მიმდინარე წლის ტურისტული სეზონის პიკი ოკუპირებულ აფხაზეთში არა აგვისტოს, როგორც ეს ტრადიციულად ხდება, არამედ, სექტემბერში იქნება.
1 აგვისტოს, რუსეთსა და ოკუპირებულ აფხაზეთს შორის საზღვრის გახსნის შემდეგ, რუსი ტურისტები ძალიან გააქტიურდნენ, თუმცა, ვიზიტორთა რაოდენობას მაქსიმუმისთვის ჯერ არ მიუღწევია, ამის მიზეზი ისაა, რომ ბევრი ადამიანი შვებულებებს წინასწარ გეგმავს და სპონტანურ გადაწყვეტილებებს მიჩვეული არაა. ხშირ შემთხვევაში მომზადებას, სასტუმროს დაჯავშნას და ბილეთების ყიდვას რამდენიმე კვირა სჭირდება. დღეს კი რუსული მედიას ინფორმაციით, აფხაზეთის სასტუმროებში ადგილები თითქმის ამოიწურულია.
ტურისტული სააგენტო Алеан-ის ინფორმაციით, სექტემბერში ჯავშნების რაოდენობამ 2019 წლის ანალოგიური პერიოდის მაჩვენებელი თითქმის 2-ჯერ გადააჭარბა. ამ დროისთვის აფხაზეთში განთავსების ადგილების შევსების მაჩვენებელი 90%-ს აღწევს. ყველაზე პოპულარულია სასტუმროები ბიჭვინთაში და გაგრაშია და იქ ადგილების დიდი ნაწილი 15 სექტემბრამდე დაკავებულია.
1 სექტემბრისთვის ოკუპირებული აფხაზეთი რუსი ტურისტების პირველმა ნაკადმა დატოვა, ძირითადად მათ, ვინც ჩამოსული ბავშვებთან ერთად იყო, რადგან რუსეთში სწავლება სკოლებში ძველებურად, 1 სექტემბერს იწყება. მაგრამ ამავე დროს მათ ნაცვლად უფრო მეტი ტურისტი ჩადმოდის. მაგალითად ბიჭვინთის სასტუმრო «Литфонд» -ში 29 აგვისტოს ნომრების 80% შევსებული იყო, დღეს კი 100%-ია.
სექტემბერში ტურისტული სეზონის პიკს ხელს ამინდიც უწყობს, უახლოესი 10 დღის მანძილზე ოკუპირებული აფხაზეთის სანაპიროზე 30-32 გრადუსი სითბო და უნალექო ამინდი იქნება. თუმცა, ყველაფერი ასე კარგად არაა, ტურისტული სეზონის გააქტიურებას კორონავირუსის მეორე ტალღა მოჰყვა. დღეში ოკუპირებული აფხაზეთი დაინფიცირების 10, 15, 20, ზოგჯერ 25 შემთხვევა ფიქსირდება. 2 სექტემბერს რეკორდიც მოიხსნა - 29 დაავადებული იყო.
აპრილიდან ოკუპირებულ აფხაზეთში კორონავირუსით დაავადების 359 შემთხვევა დაფიქსირდა (125 გამოჯანმრთელდა), თანაც მათი ლომის წილი სწორედ აგვისტოზე მოდის. ასევე 100 000 ადამიანზე დაავადებების შემთხვევების მაჩვენებელი გაიზარდა - 150-მდე, თუმცა, ეს მაინც ნაკლებია ვიდრე რუსეთში - 679 და მეზობელ კრასნოდარის მხარეში.
საზღვრის გახსნის შემდეგ ოკუპირებული აფხაზეთის ტურიზმის სამინისტრომ მთავრობას ტურისტული სეზონის ეტაპობრივი გახსნა შესთავაზე, ჯერ ორგანიზებული ტურისტული ჯგუფები უნდა შემოეშვათ, შემდეგ ინდივიდუალური მოგზაურები. თუმცა, ამ ვარიანტს ბევრი მოწინაამღდეგე გაუმოუჩნდა - მათი აზრით არასწორი იქნებოდა ტურისტების ასე უხეშად გაყოფა, ერთი ჯგუფისთვის შეღავათების დაწესება მეორეს დისკრიმინაციის ხარჯზე. დღეს, როდესაც ტურისტული სეზონის დასრულებამდე 2, მაქსიმუმ 3 კვირა დარჩა, ეს თავისთავად მოიხსნა.
საზღვარზე ვიზიტორების ჯანმრთელობის მდგომარეობის შემოწმებაც შეწყდა. ოკუპირებული აფხაზეთის ჯანდაცვის მინისტრის თქმით, როდესაც საზღვარს დღეში 15-20 ადამიანი კვეთდა, ეს შესაძლებელი იყო.
„დღეს, როდესაც ასობით ათასი ტურისტი შემოდის, ეს არა რეალურია. ადამიანებს საათობით რიგში დგომა მოუწევთ, თანაც სიცხეში, მზის ქვეშ. ვერც ერთი თერმომეტრი ასეთ შემთხვევაში სწორ სურათს ვერ გვიჩვენებს“, - განაცხადა მან.
ასე რომ რესპუბლიკა კორონავირუსის ახალი შემოტევის წინ თითქმის დაუცველია. აფხაზები იმედოვნებენ, რომ ეპიდემიოლოგიური მდგომარეობა არსებულზე მეტად არ გართულდება და საზოგადოებას რთული არჩევანის შიმშილს და ინფექციას შორის გაკეთება არ მოუწევს.
ekhokavkaza.com
თენგიზ აბლოთია
აფხაზეთი
