ადვოკატი: ვანო მერაბიშვილი უნდა გაათავისუფლონ

ადვოკატი: ვანო მერაბიშვილი უნდა გაათავისუფლონ

access_time2019-03-25 23:30:54

სასამართლოს გადაწყვეტილება ძალაშია შესული - უნდა გაათავისუფლონ ვანო მერაბიშვილი, - აცხადებს ადვოკატი გიორგი ჩივიაშვილი თბილისის საქალაქო სასამართლოს 25 თებერვლის გადაწყვეტილებაზე დაყრდნობით.

 

მისი განმარტებით, რადგანაც ვადაზე ადრე გათავისუფლების კომისიის გადაწყვეტილება სასამართლომ არ გაიზიარა, ხოლო იუსტიციის სამინისტრომ სასამართლოს გადაწყვეტილება არ გაასაჩივრა, ერთადერთ გამოსავალს ახლა უკვე ექსპრემიერ ვანო მერაბიშვილის გათავისუფლება წარმოადგენს. გასაჩივრების ვადა 25 მარტს 15:00-ზე ამოიწურა.

 

„აღმასრულებელ ხელისუფლებას აქვს ახლა სიტუაცია, როდესაც მან ან უნდა აღასრულოს სასამართლო გადაწყვეტილება ან არ უნდა აღასრულოს. სასამართლოს გადაწყვეტილების არაღსრულების შემთხვევაში, ეს იქნება უფრო ღია დადასტურება იმისა, რასაც ჩვენ ამდენ ხანს ვამბობდით, რომ მერაბიშვილი არის პოლიტიკური პატიმარი... ვფიქრობ, იუსტიციის სამინისტროს ამ შემთხვევაში სხვა გამოსავალი აღარ აქვს. ის ვალდებულია, რომ შეასრულოს სასამართლოს გადაწყვეტილება“, - აცხადებს ადვოკატი ჩივიაშვილი.

 


25 თებერვალს თბილისის საქალაქო სასამართლომ გააუქმა იუსტიციის სამინისტროს ვადაზე ადრე გათავისუფლების კომისიის ადმინისტრაციულ-სამართლებრივი აქტი, რომლითაც მერაბიშვილს უარი ეთქვა ვადაზე ადრე გათავისუფლებაზე. ადვოკატის განმარტებით, „სასამართლომ მიუთითა, რომ ვადაზე ადრე გათავისუფლების კომისიის მიერ მოყვანილი საფუძვლები არის უსაფუძვლო და მიუთითა მათ, რომ იმსჯელონ ხელახლა და გამოიტანონ სხვა გადაწყვეტილება“.

 

რადგანაც სასამართლოს გადაწყვეტილება იუსტიციის სამინისტროს არ გაუსაჩივრებია, ადვოკატის თქმით, „კომისია ვალდებულია, იმსჯელოს კანონით დადგენილ ვადებში (როგორც წესი, ეს ვადებია თვის 25 რიცხვიდან შემდეგი თვის 5 რიცხვამდე) და მოახდინოს ახალი სამართლებრივი აქტის გამოცემა“.

 

ექსპრემიერი ვანო მერაბიშვილი 2013 წლის მაისში დააკავეს. ის საპატიმრო სასჯელს იხდის სხვადასხვა განაჩენის მიხედვით და მათ შორის არის კავშირი მკვლელობის დანაშაულთან „ენუქიძისა და გირგვლიანის საქმეში“. ვანო მერაბიშვილს საპატიმროში დარჩენის ვადა 2020 წლის 21 თებერვლს ეწურება.


წყარო: რადიო თავისუფლება




„ბიძინა ივანიშვილი ერთადერთი პასუხისმგებელია არსებულ დესტაბილიზაციაზე და ასევე ერთადერთია, ვისაც ყველაფრის შეჩერება შეუძლია“ - ფადი ასლი

„ბიძინა ივანიშვილი ერთადერთი პასუხისმგებელია არსებულ დესტაბილიზაციაზე და ასევე ერთადერთია, ვისაც ყველაფრის შეჩერება შეუძლია“ - ფადი ასლი
access_time2019-11-18 20:00:53
„დღეს ეს დემონსტრანტები თუ გაიყვანეს პარლამენტის შენობის მიმდებარე ტერიტორიიდან, ხვალ ისევ დადგებიან და ეს პროცესი არასდროს დასრულდება, შესაბამისად, გაგრძელდება ქვეყნის არასტაბილური მდგომარეობაც. არ უნდა დაგვავიწყდეს, რომ ბიძინა ივანიშვილმა პირობა დაარღვია და აზრი შეიცვალა არჩევნების პროპორციულ სისტემაზე გადასვლასთან დაკავშირებით, ის ერთადერთია ვისაც უნდა ვადანაშაულებდეთ. ივანიშვილი ამბობს,  რომ მისმა პარლამენტარებმა უღალატეს, მაგრამ ამას ორი წლის ბავშვიც კი არ დაიჯერებს.  ჩვენ...

საპარლამენტო უმრავლესობა ბიუროს სხდომის ჩასატარებლად ემზადება, ჟურნალისტებს პარლამენტში არ უშვებენ

საპარლამენტო უმრავლესობა ბიუროს სხდომის ჩასატარებლად ემზადება, ჟურნალისტებს პარლამენტში არ უშვებენ
access_time2019-11-18 18:00:59
საპარლამენტო უმრავლესობა ბიუროს სხდომის ჩასატარებლად ემზადება. როგორც ცნობილია, სპეცრაზმმა პარლამენტის ტერიტორია აქციის მონაწილეებისგან რამდენიმე წუთის წინ გაათავისუფლა.არსებული ინფორმაციით, საპარლამენტო უმრავლესობის წევრები პარლამენტში შეკრებას იწყებენ. აღსანიშნავია, რომ ჟურნალისტებს პარლამენტში არ უშვებენ. როგორც „ინტერპრესნიუსს“ საკანონმდებლო ორგანოს პრესსამსახურში განუცხადეს, დღეს ბიუროს სხდომა მედიის გარეშე ჩატარდება, თუმცა საზოგადოებას სხდომის მიმდინარეობის ნახვა...

„აქციის მორიგი კვალი ქვეყნის ეკონომიკაზე ლარის გაუფასურებით აისახა“

„აქციის მორიგი კვალი ქვეყნის ეკონომიკაზე ლარის გაუფასურებით აისახა“
access_time2019-11-18 19:00:41
„ქვეყანაში არსებულმა პოლიტიკურმა მდგომარეობამ ლარი უკვე გააუფასურა. რამდენიმე  საათიც არ გასულა და ლარი დოლათან მიმართებაში 2.97-იან ნიშნულზეა. ეს თვის განმავლობაში ყველაზე მაღალი მაჩვენებელია“ –ასე აფასებს  „კომერსანტთან“ საუბრისას ეკონომიკის ექსპერტი აკაკი ცომაია დღეს რუსთაველის გამზირზე განვითარებულ მოვლენებს.  „მძიმე პოლიტიკური და ეკონომიკური ფონია ქვეყანაში. განსხვავებულს ვერაფერს  ვიტყვი, გარდა იმისა, რომ სწრაფი...

სპეცრაზმმა აქციის დაშლა წყლის ჭავლის გამოყენებით დაიწყო

სპეცრაზმმა აქციის დაშლა წყლის ჭავლის გამოყენებით დაიწყო
access_time2019-11-18 17:16:22
სპეცრაზმმა პარლამენტის შესასვლელთან აქციის დაშლა წყლის ჭავლის გამოყენებით დაიწყო. ადგილზე რამდენიმე კორდონათ არიან მობილიზებული რობოკოპები, პარალლეურად აფრთხილებენ აქციის მონაწილეებს და დაშლისკენ მოუწოდებენ.

„თუ მთავრობამ გამოსავალი ვერ იპოვა, ქართულ ეკონომიკას დიდი რყევები ემუქრება“

„თუ მთავრობამ გამოსავალი ვერ იპოვა, ქართულ ეკონომიკას დიდი რყევები ემუქრება“
access_time2019-11-18 16:25:44
14 ნოემბერს ათასობით დემონსტრანტის რუსთაველის გამზირზე გამოსვლამ ამ წელიწადში უკვე მეორედ შექმნა შიში იმისა, რომ ქვეყანაში პოლიტიკურ რყევებს ავტომატურად ეკონომიკური რყევები და ვალუტის კურსის გაუარესება შეიძლება მოჰყვება. დოლარის კურსი ბოლო რამდენიმე დღეში უკვე 3 პუნქტით გაუარესდა. აღსანიშნავია, რომ 2019 წლის 19 ივნისის მდგომარეობით, 1 აშშ დოლარის ღირებულება 2,7664 ლარის უტოლდებოდა, 20-21 ივნისს განვითარებული მოვლენების შედეგ კი მალევე 2,98-ის ნიშნულს მიაღწია. ამ ყველაფრის მიზეზი...


მსგავსი სიახლეები

up