აფხაზეთში მანდარინს  რუსები და უკრაინელები ერთად კრეფენ

აფხაზეთში მანდარინს რუსები და უკრაინელები ერთად კრეფენ

access_time2018-12-06 19:00:00


გაზეთ «Комсомольская правда» - ს კორესპონდენტი დაინტერესდა აფხაზეთში ციტრუსების კრეფის პროცესით და არაღიარებულ რესპუბლიკაში როგორც რიგითი მუშა ჩავიდა. თავისი შთაბეჭდილებები კი სტატიაში აღწერა.


...მოსკოვში მთელს შავ სამუშაოს ძირითადად  სამხრეთელები ასრულებენ, აფხაზეთში კი პირიქით - არ შემხვედრია არც ერთი აფხაზი, რომელიც  მანდარინს კრეფდა.


„რაში მჭირდება ასეთი სამუშაო, თანაც ასეთი ანაზღაურებით მე სხვა რამეს მოვძებნი, თუ არ მომწონს - წავალ და კიდევ რამეს ვნახავ. შემიძლია საერთოდაც არ ვიმუშაო - საკურორტო სეზონის მანძილზე შევაგროვებ საკმარის თანხას, რომელიც მეყოფა შემდეგ სეზონამდე,“ - ამბობს ერთ-ერთი აფხაზი და ეს არის აქაურების აზრი.


დონეცკიდან, ლუგანსკიდან და უშუალოდ რუსეთიდან ჩამოსულების გარდა, აქ მანდარინის პლანტაციებში მუშაობენ ადგილობრივი რუსებიც - აფხაზებისგან განსხვავებით, მათ არა აქვთ მიწების აღების საშუალება, შესაბამისად, სხვა გზაც არ დარჩენიათ.


ჩემს გვერდით მუშაობდა ორი და ლუგანსკიდან და, საერთოდაც, ბრიგადაში უმეტესობა, სწორედ დონეცკიდან და ლუგანსკიდან იყვნენ.


„რატომ ჩამოვედით აქ? იცით იქ რა ხელფასები გვაქვს? 5000 რუბლი, თანაც კარგ შეთხვევაში, თუ გაგიმართლა. ფასები კი მოსკოვურია. აქ კი, თუ არ ზარმაცობ, რაღაცას მაინც გამოიმუშავებს ისე, რომ ცოტა ხნით გეყოს,“ - ამბობს ერთ-ერთი ლუგანსკელი მუშა.


მიგრანტი მუშები იხდიან 200 რუბლს დღეში ერთ ოთახში კერძო სახლში, საიდანაც მანდარინის პლანტაციამდე 15 წუთის ფეხით სავალი გზაა.


თითო ხე იძლევა დაახლოებით 15 კილოს.



„მანდარინის ეკონომიკა ასეთია - 1 კილოს თვითღირებულებაა 22 რუბლი, ამ თანხაში შედის მკრეფავების ანაზღაურებაც. 1 ყუთის საბითუმო გასაყიდი ფასია 35 რუბლი. ამას ემატება საბაჟო გადასახადი -6-7 რუბლი კილოზე და მიწოდება საბოლოო მიმართულებამდე. შესაბამისად, მოსკოვში ჩვენი მანდარინი ღირს 58 რუბლი.  ძირითადი მოგება მიაქვს საცალო ვაჭრობას - მოსკოვში მაღაზიებში და ბაზრებში  1 კილო ჩვენი მანდარინი  150 რუბლი ღირს“ - ამბობს ერთ-ერთი მეურნეობის მფლობელი ვიაჩესლავ ანქვაბი.


მანდარინის შეგროვების და ჩაბარების პროცედურა მარტივია - ავსებთ ყუთებს, მიგაქვთ გზასთან, ელოდებით. საღამოს მოდის მანქანა, რომელსაც მიაქვს მანდარინი საწყობში. აქვე ხდება ფულადი ანაზღაურება - თითო ყუთი  - 50 რუბლი.


როგორც აღმოჩნდა, აფხაზეთის ციტრუსების პლანტაციებზე მუშაობენ არა მხოლოდ დონეცკელები და ლუგანსკელები, არამედ  უკრაინელებიც.


„აქ არ ვსაუბრობთ პოლიტიკაზე. თუმცა, ზოგჯერ ხდება... იყო ერთი კიეველი, დაუწყო რაღაცეებზე ლაპარაკი,  მის ჯგუფში კი იყვნენ ლუგანსკელები, მაგარი კაცები. ხო და უთხრეს - ბევრს ნუ ლაპაროკობო, თორემ აქ ტყეა, შეიძლება დაიკარგო და ვერავინ გიპოვოსო. ეს იყო ხუმრობა, თუმცა ის კიეველი მაინც გადავიდა სხვა ბრიგადაში,“ - ყვება მანდარინის ერთ-ერთი მკრეფავი.


მოკლედ, ვითვლი შესაძლებელ მოგებას - 5 ყუთი მანდარინი დღეში - ეს არის 250 რუბლი, დღეში 200 რუბლი ოთახის ქირის გადასახადი, შესაბამისად, მრჩება დღეში 50 რუბლი. ზუსტად იმდენი,  რომ იყიდო ერთი ბოთლი სოხუმური ლუდი..


ერთ-ერთ მეურნეობაში მუშაობს ციმბირიდან ჩამოსული ჯგუფი - 70 ადამიანი. მუშაობენ დილიდან გვიან ღამემდე, ასე რომ მოგებაც მეტი აქვთ, ვიდრე ერთი ბოთლი სოხუმური ლუდი.


აფხაზეთიდან მანდარინის გატანის ერთ-ერთი გავრცელებული ხერხია - „ურიკები“. არის ადამიანების მთელი კატეგორია - „მეტაჩკეები“.


საზღვარზე ამ სეზონისთვის ტრადიციული ხალხმრავლობაა - აქ ვისაც ნახავთ, უმეტესობა - სწორედ „მეტაჩკეები“ არიან. მათ მიერ საზღვრადმე მოზიდულ მანდარინს იქვე ყიდულობენ რუსეთიდან ჩამოსული გადამყიდველები - უშუალოდ საზღვრის რუსულ მხარეს - 1 კილო მანდარინს უკვე მოაქვს მოგება 5-10 რუბლი კილოგრამაზე.


გადაიტანე დღეში 20 ყუთი - გამოდის მოგება 1,5-3000 რუბლი. რა უფრო შორს ხარ საზღვრისგან - მით უფრო ძვირია მანდარინიც.


ტიპური "მეტაჩკე" ზის „ურიკით“ საზღვართან ახლოს და ელოდება კლიენტს. დილით ძალიან აქტიური მოძრაობაა - ერთ რეისში „მეტაჩკე“ იღებს 700 რუბლს. მოდიან მცირე ფერმერები და გლეხები, რომელთა მოსავალიც არაა საკმარისი იმისთვის, რომ დაიქირაონ სატვირთო მანქანა ან მიკროავტობუსი.


სწორედ იმათზე, ვინც  მცირე მოცულობაზე მუშაობს არის გათვლილი „მეტაჩკეების“ ბიზნესი  - ჩააბარებ მათ მანდარინს და არაფერზე არ ფიქრობ - ელოდები ფულს. „მეტაჩკეები“ თავად აგვარებენ ყველა პრობლემას, მათ აქვთ მყარი ურთიერთობები მებაჟეებთან, შესაბამისად, სირთულეები თითქმის არასდროს არ ხდება.


ისინი ცდილობენ ერთ რეისზე გადაზიდონ რაც შეიძლება მეტი მანდარინი - ზოგჯერ მათ ურიკებზე დევს 250 კილო მანდარინი.


თუმცა, მე არ მცალია მათთან ხანგძლივი საუბრისთვის - ვბრუნდები ჩემს მეურნეობაში - უნდა გამოვიმუშავო მოსკოვში დასაბრუნებელი ბილეთის ფული - სულ 65 ყუთი...






„ბადაგონმა“ ხელის სადენზიფექციო ხსნარის წარმოება დაიწყო

„ბადაგონმა“ ხელის სადენზიფექციო ხსნარის წარმოება დაიწყო
access_time2020-03-31 17:00:09
„ბადაგონი საქართველოსთვის“- ამ სლოგანით ღვინის კომპანიამ ყურძნისეული წარმოშობის სპირტზე დაფუძნებული 80-%- იან სადენზიფეციო ხსნარის დამზადება დაიწყო. კომპანია სპეციალურ ხსნარებს კორონავირუსის გავრცელების თავიდან აცილების მიზნით უსასყიდლოდ გადასცემს ჯანდაცვის და შინაგან საქმეთა სამინისტროს, ეკლესიას, კახეთის მუნიციპალიტეტის მერიებს და ყველა იმ ადამიანს, რომელიც პანდემიის წინააღმდეგ აქტიურად იბრძვის. „ბადაგონში“ განმარტავენ, რომ ეს პროდუქტი სრულად...

„არც ერთი კილოგრამი იმპორტირებული ნიორი, ვაშლი,კარტოფილი...დავავალდებულოთ მიწების მეპატრონეები მოსავალი მოიყვანონ“

„არც ერთი კილოგრამი იმპორტირებული ნიორი, ვაშლი,კარტოფილი...დავავალდებულოთ მიწების მეპატრონეები მოსავალი მოიყვანონ“
access_time2020-03-31 16:00:30
„ჯორჯიან ეარვესის“  ყოფილი გენერალური დირექტორი იასე ზაუტაშვილი  სოციალურ ქსელ facebook-ში სტატუსს აქვეყნებს, რომელსაც „კომერსანტი“ უცვლელად გთავაზობთ: „მოდი, ცოტა ხნით მოვწყდეთ ამ კორონას თემას და მომავლისკენ გავიხედოთ... მერწმუნეთ, რომ ჩვენ თუ ახლავე არ დავიწყეთ ფიქრი ეკონომიკაზე, ჩვენთვის სულ რამოდენიმე თვეში ეკონომიკური კრიზისი გაცილებით დიიდ ზიანს და ზარალს მოგვიტანს ვიდრე კოვიდი. რამოდენიმე მოსაზრება-წინადადება მექნებოდა და გთხოვთ რომ სახლში ყოფნისას თქვენც მომაწოდოთ...

ვითიბი ბანკი განაგრძობს  COVID 19-ის წინააღმდეგ ბრძოლის მხარდაჭერას

ვითიბი ბანკი განაგრძობს  COVID 19-ის წინააღმდეგ ბრძოლის მხარდაჭერას
access_time2020-03-31 12:30:09
ვითიბი ბანკი განაგრძობს COVID 19-ის წინააღმდეგ ბრძოლის მხარდაჭერას და დაავადებათა კონტროლისა და საზოგადოებრივი ჯანმრთელობის ეროვნულ ცენტრს KIA -ს მარკის ავტომობილებს გადასცემს. „აღნიშნულ ვითარებაში, დაავადებათა კონტროლისა და საზოგადოებრივი ჯანმრთელობის ეროვნული ცენტრი, უმნიშვნელოვანეს როლს ასრულებს პანდემიასთან ბრძოლაში. როგორც ჩვენთვის გახდა ცნობილი, საველე სამუშაოების შეუფერხებლად წარმოებისთვის, დაავადებათა კონტროლის ცენტრი, საჭიროებს დამატებით ავტომობილებს, სწორედ ამიტომ,...

Bloomberg-ზე 1 დოლარი 3.2875 ლარად ივაჭრება, ბანკებში კი 1 დოლარი 3.3600 ლარი ღირს

Bloomberg-ზე 1 დოლარი 3.2875 ლარად ივაჭრება, ბანკებში კი 1 დოლარი 3.3600 ლარი ღირს
access_time2020-03-31 13:30:46
Bloomberg-ის სავაჭრო სისტემაში დილიდან ვაჭრობა $1/3.2971-ით დაიწყო, 13:30 საათისთვის 1 დოლარი 3.2875-ის ნიშნულზეა. საქართველოს ეროვნული ბანკის მიერ გამოქვეყნებული მონაცემების თანახმად, 30 მარტის ვაჭრობის შედეგად აშშ დოლარის ღირებულებამ 3.2845 ლარი შეადგინა. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.3300 ლარადაა შესაძლებელი, ხოლო მისი გაყიდვა - 3.2500 ლარად. „საქართველოს ბანკში“ 1 დოლარის ყიდვა 3.3600...

ქვეყნის მასშტაბით ვალუტის გადამცვლელი პუნქტების მუშაობა დროებით ჩერდება

ქვეყნის მასშტაბით ვალუტის გადამცვლელი პუნქტების მუშაობა დროებით ჩერდება
access_time2020-03-31 10:49:39
საქართველოს ეროვნული ბანკი განცხადებას ავრცელებს, რომელსაც „კომერსანტი“ უცვლელად გთავაზობთ: „ქვეყანაში ახალი კორონავირუსის გავრცელების მასშტაბის შეზღუდვის მიზნით, საქართველოს მთავრობის გადაწყვეტილებით, დღეიდან ქვეყნის მასშტაბით დროებით ჩერდება სამუშაო ოფისებიდან სესხის გამცემი სუბიექტების, ვალუტის გადამცვლელი პუნქტების, საკრედიტო კავშირების, საგადახდო მომსახურების პროვაიდერების, ფასიანი ქაღალდების დამოუკიდებელი რეგისტრატორების, აქტივების მმართველი კომპანიების, ცენტრალური დეპოზიტარის,...


მსგავსი სიახლეები

up