„კომერსანტი“ გთავაზობთ EKHOKAVKAZA-ს სტატიის ქართულ ვერსიას, სადაც გამოყენებულია ოკუპირებულ რეგიონში მოქმედი ტოპონიმები და ტერმინები, რომელთაც რედაქცია არ იზიარებს.
აფხაზეთის უშიშროების საბჭოს თავჯდომარე სერგეი შამბა საქართველოსთან ვაჭრობის ლეგალიზაციის და ამ გზით კონტრაბანდასთან ბრძოლის ინიციატივით გამოვიდა, რამაც საზოგადოების ნაწილში აღშფოთება გამოიწვია.
კერძოდ, ომის ვეტერანთა გავლენიანი ორგანიზაცია „არუაა“ საქართველოსთან ყოველგვარი ეკონომიკური ურთიერთობების წინაამღდეგია მანამ, სანამ თბილისი აფხაზეთის დამოუკიდებლობას არ აღიარებს.
სერგეი შამბამ ეს განცხადება სატელევიზიო გამოსვლაში გააკეთა. მისი თქმით, საქართველოს და აფხაზეთს შორის ვაჭრობა 30 წელია არსებობს, მისი აღმოფხვრა შეუძლებელია და შესაბამისად, უმჯობესია მისი ლეგალიზება.
„დავაყენოთ საზღვარზე შესაბამისი სამსახურები, დავაკანონოთ პროცესი, იმიტომ, რომ საქართველოდან შემავალი ტვირთები არ იბეგრება და ბიუჯეტში არაფერი არ შედის. ამ პროცესით ცალკე აღებული ადამიანები მდიდრდებიან, მაგრამ არა სახელმწიფო. ეს დღესაც კი, კოვიდის დროს ხდება. საზღვარი ფაქტიურად დაკეტილია, მაგრამ პროდუქტები საქართველოდან მაინც შემოდის ჩვენს ბაზრებზე. ერთად-ერთი გზაა ამ ვაჭრობის ლეგალიზება. ბევრი ამას ეწინაამღდგება, იმიტომ, რომ თვითონ დაინტერესებულია, რომ ეს ყველაფერი ბიუჯეტს მიღმა იყოს“ განაცხადა შამბამ.
„არუაას“ თავჯდომარის თემურ გულიას თქმით, ეკონომიკური ურთიერთობები საქართველოსთან დაუშვებელია მანამ, სანამ თბილისი აფხაზეთს საკუთარ და ოკუპირებულ ტერიტორიად თვლის.
„მტრულ საქართველოსთან რაიმე ტიპის ეკონომიკური ან სავაჭრო ურთიერთობები დაუშვებელია. ქართველი პოლიტიკოსები იმასაც ამბობენ რომ ჩვენ არა ერი, არამდე რაღაც მცირე ტომი ვართ. ისინი ჩვენ ოკუპირებულ ტერიტორიად გვთვლიან. როგორი იქნება ტვირთების მარკირება? თუ იქნება ოფიციალური საბაჟო კონტროლი, ეს ტვირთბრუნვა როგორც დაფიქსირდება? სად მიდის ეს საქონელი? ქართველები არ დათანხმდებიან, რომ ტვირთი აფხაზეთის რესპუბლიკაში მიდის. მათ საბუთებში „აფხაზეთის ავტონომიური რესპუბლიკა ჩაიწერება. ეს როგორც გამოვა, საერთოდ გაუგებარია“ - თვლის გულია.
„არუაა“-ს აზრით, მთავრობამ კონტრაბანდასთან ბრძოლაზე, და არა მისი სისტემაში მოქცევაზე უნდა იფიქროს.
„თუ სასაზღვრო სამსახური და საბაჟო კონტრაბანდას ვერ უმკლავდებიან - არ ნიშნავს, რომ მისი ლეგალიზებაა საჭირო. უცნაურია, როდესაც ქვეყნის უშიშროების საბჭოს თავჯდომარე ამბობს „კონტრაბანდას ვერ ვაჩერებთ, მოდით ის დავაკანონოთ“. თუ მთავრობა, საბაჟო და სამართალდამცავი ორგანოები ამოცანას ვერ უმკლავდებიან- ეს სახელმწიფოს და მთავრობის პრობლემა“ - ამბობს თემურ გულია,
მისი თქმით, ორგანიზაციის ამოცანაა - სახელმწიფოს ინტერესებზე ზრუნვა და ქვეყნის და ერის სადარაჯოზე დგომაა.
„არუაა“ სერგეი შამბასგან ან საქართველოსთან ვაჭრობის ლობირების შეწყვეტას, ან გადადგომას მოითხოვს.
Ekhokavkaza.com
მოამზადა თენგიზ აბლოთიამ
დეფაქტო აფხაზეთი
