუჯეტის დაფინანსებით 2015 წლიდან ახორციელებს პროექტს „დანერგე მომავალი“, რომლის მიზანიცაა  საქართველოში არსებული სასოფლო-სამეურნეო მიწების ეფექტურ გამოყენება მრავალწლოვანი კულტურების გაშენების გზით. საქართველოს მთავრობა აღნიშნული პროექტით ცდილობდა იმპორტირებული პროდუქცია ჩაენაცვლებინა და გაეზრდა საექსპორტო პოტენციალი, რის შემდეგაც სოფლად მოსახლეობის სოციალურ-ეკონომიკური მდგომარეობა...

2024 წლიდან ახალ შენობებს, ენერგოეფექტურობის მოთხოვნების დაკმაყოფილების ვალდებულება დაეკისრებათ

2024 წლიდან ახალ შენობებს, ენერგოეფექტურობის მოთხოვნების დაკმაყოფილების ვალდებულება დაეკისრებათ
access_time2020-02-20 18:00:17
2024 წლიდან ახალ შენობებს, ასევე იმ შენობებს, რომელთაც მნიშვნელოვანი რეკონსტრუქცია უტარდებათ, ენერგოეფექტურობის მინიმალური მოთხოვნების დაკმაყოფილების ვალდებულება დაეკისრებათ. პარლამენტმა პირველი მოსმენით მხარი დაუჭირა „შენობების ენერგოეფექტიანობის შესახებ“ კანონპროექტს. ახალი კანონპროექტის მიხედვით, ახალი შენობები ან მათი ნაწილები, ასევე არსებული შენობები, რომლებიც იყიდება, ქირავდება ან იჯარით გაიცემა, დაექვემდებარება სერტიფიცირებას, ხოლო სერთიფიკატის...

კრიპტოვალუტით გამდიდრებული მილიარდერები

კრიპტოვალუტით გამდიდრებული მილიარდერები
access_time2020-02-20 20:00:11
კრიპტოვალუტებმა მსოფლიო ბაზარზე  ადგილი  საბოლოოდ დაიმკვიდრეს. მართალია ბიტკოინი 10 000 დოლარამდე გაიაფდა, თუმცა, ვირტუალური ფულისთვის ასეთი რყევა უცხო არ არის. დღეს ბიტკოინი 9800 დოლარი ღირს, გასულ კვირაში კი კურსი 10 430-მდე იყო გაზრდილი. ეთერიუმის ფასი რამდენიმე დღის წინ  270 დოლარამდე გაიზარდა, დღეისათვის კი 252 დოლარს...


მსგავსი სიახლეები

up