აფხაზური ტურიზმის შუქ-ჩრდილები - ე.წ. ალკოტურისტებით გაზრდილი სტატისტიკა

აფხაზური ტურიზმის შუქ-ჩრდილები - ე.წ. ალკოტურისტებით გაზრდილი სტატისტიკა

access_time2019-06-17 20:00:07


რუსულ პრესაში გამოქვეყნდა ინფორმაცია, რომელიც წესით, უნდა ყოფილ ძალიან სასიხარულო აფხაზებისთვის - „ოკუპირებულ აფხაზეთი  რუსეთის მოქალაქეებს შორის ყველაზე პოპულარული ტურისტული მიმართულებების რეიტინგში პირველ ადგილზე გავიდა.


კერძოდ, 2019 წლის პირველ კვარტალში, აფხაზეთში ჩავიდა 803 000 რუსი ტურისტი, მაშინ როდესაც ფინეთში 731 000, ყაზახეთში 528 000, ჩინეთში 484 000, გერმანიაში - 307 000.


ასევე დიდი მოთხოვნაა ისეთ მიმართულებებზე როგორცაა იტალია, ვიეტნამი, ესპანეთი და საფრანგეთი.


ანუ, გამოდის, რომ პატარა რესპუბლიკამ, სადაც ცხოვრობს 250 000-მდე ადამიანი, გაუსწრო ისეთ ტურისტულ გიგანტებს, როგორც თურქეთი, იტალია, ესპანეთი, საფრანგეთი და ა.შ. რომ არაფერი ვთქვათ საქართველოზე, რომელიც საერთოდ არ ფიგურირებს პოპულარული მიმართულებების სიაში.


თუმცა, კარგად რომ დავუკვირდეთ, სურათი გამოდის გაცილებით პროზაული და ნაკლებად პათოსური.


ჯერ ერთი, ამ ეტაპზე საუბარია 2019 წლის პირველ კვარტალზე, ანუ პერიოდზე, რომელიც ძალიან შორსაა ტურისტული სეზონის პიკისგან.


მეორე - და მთავარი - ამ ჩამონათვალში, ტაილანდის გარდა, თითქმის არც ერთი მიმართულება არაა საკუთრივ ტურისტული - არავისთვის არაა საიდუმლო, რომ ფინეთში, ყაზახეთში და ჩინეთში „რუს ტურისტებად“ შეფასებული ადამიანების დიდი ნაწილი ჩადის იქ საქმიანი ვიზიტებით. ფორმალურად ეს ერთი და იგივეა, თუმცა, ფაქტობრივად, საქმიანი ვიზიტები და ტურიზმი ძალიან შორს არიან ერთმანეთისგან.



რაც შეეხება აფხაზეთს, აქ სიტუაცია სულ სხვაგვარადაა.


საერთოდ, ცნობილია, რომ სტატისტიკურად დათვლილი ოკუპირებულ აფხაზეთში რუსი ტურისტების რაოდენობა  არ არის მთლად ზუსტი და ეს დაკავშირებულია დათვლის მეთოდოლოგიასთან.


მსოფლიოში ტურისტებს ითვლიან მთავარი კრიტერიუმით და ტურისტი ვიზიტორისგან განსხვავდება იმით, რომ  ქვეყანაში 24 საათზე მეტს ატარებს.


ასეთი დათვლის შემთხვევაში, სტატისტიკა იქნებოდა სულ სხვანაირი და ის ასობით ათასი რუსი ტურისტი, რომლითაც იწონებს თავს აფხაზეთის ე.წ. ხელისუფლება  უკვალოდ გაქრება.


საქმე იმაშია, რომ სოხუმი  ტურისტად თვლის ნებისმიერ უცხოელს, რომელმაც საზღვარი თუნდაც 5 წუთით გადაკვეთა.


აფხაზეთის ე.წ. რესპუბლიკაში ჩამოსული „ტურისტების“ დიდი ნაწილი რეალურად ისვენებს სოჭში და აფხაზეთს  რამდენიმე საათით აკითხავს, ძირითადად, რიწის ტბის და ახალი ათონის მღვიმეების სანახავად.


როგორც წესი ასეთი ვიზიტები გრძელდება მხოლოდ რამდენიმე საათი და წესით, ისინი არ უნდა ჩაითვალოს ტურიზმად. თუმცა, რეალობაში, სწორედ ეს ერთდღიანი ვიზიტორები წარმოადგენენ ოპტიმისტური სტატისტიკის დიდ ნაწილს.

  

ბოლო 2 წელს ამ ტენდენციას დაემატა კიდევ ერთი, დელიკატური მხარე -ე.წ.  აფხაზეთ-რუსეთის ე.წ. საზღვრის აფხაზურ ნაწილში ამოქმედდა 3 duty-free-მაღაზია, სადაც ძალიან იაფად იყიდება ალკოჰოლური სასმელები.


სწორედ ამის შემდეგ მკვეთრად გაიზარდა რუსეთის მხრიდან საზღვრის გადაკვეთის შემთხვევების რაოდენობა და დიდი ნაწილი მოდის სწორედ ე.წ. ალკოტურისტებზე. მათი სტუმრობა აფხაზეთის ე.წ. რესპუბლიკაში გრძელდება საშუალოდ 30-40 წუთი, შემდეგ ისინი ბრუნდებიან სოჭში, ხოლო აფხაზურ მხარეს რჩება ნავაჭრი თანხა და მშვენიერი სტატისტიკა.


სწორედ ამითაა გამოწვეული რუსი ტურისტების რეკორდული რაოდენობა არატურისტულ სეზონში - იანვარში, თებერვალში, მარტში - 803 000. მაშინ, როდესაც მთელი 2018 წლის მანძილზე, ტურისტული სეზონის პიკის ჩათვლით, აფხაზეთის ე.წ. რესპუბლიკაში რუსი ტურისტების რაოდენობა - მათ შორის ერთდღიანების - შეადგენდა დაახლოებით    1 მლნ.-ს.


ამ ეტაპზე აფხაზეთის ე.წ. რესპუბლიკა ელოდება ტურისტების მოზღვავებას - როგორც წესი, სეზონი აღწევს მაქსიმალურ მაჩვენებლებს ივნისის ბოლოდან სექტემბრის დასაწყისამდე.


რუსული და ე.წ. აფხაზური მხარეები უკვე ემზადებიან მოგების გაყოფისთვის - აფხაზეთის ე.წ. ხელისუფლება კრძალავს უცხოელებისთვის გიდებად მუშაობას სპეციალური ადგილობრივი ლიცენზიის მიღების გარეშე, ხოლო რუსეთის ტრანსპორტის სამინისტრომ გადაწყვიტა სოჭიდან აფხაზეთის ე.წ. რესპუბლიკაში  სამგზავრო გადაზიდვების სუბსიდირება.


Ekhokavkaza.com



თეგები:
აფხაზეთი



„2020 წლის ბიუჯეტის მიღების შემდეგ ადამიანების ჯიბეში ლარის ოდენობა გაიზრდება, მაგრამ საკითხავია, იქნება კი ლარი მსყიდველუნარიანი ? „

„2020 წლის ბიუჯეტის მიღების შემდეგ ადამიანების ჯიბეში ლარის ოდენობა გაიზრდება, მაგრამ საკითხავია, იქნება კი ლარი მსყიდველუნარიანი ? „
access_time2019-10-13 18:00:26
რადიო კომერსანტზე გადაცემაში „ეკონომისტის დრო ლევან ქისტაურთან ერთად“, პარტია ახალი საქართველოს წევრმა, ეკონომისტმა, ალექსი ნონიაძემ 2020 წლის ბიუჯეტსა და ეკონომიკური პერსპექტივების შესახებ ისაუბრა. „ლარს ამყარებს მწარმოებლურობა. საქსტატი გვეუბნება, რომ უმუშევრობა ქვეყანაში 12%-მდე შემცირდა, მაგრამ რის ხარჯზე? საქსტატი არ ითვლის თვითდასაქმებულების რიცხვს. ქალაქსა და სოფელში ჯამში 800 ათასი ადამიანია თვითდასაქმებული. ქალაქში თვითდასაქმებულების...

რესტორნების კლიენტებს არ უყვართ ლამაზი ოფიციანტები

რესტორნების კლიენტებს არ უყვართ ლამაზი ოფიციანტები
access_time2019-10-13 20:00:36
დეიტონის უნივერსიტეტის (აშშ) მკლევარებმა აღმოაჩინეს, რომ მომსახურეობის სფეროს თანამშრომლები მიმზიდველი გარეგნობით, ხშირად იწვევენ მომხმარებლებში ნეგატიურ ემოციებს. მეცნიერებმა ჩაატარეს რამდენიმე ექსპერიმენტი, რომელშიც მონაწილეობდა კოლეჯის 309 სტუდენტი - მათ შესთავაზეს რესტორანში სერვისის ხარისხის და მომსახურეობით კმაყოფილების დონის შეფასება. ასევე მათ უნდა შეეფასებიათ ოფიციანტების სილამაზე და დაეხასიათებიათ საკუთარი დამოკიდებულება მათ...

ერთ ლარად მედიკამენტების პროგრამით ბიუჯეტი ფარმაცევტულ კომპანიებს ასუბსიდირებს

ერთ ლარად მედიკამენტების პროგრამით ბიუჯეტი ფარმაცევტულ კომპანიებს ასუბსიდირებს
access_time2019-10-13 16:00:49
2018 წელს 60 მუნიციპალიტეტის სარეზერვო ფონდიდან სულ 8,949,777 ლარი დაიხარჯა, საიდანაც ყველაზე მეტი თანხა - 2,747,100 ლარი თბილისის მუნიციპალიტეტის მერიამ დახარჯა, - ამის შესახებ „ინფორმაციის თავისუფლების განვითარების ინსტიტუტის“ „ადგილობრივი თვითმმართველობების სარეზერვო ფონდების ხარჯვა 2018 წელს“ კვლევაშია აღნიშნული. ამავე კვლევის თანახმად, სარეზერვო ფონდიდან თანხის ხარჯვის მაჩვენებლით მეორე ადგილს ბათუმის მუნიციპალიტეტის მერია იკავებს - 1,395,232 ლარით. ასევე, ნახევარ...

დავით ნარმანია: ელექტროენერგიის იმპორტი არ არის დაკავშირებული მხოლოდ სიძვირესთან, არამედ ის დაკავშირებულია მაკროეკონომიკურ ფაქტორებთანაც

დავით ნარმანია: ელექტროენერგიის იმპორტი არ არის დაკავშირებული მხოლოდ სიძვირესთან, არამედ ის დაკავშირებულია მაკროეკონომიკურ ფაქტორებთანაც
access_time2019-10-13 12:00:28
„ელექტროენერგიაზე და ზოგადად, ენერგიაზე მოთხოვნის ზრდა ბუნებრივია და სხვადასხვა ქვეყნის გამოცდილებაც გვიჩვენებს, რომ ქვეყნის ეკონომიკის ზრდის პარალელურად, იზრდება მოთხოვნა ენერგიაზეც. ეკონომიკური ზრდა დაკავშირებულია ახალ წარმოებებთან, ახალ საცხოვრებელ მასივებთან, რომლებიც მოიხმარენ ენერგიას. ჩვენ გაცილებით უფრო მეტი ტემპებით გვეზრდება მოთხოვნა ელექტროენერგიაზე, ვიდრე ეკონომიკური ზრდაა. საშუალოდ, 4.55%-იანი ეკონომიკური ზრდა გვაქვს, როცა ენერგეტიკაზე მოთხოვნა...

კობა გვენეტაძე - საერთაშორისო სუვერენული საკრედიტო რეიტინგების გაუმჯობესება საინვესტიციო გარემოს გაუმჯობესების ყველაზე კარგი ინდიკატორია

კობა გვენეტაძე - საერთაშორისო სუვერენული საკრედიტო რეიტინგების გაუმჯობესება საინვესტიციო გარემოს გაუმჯობესების ყველაზე კარგი ინდიკატორია
access_time2019-10-12 13:55:31
საქართველოს ეროვნული ბანკის პრეზიდენტი, კობა გვენეტაძე, ეხმაურება S&P Global Ratings-ის მიერ სუვერენული რეიტინგის გაუმჯობესებას და ავტორიტეტული საერთაშორისო სარეიტინგო სააგენტოს გადაწყვეტილებას  დადებითად აფასებს.   „საერთაშორისო ინვესტორებისათვის, მაკროეკონომიკური სტაბილურობის და საინვესტიციო გარემოს გაუმჯობესების ყველაზე კარგი ინდიკატორი საერთაშორისო სუვერენული საკრედიტო რეიტინგებია. ამიტომ, მისასალმელია საინვესტიციო რეიტინგის გაუმჯობესება....


მსგავსი სიახლეები

up