„ადგილი, სადაც კერძო პირი ვერასდროს ვერაფერს ააშენებდა, გაიცვალა 7- ჯერ მეტ ტერიტორიაში სადაც ასევე არ შეიძლებოდა მშენებლობა, მაგრამ ახლა მთელი უბანი გაჩნდება“ - ურბანისტი მზიური-ლისის მიწების გაცვლაზე

„ადგილი, სადაც კერძო პირი ვერასდროს ვერაფერს ააშენებდა, გაიცვალა 7- ჯერ მეტ ტერიტორიაში სადაც ასევე არ შეიძლებოდა მშენებლობა, მაგრამ ახლა მთელი უბანი გაჩნდება“ - ურბანისტი მზიური-ლისის მიწების გაცვლაზე

access_time2022-11-29 10:00:52

ბავშვთა ქალაქ „მზიურის“ ტერიტორიაზე არსებული, დაახლოებით 2 ჰექტარი მიწის ნაკვეთი მუნიციპალიტეტს მესაკუთრესთან მოლაპარაკებების გზით, ადგილმონაცვლეობის პრინციპით უბრუნდება. იმაზე, თუ რა პირობებით მოხდება „მზიურის“ ტერიტორიაზე კერძო საკუთრებაში არსებული მიწის ნაკვეთის ადგილმონაცვლეობა, განმარტება დედაქალაქის მერის მოადგილე ირაკლი ხმალაძემ გააკეთა. მისი თქმით, კომპანიას გადაეცემა მუნიციპალიტეტის საკუთრებაში არსებული ალტერნატიული ფართი ლისის ტბის მიმდებარე ტერიტორიაზე, დაახლოებით 14 ჰექტარი.


საუბარია ორ მიწის ნაკვეთზე, რომლის მესაკუთრე არის შპს „პიაცა მზიური”. კომპანიის დირექტორი ვაჟა ბოლქვაძეა, ხოლო 50-50%-იან წილებს დიდი ბრიტანეთისა და ჩრდილოეთ ირლანდიის მოქალაქეები შოთა ხატიაშვილი და გიორგი გოჩა ჭიღლაძე ფლობენ.


ორივე ეს მონაკვეთი „სარეკრეაციო ზონა 2-ში (იგივე რზ 2) მდებარეობს — ეს სარეკრეაციო ზონაა და აქ მშენებლობა დასაშვებია მხოლოდ საგამონაკლისო სახეობების შემთხვევაში, რომლებიც საჭიროებს სპეციალურ (ზონალურ) შეთანხმებას. რაც შეეხება ტერიტორიას ლისზე,  როგორც ვიცე-მერი, ირაკლი ხმალაძე ამბობს, ლისზე არსებული ტერიტორიები „სარეკრეაციო ზონა 3-ში“ (იგივე რზ 3) მდებარეობს.


„კომპანიას გადაეცემა მუნიციპალიტეტის საკრებულოში არსებული ალტერნატიული ფართი, რომელიც მდებარეობს ლისის ტბის მიმდებარე ტერიტორიაზე — სადაც შესაძლებელი იქნება ერთბინიანი კერძო დასახლების გაშენება — დაახლოებით 14 ჰა (140 ათასი კვ.მ), თუმცა ამის სანაცვლოდ მუნიციპალიტეტმა საკუთრებაში გადმოიტანა 15 ათასი კვ.მ. „მზიურის“ ტერიტორიაზე, რომლის კეთილმოწყობაც ვერ მოხდა აქამდე, რადგან იყო კერძო საკუთრება და მომავლი წლიდან მუნიციპალიტეტი ამ ტერიტორიას კეთილმოაწყობს.


მიწის ნაკვეთმა, რომელიც გადავეცით, შეადგინა დაახლოებით 4 მილიონი დოლარის ეკვივალენტი და ამავე ღირებულებით მოხდა მიწის ნაკვეთის ჩათვლა ადგილმონაცვლეობაში, თუმცა, სამხარაულის შეფასებით, მზიურის მიწის ნაკვეთის ღირებულება გაცილებით მეტია“,  აღნიშნა ხმალაძემ.



მიწის ნორმატიული ფასი (სახელმწიფოს მიერ დადგენილი), ორივე ტერიტორიის შემთხვევაში განსხვავებულია. მაგალითად თუ მზიურის 2 ჰექტარი ტერიტორიის ნორმატიული ფასი  კვ.მ-ზე 128-დან 340 ლარამდეა, ლისის ტბის მიმდებარედ არსებული ტერიტორიის ფასი 16-დან 43 ლარამდე მერყეობს. თუმცა, ცხადია განსხვავებულია არსებული მიწების საბაზრო ღირებულება და მისი სამშენებლო ტერიტორიად გამოყენების შემთხვევაში მიღებული სარგებელი.


ურბანისტი და არქიტექტორი ირაკლი ჟვანია ამბობს, რომ ქალაქგეგმარებითი თვალსაზრისით ამ გაცვლას ნებისმიერი კუთხით აქვს სრულიად არათანაზომიერი ხასიათი და გენგეგმას ეწინააღმდეგება რამდენიმე პუნქტში. ადგილი, სადაც კერძო პირი ვერასდროს ვერაფერს ააშენებდა სარეკრეაციო ზონა 2-ის გამო, გაიცვალა შვიდჯერ მეტი ფართის ტერიტორიაში, სადაც ასევე არ შეიძლებოდა მშენებლობა, მაგრამ ახლა მთელი უბანი გაჩნდება. 


„უცბად ყველას გაგვეხარდა მზიურში ოდესღაც გაყიდული ნაკვეთი, რომ დაუბრუნდა პარკს. მაგრამ კარგად ვნახოთ რაში გაიცვალა ეს ტერიტორია. მზიურის ნაკვეთი (ორ ნაწილად ყოფს ვერეს ხეობაში გაყვანილი გზა) არის დაახლოებით 18 ათასი კვადრატული მეტრი და ის გაიცვალა ლისის ტბასთან მდებარე ნაკვეთში რომლის ფართია 14 ჰექტარი, ანუ 140 ათასი კვადრატული მეტრი, ესე იგი დაახლოებით 7.7-ჯერ აღემატება გაცვლილს.


მზიურს და იმ ნაკვეთს ფარავს სარეკრეაციო ზონა 2. ახალ ნაკვეთს მერიის ინტერაქტიულ რუკაზე ჯერ ადევს ზოგადი სარეკრეაციო ზონა და როგორც მედიიდან გავიგეთ მას მიენიჭება კონკრეტული სარეკრეაციო ზონა 3 სტატუსი სადაც აშენდენა კერძო სახლები. ახლა წავიკითხოთ რა წერია კანონში სარეკრეაციო ზონა 3-ზე:


სარეკრეაციო ზონა-3 (რზ-3) წარმოადგენს ზონას, რომელიც მდებარეობს განაშენიანებული ტერიტორიების საზღვრებში, სადაც დასაშვებია დასასვენებელი, სამკურნალო, სპორტული და გასართობი დანიშნულების შენობა-ნაგებობების განთავსება. ასევე დასაშვებია ამ წესების დანართი 1-ით განსაზღვრული ძირითადი და სპეციალური ზონალური ნებართვით დაშვებული სახეობები.


  1. როგორც ხედავთ აქ არ წერია რომ ამ ზონაში საცხოვრებელი სახლები დაშვებულია. მაგრამ იქვე არის ჩანაწერი სპეციალური ზონალური შეთანხმების შესახებ, რაც მერიას აძლევს იმის უფლებას რომ საცხოვრებელი სახლების მშენებლობაზე დართოს ნება. ეს ჩანაწერი რეალურად მრავალი წელია გამოიყენება ბოროტად და ქალაქის საზიანოდ, რაც არ შეიძლება იმას ხდის შესაძლებელს, განსაკუთრებით მაშინ როდესაც ათეულობით ჰექტარზე ხდება სულ სხვა ტიპის განვითარება რაც ზონის განმარტებისათვის არის სრულიად მიუღებელი. კერძო საცხოვრებელი სახლებისთვის არსებობს საცხოვრებელი ზონა 1 (ესეც სასოფლო-სააგარაკო ტერიტორიაზე) და 2.
  2. ზონის განმარტებაში გარკვევით წერია რომ ის უნდა მდებარეობდეს განაშენიანებული ტერიტორიების საზღვრებში. ამ ადგილზე ჯერ ერთი რომ ტრიალი მინდორია და მეორეც - ის ზუსტადაც რომ მდებარეობს გენგეგმით დადგენილი განაშენიანების კონტურის გარეთ, რომელიც ვაშლიჯვარის და ნუცუბიძის პლატოს ზედა შენობებზე და მაჭავარიანი ქუჩაზე გადის. აქედან აღნიშნულ ნაკვეთამდე არის კილომეტრნახევარი - ორი კილომეტრი.
  3. გენგეგმამ თქვა, რომ თბილისში უნდა შეჩერდეს სუბურბანული განვითარება. ეს პირდაპირ არის კიდევ ერთი ახალი სუბურბანული განვითარება. ახლა ესეც რომ განაშენიანდება და მის გვერდზე მიმდინარე „ლისი ტოპოგრაფიც“ დასრულდება, საცობები მერე ნახეთ ყველა იქეთ მიმავალ გზაზე და სმოგის ფოტოები ვპოსტოთ. მერე მაჭავარიანს ქუჩას რამე მესამე განშტოების ახალი გზები და ესტაკადებიც დავამატოთ და ვთხლიშოთ იქ კიდე ერთი ასი მილიონი ლარი.
  4. გენგეგმამ თქვა, რომ ლისის ტერიტორიისთვის უნდა მომზადებულიყო ცალკე დეტალური ხედვა რომელიც განსაზღვრავდა ლისის ირგვლივ ტერიტორიების განვითარებას სხვადასხვა რეკრეაციული დანიშნულებებით. ამ პროექტზე მუშაობა დაიწყო მაგრამ ის მერიამ მალევე შეწყვიტა და გააგრძელა დიდი დასახლებებისთვის მშენებლობის ნებართვების გაცემა.


ქალაქგეგმარებითი თვალსაზრისით ამ გაცვლას აქვს სრულიად არათანაზომიერი ხასიათი ნებისმიერი კუთხით და გენგეგმას ეწინააღმდეგება რამდენიმე პუნქტში. ადგილი სადაც კერძო პირი ვერასდროს ვერაფერს ააშენებდა სარეკრეაციო ზონა 2-ის გამო, გაიცვალა შვიდჯერ მეტი ფართის ტერიტორიაში სადაც ასევე არ შეიძლებოდა მშენებლობა მაგრამ ახლა მთელი უბანი გაჩნდება. კიდევ გამწვანების აუცილებლობაზე გვესაუბრებიან, როდესაც ლისის უზარმაზარი არეალი, რომელიც გენგეგმით სარეკრეაციო ზონად იყო დადგენილი და სადაც ურბანული პარკის განვითარება შეიძლებოდა, ნადგურდება.


კატასტროფაა რომ ოდესღაც პარკებს ტერიტორიები ჩამოაჭრეს და გაყიდეს და ამის შემობრუნება დღეს ძალიან ძვირი ჯდება, ხშირად შეუძლებელიცაა, მაგრამ იმ პირობებით როგორითაც ეს კონკრეტული გაცვლა მოხდა, გარდა მორიგი გახსნის ცერემონიის ეფექტისა, ცუდი უფრო მეტია, ვიდრე კარგი. თუ ქალაქად მარტო ცენტრს არ მივიჩნევთ და გავიაზრებთ ფართო მასშტაბს, ქალაქის ინტერესები აშკარად დაზიანდა და თუ რატომ მოხდა ესე კიდევ ბევრ კითხვას აჩენს“,—
 ამბობს ირაკლი ჟვანია.



თეგები:
მზიური



5-6 თებერვალს სტამბოლის აეროპორტში 230-ზე მეტი ფრენა უქმდება

5-6 თებერვალს სტამბოლის აეროპორტში 230-ზე მეტი ფრენა უქმდება
access_time2023-02-04 21:50:22
5-6 თებერვალს თურქეთის ავიახაზებმა, სტამბოლის აეროპორტში, უამინდობის გამო 230-ზე მეტი საერთაშორისო და შიდა ფრენა გააუქმა. აეროპორტის ოფიციალურმა წარმომადგენლებმა გაავრცელეს განცხადება, სადაც მგზავრებს ურჩევენ, რომ ამინდის გაუარესების გამო, 5 და 6 თებერვლის ფრენის დეტალები შესაბამის ავიაკომპანიებთან დააზუსტონ. თურქეთის სახელმწიფო მეტეოროლოგიურ სამსახურს განცხადება ჯერ არ გაუკეთებია. უახლოეს საათებში შესაძლოა გამოცხადდეს ფრენების შემდგომი შეფერხებების ან უამინდობის...

საქართველოში გამოვლენილია XBB1.5-ის („კრაკენი“) შემთხვევებიც, მაგრამ CH.1.1-ის („ორტრუსის“) არცერთი შემთხვევა არ დაფიქსირებულა - თენგიზ ცერცვაძე

საქართველოში გამოვლენილია XBB1.5-ის („კრაკენი“) შემთხვევებიც, მაგრამ CH.1.1-ის („ორტრუსის“) არცერთი შემთხვევა არ დაფიქსირებულა - თენგიზ ცერცვაძე
access_time2023-02-04 21:20:45
თენგიზ ცერცვაძე სოციალურ ქსელში ვრცელ პოსტს აქვეყნებს, სადაც მსოფლიოში და საქართველოში კოვიდ სიტუაციას მიმოიხილავს. ის წერს, რომ საქართველოში, ისევე როგორც სხვა ქვეყნების უმეტესობაში გამოვლენილია XBB1.5 („კრაკენი“) სუბვარიანტით გამოწვეული შემთხვევებიც, თუმცა დომინანტურ სუბვარიანტებად კვლავ რჩება ომიკრონის BA2, BA5 და სხვა „ძველი“ სუბვარიანტები. სადღეისოდ საქართველოში CH.1.1 („ორტრუსის“) სუბვარიანტის არცერთი შემთხვევა არ დაფიქსირებულა.   „ბოლო პერიოდში მსოფლიოში COVID-ის...

2022 წელს ამერიკულმა ბანკებმა ხელმძღვანელობას ხელფასები შეუმცირეს

2022 წელს ამერიკულმა ბანკებმა ხელმძღვანელობას ხელფასები შეუმცირეს
access_time2023-02-04 20:00:06
Bank of America Corp-მა 2022 წლისთვის აღმასრულებელი დირექტორის ბრაიან მოინიჰანის ხელფასი დაახლოებით 6%-ით 30 მლნ დოლარამდე შეამცირა. 2021 წელს მოინიჰანის ანაზღაურება 32 მლნ დოლარი იყო. ამის შესახებ Bloomberg-ი და...

მკვლევრებმა მარილის მარცვლის ზომის ვიდეოკამერა შექმნეს

მკვლევრებმა მარილის მარცვლის ზომის ვიდეოკამერა შექმნეს
access_time2023-02-04 19:30:45
პრინსტონისა და ვაშინგტონის უნივერსიტეტების მკვლევრებმა ახალი მაღალი ხარისხის გამოსახულების მქონე მიკროკამერა შექმნეს, რომელი მხოლოდ ნახევარი მილიმეტრის ზომისაა.   Nature Communications-ში გამოქვეყნებული კვლევა აჩვენებს, თუ როგორ...

მსოფლიოში ოქროზე მოთხოვნა 18%-ით გაიზარდა

მსოფლიოში ოქროზე მოთხოვნა 18%-ით გაიზარდა
access_time2023-02-04 17:20:48
მსოფლიო ოქროს საბჭოს (WGC) ყოველწლიური ანგარიშის მიხედვით, 2022 წელს ოქროზე გლობალური მოთხოვნა 18%-ით გაიზარდა და 4741 ტონას მიაღწია, რაც ყველაზე მაღალია მაჩვენებელია 2011 წლის შემდეგ.   მსოფლიოს ცენტრალური ბანკების მიერ ოქროს შესყიდვები ზედიზედ მეორე წელია გაიზარდა და 1136 ტონას მიაღწია. განვითარებადი ქვეყნების მარეგულირებლები, მათ შორის თურქეთი და ჩინეთი, ოქროს მთავარი მყიდველები გახდნენ.   „2022 წელს ცენტრალური ბანკები არამარტო გახდნენ ოქროს...


მსგავსი სიახლეები

up