„აფბას“ ანალიტიკოსი „ფეხბურთის ფედერაციას“ ეროვნული ჩემპიონატის განახლებისკენ მოუწოდებს

„აფბას“ ანალიტიკოსი „ფეხბურთის ფედერაციას“ ეროვნული ჩემპიონატის განახლებისკენ მოუწოდებს

access_time2020-05-18 14:52:27

„ახალგაზრდა ფინანსისტთა და ბიზნესმენთა ასოციაცია – აფბას” ანალიტიკოსი, ბაჩანა ჯინჭარაძე სოციალურ ქსელში პოსტს ქვეყნებს, სადაც ის საქართველოს ფეხბურთის ფედერაციას საფეხბურთო ჩემპიონატის განახლებისკენ მოუწოდებს. „კომერსანტი“ პოსტს უცვლელად გთავაზობთ.


„გასულ უქმეებზე ბებერ კონტინენტზე ფეხბურთი დაბრუნდა.


გერმანია პირველი ქვეყანაა ევროპაში იმ ბობოლა საფეხბურთო ქვეყნებიდან, რომელმაც კორონავირუსის პანდემიის პირობებში განაახლა ბუნდესლიგის გათამაშება, დახურულ კარს მიღმა.


ეტაპობრივად იგეგმება იმ სხვა ქვეყნების ჩემპიონატების განახლება, რომლებსაც ქვეყნის საფეხბურთო პირველობა დასრულებულად არ გამოუცხადებიათ.


აქამდე, სულ რამდენიმე, თითზე ჩამოსათვლელი საფეხბურთო ჩემპიონატი მიმდინარეობს მსოფლიო მასშტაბით – ბელორუსი, ფარერები, სამხრეთ კორეა. ტაივანი, თურქმენეთი.


საქართველოში პანდემიური პროცესის მართვის წარმატებულ პრაქტიკაზე არაერთხელ აღინიშნა და დაიწერა უცხოურ მედიაში. ის ტენდენციები, რასაც ჩვენ ჩვენს ქვეყანაში ვხედავთ ვირუსთან ბრძოლის თვალსაზრისით, საკმაოდ დამაკმაყოფილებელია. ყველა კრიზისი ახალი შესაძლებლობების გაჩენის პერსპექტივაა და ვფიქრობ, ამ პირობებში, ურიგო არ იქნებოდა საქართველოს ფეხბურთის ფედერაციას ეფიქრა ქვეყნის საფეხბურთო ჩემპიონატის აღდგენაზე, იმაზე ადრე, ვიდრე ეს სხვა ქვეყნებს აქვთ დაგეგმილი, რადგან ჩვენ პანდემიური პროცესის მართვის კუთხით გაცილებით კარგი შედეგები გვაქვს.


და რას მოგვცემს ეს?

– გაიზრდება ქვეყნის საფეხბურთო ჩემპიონატის ცნობადობა;
– გაიყიდება ტრანსლირების ლიცენზიები;
– კლუბებში დასაქმებული ადამიანები განაახლებენ მუშაობას;
– კლუბებს ახალი სპონსორების მოზიდვის პერსპექტივა გაუჩნდებათ;

– ჩვენს ფეხბურთელებს იმაზე მეტი სკაუტები დააკვირდება, ვიდრე ჩვეულებრივ, რაც მათ მოტივაციას გაზრდის და შესაბამისად, სატრანსფერო ფანჯრის პერიოდში მათზე მოთხოვნის გაზრდის შანსია;
– გაიზრდება კლუბების სპონსორების ცნობადობა, რაც ამ კომპანიებისთვის ძალიან კარგი იქნება;
– საქართველოს, როგორც დაცული ქვეყნის პოზიციონირებისკენ გადადგმული კიდევ ერთი ნაბიჯი იქნება;


მოკლედ, კიდევ ბევრი სასიკეთო რამ მოჰყვება ამ პროცესს სამომავლოდ.


ამიტომ, ურიგო არ იქნებოდა ამ მხრივაც იყოს ისეთი გეგმა, სადაც ვირუსთან ბრძოლის დადებითი შედეგების კონვერტირება მოხდება მანამ, სანამ დანარჩენი ჩვენზე მეტად განვითარებული ქვეყნები კიდევ ერთ ნაბიჯს გადადგამენ, რომლითაც კიდევ უფრო გაიზრდება სხვაობა ჩვენსა და მათ შორის.


პ.ს. არაფერს ვამტკიცებ, მაგრამ ვირუსის წინააღმდეგ ბრძოლის დადებითი დინამიკის სხვადასხვა საკითხებსა და სექტორებში კონვერტირება შესაბამისი პრევენციული დათქმების საფუძველზე მალევე უნდა დავიწყოთ”, – წერს აფბას ანალიტიკოსი სოციალურ ქსელში.


თეგები:
ფეხბურთი



„შეზღუდვების არსებობის შემთხვევაში, აქცენტი კვლავ მიტანის სერვისზე და „Drive Thru“ მომსახურებაზე გაკეთდება“ - „ვენდისი“ კონცეფციის შეცვლას არ გეგმავს

„შეზღუდვების არსებობის შემთხვევაში, აქცენტი კვლავ მიტანის სერვისზე და „Drive Thru“ მომსახურებაზე გაკეთდება“ -   „ვენდისი“ კონცეფციის შეცვლას არ გეგმავს
access_time2020-06-04 10:50:09
ღია სივრცის რესტორნები პირველი ივნისიდან ამუშავდნენ, 8 ივნისიდან კი რესტორნები და კაფე-ბარები ყველა სახის მომსახურებას აღადგენენ. შეზღუდვების მოხსნის მიუხედავად ძალაში რჩება გარკვეული რეგულაციები, რომლის შესრულება როგორც მომხმარებლებს ასევე ბიზნესსაც მოუწევს.   „კომერსანტი“ დაინტერესდა როგორ აისახება კორონავირუსის პანდემია სწრაფი კვების ობიექტებზე, დაწესებული რეგულაციებით შემცირებული დინამიკის...

„ეს ფარსი უნდა დამთავრდეს“-„ფრონტერა“ გიორგი გახარიას ღია წერილის უგზავნის

„ეს ფარსი უნდა დამთავრდეს“-„ფრონტერა“ გიორგი გახარიას ღია წერილის უგზავნის
access_time2020-06-04 16:25:04
კომპანია „ფრონტერა“ პრემიერ-მინისტრ გიორგი გახარიას ღიას წერილს უგზავნის, რომელსაც „კომერსანტი“ უცვლელად გთავაზობთ: „ ძვირფასო პრემიერ მინისტრო გახარია, პატივისცემით გწერთ, რათა გაუწყოთ, რომ სხვა ამერიკული კომპანიების მსგავსად ჩვენც ვართ მომსწრენი იმისა თუ როგორ გაუარესდა ქვეყანაში საინვესტიციო და ბიზნეს გარემო, რომელიც არ სცნობს კანონის უზენაესობას და იყენებს სასამართლოს როგორც იარაღს, უპირატესობას ანიჭებს სახელმწიფოს მიტაცებას ნაცვლად ამერიკულ ინვესტიციებთან პარტნიორობისა. 2013 წლიდან...

საკარანტინო ზონებისთვის სახელმწიფო ბიუჯეტიდან 32.5 მლნ ლარი დაიხარჯა

საკარანტინო ზონებისთვის სახელმწიფო ბიუჯეტიდან   32.5 მლნ ლარი დაიხარჯა
access_time2020-06-04 16:05:28
საკარანტინო ზონებისთვის დახარჯული სახელმწიფო ბიუჯეტი 32.5 მლნ ლარს შეადგენს. ამის შესახებ COVID-19-ის წინააღმდეგ საქართველოს მთავრობის მიერ გატარებული ღონისძიებების ანგარიშშია ნათქვამი. ამავე ანგარიშის თანახმად, 22 მაისის მდგომარეობით, საკარანტინო ზონაში შედიოდა ქვეყნის მასშტაბით 84 სასტუმრო, რაც ჯამში აერთიანებდა 6 500-ზე მეტ ოთახს, რომლებშიც სავალდებულო კარანტინი 19 002 ადამიანმა დაასრულა. ამასთან, 2 თვის განმავლობაში მუდმივად დაკავებული იყო საშუალოდ...

კობა გვენეტაძე ლარის გამყარებას გაუმჯობესებულ მოლოდინებს უკავშირებს

კობა გვენეტაძე ლარის გამყარებას გაუმჯობესებულ მოლოდინებს უკავშირებს
access_time2020-06-04 14:50:22
ეროვნული ბანკის პრეზიდენტი კობა გვენეტაძე ლარის გამყარებას გაუმჯობესებულ მოლოდინებს უკავშირებს. როგორც მან ლარის კურსის კომენტირებისას აღნიშნა, ეს უკავშირდება იმას, რომ ქვეყანამ პანდემიის კრიზისი სწარფად დაძლია. “მოლოდინები გაუმჯობესებულია, დამსახურებულადაც. მაგალითად, ორი თვის წინ როდესაც იყო გაუფასურება, მისი აცდენა აბსოლუტურად შეუძლებელი იყო ყოველგვარი კანონების მიხედვით. ხოლო იმის გამო, რომ საქართველო საკმაოდ კარგად გაუმკლავდა პანდემიას და ერთ-ერთი...

„თიბისი“ ჯგუფი ლარის მკვეთრ გაუფასურებას არ ელის“ - ოთარ ნადარაია

„თიბისი“ ჯგუფი ლარის მკვეთრ გაუფასურებას არ ელის“ - ოთარ ნადარაია
access_time2020-06-04 14:00:30
„ლარის მკვეთრ გაუფასურებას თიბისი ჯგუფი აღარ ელის, რადგან შემოდინებებში რა დანაკარგიც არის საკმარისად კომპენსირდება საგარეო დაფინანსებით, რომელიც საქართველომ მოიძია“, - ამის შესახებ თიბისი ჯგუფის მთავარმა ეკონომისტმა ოთარ ნადარაიამ მედიასთან ონლაინ შეხვედრისას განაცხადა. რაც შეეხება დოლარს, ნადარაიას ინფორმაციით, საერთაშორისო ბაზრებზე ის ძალიან გამყარებულია, შესაბამისად, არ ვარაუდობს, რომ მოსალოდნელია დოლარის შემდგომი მატერიალური...


მსგავსი სიახლეები

up