ADB საქართველოსთან თანამშრომლობის ახალი სტრატეგია დაამტკიცა - სესხების მოცულობა შემდგომი ხუთი წლის განმავლობაში 2 მილიარდ აშშ დოლარს შეადგენს

ADB საქართველოსთან თანამშრომლობის ახალი სტრატეგია დაამტკიცა - სესხების მოცულობა შემდგომი ხუთი წლის განმავლობაში 2 მილიარდ აშშ დოლარს შეადგენს

access_time2019-08-23 12:30:39

აზიის განვითარების ბანკმა (ADB) დღეს საქართველოსთან თანამშრომლობის ახალი სტრატეგია დაამტკიცა.


ბანკის ცნობით, 2019-2023 წლების თანამშრომლობის ხუთწლიანი სტრატეგია, მხარს უჭერს საქართველოს მთავრობის განვითარების სტრატეგიას, რომელიც ეფექტურობის გაზრდასა და სიღარიბის შემცირებას ისახავს მიზნად მეზობელ ქვეყნებთან და დანარჩენ მსოფლიოსთან ეკონომიკური ინტეგრაციის გზით.


ქვეყანასთან თანამშრომლობის ახალი სტრატეგია მიმართული იქნება სავაჭრო კავშირების გაღრმავებაზე, ახალი სამუშაო ადგილების შექმნასა და სიღარიბის დაძლევაზე საქართველოში ეკონომიკური და სატრანსპორტო დერეფნების განვითარების გზით ქვეყნისა და ცენტრალური და დასავლეთ აზიის რეგიონისთვის. ის ასევე გააძლიერებს ქვეყნის კერძო სექტორს და ხელს შეუწყობს მთავრობის საბაზრო ეკონომიკის განვითარებისკენ სწრაფვას ბიზნეს გარემოს გაუმჯობესებისა და სამუშაო ძალის გადამზადების გზით.


ევროპისა და აზიის გზაჯვარედინზე მდებარე საქართველოს თავისი სტრატეგიული მდებარეობის ხელსაყრელად გამოყენების კარგი შესაძლებლობა აქვს. ქვეყანას მთავარ სტრატეგიულ პარტნიორებთან 30-ზე მეტი თავისუფალი ვაჭრობის შეთანხმება აქვს დადებული და წარმატებით განაგრძობს პირდაპირი უცხოური ინვესტიციების მოზიდვას. 2018 წელს საქართველოს ეკონომიკა 4.7%-ით გაიზარდა. მიუხედავად ამისა, უმუშევრობის მაღალმა დონემ, განსაკუთრებით ახალგაზრდებს შორის და დაბალი წარმადობით გამოწვეულმა მიმდინარე ანგარიშის მწვავე დეფიციტმა ქვეყანას სრული პოტენციალის გამოვლენის საშუალება არ მისცა. ამ გამოწვევების დასაძლევად საქართველოს მთავრობის ხელშეწყობა არის ADB-ის ქვეყანასთან თანამშრომლობის ახალი სტრატეგიის მთავარი მიზანი.



„მოხარულები ვართ განვაგრძოთ საქართველოს მთავრობასთან მტკიცე თანამშრომლობა, რათა დავეხმაროთ ქვეყანას განვითარებასა და მოსახლეობის ცხოვრების გაუმჯობესებაში. ქვეყანასთან თანამშრომლობის ახალი სტრატეგიის პრიორიტეტია ქვეყნის ღიაობის შემდგომი გაღრმავება მსოფლიო ეკონომიკების მიმართ, ქვეყანაში დოვლათის გაზრდისა და სიღარიბის დაძლევის მიზნით. ამას რეგიონული თანამშრომლობისა და ინტეგრაციის, ვაჭრობის ხელშეწყობით, სატრანსპორტო და ეკონომიკური დერეფნების განვითარებით, გაუმჯობესებული ინფრასტრუქტურით, საცხოვრებლად უკეთესი ქალაქების, უკეთ მომზადებული სამუშაო ძალის, ინსტიტუციური რეფორმებისა და კერძო სექტორის მხარდასაჭერად ბიზნესის განვითარების გზით შევძლებთ“, – განაცხადა ADB-ის მუდმივი წარმომადგენლობის დირექტორმა საქართველოში იეშიმ ელჰან-კაიალარმა.


ახალი სტრატეგიის ხელშესაწყობად ADB-ის მიერ საქართველოსთვის განსაზღვრული სუვერენული სესხების მოცულობა შემდგომი ხუთი წლის განმავლობაში 2 მილიარდ აშშ დოლარს შეადგენს, რასაც განვითარების პარტნიორებისგან თანადაფინანსების სახით მობილიზებული ფულადი სახსრებიც დაემატება. თანადაფინანსებაში მოიაზრება მთავრობის სამი მთავარი პროექტიც: აღმოსავლეთ-დასავლეთის და ჩრდილოეთ-სამხრეთის სატრანსპორტო და ეკონომიკური დერეფნებისა და ანაკლიის ღრმაწყლოვანი პორტისა და სპეციალური ეკონომიკური ზონის განვითარება. აღნიშნული პროექტები კრიტიკულად მნიშვნელოვანია საქართველოს რეგიონულ ცენტრად გარდაქმნის მიმართულებით, რაც შესაძლებელი გახდება გაუმჯობესებული საგზაო კავშირებისა და ვაჭრობის, ზღვაზე გასასვლელის არმქონე ქვეყნების – სომხეთისა და აზერბაიჯანის ბაზრების გახსნითა და ცენტრალური აზიის რეგიონული ეკონომიკური თანამშრომლობის დერეფნების გაზრდით შავი ზღვისა და ევროპის მიმართულებით.


სატრანსპორტო დერეფნების განვითარების პარალელურად, ახალი სტრატეგია ხელს შეუწყობს მთავრობის ხედვას დაუკავშიროს დერეფნები ეკონომიკური საქმიანობის ადგილობრივ ცენტრებს, მთავარ ტურისტულ მიმართულებებს და სოფლის მეურნეობაში ჩართულ სოფლად მცხოვრებ მოსახლეობას. პრიორიტეტული იქნება ქალაქების მდგრადი განვითარება, რომლებიც მსხვილი ბიზნესის, ლოგისტიკისა და ინვესტიციებისთვის მიმზიდველ ცენტრებად იქცევა და ხელს შეუწყობს ეკონომიკურ ზრდასა და სამუშაო ადგილების შექმნას.


„ქვეყანასთან თანამშრომლობის ახალი სტრატეგიის საბოლოო მიზანი კავკასიის დანარჩენ მსოფლიოსთან კიდევ უფრო მჭიდროდ დაკავშირება და მეზობელ ქვეყნებში სხვა რეგიონული თანამშრომლობების ხელშეწყობაა. საქართველოსთან თანამშრომლობის სტრატეგია სრულად ემთხვევა მთავრობის მიერ შემუშავებულ ქვეყნის განვითარების სტრატეგიას – თავისუფლება, სწრაფი განვითარება, კეთილდღეობა: სამთავრობო პლატფორმა 2016-2020 – და ADB-ის სტრატეგია 2030, რომელთა მიზანია კიდევ უფრო მჭიდრო რეგიონული თანამშრომლობა და ინტეგრაცია,“- განაცხადა ADB-ის ცენტრალური და დასავლეთ აზიის დეპარტამენტის დირექტორმა ვერნერ ლიპახმა.


ADB საქართველოს მხარდამჭერია 2007 წლიდან და ის ქვეყნის ერთ-ერთი ყველაზე დიდი მრავალმხრივი პარტნიორია. ADB-ის მიერ საქართველოსთვის გაცემული სუვერენული და არასუვერენული სესხების საერთო მოცულობა 2.8 მილიარდ აშშ დოლარს შეადგენს.







forbes - საუდის არაბეთზე შეტევას ნავთობის გაძვირება მოჰყვა

forbes - საუდის არაბეთზე შეტევას ნავთობის გაძვირება მოჰყვა
access_time2019-09-16 19:00:49
საუდის არაბეთმა ოფიციალური დაადასტურა ნავთობმოპოვების თითქმის 6 მლნ. ბარელით შემცირება, მას შემდეგ, რაც სახელმწიფო ნავთობკომპანია Saudi Aramco-ს ქარხნებზე უპილოტო საფრები აპარატებით შეტევა განხორციელდა. შავ ოქროზე ფასების ნახტომისებრი ზრდის თავიდან აცილების მიზნით, აშშ-მ განაცხადა, რომ მზადაა აამოქმედოს თავისი რეზერვები. ორ ნავთობგადამამუშავებელ ქარხანაზე საჰაერო შეტევა შაბათს დილით მოხვდა - პირველმა ეს ინფორმაცია საუდის არაბეთის ენერგეტიკის მინისტრმა აბდელ...

ამერიკა ცდილობს უზბეკეთის, აზერბაიჯანის და საქართველოს დაკავშირებას

 ამერიკა ცდილობს უზბეკეთის, აზერბაიჯანის და საქართველოს დაკავშირებას
access_time2019-09-16 20:00:25
უზბეკეთმა და საქართველომ მიაგნეს შეხების წერტილს - ესაა ტრანზიტი. თბილისისთვის ეს არის ქვეყნის ტერიტორიაზე ტვირთბრუნვის გაზრდის საშუალება, ხოლო უზბეკეთი იღებს ქართული პორტების გავლით ევროპულ ბაზრებზე გასვლის საშუალებას. ინტერესი ორმხრივია, თუმცა, პრობლემა იმაშია, რომ დღეისათვის არ არსებობს კავკასიურ სატრანსპორტო დერეფანზე გასატარებელი ტვირთების საკმარისი რაოდენობა. 11-13 სექტემბერს საქართველოს საგარეო საქმეთა მინისტრი დავით ზალკალიანი...

აუდიტის სამსახური - 400 მილიონ ლარზე მეტი ღირებულების 27 პროექტის წლიური ბიუჯეტი საერთოდ არ არის ათვისებული

აუდიტის სამსახური - 400 მილიონ ლარზე მეტი ღირებულების 27 პროექტის წლიური ბიუჯეტი საერთოდ არ არის ათვისებული
access_time2019-09-16 18:00:58
სახელმწიფო აუდიტის სამსახურის ინფორმაციით, ბიუჯეტით გათვალისწინებული ჯამში 400 მილიონ ლარზე მეტი ღირებულების, 27 კაპიტალური პროექტის წლიური ბიუჯეტი, 6 თვის მონაცემებით, საერთოდ არ არის ათვისებული. ბიუჯეტით გათვალისწინებული კაპიტალური პროექტებისა და მათზე გამოყოფილი სახსრების ათვისების მდგომარეობის შესახებ ინფორმაციას სახელმწიფო აუდიტის სამსახრუსი ბიუჯეტის მონიტორი აქვენებს, რომლის თანახმად, 6 თვის მონაცემებით, 26 პროექტში ათვისებულია წლიური ბიუჯეტის 1%-დან...

ქართველი დიზაინერი დემნა გვასალია Vetements -დან მიდის

ქართველი დიზაინერი დემნა გვასალია Vetements -დან მიდის
access_time2019-09-16 14:30:27
„ვგრძნობ, რომ ჩემი მისია შევასრულე“ - ამბობს დიზაინერი, რომელმაც 5 წლის წინ გავლენიანი ბრენდი „Vetements“ დაარსა“. ასე იწყებს სტატიას ერთ-ერთი გავლენიანი მედია გამოცემა მოდის სფეროში. „WWD“ წერს, რომ ქართველმა დიზაინერი, რომელიც ქუჩის მოდის მთავარი შემოქმედი იყო „Vetements“ -დან მიდის.   ბრენდი, რომელმაც ქუჩის სტილის თამაშის წესები შეცვალა დემნამ ძმასთან ერთად 2014 წელს დაარსა. გურამ გვასალია,...

Meridian Capital Limited - რას წარმოადგენს კომპანია, რომელმაც ხაზარაძის თქმით, შესაძლოა ანაკლიის პორტის პროექტის განხორციელებაში „კონტი ჯგუფი“ ჩაანაცვლოს

  Meridian Capital Limited - რას წარმოადგენს კომპანია, რომელმაც ხაზარაძის თქმით, შესაძლოა ანაკლიის პორტის პროექტის განხორციელებაში „კონტი ჯგუფი“ ჩაანაცვლოს
access_time2019-09-16 15:40:55
რას წარმოადგენს კომპანია, რომელმაც ანაკლიის პორტის პროექტის განხორციელებაში შესაძლოა „კონტი ჯგუფი“ ჩაანაცვლოს? როგორც საზოგადოებრივი მოძრაობა “ლელოს“ დამფუძნებელმა მამუკა ხაზარაძემ  TV “მთავარის“ ეთერში აღნიშნა, რამდენიმე დღის წინ ანაკლიის განვითრების კონსორციუმმა საქართველოს ხელისუფლებას წარუდგინა ანაკლიის ერთ-ერთი პოტენციური ინვესტორი —  ბრიტანული საინვეტსიციო კომპანია  Meridian capital...


მსგავსი სიახლეები

up