ჭიათურ-მანგანეზის მაღაროელები გაფიცვას აგრძელებენ - გარე ძალისგან მართული პროცესი თუ გაუსაძლისი სამუშაო გარემო

ჭიათურ-მანგანეზის მაღაროელები გაფიცვას აგრძელებენ - გარე ძალისგან მართული პროცესი თუ გაუსაძლისი სამუშაო გარემო

access_time2019-05-16 18:00:17

 ჭიათურაში, შპს “ჯორჯიან მანგანეზის” სამთო გამამდიდრებელ კომბინატში დასაქმებულთა ნაწილი გაფიცულია. ისინი სამუშაო პირობების გაუმჯობესებას და ხელფასების მომატებას ითხოვენ. „ჯორჯიან მანგანეზი“ მიიჩნევს, რომ “ჭიათურაში, დღეს მიმდინარე პროცესები გარე ძალების მიერ არის მართული და მიზნად ისახავს, ჭიათურაში დაგეგმილი შუალედური არჩევნების პერიოდში მუშა-მოსამსახურეების გამოყენებას, რაც „ჯორჯიან მანგანეზისთვის“ კატეგორიულად მიუღებელია“.



„ჯორჯიან მანგანეზშია“ დასაქმებული რომანი კუპატაძე, სამთო მუშის პოზიციაზე მუშაობს. კუპატაძე „კომერსანტთან“ საუბარში აცხადებს, რომ სამთო გამამდიდრებელ კომბინატში დასაქმებულთა უფლებები მნიშვნელოვნად ირღვევა, რის შესახებაც კომპანიის ხელმძღვანელობას ინფორმაცია აქვს, თუმცა არაფერი იცვლება.


“მოვითხოვთ ხელფასის ზრდას და ადამიანური მოპყრობას. გვეუბნებიან, რომ 12 საათში15 წუთიანი შესვენება გეკუთვნის, საჭმელი ფეხზე მდგომმა უნდა ჭამოო, ყავის და ჩაის დალევა სამსახურში არ შეიძლებაო, გეგმა უნდა გამოიტანო 200 პროცენტითო. მაღაროსთან გვაქვს შეხება და გვჭირდება ექიმი, ასევე მნიშვნელოვანია ის, რომ ქალაქი ბინძურდება და ნადგურდება.  ესაა ჩვენი პრობლემები, რასაც ყურადღება უნდა მიაქციონ... სანამ შეთანხმებას არ მივაღწევთ, ასე ვიქნებით ბიჭები, მთელი ჭიათურა ერთმანეთის გვერდით დავდგებით,“ — აცხადებს რომან კუპატაძე.


ინფორმაცია მუშების გაფიცვის შესახებ ადგილობრივმა პროფკავშირმა გაავრცელა. ჭიათურის პირველადი პროფკავშირული ორგანიზაციის თავმჯდომარის მოადგილე პაატა სამხარაძე აცხადებს, რომ გაფიცვა ე.წ. ვახტურ რეჟიმზე დაიწყეს. მისი თქმით, სხვა 4 მაღარო ჯერჯერობით მუშაობს. შეუერთდებიან თუ არა ვახტაზე მომუშავე მაღაროელებს, სხვა მუშები ჯერჯერობით უცნობია.


„ვახტურ რეჟიმზე მომუშავეები მოითხოვენ საერთო საცხოვრებელში “სანატორიუმს“ რასაც ეძახიან იქ პირობების გაუმჯობესებას. მათ არ აქვთ არანაირი სამედიცინო პუნქტი. მოთხოვნა აქვთ, რომ ქალაქში საავადმყოფო აშენდეს და მძიმე ტონიანმა მანქანებმა არ იმოძრაონ. ერთი ხიდი დაინგრა, მეორე შეიძლება მიჰყვეს. ინვენტარი მოძველებულია, კვება ყოველთვის იყო  ცუდი. ამ ყველაფერზე საუბარი არა ერთხელ გვქონდა, თუმცა ამის მიუხედავად პრობლემები ვერ მოგვარდა. ადმინისტრაციამ ჩვენი თხოვნა ყურად არ იღო. საბოლოო ჯამში იქამდე მიიყვანეს ადამიანები, რომ ქუჩაში გამოვიდნენ“,-განაცხადა პაატა სამხარაძემ.


პაატა სამხარაძე განმარტავს, რომ ვახტური რეჟიმი გულისხმობს 15 დღიან სამუშაო გრაფიკს. მისი თქმით,  დასაქმებულს 15 დღე, სამსახურიდან სახლში წასვლა არ შეუძლია. როგორც სამხარაძე აცხადებს, სამუშაო საათების დასრულების შემდეგ, კომპანია პასუხისმგებელია თანამშრომლების ტრანსპორტირებაზე და ისინი მათთვის მოწყობილ საცხოვრებლებში გადაჰყავთ, ასევე კომპანია პასუხისმგებელია მათ კვებაზე. 


„ვახტაზე 300 კაცი მუშაობს. პირველი ორი კვირის განმავლობაში მუშაობს 150 კაცი, შემდეგი 2 კვირა მეორე 150. ყოველდღე 12 საათი მუშაობენ. მათი ხელფასი არ შეესაბამება იმ ანაზღაურებას, რომელ პირობებშიც მუშაობენ. უმაღლესი სატარიფო თანხა დღეში 82 ლარი. 15 დღეში, ფაქტობრივად, ერთი თვის სამუშაოს ასრულებენ. კანონით კვირაში 40 საათი უნდა იმუშაოს და ესენი მუშაობენ 70 საათზე მეტს, ეს არის შრომითი კოდექსის უხეში დარღვევა,“ - განაცხადა პაატა სამხარაძემ.


ჭიათურის პირველადი პროფკავშირული ორგანიზაციის თავმჯდომარის მოადგილის თქმით, მათ მინისტრსაც მიმართეს.  


„3 იანვარს ვიყავი ჩასული თბილისში, ჯანდაცვის სამინისტროში, ყველაფერი დეტალურად მოვყევი, წერილი დავუტოვე დავით სერგეენკოს, თუმცა არანაირი პასუხი არ მიმიღია. სახელმწიფო ამ პრობლემებს ყურადღებას არ აქცევს“, - აღნიშნა პაატა სამხარაძემ.


როგორც „კომერსანტს“ პაატა სამხარაძემ განუცხადა ჯორჯიან მანგანეზი-ს საგანგებო მმართველი ნიკოლოზ ჩიქოვანი გაფიცულ ჯგუფთან მივიდა. მისი თქმით, იყო საუბარი, რომ გარკვეული ჯგუფი შეკრებილიყო და მოლაპარაკების მაგიდასთან დამსხდარიყვნენ, თუმცა გაფიცულმა მაღაროელები კომპანიის ამ შეთავაზებაზე უარი თქვეს.  


განვითარებულ მოვლენებზე “კომერსანტთან“ საუბრობს “ჯორჯიან მანგანეზი“-ს ადმინისტრაციის უფროსი ირაკლი პეტრიაშვილი. მისთვის დღეს დილით გახდა ცნობილი, რომ მაღაროელები ხელფასის მატებას ითხოვდნენ. როგორც პეტრიაშვილი განმარტავს გუშინდელი პროტესტის მიზეზი მხოლოდ საკვების ხარისხის იყო.


„ამ ადამიანებს აქვთ სამჯერადი კვება, მათ ადგილზე მიყვანას და “სანატორიუმში“ დაბრუნებას კომპანია უზრუნველყოფს. გუშინ მუშებმა გამოთქვეს გარკვეული ტიპის პრეტენზია საკვების ხარისხთან დაკავშირებით. პროცესებში ადმინისტრაცია მყისიერად ჩაერთო. შევთავაზეთ გააკეთონ მონიტორინგი, მენიუს გაუწიონ კონტროლი და თუ იქნება გარკვეული ტიპის ხარვეზები, ჩვენ მათ შენიშვნას აუცილებლად გამოვასწორებდით. მუშების კვებაში თანხას კომპანია იხდის და არავის აქვს  სურვილი უხარისხო პროდუქტში გადავიხადოთ ფული. შეთანხმება შედგა, თუ დილის საუზმე დამაკმაყოფილებელი იქნებოდა ისინი სამუშაოზე წავიდოდნენ. თუმცა დილით არც ერთ თანამშრომელს საკვები არ გაუსინჯავს, ყველანი გარეთ დაგვხვდნენ. კიდევ შევთავაზეთ საკვების მუდმივი მონიტორინგი, რაზეც უარი გაგვიცხადეს და წამოაყენეს 50-პროცენტიანი ხელფასის მატება. ერთი წელი არ არის გასული, რაც ხელფასების მატება მოხდა - 10 პროცენტით. ხელფასთან დაკავშირებით მათ წერილობითი მოთხოვნაც არ ჰქონიათ. თვითღირებულებაში ყველაზე დიდი წილი ხელფასს უკავია და ეს წილი არის 60 %“,- განმარტავს ირაკლი პეტრიაშვილი.



ირაკლი პეტრიაშვილი მაღაროელების მიერ გაჟღერებულ პრობლემებს პასუხობს და განმარტავს, რომ ადმინისტრაციასა და მუშებს შორის კომუნიკაციის პრობლემა არასდროს ყოფილა და კომპანიის მხრიდან ყოველთვის არის მზაობა, რომ ჯორჯიან მანგანეზი-ში პრობლემები მოგვარდეს.


12 საათიანი სამუშაო გრაფიკი აქვთ, 15 დღის განმავლობაში, როცა ღამის საათებში უწევთ მუშაობა 20-პროცენტიანი დანამატი  ეძლევათ. მათ დღის განმავლობაში საათ-ნახევარი აქვთ შესვენება. გრაფიკი გვაქვს გამოკრული, სადაც 20-20-წუთიანი 5 დასვენებაა. არ შეესაბამება სიმართლეს, რომ 200 %-იანი გეგმის შესრულება უწევთ. 100 პროცენტზე ზევით, ყოველ შესრულებულ პროცენტზე, ხელფასი ემატებათ. სასადილოში დავაყენეთ მონიტორები და ყველას შეუძლია ნახოს. თუ 200 პროცენტი შესრულებადია ე.ი იქ დაგეგმარებაა არასწორი და როგორ უნდა მოვთხოვოთ 200 პროცენტის შესრულება. რაც შეეხება ჩაი და ყავას, მაღაროში ჩაის მოსადუღებელი თუ აქვთ, იმ 20 წუთში შეუძლიათ ესეც გააკეთონ, არავინ უშლით.



კიდევ ერთი პრობლემა რომელიც სამთო გამამდიდრებელ კომბინატში დასაქმებულებს აქვთ სამედიცინო მომსახურების არ არსებობაა. ჯორჯიან მანგანეზი“-ის პოზიცია აღნიშნულ საკითხთან დაკავშირებით შემდეგია.


ეს ადამიანები ცხოვრობენ “სანატორიუმში“, ეს არის მათი საცხოვრებელი ადგილი,  იქ ხომ არ იქნება სამედიცინო პუნქტი. შენობა მდებარეობს ქალაქის ერთ-ერთ ცენტრალურ ნაწილში, ადვილად მისადგომ გზაზე და რომ მიიღონ ექიმის კვალიფიციური დახმარება, არანაირი პრობლემა არაა. უფასოა სასწრაფო სამედიცინო დახმარებაც, არ ყოფილა შემთხვევა გამოგვეძახოს და 10 წუთში არ მოსულიყვნენ.


არ თვლით საჭიროდ რომ სამუშაო ადგილზე სამედიცინო პუნქტის არსებობას?


— სამუშაო ადგილზე რეგლამენტის მიხედვით ექთანის მომსახურებას არ ითვალისწინებს, რამეთუ ისინი მიდიან ისეთ სამუშაო ადგილზე, სადაც  სასწრაფო დახმარება მარტივად მივა. ერთადერთი არის ის, რომ უბნის უფროსებმა უნდა ისწავლონ და ვასწავლეთ კიდევაც პირველად დახმარებას და ექნებათ ე.წ. აფთიაქები. ამაზე იყო საუბარი და თუ ამის სურვილი აქვთ, არ არის პრობლემა, ეს აფთიაქები შეძენილი გვაქვს და დავარიგებთ კიდევაც.


ერთი სიტყვით, მოლაპარაკებები მიმიდინარეობს, როდის დაუბრუნდებიან მუშები სამუშაო ადგილებს ჯერჯერობით თავადაც არ იციან.


ბაჩო ადამია





პაატა ბაირახტარი: ეროვნული ბანკი შეცდომებზეც ვერ სწავლობს

პაატა ბაირახტარი: ეროვნული ბანკი შეცდომებზეც ვერ სწავლობს
access_time2020-05-28 14:30:12
„ბანკები და ფინანსები“ ახალგაზრდა ფინანსისტთა და ბიზნესმენთა ასოციაციის ვიცე-პრეზიდენტს პაატა ბაირახტარს ესაუბრა, რომელმაც ლარის გაუფასურების პრობლემის შეფასებისას საქართველოს ეროვნული ბანკის ნეგატიურ როლზე გააკეთა აქცენტი. ბაირახტარის განცხადებით, ყველაზე სამწუხარო ის არის, რომ მიუხედავად იმისა, რომ შეცდომების დაშვების არც დრო და არც უფლება არ გვაქვს, კობა გვენეტაძის უწყება შეცდომებზეც კი ვერ...

2-3 თვის შემდეგ შესაძლოა სხვა რეალობა იყოს და მთავრობის ეს დახმარება საკმარისი არ აღმოჩნდეს – „არსის“ გენერალური დირექტორი ანტიკრიზისულ გეგმაზე

2-3 თვის შემდეგ შესაძლოა სხვა რეალობა იყოს და მთავრობის ეს დახმარება საკმარისი არ  აღმოჩნდეს  – „არსის“ გენერალური დირექტორი ანტიკრიზისულ გეგმაზე
access_time2020-05-28 13:30:21
„ანტიკრიზისული გეგმის პრეზენტაციაზე მნიშვნელოვანი ინიციატივები გაჟღერდა, რაც სექტორს გამოაცოცხლებს. ახლა სექტორს სწორედ შოკური მდგომარეობიდან გამოყვანა სჭირდება, რისთვისაც ეს წინ გადადგმული ნაბიჯია“, - ასე შეაფასა „არსის“ გენერალურმა დირექტორმა ბესო ორთოიძემ მთავრობის მიერ წარმოდგენილი დეველოპერული სექტორის მხარდაჭერის ანტიკრიზისული გეგმა.   „ზოგადად რთულია ხვალინდელი დღის პროგნოზირება, თუმცა, დღევანდელი გადასახედიდან ეს არის კარგი და სწორი ნაბიჯი,...

,,საქკაბელი” საქართველოს ბიზნეს ასოციაციის წევრი გახდა

,,საქკაბელი” საქართველოს ბიზნეს ასოციაციის წევრი გახდა
access_time2020-05-28 12:15:58
საქართველოს ბიზნეს ასოციაციის (BAG) წევრთა რიგებს ახალი წევრი შეუერთდა კომპანია საქკაბელის“ სახით.სააქციო საზოგადოება „საქკაბელი“, საქართველოში საკაბელო პროდუქციის ყველაზე დიდი და გამოცდილი მწარმოებელია. ქარხანა დაარსდა 1958 წელს და დღემდე უწყვეტად შეინარჩუნა პროფილი, დანერგა მოწინავე ევროპული ტექნოლოგიები, გაზარდა ასორტიმენტი. 2018 წლის 23 მარტს საქკაბელს მიენიჭა ISO 9001:2015 სტანდარტის შესაბამისობის სერთიფიკატი. კომპანია ხარისხის ფონდის სრულყოფილი წევრია, ფლობს...

ვის შეეხება იპოთეკური სესხის სუბსიდირება? -დეტალები

ვის შეეხება იპოთეკური სესხის სუბსიდირება? -დეტალები
access_time2020-05-28 12:45:55
საქართველოს მთავრობა ყველას ვინც 2020 წლის პირველი ივნისიდან 2021 წლის პირველ იანვრამდე აიღებს იპოთეკურ სესხს ლარში, 5 წლის ვადით დაუსუბსიდირებს სესხის 4%-ს. ამის შესახებ დეველოპერული სექტორის მხარდაჭერის ანტიკრიზისული გეგმის პრეზენტაციაზე პრემიერ-მინსტრმა გიორგი გახარიამ განაცხადა. დეველოპერული სექტორის მხარდაჭერის ანტიკრიზისული გეგმის მიხედვით, სუბსიდირება ეხება ყველა იმ სესხს, რომელიც არ აღემატება 200 000 ლარს. სახელმწიფო წყვეტს სუბსიდირებას, თუ რეფინანსირების განაკვეთი...

ბინის შეძენის მსურველებს მთავრობა იპოთეკურ სესხებს 4%-ით, 5 წლის განმავლობაში დაუსუბსიდირებს

ბინის შეძენის მსურველებს მთავრობა იპოთეკურ სესხებს 4%-ით, 5 წლის განმავლობაში  დაუსუბსიდირებს
access_time2020-05-28 12:12:08
მთავრობა მოქალაქეებს, ბინის შეძენის მსურველებს  იპოთეკური სესხების 4%-ს, 5 წლის განმავლობაში დაასუბსიდირებს. საუბარია, ყველა იმ ხელშეკრულებაზე, რომელიც წლის ბოლომდე დაიდება.ამის შესახებ საქართველოს პრემიერ-მინისტრმა გიორგი გახარიამ  რამდენიმე წუთის წინ დეველოპერული სექტორის მხარდაჭერის ანტიკრიზისული გეგმის პრეზენტაციაზე განაცხადა.  „ეს ნიშანვს იმას, რომ შეიქმნება რეალური მოთხოვნა სამშენებლო ბაზარზე. 5 წლის განმავლობაში  ჩვენ მივეხმარებით ...


მსგავსი სიახლეები

up