ADB განვითარებად აზიას კოვიდ-19-ის შემდგომ აღდგენაში დაეხმარება

ADB განვითარებად აზიას კოვიდ-19-ის შემდგომ აღდგენაში დაეხმარება

access_time2020-09-18 23:30:00

„აზიის განვითარების ბანკი“ (ADB) რჩება თავისი გადაწყვეტილების ერთგული პარტნიორობა გაუწიოს აზიისა და წყნარი ოკეანის რეგიონის ეკონომიკებს კორონავირუსის (კოვიდ-19) პანდემიის შემდგომი აღდგენისთვის,- განაცხადა ADB-ის პრეზიდენტმა მასაცუგუ ასაკავამ დღეს ADB-ის დირექტორთა საბჭოს შეხვედრაზე სიტყვით გამოსვლისას.

„ADB განაგრძობს თქვენი ნდობის მოპოვებას როგორც ურყევი პარტნიორი ძლიერი და მდგრადი აღდგენის მიმართულებით, ისეთ არაპროგნოზირებად ვითარებაში, რომელშიც ჯერ კიდევ იმყოფება ჩვენი რეგიონი. ჩვენი მუშაობა მდგრადი, მედეგი და მრავალმხრივი განვითარებისთვის ურთიერთნდობაზეა დაფუძნებული და თქვენთან, ჩვენს წევრებთან ერთად თანამშრომლობით ათწლეულების მანძილზეა ფორმირებული,“- განაცხადა პრეზიდენტმა ასაკავამ.

ADB-ის ინფორმაციით, პრეზიდენტი მასაცუგუ ასაკავა სიტყვით გამოვიდა ADB-ის მმართველთა საბჭოს 53-ე ყოველწლიური შეხვედრის მეორე ნაწილში გამართულ ბიზნეს-სესიაზე, რომელიც წელს კოვიდ-19-ის პანდემიის გამო ვირტუალური და შემოკლებული ფორმატით გაიმართა.

„ADB-მა აპრილში განაცხადა კოვიდ-19-თან გასამკლავებლად განვითარებადი წევრებისთვის 20 მილიარდი აშშ დოლარის გამოყოფის შესახებ. დახმარების პაკეტში შევიდა სწრაფი გრანტები და ტექნიკური დახმარება მთავრობების გადაუდებელი სამედიცინო საჭიროებებისთვის; ახალი კოვიდ-19 პანდემიის საპასუხო ოფცია (CPRO), რომელიც ანტიციკლურ ხარჯვით პროგრამებს ხმარდება; ასევე ფინანსური სახსრები კერძო სექტორისთვის. ამ ეტაპზე პანდემიის წინააღმდეგ ADB-ს მიმართული აქვს დაახლოებით 11.2 მილიარდი აშშ დოლარი ფინანსური და ტექნიკური დახმარების სახით. განვითარების პარტნიორებთან ახლო თანამშრომლობის შედეგად ADB-მ თანადაფინანსებით სახით დამატებით 7.2 მილიარდი აშშ დოლარი მოიზიდა. პრეზიდენტმა ასაკავამ განაცხადა, რომ მაშინ როცა რეგიონი პანდემიის შემდგომი განახლებისთვის იღწვის, ADB თავის წევრებთან ურთიერთობას ექვსი მთავარი მიმართულებით განაგრძობს.

პირველი, ADB წაახალისებს რეგიონულ თანამშრომლობას და ინტეგრაციას რათა წევრებმა ის შესაძლებლობები გამოიყენონ, რასაც პოსტ-პანდემიურ ახალ რეალობაში განახლებული გლობალიზაცია მოიტანს.

„მართალია, ბევრს საუბრობენ, რომ ბოლოდროინდელი საზღვრების ჩაკეტვა და სამგზავრო რეგულაციები გლობალიზაციის დამუხრუჭების ნიშანია, მაგრამ მე მჯერა, რომ გლობალიზაცია დაბრუნდება, ოღონდ სახეშეცვლილი ფორმით,“ -განაცხადა პრეზიდენტმა ასაკავამ.

ADB განვითარებად წევრებთან ერთად იმუშავებს უფრო დივერსიფიცირებული ღირებულებათა და მიწოდების ჯაჭვების განსავითარებლად და რეგიონული საზოგადოებრივი კეთილდღეობის შესაქმნელად დაავადებათა გავრცელების უკეთესი კოლექტიური პრევენციის, კლიმატის ცვლილებების შედეგების შერბილებისა და რეგიონული ფინანსური უსაფრთხოების ბადის გასაძლიერებლად.


მეორე, კოვიდ-19-ის შედეგად გამძაფრებული უთანასწორო შემოსავლებისა და აბსოლუტური სიღარიბის წინააღმდეგ ADB გააძლიერებს ინვესტიციებს ჯანდაცვაში, განათლებასა და სოციალურ დაცვაში, რაც ხელს შეუწყობს მოსახლეობის დაცვას, ყველასათვის თანაბარი შესაძლებლობების შექმნასა და ადამიანური კაპიტალის განვითარებას, რაც ასე საჭიროა ეკონომიკების გრძელვადიანი განვითარებისთვის.

მესამე, ADB გააძლიერებს მუშაობას კლიმატის ცვლილებების მიმართულებით გრძელვადიანი 2030 სტრატეგიის მიზნების მისაღწევად, როგორიცაა 2030 წლისათვის 80 მილიარდი აშშ დოლარის მობილიზება ჯამურ კლიმატურ ინვეტიციებში და მთლიანის ოპერაციების 75%-ის დაფარვა.

მეოთხე, ADB ინვესტიციას გააკეთებს საინფორმაციო ტექნოლოგიებსა და ჯანდაცვის მონაცემთა ოპტიმიზაციაში; განათლებაში, მიკრო, მცირე და საშუალო საწარმოების ფინანსებზე წვდომასა და დისტანციური მუშაობის განვითარებაში. ამავდროულად იმუშავებს ციფრული დაფარვის ხელმისაწვდომობისა და კიბერ უსაფრთხოების მიმართულებით. მეხუთე, ADB დაეხმარება წევრებს შიდა რესურსების მობილიზების გაძლიერებაში გადასახადების საერთაშორისო თანამშრომლობის მეშვეობით, რადგან განვითარების ყველა მნიშვნელოვანი მიმართულება მოითხოვს ვალის მართვის პარალელურად, ფინანური რესურსების მოძიებისთვის მთავრობების შესაძლებლობების გაუმჯობესებას.

და ბოლოს, ADB მხარს დაუჭერს მისი განვითარებადი წევრების მიერ გადაგმულ ნაბიჯებს უსაფრთხო და ეფექტური ვაქცინაციის მისაღებად და დაეხმარება სამართლიანი განაწილების სტრატეგიების ფორმულირებაში. ამის მისაღწევად ADB განაგრძობს თანამშრომლობის გამყარებას მსოფლიო ჯანდაცვის ორგანიზაციასთან, მსოფლიო ბანკთან, GAVI-ვაქცინის ალიანსთან, ვაქცინის ექსპერტებთან და ფარმაცევტულ კომპანიებთან.

ორდღიანი ვირტუალური ყოველწლიური შეხვედრის ფარგლებში, ADB-ის წევრების მინისტრებმა, განვითარების და ინდუსტრიის ექსპერტებმა, ჟურნალისტებმა და არასამთავრობო ორგანიზაციების წარმომადგენლებმა აზიასა და წყნარი ოკეანის რეგიონის წინაშე არსებული გამოწვევები განიხილეს. დღევანდელ ღონისძიებებს შორის იყო CNBC-ის დებატი: აზიის გადატვირთვა: ტექნოლოგია, ინვესტიცია და მდგრადი განვითარება და მმართველთა სემინარი თემაზე: განვითარებადი აზია პანდემიის მიღმა.

ADB-ის მიზანია, ხელი შეუწყოს აზიისა და წყნარი ოკეანის რეგიონის წარმატებულ, მრავალმხრივ, მედეგ და მდგრად განვითარებას. ამავდროულად, ის კვლავაც აგრძელებს მუშაობას რეგიონში უკიდურესი სიღარიბის აღმოსაფხვრელად. 1966 წელს დაარსებული ორგანიზაცია აერთიანებს 68 ქვეყანას, მათ შორის 49 აზიის რეგიონიდანაა წარმოდგენილი”,-აღნიშნულია ADB-ის მიერ გავრცელებულ ინფორმაციაში.


IPN.GE 



თეგები:
ADB



დღის Top 10 საინტერესო ამბავი

 დღის Top 10 საინტერესო ამბავი
access_time2020-10-22 21:00:21
1. ბანკებზე თავდასხმის ქრონიკა საქართველოში   ბანკების ძარცვა ტექნოლოგიების ერაში ბევრს ყველაზე მოძველებულ კრიმინალურ აქტად მიაჩნევა, თუმცა ფინანსურ ინსტიტუტებზე შეიარაღებული თავდასხმა პლანეტის ერთერთ მთავარ გადაუჭრელ პრობლემად დღემდე რჩება....

22 ოქტომბერი - რეგიონში ქართული ლარი გამყარდა, თურქული ლირა გაუფასურდა

22 ოქტომბერი - რეგიონში ქართული ლარი გამყარდა, თურქული ლირა გაუფასურდა
access_time2020-10-22 18:10:25
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 22 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, კურსის ცვლილებამ 0.93 თეთრი შეადგინა, რის შედეგადაც ერთი...

Forbes: აშშ-ს იუსტიციის სამინისტრომ Google-ს უჩივლა

Forbes: აშშ-ს იუსტიციის სამინისტრომ Google-ს უჩივლა
access_time2020-10-22 20:00:48
აშშ-ს იუსტიციის სამინისტრომ Google-ის წინაამღდეგ სასამართლოში ანტიმონოპოლური სარჩელი შეიტანა.   უწყების აზრით, კორპორაცია ონლაინ-ძიების ბაზარზე ხელოვნულ მონოპოლიას აჩენს.   Google არის მსოფლიოს ერთ-ერთი უმდიდრესი კომპანია, რომლის საბაზრო ღირებულებაც 1 ტრლნ. დოლარია. ის თითქმის მონოპოლოსტია მილიარდობით ინტერნეტ-მომხმარებლისთვის, კომპანია ისეთ სერვისებს ფლობს, როგორც  Chrome,  YouTube, Google maps, Google translate და...

უნდა გახსნას თუ არა საზღვრები საქართველომ - PMC RESEARCH-ის შეფასებები

უნდა გახსნას თუ არა საზღვრები საქართველომ - PMC RESEARCH-ის შეფასებები
access_time2020-10-22 17:30:00
2020 წლის სამ კვარტალში, საერთაშორისო მოგზაურობიდან საქართველომ 499 მლნ დოლარის შემოსავალი მიიღო, ეს 81%-იანი დანაკლისია 2019 წლის ანალოგიურ მაჩვენებელთან შედარებით. PMC Research-ის ინფორმაციით, 2020 წლის სექტემბერში საერთაშორისო მოგზაურთა რიცხვი 94.2%-ით შემცირდა. აპრილის შემდეგ, 2019 წლის შესაბამის პერიოდთან შედარებით, ყოველ თვეში, მოგზაურების, ვიზიტორებისა და ტურისტების რაოდენობა 90%-ზე მეტად მცირდებოდა. კვლევაში მითითებულია, რომ COVID-19...

ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე

 ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე
access_time2020-10-22 17:00:34
დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის ამირან გამყრელიძის განცხადებით, კორონავირუსის გავრცელებასთან დაკავშირებით, ნოემბრის პროგნოზი ახლიდან გაკეთდება.   მისივე ინფორმაციით, აქამდე გაკეთებული პროგნოზის თანახმად, ვირუსის გავრცელების პიკი ნოემბრის შუა რიცხვებში დადგება და ამ პიკის დროს დღიურმა მაჩვენებელმა შესაძლოა 4-5 ათას შემთხვევას მიაღწიოს.   „პროგნოზირება ძალიან უმადური რამ არის. არ არსებობს არც ერთი...


მსგავსი სიახლეები

up