აფბა -  კაზინოებისთვის მოსაკრებლის განახევრების გადაწყვეტილება უნდა გაუქმდეს

აფბა - კაზინოებისთვის მოსაკრებლის განახევრების გადაწყვეტილება უნდა გაუქმდეს

access_time2021-07-22 12:30:46

არასამთავრობო ორგანიზაცია „ახალგაზრდა ფინანსისტთა და ბიზნესმენთა ასოციაცია“ (აფბა) ეხმაურება საქართველოს მთავრობის გადაწყვეტილებას, რომლის მიხედვითაც,  თბილისში სამორინეს მოსაკრებელი 5 მილიონი ლარიდან 2.5 მილიონ ლარამდე მცირდება და აცხადებს, რომ მთავრობის ეს გადაწყვეტილება გაუგებარია, აუცილებლად უნდა გადაიხედოს და გაუქმდეს, ვინაიდან კაზინოებისთვის მოსაკრებლის განახევრება დაუმსახურებელი შეღავათია.


„კომერსანტი“ აფბას განცხადებას უცვლელად გთავაზობთ


„ახალგაზრდა ფინანსისტთა და ბიზნესმენთა ასოციაცია“ მოუწოდებს საქართველოს მთავრობას გადაიხედოს და უახლოეს პერიოდში გააუქმოს ის გადაწყვეტილება, რომელიც თბილისში არსებული სამორინეებისთვის მოსაკრებლის განახევრებას ისახავს მიზნად.


აფბას შეფასებით, სათამაშო ბიზნესი უზარმაზარი შემოსავლის ფონზე, ისედაც საკმაოდ მცირე ოდენობის გადასახადს იხდის. შესაბამისად, გაუგებარია თუ რატომ ნახევრდება კაზინოებისთვის არსებული მოსაკრებელი.



მაშინ, როდესაც პანდემიის გამო ბიზნესის ფაქტობრივად ყველა სექტორი უმძიმეს მდგომარეობაშია და დახმარებას საჭიროებს,  გაუგებარია მთავრობის გადაწყვეტილება, როდესაც სხვა ბიზნესის სხვა სექტორების კიდევ უფრო მხარდაჭერის ნაცვლად, საგადასახო შეღავათებს უწესებს სათამაშო ბიზნესს, რომლის წლიურმა ბრუნვამაც 2020 წელს, დაახლოებით, 31 მილიარდ ლარს მიაღწია.  აღსანიშნავია ის ფაქტიც, რომ რეგულაციების მიღმა დარჩენილი სათამაშო ბიზნესი ბოლო წლებში საქართველოს ეკონომიკის პარაზიტად იქცა და მათი საქმიანობაც მხოლოდ და მხოლოდ მოსახლეობის კიდევ უფრო მეტად გაღარიბებისკენაა მიმართული.


„ახალგაზრდა ფინანსისტთა და ბიზნესმენთა ასოციაციაციისთვის“ მიუღებელია მთავრობის არგუმენტი, რომ პანდემიის გამო 2020 წელს, 10 თვის განმავლობაში, თბილისში არსებული კაზინოები დაკეტილი იყო, რაც საგადასახადო შეღავათის საფუძველი გახდა.


მიუხედავად იმისა, რომ სამორინეები ნამდვილად დაკეტილი იყო, გასათვალისწინებელია ის ფაქტი, რომ პრაქტიკულად ყველა სამორინეს გააჩნია საკუთარი ონლაინ კაზინო და მათი ბრუნვა არათუ შემცირდა, არამედ 2020 წელს, წინა წლის ანალოგიურ პერიოდთან შედარებით 5 მილიარდი ლარით გაიზარდა და 31 მილიარდი შეადგინა.


ასევე, ეს ონლაინ კაზინოები მუდმივად ხვდებიან ყველაზე მაღალი ბრუნვის მქონე TOP10 კომპანიას შორის. შესაბამისად, აფბას შეფასებით, საქართველოს მთავრობის ეს გადაწყვეტილება კაზინოების მიმართ დაუმსახურებელი შეღავათია იგი აუცილებლად უნდა გადაიხედოს და ეს გადაწყვეტილება უმოკლედ ვადაში გაუქმდეს.


აფბას შეფასებით, დღეს გაცილებით მეტი ბიზნესია საქართველოში, რომელიც კოვიდპანდემიამ დააზარალა და მათ ბევრად მეტად ესაჭიროებათ დახმარება, ვიდრე სამორინეებს, რომელთა შემოსავალიც წლიდან-წლამდე განუზომლად იზრდება. მით უფრო, რომ  ეს არის ბიზნესი, რომელიც ეკონომიკაში ვერანაირ დოვლათს ვერ ქმნის, მოსახლეობის გაღარიბებისკენაა მიმართული და რეგულაციებს მიღმა დარჩენილი, დღემდე, საზოგადოებისთვის ერთ-ერთ უმწვავეს პრობლემად რჩება“, - ნათქვამია აფბას მიერ გავრცელებულ განცხადებაში.






რომ არა ხარისხის პრობლემა, ქართულ თხილზე აშშ–ში დიდი მოთხოვნა იქნებოდა

რომ არა ხარისხის პრობლემა, ქართულ თხილზე აშშ–ში დიდი მოთხოვნა იქნებოდა
access_time2021-08-02 16:00:48
საქართველოში თხილის მოსავლის აღება მომავალი კვირიდან იწყება. გასული სეზონი აღდგენითი ხასიათის იყო, როდესაც ბოლო 5 წლის განმავლობაში ყველაზე მაღალმოსავლიანობა იყო (33 000 ტ). მეწარმეები მიმდინარე სეზონზე კიდევ უფრო მეტ მოსავალს ელიან, თუმცა მსოფლიო ბაზარზე წარმატების მისაღწევად თხილის ხარისხის გაუმჯობესებაა აუცილებელი. EastFruit–ის ქართული ჯგუფი ბლაი ლორტ მარტის ესაუბრა, აგრონომსა და ტექნოლოგიების სპეციალისტს, FRUSESA, BAIN BORGES International Group–ის ყოფილ...

ცესკოს თავმჯდომარე 6 თვით გიორგი კალანდარიშვილი იქნება

ცესკოს თავმჯდომარე 6 თვით გიორგი კალანდარიშვილი იქნება
access_time2021-08-02 13:55:18
საქართველოს ცენტრალური საარჩევნო კომისიის თავმჯდომარე 6 თვით გიორგი კალანდარიშვილი იქნება. პარლამენტმა ის მეოთხე მცდელობაზე დღეს, 2 აგვისტოს აირჩია. კალანდარიშვილის კონკურენტმა გიორგი სანტურიანმა ხმების საჭირო რაოდენობა ვერ მოაგროვა. გიორგი კალანდარიშვილის კანდიდატურას 83 მომხრე და 3 წინააღმდეგი ჰყავდა;გიორგი სანტურიანს კი 4 მომხრე და 1 წინააღმდეგი.დღესვე ცესკოში პროფესიული ნიშნით ორი წევრი აირჩიეს, გია ცაცაშვილი და მაია ზარიძე. წევრობის...

ვაშინგტონი ამერიკელებს საქართველოში მოგზურობისგან თავის შეკავებისკენ ეპიდვითარების გამო მოუწოდებს

ვაშინგტონი ამერიკელებს საქართველოში მოგზურობისგან თავის შეკავებისკენ ეპიდვითარების გამო მოუწოდებს
access_time2021-08-02 14:00:48
ტურიზმის სამნიშნა პროცენტული ზრდის ფონზე, ამერიკის შეერთებული შტატების სახელმწიფო დეპარტამენტი საკუთარ მოქალაქეებს კოვიდის გამო საქართველოში მოგზაურობისგან თავის შეკავებიკენ მოუწოდებს. დამატებით რისკებად კი შესაძლო ძალადობის შემთხვევებს ასახელებს. გასათვალისწინებელია ის ფაქტიც, რომ ანგარიში 16 ივნისითაა დათარიღებული, მაშინ როცა კოვიდის შემთხვევათა 7 დღის საშუალო მაჩვენებლი 704-ს შეადგენდა და უცხოელებზე თავდასმხებიც არ იყო გახშირებული. ივნისში ვიზიტორების რაოდენობა, გასული წლის...

სამხრეთ კავკასიის მილსადენის ტექნიკური ოპერირება BP-მ SOCAR-ს გადააბარა

სამხრეთ კავკასიის მილსადენის ტექნიკური ოპერირება BP-მ SOCAR-ს გადააბარა
access_time2021-08-02 15:00:10
სამხრეთ კავკასიის მილსადენის ტექნიკური ოპერატორის როლი კომპანია ბი-პი ექსპლორეიშენ (შაჰ დენიზ) ლიმიტედმა კომპანია სოკარ მიდსთრიმ ოპერეიშენს ლიმიტედს გადააბარა. სამხრეთ კავკასიის მილსადენი ერთ-ერთია სამხრეთის გაზის კორიდორის ოთხი სეგმენტიდან, რომელიც ემსახურება ბუნებრივი გაზის ექსპორტს აზერბაიჯანიდან თურქეთსა და ევროპაში საქართველოს გავლით. სოკარ მიდსთრიმ ოპერეიშენს ლიმიტედი კი სოკარის შვილობილი კომპანიაა. ტექნიკური ოპერატორობის გადაცემა...

გიგა ზედანიამ „სეისმური მონიტორინგის ცენტრის“ გამჭვირვალობის პრობლემა სასწრაფოდ უნდა გადაჭრას - არჩილ კაიკაციშვილი

გიგა ზედანიამ „სეისმური მონიტორინგის ცენტრის“ გამჭვირვალობის პრობლემა სასწრაფოდ უნდა გადაჭრას - არჩილ კაიკაციშვილი
access_time2021-08-02 13:00:52
„სეისმურ ინფორმაციაზე ხელმისაწვდომობა შეზღუდულია და დაინტერესებული მეცნიერებისა თუ პოტენციური ინვესტორებისთვის ის, პრაქტიკულად, დახურულია“, -ამის შესახებ სპეციალურ ბრიფინგზე არასამთავრობი ორგანიზაცია „ახალგაზრდა ადვოკატების ასოციაციის“  ხელმძღვანელმა, არჩილ კაიკაციშვილმა განაცხადა. აღნიშნული პრობლემის გადაჭრისკენ მან ილიას სახელმწიფო უნივერსიტეტის რექტორ გიგა ზედანიას მოუწოდა. სწორედ ილიუნის ერთეულია „დედამიწის შემსწავლელ მეცნიერებათა ინსტიტუტი და სეისმური მონიტორინგის ეროვნული ცენტრი“,...


მსგავსი სიახლეები

up