„აგვისტო იქნება გადამწყვეტი, მერე ალბათ ისევ ქუჩაში გამოვალთ„ -

„აგვისტო იქნება გადამწყვეტი, მერე ალბათ ისევ ქუჩაში გამოვალთ„ - "ცენტრ პოინტისგან" დაზარალებულები

access_time2020-07-30 10:00:43

არჩევნებს ელოდება მერია   დროის გაყვანის მორიგი კამპანიაა ეს ყველაფერი. ელოშვილის მთავარი მიზანი არჩევნებამდე დაზარალებულთა შეჩერებაა - აქციები არ უნდათ არჩევნების წინ,“


„რა რთული ყოფილა 15 წლის მანძილზე ცენტრ პოინტის პრობლემის გადაჭრა 2 მთავრობის ხელში, რომელთაგან ერთმა გვძარცვა თაღლითებთან ერთად და მეორემ სამართალი ვერ აღადგინა 8 წლის განმავლობაში,“


„ყველაფერი დაგითვალეთ,დაგიანგარიშეთ და ისე მოგაწოდეთ. რით ვერ მოიცალეთ წლობით ნანერვიულები,ჯანგატეხილი ემიგრანტების, ნაადრევად დაბერებული ხალხისთვის“


„რატომ არ იწყებთ მშენებლობას?? რას ველოდებით? იქნებ აგვიხსნათ მაინც?“— 


ამ ტიპის კომენტარებითა და პოსტებით შეიცვალა რამდენიმე თვის წინანადელი პოზიტიური განწყობა და 15 წლიანი ბრძოლის დასრულების იმედი „ცენტრ პოინტის“ მიერ დაზარალებულთა facebook ჯგუფში. იურიდიული პროცედურების გაჭიანურება, მარიჯანის ყველაზე მსხვილი საცხოვრებელი ობიექტის ექსპერტიზული დასკვნის არარსებობა და ამასთან კარს მომდგარი არჩევნები დაზარალებულებს აფიქრებინებს, რომ შესაძლოა მათი საკუთრების დაბრუნების პროცედურები კვლავ განუსაზღვრელი ვადით გაიწელოს.


Next Door-ი, არქი, თბილი სახლი, ანაგი და X2  — ეს იმ დეველოპერული კომპანიების ჩამონათვალია, რომლებიც „ცენტრ-პოინტისგან“ დაზარალებულების აუშენებელი თუ დაუსრულებელი საცხოვრებელი ობიექტების მშენებლობას განახორციელებენ. თუმცა ბოლო ერთ თვეზე მეტია ვერ ხდება იურიდიული საკითხების მოგვარება და მშენებლობების დაწყება.  მერიას კი სურს, რომ ყველა ობიექტზე მშენებლობა ერთდროულად დაიწყოს.


დაზარალებულები მიიჩნევენ, რომ თუ აგვისტოს თვეში მშენებლობები არ დაიწყება და საბოლოოდ არ დასრულდება გაჭიანურებული ბიუროკრატიული საკითხების მოგვარება, ისინი საპროტესტო აქციებს განაახლებენ.


„აგვისტო იქნება გადამწყვეტი თვე იმიტომ, რომ ჩვენც მეტი დრო აღარ გვრჩება, ხოლო სექტემბერში მივიღებთ გადაწყვეტილებას გავიდეთ თუ არა ისევ ქუჩაში. თუ ეს თვეც ისე გავიდა რომ იურიდიული საკითხი არ მოგვარდა, მაშინ არ მოესწრება საარჩევნოდ ყველაფრის დაწყება და მერე ჩვენ არ გვაწყობს -  ისევ ხელისუფლებაში რომ მოვლენ, უცებ გვეტყვიან კარგად იყავითო,“ - განმარტავს „კომერსანტთან“ ერთერთი დაზარალებული და ცენტრ პოინტის მობინადრეების საინიციატივო საბჭოს თანათავმჯდომარე მარიამ ჩიმაკაძე. 


ასაშენებელი ობიექტები, რომლებსაც ზემოთ ჩამოთვლილი  დეველოპერული კომპანიები ააშენებენ, ესენია - დაკიდებული ბაღები, მიონი, ხოშარაული, სააკაძე, გურამიშვილი.


„6 ასაშენებელ ობიექტზე, სადაც ინვესტორები შემოდიან, უკვე ერთი თვეა იურიდიული საკითხების მოგვარება ჭიანურდება და მშენებლობა ვერ იწყება. ყოველ კვირა შეხვედრა უნდა ჩაინიშნოს და ვერ ხვდებიან, შეთანხმება ვერ მოხდა დეველოპერებსა და „ცენტრ პოინტის“ დამფუძნებლებს შორის. დეველოპერები ცდილობენ, რომ „ცენტრ პოინტთან არ ჰქონდეთ საქმე და მერიასთან იყოს მეტი პასუხისმგებლობა. ჩვენც გვინდა, რომ დეველოპერი პირდაპირ ცენტრ პოინტს არ შერჩეს და მერიის პასუხისმგებლობა უფრო იყოს ეს საკითხი. ერთი თვეა მიმდინარეობს მხოლოდ კონტრაქტებზე მუშაობა და ჩემი აზრით ძალიან იწელება,“ - ამბობს დაზარალებული.


ამასთან დარჩენილია 6 სარემონტო ობიექტი, რომელთა დასრულება/გარემონტებისთვის 17 ივლისს ტენდერი გამოცხადდა , ესენია : მიონი, ვენეცია, ტელევიზორების ქარხნის მიმდებარედ, მარიჯანი, ხოშარაული, სააკაძე. ტენდერის დასრულების ვადაა 2020 წლის 17 აგვისტო. ტენდერები ტარდება 3 ეტაპიანი ვაჭრობით, მინიმალური ფასდაკლების ბიჯი - 15 000 ლარი. სატენდერო ობიექტებზე შესასრულებელი სამუშაოების ხარჯთაღრიცხვა კომპანია „სიემსიმ“ განახორციელა, რაც იმას ნიშნავს, რომ გამარჯვებული მშენებელი კომპანიები ამ ხარჯთაღრიცხვის გათვალისწინებით გაარემონტებენ ობიექტებს. ამ ობიექტების გარემონტებას 35 მილიონი ლარი სჭირდება , რომელსაც მერია „ცენტრ პოინტისთვის“ ჩამორთმეული ნინოშვილის ქუჩაზე მდებარე მიწის გაყიდვით მოიზიდავს.


„ ამ ობიექტების გარემონტება დამოკიდებულია ნინოშვილის მიწის გაყიდვაზე, რომელიც ცენტრ-პოინტის ქონებაა და ამჟამად მერიის ბალანსზეა. მისი ღირებულება 20 მილიონი ლარია, რომელიც ამ 6 ობიექტს არ ჰყოფნის, სჭირდება კიდევ 15 მილიონი, რომელსაც მერია უზრუნველყოფს K კოეფიციენტების და სხვა პრეფერენციების გაყიდვის საფასურად. ამ ექვსი ობიექტიდან მხოლოდ მარიჯანზე არ ცხოვრობს ხალხი, 15 წელია ასე დგას ეს კორპუსი. აქ ჩასატარებელია საკონსტრუქციო სამუშაოები და ვერ ატარებენ, რადგან ელოდებიან ამ 20 მილიონის დარიცხვას, რომელიც ეტაპობრივად დაირიცხება 13 თვის განმავლობაში. არსებობს ვერსიები, რომ შესაძლებელია ექსპერტიზის დასკვნის შემდეგ სრულიად სადემონტაჟო გახდეს მარიჯანის კორპუსი.   ამ ტენდერში კი 17 აგვისტოს, გამოიკვეთება ვინ რომელ ობიექტს გაარემონტებს,“ - ამბობს „ცენტრ პოინტის“ მიერ დაზარალებული მარიამ ჩიმაკაძე.

 

როგორც ცნობილია, წლების წინ, იმის ნაცვლად,  რომ საკუთარი მეანაბრეების გადახდილი ფულით „ცენტრ-პოინტს“ ბინები აეშენებინა, კომპანიამ ამ თანხით კონკრეტული მიწები შეიძინა, რომელიც „ცენტრ-პოინტის“ ბალანსზეა. ხოლო მათთვის ბრალის დამტკიცების შემდეგ, სასამართლოს გადაწყვეტილებით პროკურატურამ ეს ქონება დააყადაღა.


„ცენტრ-პოინტისგან“ დაზარალებული 6000-მდე ოჯახიდან ნაწილი უბინაოდაა დარჩენილი, ზოგი  დაუმთავრებელ შენობაში ცხოვრობს.


მარიამ მორგოშია





არჩევნებში მონაწილეობა 1 970 540-მა ამომრჩეველმა მიიღო - ცესკო

არჩევნებში მონაწილეობა 1 970 540-მა ამომრჩეველმა მიიღო - ცესკო
access_time2020-10-31 22:10:40
ცენტრალური საარჩევნო კომისიის (ცესკო) პრეს-სპიკერმა ანა მიქელაძემ მედიას კენჭისყრის პროცესის დასრულების შესახებ ინფორმაცია გააცნო. 20:00 საათზე დაიხურა საარჩევნო უბნები, ხოლო გარკვეულ უბნებზე რიგში მყოფ ამომრჩევლებს კანონმდებლობის მიხედვით, მიეცათ შესაძლებლობა მიეღოთ არჩევნებში მონაწილეობა და გამოეხატათ საკუთარი კონსტიტუციური ნება. რაც შეეხება სტაციონარულ სამკურნალო დაწესებულებებსა და იზოლაციაში მყოფი ამომრჩევლებისთვის შექმნილ 127 სპეციალურ უბანს, 311-ვე...

ოთხმა ტელეკომპანიამ საარჩევნო ეგზიტპოლების შედეგები გამოაქვეყნა

ოთხმა ტელეკომპანიამ საარჩევნო ეგზიტპოლების შედეგები გამოაქვეყნა
access_time2020-10-31 20:15:29
ხმის მიცემის პროცედურის დასრულებისა და საარჩევნო უბნების დახურვის შემდეგ, ოთხმა ტელეკომპანიამ ეგზიტპოლების შედეგები გამოაქვეყნა. საზოგადოებრივი კვლევების ორგანიზაცია Public Opinion Strategies ეგზიტპოლის შედეგებს აქვეყნებს, რომელიც ტელეკომპანია „იმედის“ დაკვეთით ჩატარდა. 2020 წლის საპარლამენტო არჩევნების 18:00 საათის მონაცემებით, Public Opinion Strategies ეგზიტპოლის შედეგები შემდეგნაირად გადანაწილდა:„ქართული ოცნება“-55.0%; „ნაციონალური მოძრაობა“- 23.0%,...

საქართველოში საარჩევნო უბნები დაიხურა

საქართველოში საარჩევნო უბნები დაიხურა
access_time2020-10-31 20:00:04
საქართველოს მასშტაბით არსებულ ყველა საარჩევნო უბანზე ხმის მიცემის პროცესი შეწყდა. საარჩევნო უბნები ზუსტად 20:00 საათზე დაიხურა. ახლა ხმის დათვლის პროცედურები იწყება. მას შემდეგ, რაც საუბნო შემაჯამებელი ოქმები შედგება, მათ საოლქო საარჩევნო კომისიები ცესკოს უმოკლეს ვადაში მოაწვდის და მიღებისთანავე, სპეციალურ ვებ-გვერდზე results.cec.gov.ge აიტვირთება. დღეს საქართველოს ამომრჩეველი მე-10 მოწვევის პარლამენტს ირჩევდა. 150 წევრიან პარლამენტში 120 პროპორციული...

პირველი არხის სერვერებზე კიბერშეტევა განხორციელდა, რის გამოც მაუწყებლობა გაითიშა

პირველი არხის სერვერებზე კიბერშეტევა განხორციელდა, რის გამოც მაუწყებლობა გაითიშა
access_time2020-10-31 18:41:27
პირველადი ინფორმაციით, ცოტა ხნის წინ საქართველოს პირველი არხის სერვერებზე განხორციელდა კიბერშეტევა, რის გამოც მაუწყებლობა გაითიშა. ამის შესახებ ინფორმაციას თავად საზოგადოებრივი მაუწყებელი ავრცელებს.   მათივე განცხადებით, სავარაუდოდ, კიბერშეტევის შედეგად, დაზიანდა ცენტრალური სასერვერო. მიმდინარეობს სარეზერვო სისტემაზე გადასვლა.

ვინც არ უნდა იყოს მმართველ გუნდში, მას სერიოზული სოციალური ვალდებულებები დაეკისრება - ირაკლი იაშვილი

ვინც არ უნდა იყოს მმართველ გუნდში, მას სერიოზული სოციალური ვალდებულებები დაეკისრება - ირაკლი იაშვილი
access_time2020-10-31 16:30:39
„მაქსიმალურად, ბოლო წვეთამდე უნდა ეცადოს ახალი ხელისუფლება, რომ ლოქდაუნი არ გამოაცხადოს ქვეყანაში იმიტომ, რომ ვერ გაუძლებს ქვეყანა. მოგვიწევს ვისესხოთ ფული და ისეთი ძვირი დაგვიჯდება მორიგი ლოქდაუნი, ამის წარმოდგენაც არ მინდა,“ - ამის შესახებ „კომერსანტთან“ East Gate Group-ის სამეთვალყურეო საბჭოს ხელმძღვანელმა, ბიზნესმენმა ირაკლი იაშვილმა ისაუბრა. არჩევნების შემდეგ მმართველი გუნდის მთავარ გამოწვევას ისევ COVID 19-თან ბრძოლა წარმოადგენს. „კომერსანტი“ დაინტერესდა რა ძირითადი...


მსგავსი სიახლეები

up