აფხაზეთის ავტონომიური რესპუბლიკის მთავრობაში სტრუქტურული და საკადრო ცვლილებები მიმდინარეობს

აფხაზეთის ავტონომიური რესპუბლიკის მთავრობაში სტრუქტურული და საკადრო ცვლილებები მიმდინარეობს

access_time2019-08-19 13:15:37

აფხაზეთის მთავრობაში სტრუქტურული და საკადრო ცვლილებები მიმდინარეობს. როგორც „ინტერპრესნიუსს“ აფხაზეთის მთავრობაში დაუდასტურეს, რეორგანიზაციის ფარგლებში, აფხაზეთის მთავრობის საქვეუწყებო დაწესებულება - ადმინისტრაციულ-სამეურნეო სამმართველო - გაუქმდა, ხოლო მისი ფუნქციები აფხაზეთის მთავრობის აპარატს გადაეცა.


რეორგანიზაციის შედეგად, აფხაზეთის ფინანსთა და ეკონომიკის სამინისტრო და აფხაზეთის სოფლის მეურნეობის, გარემოს დაცვისა და სოფლის მეურნეობის დეპარტამენტი გაერთიანდა; დაიწყო აფხაზეთის იუსტიციის დეპარტამენტის ლიკვიდაციის პროცესი, რომლის ფუნქციები აფხაზეთის მთავრობის შესაბამის დაწესებულებებს გადაეცა.


როგორც „ინტერპრესნიუსს“ აფხაზეთის მთავრობის პრესსამსახურმა განუცხადა, რეორგანიზაციის პროცესი მიმდინარეობს აფხაზეთის მთავრობის აპარატსა და აღმასრულებელი ხელისუფლების დაწესებულებებში. პრესსამსახურის განცხადებით, თანამდებობა პირადი განცხადების საფუძველზე ნდობის აღდგენისა და შერიგების საკითხებში მინისტრმა დავით გვაძაბიამ დატოვა. მის ადგილზე პარლამენტის ყოფილი თავმჯდომარის ირაკლი კობახიძის სიძე, დავით ფაცაცია დაინიშნა.



ამასთან, ჯერჯერობით უცნობია, რამდენით შემცირდება თანამშრომლების რაოდენობა აფხაზეთის მთავრობის სტრუქტურებში. რეორგანიზაციის პროცესი 1-ელ ოქტომბერს დასრულდება. შესაბამისად, თანამშრომელთა შემცირების შესახებ ზუსტი ინფორმაცია სწორედ ამ დროისთვის გახდება ცნობილი.


აფხაზეთის მთავრობაში აცხადებენ, რომ ცვლილებები დევნილ მოსახლეობაზე უფრო ეფექტურ ზრუნვას ისახავს მიზნად.


„აფხაზეთის ავტონომიური რესპუბლიკის სამთავრობო პროგრამის შესაბამისად, მოქნილი და ეფექტური მთავრობის კონცეფციის განსახორციელებლად მიმდინარეობს აფხაზეთის აღმასრულებელი ხელისუფლების დაწესებულებებისა და ცალკეული სტრუქტურული ერთეულების გაერთიანება/ოპტიმიზაცია, მათ შორის ფუნქციების გადანაწილება მოსახლეობაზე ორიენტირებული რეფორმების სწრაფად და ეფექტიანად განსახორციელებლად. ცვლილებები მიზნად ისახავს, ისეთი სტრუქტურული რეფორმის განხორციელებას, რომელიც კიდევ უფრო უკეთ უპასუხებს არსებულ გამოწვევებს და მოემსახურება აფხაზეთის ავტონომიური რესპუბლიკის უმთავრეს მიზანს - დევნილ მოსახლეობაზე ზრუნვას, საჭიროებაზე მორგებული სამთავრობო სტრუქტურების ჩამოყალიბებას. წარმოდგენილი სტრუქტურულ-ფუნქციური ცვლილებები ემსახურება უფრო მეტად მოქნილი სახელმწიფო მმართველობითი აპარატის ჩამოყალიბებას. აღნიშნული, ასევე, მაქსიმალურად შეუწყობს ხელს ადმინისტრაციული დანახარჯების შემცირებას და დევნილი საზოგადოების საჭიროებებზე მორგებული, მათ შორის, თვითრეალიზაციისა და დასაქმების პროგრამების განხორციელებას“, - განუცხადეს „ინტერპრესნიუსს“ აფხაზეთის ავტონომიური რესპუბლიკის მთავრობაში.


IPN





„დამოუკიდებელი საქართველოს ისტორიაში სტრატეგიული პარტნიორისგან პირველი სანქცია მივიღეთ“ - ბათუ ქუთელია

„დამოუკიდებელი საქართველოს ისტორიაში სტრატეგიული პარტნიორისგან პირველი სანქცია მივიღეთ“ - ბათუ ქუთელია
access_time2020-07-07 16:00:47
„ღიად და პირდაპირ,  „ქართული ოცნების“ მთავრობამ მიიღო პირველი სანქცია, რომელიც თავისი მასშტაბით არ არის დიდი, მაგრამ მნიშვნელობით არის კატასტროფული, — ასე აფასებს საერთაშორისო ურთიერთობების ექსპერტი ბათუ ქუთელია აშშ-ს კონგრესის კანონპროექტს საქართველოსთვის განკუთვნილი დახმარების 15 პროცენტის გაყინვის შესახებ.  ცოტა ხნის წინ ცნობილი გახდა, რომ აშშ-ის წარმომადგენელთა პალატამ ასიგნებების კომიტეტის მიერ წარდგენილი კანონპროექტი გამოაქვეყნა,...

მსოფლიო ბანკის მიერ დაფინანსებული პროექტი გორის მუნიციპალიტეტში 4 წლის განმავლობაში ვერ დასრულდა

მსოფლიო ბანკის მიერ დაფინანსებული პროექტი გორის მუნიციპალიტეტში 4 წლის განმავლობაში ვერ დასრულდა
access_time2020-07-06 16:00:47
მსოფლიო ბანკის მიერ მხარდაჭერილი პროექტის დასრულება ხიდისთავი-ატენი-ბოშურის 10 კმ-იან მონაკვეთზე ისევ გადაიდო. ამჯერად მისი განმახორციელებელი უწყება ვარაუდობს, რომ პროექტი, რომელიც ტენდერში გამარჯვებულმა უცხოურმა კომპანიამ 2016 წელს დაიწყო შემოდგომამდე დასრულდება. ხელშეკრულებით გათვალისწინებული პირობების დარღვევისთვის კი სამუშაოების განმახორციელებელ კომპანიას ჯარიმა დაეკისრა. ეს გადაწყვეტილება დამკვეთმა უწყებამ 2019 წლის 31 ოქტომბრის შემდეგ...

ტურისტების გარეშე Hilton-ის გახსნას აზრი არ აქვს - ლაშა პაპაშვილი

ტურისტების გარეშე Hilton-ის გახსნას აზრი არ აქვს - ლაშა პაპაშვილი
access_time2020-07-07 13:30:27
თბილისში Hilton-ის ბრენდის პირველი სასტუმროს გახსნა კიდევ ერთხელ გადაიდო. პროექტი ბიზნესმენ ლაშა პაპაშვილის კომპანია „რედიქსს“ ეკუთვნის. ამის შესახებ ბიზნესმენმა „კომერსანტს“ თავად განუცხადა. მისი განმატებით, თბილისში, ჭავჭავაძის გამზირზე Hilton-ის ბრენდის პირველი სასტუმროს გახსნამ ტურისტების არარსებობის გამო, კიდევ ერთხელ გადაიწია. „Hilton-ის გახსნა გადადებულია. ფანჯარაში ვიხედებით, როდესაც მსოფლიოში კარგი სიტუაცია იქნება ანუ როცა ტურისტები შემოსვლას დაიწყებენ,...

ამერიკამ საქართველოს ხელისუფლებას ყვითელი შუქი აუნთო - გია ხუხაშვილი

ამერიკამ საქართველოს ხელისუფლებას ყვითელი შუქი აუნთო - გია ხუხაშვილი
access_time2020-07-07 12:30:56
„ამერიკის შეერთებული შტატები საქართველოს სტიმულირების პოლიტიკიდან იძულების პოლიტიკაზე გადადის“, - ასე აფასებს პოლიტოლოგი გია ხუხაშვილი აშშ-ის კონგრესის წარმომადგენელთა პალატის საბიუჯეტო კომიტეტის მიერ დარეგისტრირებულ კანონპროექტს, რომელიც 2021 წელს საქართველოსთვის დახმარების სახით მისაღები თანხის 15 პროცენტის გაყინვას გულისხმობს. დოკუმენტის მიხედვით, შესაძლოა დაახლოებით 20 მლნ დოლარის გაცემა შეჩერდეს იქამდე, სანამ სახელმწიფო დეპარტამენტი არ დაადგენს, რომ საქართველოში...

ამერიკის კონგრესი ითხოვს საქართველოს შეუჩერდეს დახმარების 15%, სანამ არ შემცირდება კორუფცია და არ იქნება დაცული უცხოური ინვესტიციები

ამერიკის კონგრესი ითხოვს საქართველოს შეუჩერდეს დახმარების 15%, სანამ არ შემცირდება კორუფცია და არ იქნება დაცული უცხოური ინვესტიციები
access_time2020-07-07 11:35:54
აშშ-ის წარმომადგენელთა პალატამ ასიგნებების კომიტეტის მიერ წარდგენილი კანონპროექტი გამოაქვეყნა, რომელშიც 2021 ფისკალური წლისთვის სახელმწიფო დეპარტამენტის, საგარეო ოპერაციებისა და მასთან დაკავშირებული პროგრამების დაფინანსების პრიორიტეტებზეა საუბარი. დოკუმენტში აღნიშნულია, რომ საქართველო 2021 წელს დახმარების სახით არანაკლებ 132 025 000 აშშ დოლარს მიიღებს, თუმცა აღნიშნულია, რომ აღნიშნული დახმარების 15 პროცენტის საქართველოსთვის გადაცემა შესაძლოა, შეჩერდეს იქამდე, ვიდრე აშშ-ის...


მსგავსი სიახლეები

up