“აფხაზეთი და ოსეთი კიდევ უფრო მეტად მიეკვრნენ და ჩაბარდნენ რუსეთს” - როგორი იყო 2019 წელი დეოკუპაციის მხრივ

“აფხაზეთი და ოსეთი კიდევ უფრო მეტად მიეკვრნენ და ჩაბარდნენ რუსეთს” - როგორი იყო 2019 წელი დეოკუპაციის მხრივ

access_time2019-12-30 21:40:36

„2020 წელიც ოკუპაციასთან ბრძოლის კუთხით ისევ ისეთი, რომ არ იყოს, ხელისუფლება პოლიტიკიდან უნდა წავიდეს, მათ არაფრის შეცვლა არ შეუძლიათ, ამიტომ მომავალ წელს არჩევნები უნდა წააგონ, ესაა ყველაზე გულწრფელი და გულახდილი რჩევა კონფლიქტების მიმართულებით, ამ ხელისუფლებას არ შესწევს ძალა, რომ კონფლიქტები მოაგვაროს,"-ასე აფასებს „რეზონანსთან" შერიგებისა და სამოქალაქო თანასწორობის საკითხებში ყოფილი სახელმწიფო მინისტრი პაატა ზაქარეიშვილი 2019 წელს ხელისუფლების ოკუპაციასთან ბრძოლას და მის შედეგებს.

 

ზაქარეიშვილი მიიჩნევს, რომ ხელისუფლება 2019 წელს თავის პოლიტიკურ საქმიანობაში იყო ჩართული და ოკუპაციასთან ბრძოლის დრო არ ჰქონდა.

 

„მგონია, რომ წელს ხელისუფლებას ოკუპაციასთან ბრძოლის დრო არ ჰქონდა, ის თავის პოლიტიკურ საკითხებში იყო ჩართული, ამიტომ დეოკუპაციის მიმართულებით ეჭვი მეპარება და ვერ ვხედავ ვერანაირ წინ გადადგმულ ნაბიჯს, აშკარად ჩანს, რომ ხელისუფლება ამ მიმართულებით მობილიზებული არ იყო,

 

„ჟენევის ფორმატები ძალიან სტანდარტულად და ტრადიციულად ტარდებოდა, ერგნეთის შეხვედრები პრაქტიკულად გაჩერდა და რეალურად აღარ ტარდება, ამ ფონზე მდგომარეობა გაუარესდა, იმიტომ, რომ ცხინვალის მიმართულებით წნელისის საგუშაგოს გამო ვითარება დაიძაბა, პრაქტიკულად ნახევარ წელზე მეტი მთელი სამხრეთ ოსეთი ჩაკეტილია, განსაკუთრებით ახალგორის რაიონი, ასე რომ, თუ არის რაიმე დინამიკა, ეს არის გაუარესებისკენ.

 

„ამას ემატება ვაჟა გაფრინდაშვილის საქმე, რომლის თავისუფლების შეზღუდვა ჩაკეტილ გამყოფ ხაზის გამო მოხდა, ერთადერთი პლიუსი ისაა, რომ იგი ახლახანს გაათავისუფლეს, მაგრამ ეს გათავისუფლება ამ მძიმე სურათის ნაწილი იყო.

 

„2020 წელიც ოკუპაციასთან ბრძოლის კუთხით ისევ ისეთი რომ არ იყოს, ხელისუფლება პოლიტიკიდან უნდა წავიდეს, მათ არაფრის შეცვლა არ შესწევთ, ამიტომ მომავალ წელს არჩევნები უნდა წააგონ, ესაა ყველაზე გულწრფელი და გულახდილი რჩევა კონფლიქტების მიმართულებით, ამ ხელისუფლებას არ შესწევს ძალა, რომ კონფლიქტები მოაგვაროს, ახლა ისინი არა ქვეყნის, არამედ თავიანთი თავის გადარჩენაზე არიან, პოლიტიკური პარტია, რომელიც არა ქვეყანაზე, არამედ თავის თავზე ფიქრობს, უნდა წავიდეს!" - აცხადებს იგი.

 

მისივე თქმით, „ქართულმა ოცნებამ" აფხაზურ და ოსურ მხარეებთან პირდაპირი კონტაქტები გააჩერა და პრაქტიკულად რუსეთს შეატოვა.

 

„ახლანდელმა ხელისუფლებამ პრაქტიკულად აფხაზურ ოსურ მხარეებთან პირდაპირი კონტაქტები გააჩერა და „ნაციონალური მოძრაობის" პოლიტიკას დაუბრუნდნენ, რომ მხოლოდ რუსეთს აგებინონ პასუხი და გვერდზე დატოვეს აფხაზური და ოსური მხარეები, შესაბამისად აფხაზეთი და ოსეთი კიდევ მეტად მიეკვრნენ და კიდევ მეტად ჩაბარდნენ რუსულ მხარეს და მონოლითური გაერთიანება მოხდა რუსეთის გარშემო აფხაზეთის და ოსური საზოგადოების ინტერესებისა და ჩვენ ამით რუსეთი კიდევ მეტად გავაძლიერეთ,

 

„ხელისუფლებას შეეძლო უფრო მეტად ეფექტური ყოფილიყო, მაგრამ მათ ეს არ გააკეთეს და იოლი გზა იპოვეს ყველაფერი დააბრალონ რუსეთს იმიტომ, რომ იგი ძლიერი აგრესორი და ოკუპანტია,

 

„ხელისუფლებამ აჩვენა სრული უსუსურობა, გაფრინდაშვილის გათავისუფლება დამოკიდებული იყო ოპოზიციურ პარტიებზე, სახალხიო დიპლომატიაზე, სხვადასხვა ჯგუფებზე, ხელოვანებზე და სპორტსმენებზე, რამაც მშვენივრად აჩვენა, რომ ამაში ხელისუფლება ჩართული არ იყო და მისი გათავისუფლება სწორედაც, რომ არასახელმწიფო სტრუქტურებმა განაპირობეს."- განაცხადა ზაქარეიშვილმა.

 

resonancedaily.com





დღის Top-10 საინტერესო ამბავი

დღის Top-10 საინტერესო ამბავი
access_time2020-02-21 21:30:32
დღის Top-10 საინტერესო ამბავი 1.როგორ ემზადება ხელისუფლება ხანძარსაშიში სეზონისთვის - ზაფხულამდე 3 თვე რჩება „კომერსანტი“ დაინტერესდა არის თუ არა მზად და რა ღონისძიებებს ახორციელებს...

სამედიცინო ასოციაციები მთავრობაში გასაგზავნ წერილს ასაჯაროებენ

სამედიცინო ასოციაციები მთავრობაში გასაგზავნ წერილს ასაჯაროებენ
access_time2020-02-21 16:29:38
საქართველოს სამედიცინო ასოციაციების გაერთიანება და მისი წევრი 37 კლინიკა  პრემიერს წერილს უგზავნის. განცხადების ტექსტს "კომერსანტი" უცვლელად გთავაზობთ:"სამედიცინო ასოციაციების გაერთიანების 7 თებერვლის სხდომაზე კიდევ ერთხელ იქნა განხილული საქართველოს მთავრობის 2019 წლის 5 ნოემბრის 520-ე დადგენილების შედეგები.მიღებულ იქნა ერთობლივი განცხადება:საქართველოს მთავრობის 520-ე დადგენილებასთან დაკავშირებით სამედიცინო ასოციაციების...

ბათუმში „ოცნების ქალაქის“ მშენებლობა ბიუჯეტს 38,7 მილიონი ლარი დაუჯდება

ბათუმში „ოცნების ქალაქის“ მშენებლობა ბიუჯეტს 38,7 მილიონი ლარი დაუჯდება
access_time2020-02-21 15:15:09
წელიწადში და ექვს თვეში აქ აშენდება 582 ბინა, რომელიც იქნება თქვენი, იქნება ამ ბავშვების და რომლებმაც თქვენ, საქართველოს მოქალაქეებს უნდა მოგცეთ საშუალება, რომ ყოველ დღე იცხოვროთ ღირსეულად და გაზარდოთ ღირსეული შვილები, - ამის შესახებ საქართველოს პრემიერ-მინისტრმა გიორგი გახარიამ ბათუმში, „ოცნების ქალაქის“ მშენებლობის გახსნაზე სიტყვით გამოსვლისას...

„სესხის ამომღები კომპანიები განულებულ სესხებს თავიდან ითხოვენ“

„სესხის ამომღები კომპანიები განულებულ სესხებს თავიდან ითხოვენ“
access_time2020-02-21 16:10:21
„სესხის ამომღები კომპანიები განულებულ სესხებს თავიდან ითხოვენ“ - ამის შესახებ „კომერსანტს“ ადვოკატმა მარიკა არევაძემ განუცხადა. მისი თქმით, კვირის განმავლობაში უკვე მესამე შემთხვევა დაფიქსირდა, როდესაც მას დახმარებისთვის მიმართავენ.    „გვახსოვს ყველას, რომ 2018 წლის დეკემბერში „ფონდმა ქართუმ“ პრობლემური აქტივების შეძენა გადაწყვიტა და მოსახლეობას სესხები გაუნუნლა. მონაცემები აღბეჭდილი იყო vali.ge-ზე, მაგრამ დღესდღეობით საიტი აღარ...

გიორგი გახარია - ქუთაისს მალე ექნება უზარმაზარი საგანმანათლებლო ცენტრი, რომლის მნიშვნელობაც პარლამენტის შენობაზე ბევრად მეტია

გიორგი გახარია - ქუთაისს მალე ექნება უზარმაზარი საგანმანათლებლო ცენტრი, რომლის მნიშვნელობაც პარლამენტის შენობაზე ბევრად მეტია
access_time2020-02-21 14:45:27
საქართველოს პრემიერ-მინისტრი გიორგი გახარია ადასტურებს ინფორმაციას, რომ ქუთაისში მდებარე პარლამენტის შენობა გაიყიდება.ჟურნალისტის კითხვაზე, რომ ამით ქუთაისს განვითარების შანსი ერთმევა, პრემიერ-მინისტრმა განაცხადა, რომ ქუთაისს მალე ექნება უზარმაზარი საგანმანათლებლო ცენტრი, რომლის მნიშვნელობაც პარლამენტის შენობაზე ბევრად მეტია. „რას ნიშნავს, შანსს არ ვუტოვებთ ქუთაისს, რომ დაიბრუნოს პარლამენტი? ქუთაისს სულ მალე ექნება უზარმაზარი საგანმანათლებლო ცენტრი,...


მსგავსი სიახლეები

up