აფბა – ონკოპაციენტების მკურნალობის დაფინანსების ზრდა უმნიშვნელოვანესი სოციალური პროექტია, რომელიც ადამიანების სიცოცხლის გადარჩენისკენაა მიმართული

აფბა – ონკოპაციენტების მკურნალობის დაფინანსების ზრდა უმნიშვნელოვანესი სოციალური პროექტია, რომელიც ადამიანების სიცოცხლის გადარჩენისკენაა მიმართული

access_time2020-08-21 18:07:39

ონკოლოგიური პაციენტების მკურნალობის დაფინანსება 8 ათასი ლარით იზრდება. ახალი ინიციატივის შესახებ დღეს, მთავრობის სხდომაზე გახდა ცნობილი. შედეგად ერთ-ერთი ყველაზე მძიმე დიაგნოზის მქონე ავადმყოფებისთვის სახელმწიფომ დაფინანსება 12 ათასიდან 20 ათასამდე გაზრდა, რაც იმას ნიშნავს, რომ სიმსივნის დიაგნოზის მქონე 40 ათასამდე პაციენტს მკურნალობის სრული კურსი დაუფინანსდება.


პრემიერ-მინისტრის გიორგი გახარიას განცხადებით, ჯანდაცვის სერვისების ხელმისაწვდომობა ქვეყანაში ჯერ კიდევ რჩება პრობლემურ საკითხად და მთავრობა გეგმავს ონკოლოგიური პაციენტების მკურნალობის ხელმისაწვდომობა გაიზარდოს.


„მოგეხსენებათ, რომ ჯანდაცვის სერვისების ხელმისაწვდომობა ქვეყანაში სამწუხაროდ ჯერ კიდევ რჩება პრობლემურად. აქ განსაკუთრებით გამოსაყოფი იყო ონკოდაავადებათა მკურნალობა, რადგან იქ მეოთხე ეტაპი იყო პრობლემა, როდესაც სიმსიმნით გამოვლენის შემთხვევაში, მოქალაქეს საკუთარი ჯიბიდან გადახდა უწევდათ.


დღეისთვის ჩვენ უნდა ვიმსჯელოთ და დარწმუნებული ვარ, მივიღებთ გადაწყვეტილებას, ამ პროგრამის 8 000 ლარით გაზრდის, რაც ფაქტობრივად თითოეულ მოქალაქეს, რომელიც ებრძვის ამ მძიმე სენს, ექნება შესაძლებლობა, მკურნალობის სრული კურსი ჩაიტაროს ყველანაირი ჯიბიდან გადასახადების გარეშე. დღეს საქართველოს 1 972 მოქალაქე სარგებლობს ამ პროგრამით და ამ ადამიანებისთვის, ეს იქნება უაღრესად მნიშვნელოვანი მხარდაჭერა. ეს არის სახელმწიფოს მხარდაჭერა ადამიანებისთვის, რომლებიც მძიმე სენს ებრძვიან და რომლებიც შეძლებენ სრული მკურნალობა მიიღონ სახელმწიფოს ხარჯზე“, – განაცხადა გიორგი გახარიამ.



არსებული სახელმწიფო დაფინანსება მხოლოდ ქიმიოთერაპიის და ჰორმონოთერაპიის კურსს ფარავდა და მოქალაქეებს მკურნალობის ბოლო ეტაპის დაფინანსება თავად უწევდათ, ახალი გადაწყვეტილების მიხედვით სიმსივნის სამკურნალო მედიკამენტების სია გაფართოვდა და არსებულს 20 ახალი მედიკამენტი დაემატა.


აფბას ვიცე-პრეზიდენტის გიორგი კაპანაძის განცხადებით, მთავრობის მიერ უმნიშვნელოვანესი გადაწყვეტილება იქნა მიღებული და ონკოლოგიური პაციენტების მკურნალობის სრულად დაფინანსება უმნიშვნელოვანესი სოციალური პროექტია.


„ხელისუფლების წარმომადგენლებმა საკმაოდ მნიშვნელოვანი და მისასალმებელი გადაწყვეტილება მიიღეს, ვინაიდან ონკოლოგიური პაციენტების მკურნალობა საკმაოდ დიდ სახსრებთანაა დაკავშირებული და ხშირ შემთხვევაში მოქალაქეები მის გადახდას რთულად ან საერთოდ ვერ ახერხებდნენ. ეს არის უმნიშვნელოვანესი სოციალური პროექტი, რომელიც ადამიანების სიცოცხლის გადარჩენისკენ არის მიმართული.


სამწუხაროდ, ჯანდაცვის სერვისებზე ხელმისაწვდომობა ჯერ კიდევ პრობლემად რჩება საქართველოში, შესაბამისად ჩვენ კარგად დავინახეთ თუ რამდენად მნიშვნელოვანი აღმოჩნდა საყოველთაო ჯანდაცვის პროგრამა და რამდენი ადამიანის გადარჩენა მოხერხდა ამ პროგრამის ფარგლებში, ყველაზე მძიმე – ონკოლოგიური პაციენტების მკურნალობის დაფინანსება კი კიდევ უფრო მეტ ადამიანს შეუნარჩუნებს სიცოცხლეს. მართალია, მსგავსი სოციალური პროექტები გარკვეულ ზეწოლას ახდენს სახელმწიფო ბიუჯეტზე, თუმცა სად უნდა დაიხარჯოს საბიუჯეტო თანხები თუ არა ქვეყნის მოქალაქეების ჯანმრთელობასა და სიცოცხლის შენარჩუნებაზე, მით უფრო, არსებულ კრიზისულ ვითარებაში.


ოპოზიციის მხრიდან გაკეთდა გარკვეული განცხადებები, რომ დაფინანსების გაზრდა წინასაარჩევნო პერიოდს უკავშირდებოდა, თუმცა მიღებული გადაწყვეტილება პირველ რიგში უმძიმესი დიაგნოზის მქონე ადამიანების გამოჯანმრთელებისკენ და ადამიანების გარდარჩენისკენაა მიმართული და ვფიქრობ, არ ღირს ყველა საკითხის პოლიტიკურ ჭრილში გადატანა“, – აცხადებს გიორგი კაპანაძე.


თეგები:
აფბა



მთავრობა წერტილოვანი შეზღუდვებისთვის ემზადება

მთავრობა წერტილოვანი შეზღუდვებისთვის ემზადება
access_time2020-10-30 14:30:00
სექტემბრის ეკონომიკური ზრდა იყო მინუს 0,7%, რაც პირდაპირ მიუთითებს ქვეყნის სწრაფი ეკონომიკური გაჯანსაღებისა და აღდგენის იმ სერიოზულ პოტენციალზე, რომელიც დღეს უკვე ფაქტია, - ამის შესახებ საქართველოს პრემიერ-მინისტრმა გიორგი გახარიამ უწყებათაშორისი საკოორდინაციო საბჭოს სხდომის შემდეგ ბრიფინგზე განაცხადა.  მთავრობის მეთაურის შეფასებით, ეს ხელისუფლების, ეპიდემიოლოგების, ბიზნესისა და მოქალაქეების ერთობლივი ძალისხმევის შედეგია. „სისტემური ლოკდაუნი...

„ბილაინი“ სომხეთის ბაზარს ტოვებს - გავა თუ არა VEON-ი საქართველოდან

„ბილაინი“ სომხეთის ბაზარს ტოვებს - გავა თუ არა VEON-ი საქართველოდან
access_time2020-10-30 16:00:45
სატელეკომუნიკაციო კომპანია VEON-ი სომხეთში საკუთარ ბიზნესს ყიდის. Veon Armenia-ს (სავაჭრო ნიშანი Beeline) ადგილობრივ კომპანია Team LLC ყიდულობს. გარიგების ღირებულება 51 მლნ დოლარს შეადგენს. VEON-ში ვარაუდობენ, რომ ხელშეკრულება უახლოეს პერიოდში გაფორმდება.   VEON-ი სომხეთის ბაზრიდან გამოსვლას „კომპანიის სტრუქტურის გამარტივებით და მიმზიდველი პერსპექტივების მქონე ბაზრებზე ორიენტირების სურვილით“ ხსნის.   სატელეკომუნიკაციო ჰოლდინგის ვებსაიტის თანახმად,...

"რამდენი ქარხანაც არ უნდა ავაშენოთ, დრო გაივლის და ქვეყანაში მხოლოდ სახელი დარჩება, ვიბრძოლოთ სახელისთვის" - ცეზარ ჩოჩელი ბიზნესმენებს

access_time2020-10-30 12:30:38
„ენმ“ - ის ძალა ერთობაშიას მცხეთის მაჟორიტარი დეპუტატობის კანდიდატი და „ქართული ლუდის კომპანიის“ დამფუძნებელი ცეზარ ჩოჩელი პარტიის მიერ გამართულ აქციაზე სიტყვით გამოვიდა და ბიზნესმენებს, მეწარმეებს და კერძო სექტორში დასაქმებულ ადამიანებს თანადგომისკენ მოუწოდა.   „მე მინდა მოვუწოდო ყველა მეწარმეს, ყველა ბიზნესმენს და ყველა კერძო სექტორში დასაქმებულ ადამიანს, თუ  ჩვენ გვინდა, რომ ხვალიდნელი დღე იყოს უკეთესი,  თუ ჩვენ გვინდა, რომ ჩვენი ქვეყანა ფეხზე იდგეს, არა...

2020 წლის 9 თვეში საქართველოს ეკონომიკა 5%-ით შემცირდა

2020 წლის 9 თვეში საქართველოს ეკონომიკა 5%-ით შემცირდა
access_time2020-10-30 12:00:43
წინა წლის შესაბამის პერიოდთან შედარებით, რეალური მთლიანი შიდა პროდუქტის კლებამ სექტემბერში 0.7% შეადგინა, ხოლო 2020 წლის პირველი ცხრა თვის საშუალო მაჩვენებელი -5%-ია. მათ შორის წლის პირველ კვარტალში ზრდა 2.2% იყო, მეორე კვარტალში - 12.3%-იანი ვარდნა, მესამე კვარტალში კი - 3.8%-იანი კლება დაფიქსირდა. ინფორმაციას „საქსტატი“ აქვეყნებს. 2020 წლის სექტემბერში,...

29 ოქტომბერი - რეგიონში ქართული ლარი გამყარდა, თურქული ლირა გაუფასურდა

29 ოქტომბერი - რეგიონში ქართული ლარი გამყარდა, თურქული ლირა გაუფასურდა
access_time2020-10-29 18:05:03
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 29 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება...


მსგავსი სიახლეები

up