ადა მარშანია - მოსკოვში გამართულ შეხვედრებზე აღინიშნა, რომ საჭიროა ახალი პლატფორმა, ტერმინები, ქმედებები, რომლებიც კი არ გაზრდის დაძაბულობას, შეამცირებს

ადა მარშანია - მოსკოვში გამართულ შეხვედრებზე აღინიშნა, რომ საჭიროა ახალი პლატფორმა, ტერმინები, ქმედებები, რომლებიც კი არ გაზრდის დაძაბულობას, შეამცირებს

access_time2019-07-22 20:45:20

„პატრიოტთა ალიანსის“ წევრმა, დეპუტატმა, ადა მარშანიამ დღეს პარტიის წარმომადგენლების მიერ მოსკოვში გამართულ შეხვედრებსა და ამ შეხვედრებზე განხილულ საკითხებთან დაკავშირებით მედიასთან ისაუბრა.

მისი თქმით, შეხვედრებზე აღინიშნა, რომ რუსულ ქართული ურთიერთობები მიმდინარე წლის 20 ივნისის შემდეგ უკიდურესად დაიძაბა.

„მიმდინარე წლის 15 ივლისს, საქართველოს „პატრიოტთა ალიანსის“ დეპუტაცია შეხვდა რუსეთის სახელმწიფო დუმის დეპუტატებს და რუსეთის ფედერაციის საბჭოს სენატორებს. ორივე მხარემ აღნიშნა, რომ 20 ივნისიდან მოყოლებული უკიდურესად დაიძაბა ქართულ-რუსული ურთიერთობები და ვითარება უახლოვდება 11 წლის წინანდელ ნიშნულს. ასევე, ორივე მხარეს აღნიშნა, რომ ეს შეხვედრა მიზნად ისახავს ვითარების მაქსიმალურად განმუხტვას, დაძაბულობის შემცირებას და არსებული კრიზისიდან გამოსავლის ძიებას.

სერგეი გავრილოვის ირგვლივ შექმნილი ვითარება იყო პროვოკაცია. „პატრიოტთა ალიანსი“ პირველივე დღიდან საუბრობდა, რომ გავრილოვის პარლამენტში შეყვანა და პარლამენტის თავმჯდომარის სავარძლის დათმობა ვერ მოხდებოდა „ქართული ოცნების“ უშუალო მონაწილეობის გარეშე. პარლამენტის სხდომათა დარბაზში ბოკერიას პარტიის წევრების შემოვარდნა ადასტურებს ამ პროვოკაციაში ბოკერიას ჯგუფის მონაწილეობას. „ქართული ოცნებისთვის“ მოულოდნელი იყო საქმეში სააკაშვილის ჯგუფის ჩართვა, რამაც გამოიწვია სიტუაციის დესტაბილიზაცია, უდანაშაულო ადამიანების დასახიჩრება, საზოგადოების მღელვარება და ქართულ-რუსული ურთიერთობის უკიდურესი გამწვავება. ქართულმა მხარემ აღნიშნა, რომ საქართველოს მოქალაქეებს, ჩვეულებრივ ადამიანებს არ სურთ რუსეთთან ვითარების უკიდურესი დაძაბვა, ტურისტების მიმოსვლის მასობრივი შეზღუდვა, არ სურთ საჰაერო მიმოსვლის შეწყვეტა, ფულადი გზავნილებისა და ვაჭრობის შეზღუდვა და რამე სახის გართულებები“, – აღნიშნა ადა მარშანიამ.

ამასთან მისი თქმით, საუბარი შეეხო დაძაბულობას სოხუმთან და ცხინვალთან.

„საუბარი შეეხო დაძაბულობას არა მხოლოდ თბილისსა და მოსკოვს შორის, არამედ დაძაბულობას სოხუმთან და ცხინვალთანაც. საუბარი შეეხო რუსეთის პრეზიდენტის ცნობილ კომენტარსაც. გარკვეული დისკუსიის შემდეგ აღინიშნა სამწუხარო რეალობა, რომ თბილისს, სოხუმს, ცხინვალსა და მოსკოვს, მეტიც, ბაქოს, ერევანს, ანკარას, ბრიუსელსა და ვაშინგტონსაც კი, ძალიან ხშირად ერთი და იმავე საკითხებზე რადიკალურად განსხვავებული პოზიცია გააჩნიათ. მათ შორის ისტორიული მოვლენების განსხვავებული შეფასება. იყენებენ რადიკალურად განსხვავებულ ტერმინოლოგიას და აქვთ განსხვავებული მიდგომები. ღიად აღინიშნა, რომ სიტყვები „რუსეთი ოკუპანტია“, „რუსეთი მატყუარაა“ სიმეტრიულ ასახვას ჰპოვებს სოხუმსა და ცხინვალში, საიდანაც გვესმის, რომ „საქართველო ოკუპანტია“, „საქართველო მტერი“ და „მატყუარაა“. ქართულმა მხარემ აღნიშნა, რომ სოხუმსა და ცხინვალში ასობით დისერტაციაადაცული, სადაც ჩვენ ვხედავთ ისტორიის გადაფასებისა და ინტერპრეტაციის მცდელობას. შეხვედრაზე არ თქმულა, მაგრამ ქართულმა საზოგადოებამ იცის, რომ 19 ივლისს ცხინვალმა მიმართა მოსკოვს, ქართველების მიერ ოსთა გენოციდის აღიარების მიზნით“, – განაცხადა „პატრიოტთა ალიანსის“ წევრმა.


მისი თქმით, მოსკოვში გამართულ შეხვედრაზე აღინიშნა, რომ ათწლეულების განმავლობაში, რადიკალურად განსხვავებულმა პოზიციებმა, მიდგომებმა მშვიდობა არ მოიტანა.

„შეხვედრაზე აღინიშნა, რომ ათწლეულების განმავლობაში, რადიკალურად განსხვავებულმა პოზიციებმა, მიდგომებმა და ტერმინოლოგიამ არ მოიტანა მშვიდობა და პრაქტიკულად, ჩვენ გვაქვს ნულოვანი წინსვლა, უფრო სწორად უკუსვლა. აღინიშნა, რომ საჭიროა სრულიად ახალი პლატფორმა, ახალი ტერმინები, ახალი ქმედებები, რომელიც კი არ გაზრდის დაძაბულობას, არამედ შეამცირებს და გულწრფელ დიალოგს მოგვიტანს, შემდეგ ვითარების განმუხტვას და წაგვიყვანს მშვიდობის და ჩატეხილი ხიდების აღდგენისკენ“, – აღნიშნ დეპუტატმა.

მისი თქმით, საუბარი შეეხო ფულად გზავნილებს და ვაჭრობას რუსეთ-საქართველოს შორის. ასევე როგორც ადა მარშანიამ განაცხადა, პირდაპირი საჰაერო მიმოსვლის აღდგენას ქართველი და რუსი დეპუტატების გეგმაზომიერი მუშაობა სჭირდება.

ადა მარშანია აცხადებს, რომ ტურიზმის მიმართულებითაც დიდი სამუშაოა ჩასატარებელი.

„ასევე შეგვიძლია, ღიად ვთქვათ, რომ წლევანდელი წლის ბოლოს ჩვენ აუცილებლად დავუბრუნდებით ვიზების გაუქმების საკითხს“, – განაცხადა ადა მარშანიამ.

 

პირველი არხი





საარჩევნო სისტემასთან დაკავშირებით, ხელისუფლებისა და ოპოზიციის წარმომადგენლების მორიგი შეხვედრა მიმდინარეობს

საარჩევნო სისტემასთან დაკავშირებით, ხელისუფლებისა და ოპოზიციის წარმომადგენლების მორიგი შეხვედრა მიმდინარეობს
access_time2019-12-08 18:43:35
საარჩევნო სისტემასთან დაკავშირებით, ხელისუფლებისა და ოპოზიციის წარმომადგენლების მორიგი შეხვედრა დაიწყო. სასტუმრო შერატონში ხელისუფლებისა და ოპოზიციის წარმომადგენლები მეორე შეხვედრას უცხოელი დიპლომატების მონაწილეობით...

ჰამბურგში გამოჩნდა ავტობუსი, სადაც უსახლკაროებს შხაპის მიღება შეუძლიათ

ჰამბურგში გამოჩნდა ავტობუსი, სადაც უსახლკაროებს შხაპის მიღება შეუძლიათ
access_time2019-12-08 14:59:06
ქუჩაში მცხოვრები ადამიანებისთვის შხაპის რეგულარულად მიღება შესაძლებლობების ზღვარს სცილდება. ჰამბურგში მოძრავი ავტობუსი ამ სიტუაციის შეცვლას აპირებს. დღეიდან ჰამბურგში მცხოვრებ უსახლკარო ადამიანებს შეეძლებათ ქალაქში მოძრავ მოდიფიცირებულ ავტობუსში შხაპი მიიღონ, გამოიცვალონ და ტანსაცმელი გარეცხონ. "ამ ავტობუსში ყოფნა ძალიან...

Le Monde: ალპების მთებში რუსი მკვლელების ბაზა აღმოაჩინეს

Le Monde: ალპების მთებში რუსი მკვლელების ბაზა აღმოაჩინეს
access_time2019-12-08 20:00:01
  2018 წელს ბრიტანულმა, ფრანგულმა, და შვეიცარიულმა სპეცსამსახურებმა ამერიკელ კოლეგებთან თანამშრომლობით, დაიწყეს უპრეცედენტო ოპერაცია,რომლის დროსაც გამოვლინდა რუსეთის სამხედრო დაზვერვის 15 ოფიცერი - ისინი არიან ერთი ქვედანაყოფის წევრები, რომელთა სპეციალიზაცია იყო მკვლელობები და რომლებიც გადაადგილდებოდნენ ევროპაში 2014-2018 წლებში.   სპეცსამსახურების მობილიზება დაიწყო ინგლისის ქალაქ სოლსბერიში დაზვერვის ორი ოფიცრის მიერ საბჭოთა პერიოდში დამუშავებული...

პრეზიდენტის ანტიკვარიატი - ათონელის რეზიდენციის 2.8-მილიონიანი ავეჯის ისტორია

პრეზიდენტის ანტიკვარიატი - ათონელის რეზიდენციის 2.8-მილიონიანი ავეჯის ისტორია
access_time2019-12-08 16:00:51
1800 წლის 22 დეკემბერს რუსეთის იმპერატორმა პავლე I-მა ქართლ-კახეთის სამეფოს რუსეთის იმპერიასთან შეერთების მანიფესტს მოაწერა ხელი. რამდენიმე თვის წინ საქართველოს პრეზიდენტის ათონელის რეზიდენციაში, სხვა მრავალ ანტიკვარულ ნივთთან ერთად, ბინა დაიდო რუსეთის საიმპერატორო ქარხნებში - მოსკოვსა თუ პეტერბურგში დამზადებულმა ავეჯმა, მათ შორის იმპერატორ პავლე პირველის ეპოქიდან შემორჩენილმა მაგიდებმა თუ კომოდებმა, ნივთებმა, რომლებიც 220 წლის წინ განთავსებული იყო იმ სასახლეებსა და დარბაზებში, სადაც...

Süddeutsche Zeitung: ბერლინში ქართველის მკვლელობაში ეჭვმიტანილია რუსეთი

Süddeutsche Zeitung: ბერლინში ქართველის მკვლელობაში ეჭვმიტანილია რუსეთი
access_time2019-12-08 14:00:22
2019 წლის აგვისტოში, ბერლინის რაიონ ტირგარტენში ახლო მანძილიდან ცეცხლსასროლი იარაღით 40 წლის ქართველი მოკლეს.   გამოძიება განიხილავს ერთადერთ ვერსიას - შეკვეთილ პოლიტიკურ მკვლელობას, რადგანაც სხვა მოტივების რაიმე ნიშანი არ გამოიკვეთა.   Süddeutsche Zeitung-ის, ასევე ტელეკომპანიების NDR და WDR-ის ცნობით, ამ საქმეზე გამოძიების დაწყებას გეგმავს გენერალური პროკურატურა, რადგანაც მასში შესაძლოა სპეცსამსახურები იყოს...


მსგავსი სიახლეები

up