ადგილობრივი წარმოება წახალისდება, ხორბლის ფასი კი უკვე გაორმაგებულია

ადგილობრივი წარმოება წახალისდება, ხორბლის ფასი კი უკვე გაორმაგებულია

access_time2022-08-03 13:00:17

ბოლო 2 წლის განმავლობაში ადგილობრივი წარმოების სასურსათო ხორბლის ფასი გაორმაგებულია. საქართველოს ხორბლისა და ფქვილის მწარმოებელთა ასოციაციის ხელმძღვანელი ლევან სილაგავა „კომერსანტთან“ საუბრისას ამბობს, რომ დღეს მსოფლიო ბაზარზე ხორბლის შესყიდვის ფასი მაღალია და შესაბამისად გაზრდილია ადგილობრივი წარმოების ხორბლის ღირებულებაც.



სილაგავას თქმით, 2020 წელს ადგილობრივი წარმოების სასურსათო ხორბლის ჩაბარების ფასი 0,5 ლარი იყო, თუმცა წელს 1,05-1,10 ლარია. საფურაჟე ხორბლის ჩაბარებაც აქტიურად მიმდინარეობს და რეალურად ხორბალი გაუყიდავი არ რჩება.



„საქართველო წელიწადში 600 ათასიდან 700 ათას ტონამდე ხორბალს მოიხმარს. ადგილობრივი წარმოება კი 130 ათასი ტონაა. ეს 130 ათასი ტონა ხორბალი მოიცავს როგორც საფურაჟე ასევე სასურსათო ხორბალს. როგორც სოფლის მეურნეობის სამინისტროში აცხადებენ, მთლიან მოხმარებაში ადგილობრივი ხორბლის წილი 10-15%-ია. თუმცა თავად სტატისტიკა არის არაზუსტი, რადგანაც საქსტატში მოსავლის მონაცემების ჩაბარების ვალდებულება ფერმერებს არ გააჩნიათ, განსხვავებით კომპანიებისგან. აქედან გამომდინარე სტატისტიკა იანგარიშება მოხნული ფართობების რაოდენობა გადამრავლებული საშუალო მოსავალზე/ჰექტარზე. ბოლო წლების განმავლობაში, საშუალოდ, 50 ათასი ჰა იხვნება და საშუალო მოსავლიანობა არის 2,3“, - აცხადებს სილაგავა.




საქართველოს ხორბლისა და ფქვილის მწარმოებელთა ასოციაციის ხელმძღვანელი მიიჩნევს, რომ მსოფლიოში სასურსათო კრიზისის გამო ხორბალზე გაზრდილი ფასების ფონზე ფერმერების რაოდენობა, რომელიც ხორბლის მოყვანას ან არსებული ფართობების ზრდას გადაწყვეტს, გაიზრდება. მით უმეტეს, რომ ამოქმედდება წამახალისებელი სახელმწიფო პროგრამებიც.



„თუ გავითვალისწინებთ იმას, რომ მსოფლიოში ხორბალზე მაღალი ფასებია, თუ გავითვალისწინებთ იმასაც რომ სამინისტროს მიერ დაანონსდა თვითუზრუნველყოფის პროგრამა, რომელიც სათესლე მიმართულებით წახალისებასაც გულისხმობს, შეგვიძლია ვივარაუდოთ რომ ფერმერების ინტერესი იქნება მაღალი. რამდენადაც ჩემთვის ცნობილია, უახლოეს პერიოდში გაჟღერდება პროგრამები, რომლებიც ქვეყნის თვითუზრუნველყოფას შეუწყობს ხელს, მათ შორის საუბარია ერთ წლიან კულტურებზე. ეს სავარაუდოდ მალე მოხდება, რადგანაც ახალი ხვნა-თესვის სამუშაოები ძალიან მალე უნდა დაიწყოს.
საქართველოში ხორბლის აღება ივნისში დაიწყო და უკვე მილევად ფაზაშია. ახალი მოსავლისთვის ხვნა-თესვა მალევე დაიწყება და ამ დროისთვის უკვე იქნება კონკრეტული პროექტები „გამოტანილი“, - აცხადებს სილაგავა.


ვინ იბარებს ადგილობრივი წარმოების სასურსათო ხორბალს?


ლევან სილაგავას განმარტებით, დიდი წისქვილ-კომბინატები ისევ გაჩერებულია და ხორბლის ჩაბარება ხდება მცირე წისქვილების მიერ, რომლებიც სეზონურად მუშაობენ და ადგილობრივ ხორბალს ამუშავებენ. დიდი წისქვილ-კომბინატებს მუშაობისთვის დიდი მოცულობის და უფრო მაღალი ხარისხის ხორბალი სჭირდებათ. პატარა წისქვილების მიერ გამომუშავებული ფქვილით კი ძირითადად თონეები მარაგდება.






დმიტრო კულება - უკრაინაში ომი მხოლოდ პუტინის არ არის, მას რუსების უმეტესობა უჭერს მხარს, მოდით, რუსები დატკბნენ რუსეთით

დმიტრო კულება - უკრაინაში ომი მხოლოდ პუტინის არ არის, მას რუსების უმეტესობა უჭერს მხარს, მოდით, რუსები დატკბნენ რუსეთით
access_time2022-08-11 23:50:01
უკრაინის საგარეო საქმეთა მინისტრმა გერმანიის კანცლერს უპასუხა....

კოპენჰაგენში გამართულ დონორთა კონფერენციაზე უკრაინის დასახმარებლად 1,5 მილიარდი ევროს გამოყოფაზე შეთანხმდნენ

კოპენჰაგენში გამართულ დონორთა კონფერენციაზე უკრაინის დასახმარებლად 1,5 მილიარდი ევროს გამოყოფაზე შეთანხმდნენ
access_time2022-08-11 23:00:12
​კოპენჰაგენში გამართულ დონორთა კონფერენციაზე უკრაინის დასახმარებლად 1,5 მილიარდი ევროს გამოყოფაზე შეთანხმდნენ. ამის შესახებ განცხადება დანიის თავდაცვის მინისტრმა, მორტენ ბედსკოვმა გააკეთა. ინფორმაციას...

გაერო-ს გენერალური მდივანი მოითხოვს, ზაპოროჟიეს ატომურ ელექტროსადგურთან სამხედრო აქტივობა დაუყოვნებლივ შეწყდეს

გაერო-ს გენერალური მდივანი მოითხოვს, ზაპოროჟიეს ატომურ ელექტროსადგურთან სამხედრო აქტივობა დაუყოვნებლივ შეწყდეს
access_time2022-08-11 22:00:03
გაერო-ს გენერალური მდივანი ანტონიუ...

ევროკომისია - რუსებისთვის ვიზის გაცემის საკითხი წევრი ქვეყნების კომპეტენციაა

ევროკომისია - რუსებისთვის ვიზის გაცემის საკითხი წევრი ქვეყნების კომპეტენციაა
access_time2022-08-11 21:00:11
ევროკომისიაში აცხადებენ, რომ რუსეთის მოქალაქეებისთვის ვიზების გაცემის საკითხი წევრი ქვეყნების კომპეტენციაა და ცალკეულ სახელმწიფოს შეუძლია საკუთარი უსაფრთხოებიდან გამომდინარე მიიღოს გადაწყვეტილება. ამის შესახებ ევროკომისიის წარმომადგენელმა ანიტა ჰიპერმა...

მიმდინარე თვის ბოლოსთვის საწვავის ფასების შემცირებას ველოდებით — ლევან დავითაშვილი

მიმდინარე თვის ბოლოსთვის საწვავის ფასების შემცირებას ველოდებით — ლევან დავითაშვილი
access_time2022-08-11 20:00:25
ეკონომიკისა და მდგრადი განვითარებისა და ფინანსთა მინისტრები ლევან დავითაშვილი და ლაშა ხუციშვილი დღეს საწვავის რეალიზატორი მსხვილი ქსელების წარმომადგენლებს შეხვდნენ და მათთან ერთად ნავთობპროდუქტების სამომხმარებლო ბაზარზე არსებულ ვითარებაზე იმსჯელეს. ეკონომიკის სამინისტროში გამართულ შეხვედრაზე, რომელშიც ასევე კონკურენციის ეროვნული სააგენტოს ხელმძღვანელი ირაკლი ლექვინაძე მონაწილეობდა, საწვავის ბაზარზე არსებული პროგნოზები, კონკურენციის საკითხები და მარჟების მინიმუმამდე დაყვანის შესაძლებლობები...


მსგავსი სიახლეები

up