ყველასგან მიტოვებული აბასთუმანი ბიძინა ივანიშვილის სტუმრობის შემდეგ ახალი სიცოცხლის დაბრუნების მოლოდინშია

ყველასგან მიტოვებული აბასთუმანი ბიძინა ივანიშვილის სტუმრობის შემდეგ ახალი სიცოცხლის დაბრუნების მოლოდინშია

access_time2018-10-12 18:00:27

პატარა, ერთ და ორსართულიანი ძველი სახლები, უმეტესად ლურჯ, ყვითელ და მწვანე ფერში შეღებილი. იშვიათი არქიტექტურის ხისაივნიან სახლებს მე-19-ე საუკუნის დამახასიათებელი აჟურული მორთულობები ამშვენებს. მიუხედავად იმისა, რომ სახლების უმეტესობა ნგრევის პირასაა, წიწვოვან ტყეში ჩაფლული დაბა  დამთვალიერებელს შთამბეჭდავ ემოციებს გვრის. ეს აბასთუმანია, ოდესღაც ხალხმრავალი, განთქმული სამთო კლიმატური და ბალნეოლოგიური კურორტი. წლების წინ, აბასთუმანს შვეიცარიის კურორტებსაც ადარებდნენ. თუმცა, დღევანდელი რეალობიდან გამომდინარე ეს ეპითეტი კურორტის  შეფასებისაგნ ძალიან შორსაა.


 


წლების განმავლობაში მიტოვებული და განადგურების პირას მისული კურორტის აღდგენა-რეაბილიტაცია ხელისუფლებამ ახლახან გადაწყვიტა. ისტორიული სახლების პროექტის დონორი მსოფლიო ბანკია, ღირებულება კი დაახლოებით 3.7 მილიონი ლარია. კულტურული მემკვიდრეობის დაცვის სააგენტოს საზოგადოებასთან ურთიერთობის სამსახურის უფროსი ბექა ბარამიძე ამბობს, რომ პროექტი ითვალისწინებს დაბა აბასთუმნის ცენტრალურ ქუჩაზე არსებული მე-18, მე-19 საუკუნეებში აშენებული 18 ისტორიული სახლის რეაბილიტაციას და მათი პირვანდელი იერსახით აღდგენას.

 



„პროექტი გაყოფილია სამ ეტაპად და მოიცავს აბასთუმანში არსებული ყველა კულტურული მემკვიდრეობის ძეგლის რეაბილიტაციას. პირველ ეტაპს დაახლეობით ერთ წელი დასჭირდება. მომავალი წლის ოქტომბრისთვის ეს 18 ურბანული ძეგლი სრულად  იქნება რეაბილიტირებული“,-აცხადებს ბექა ბარამიძე.


 


ყველაზე მეტად აბასთუმანის რეაბილიტაცია ადგილობრივ მოსახლეობას უხარია. მათ პარტია ,,ქართული ოცნების” თავმჯდომარის ბიძინა ივანიშვილის იმედი აქვთ, რომელიც რამდენიმე კვირის წინ აბასთუმანში დასასვენებლად იყო ჩასული.  ყოფილი პრემიერ-მინისტრი გაკვირვებული ყოფილა კურორტი ასეთი გაპარტახებული რომ დახვდა. აბასთუმნელები ფიქრობენ, ივანიშვილის სტუმრობის შემდეგ დაბას სიცოცხლე დაუბრუნდება, მით უმეტეს, რომ პარტიის თავმჯდომარე მოსახლეობას ინფრასტრუქტურული პროექტების დროულად განხორციელებას დაჰპირდა.

 



„დიდი სანატორიუმი იყო ვარძიას ეძახდნენ, შენობის პირველ სართულზე ვმუშაობდი, სადაც ბუღალტერია იყო. აბასთუმანში სხვადასხვა ქვეყნიდან ძალიან ბევრი სტუმარი ჩამოდიოდა. შუა აზიელებს შარვლები ეცვათ, არიფებივით მივცვივდებოდით ფანჯარასთან, ვაიმე ქალებს შარვლები აცვიათო და გაკვირვებულები ვუყურებდით. ჩემი ასაკის ვინც არის აბასთუმანში მეუბნებიან, თინა გახსოვს როგორ გვიკვირდა ქალებს შარვლები რომ ეცვათო, ახლა მარტო ბებრებს გვაცვია კაბები“ - ამ ისტორიას კომერსანტს 81 წლის თინა ნათელაშვილი უყვება, რომელსაც დღეს შარვლიანი ქალი ნამდვილად აღარ უკვირს, სამაგიეროდ უცხოელ ტურისტბს ვეღარ ხედავს, ამიტომ კურორტის განახლებას ყველაზე მეტად ელოდება. თინა ბებო დაბაში 1953 წლიდან ცხოვრობს. აბასთუმნის მემატიანეს, რომელმაც ყველა კულტურული მემკვიდრეობის ისტორია ზეპირად იცის, იმედი აქვს, რომ კურორტი ძველ დიდებას დაიბრუნებს და ისევ ისეთი ხალხმრავალი გახდება.


 



„აბასთუმანი იყო საკავშირო მნიშვნელობის დახურული ინფექციური კურორტი. საბჭოთა კავშირში ვისაც კი ბრონქიტი და სასუნთქი გზების პრობლემები ჰქონდა, ყველა აქ ისვენებდა. იმ პერიოდში 10 სანატორიუმი მუშაობდა და 2500 ადამიანი ისვენებდა. დღეს მარტო ერთი სანატორიუმი მუშაობს, სადაც მხოლოდ ქართველი დამსვენებლები არიან. სანამ კურორტ-სამმართველო და სანატორიუმები მუშაობდა, თუ არ გეზარებოდა 2-3 ადგილზე ვმუშაობდით. ახლა სამუშაო აღარ არის,  ხალხი პენსიაზეა დამოკიდებული. მოვიდნენ და აბასთუმნის განახლება დაიწყეს, ძალიან მიხარია აქაურობა რომ არ დაინგრევა, ეს ხომ ერთადერთი კურორტია, სადაც სუფთა ჰაერი დარჩა.“,- ამბობს თინა ნათელაშვილი.


 თინა ნათელაშვილმა „კურორტ სამმართველოში“  40 წელი იმუშავა. ადგილობრივი ახალგაზრდებისაგან განსხვავებით თინა ბებოს   აბასთუმნის დატოვება არასდროს უფიქრია. 


 


როგორც ხელისუფლება გვპირდება, ისტორიული სახლების რეაბილიტაცია 2019 წლის შემოდგომაზე დასრულდება. ამის პარალელურად აბასთუმანში ევგენი ხარაძის სახელობის ნაციონალური ასტროფიზიკური ობსერვატორიის რეაბილიტაცია მიმდინარეობს. ილიას სახელმწიფო უნივერისტეტის  ვიცე რექტორი ნინო დობორჯგინიძე აცხადებს, რომ  პროექტი დიდი ტელესკოპის AZT-11-ის შენობის სრულ რეაბილიტაციას მოიცავს, სადაც ვიზიტორთა საინფორმაციო ცენტრი განთავსდება. ასევე მოეწყობა კაფე, საგამოფენო და სამუშაო სივრცე და აღდგება არსებული ბიბლიოთეკა. დობორჯგინიძის თქმით, პროექტის ფარგლებში,  გათვალისწინებულია მთავარი საპროექტო შენობის მიმდებარედ, დასახლების ცენტრალური ტერიტორიის კეთილმოწყობა, 1982 წელს აშენებული საბაგირო გზის აღდგენა, საპირფარეშოებისა და პარკინგის მოწყობა.

 



„აბასთუმანის ობსერვატორია საქართველოში არის მეცნიერების სიმბოლური ადგილი, რომელიც ყველაზე კარგად ასახავს იმ მიღწევებს რომელიც ჩვენს მეცნიერებს ჰქონიათ წლების განმავლობაში. ინფრასტრუქტურა მოძველდა, ტელესკოპებიც გამოდის მწყობრიდან, ეს არის მსოფლიო ბანკის ძალიან მნიშვნელოვანი პროექტი. მთელი ინფრასტრუქტურის რეაბილიტაცია მიმდინარეობს . აქ მოეწყო არამარტო სამუშაო ოთახები ,არამედ ძალიან მნიშვნელოვანი მეცნიერების მუზეუმი“,-აცხადებს ნინო დობორჯგინიძე.

 



ობსერვატორია 1932 წელს ევგენი ხარაძემ დააარსა და ის პირველი სამთო ასტროფიზიკური ობსერვატორიაა ყოფილ საბჭოთა კავშირში. ობსერვატორიის სამეცნიერო კვლევების ძირითადი მიმართულებებია გალაქტიკების, ვარსკვლავების, მზის სისტემების ცდომილების და ზედა ატმოსფეროს შესწავლა. ობსერვატორიას წელიწადში, დაახლოებით, 10 ათასი ტურისტი სტუმრობს. დღევანდელი მდგომარეობით, ადგილზე 125 ადამიანია დასაქმებული.

 



რეკონსტრუქცია უტარდება ობსერვატორიის საბაგიროსაც. განახლებული საბაგირო გზით ასვლა შესაძლებელი იქნება მთა ყანობილზე, რომელიც ზღვის დონიდან 1 700 მეტრზე მდებარეობს. მოქმედი საბაგირო 30-ზე მეტი წლის წინ არის აშენებული. რეკონსტრუქცია, რომელსაც საქართველოს მუნიციპალური განვითარების ფონდი ახორციელებს,  ნოემბრის ბოლოს უნდა დამთავრდეს.


 


რეპორტაჟის მომზადება შესაძლებელი გახდა კამპანია გაიცანი საქართველოს ფარგლებში, რომლის მიზანი საქართველოს ტურისტული პოტენციალის წარმოჩენა და შიდა ტურიზმის პოპულარიზაციაა. კამპანია ხორციელდება ტურიზმის ეროვნული ადმინისტრაციის მიერ.

 


ავტორი: ბაჩო ადამია





ინაუგურაციას სხვა ქვეყნების მეთაურებიდან მხოლოდ სომხეთის პრეზიდენტი დაესწრება

ინაუგურაციას სხვა ქვეყნების მეთაურებიდან მხოლოდ სომხეთის პრეზიდენტი დაესწრება
access_time2018-12-14 21:10:31
საგარეო საქმეთა მინისტრის მოადგილემ ხათუნა თოთლაძემ ის უცხოელი სტუმრები დაასახელა, რომლებიც საქართველოს მეხუთე პრეზიდენეტის, სალომე ზურაბიშვილის ინაუგურაციას დაესწრებიან. საგარეო საქმეთა სამინისტროს ინფორმაციით, დღევანდელი მონაცემებით, ინაუგურაციას დაესწრება სომხეთის პრეზიდენტი არმენ სარქისიანი, საფრანგეთის ყოფილი პრეზიდენტი ნიკოლა სარკოზი, საფრანგეთის ყოფილი თავდაცვის მინისტრი და სოციალურ საქმეთა ყოფილი მინისტრი, თურქეთის ვიცეპრეზიდენტი, აზერბაიჯანის...

“ВТБ Украина”-ს აქტივების ყიდვით უკრაინის უმდიდრესი ადამიანია დაინტერესებული

 “ВТБ Украина”-ს აქტივების ყიდვით უკრაინის უმდიდრესი ადამიანია დაინტერესებული
access_time2018-12-14 19:00:20
ნოემბრის ბოლოს უკრაინის ცენტრალურმა ბანკმა რუსული ბანკის „ВТБ“-ის ადგილობრივი შვილობილი კომპანია  „ВТБ Украина“ გაკოტრებულად გამოაცხადა.  ანაბრების დაზღვევის ეროვნული სააგენტოს მონაცემებით, უკვე დასრულდა გაკოტრებული ბანკის აქტივების და ვალდებულების გადაცემაზე  განაცხადების მიღება. ამჟამად ВТБ Украина-ს შეძენისთვის იბრძვის 3 უმსხვილესი უკრაინული ფინანსური ინსტიტუტი - წერს რუსული გამოცემა kommersant.ru „ფონდა უარი...

ს.ს მისო „კრისტალი“ საქართველოს პასუხისმგებელი ბიზნესის კონკურსის ‘Meliora 2018’- ის გრან პრის მფლობელია

ს.ს მისო „კრისტალი“  საქართველოს პასუხისმგებელი ბიზნესის  კონკურსის  ‘Meliora 2018’- ის  გრან პრის  მფლობელია
access_time2018-12-14 17:08:50
საქართველოს პასუხისმგებელი ბიზნესის კონკურსში ‘Meliora 2018’- ის გრან პრის მფლობელი ს.ს მისო „კრისტალი“ გახდა. კომპანიას ჯილდო საქართველოში ევროკავშირის წარმომადგენლობის უფროსის მოადგილემ, კარლო ნატალემ გადასცა. კორპორაციული სოციალური პასუხისმგებლობის მიმართულებით განხორციელებული საუკეთესო პროექტები 13 დეკემბერს დაჯილდოების ცერემონიაზე გამოვლინდა. კონკურსში მონაწილეობას 91 კომპანია იღებდა, ფინალურ ეტაპზე კი 41 კომპანია მათ მიერ განხორციელებული 76 პროექტით გადავიდა....

„არდი დაზღევევა“ ახლა უკვე გორში

„არდი დაზღევევა“ ახლა უკვე გორში
access_time2018-12-14 16:00:32
„არდი დაზღვევა“ ქსელის გაფართოებას გორში დაზღვევის სახლის გახსნით განაგრძობს. როგორც ცნობილია, GAZELLE FINANCE GEORGIA-მ სადაზღვევო კომპანია „არდიში” ინვესტიცია განახორციელა. სწორედ ამან დააჩქარა საქართველოს მასშტაბით ქსელის გაფართოების პროცესი. ქუთაისის სერვის ცენტრის განახლების შემდეგ, სადაზღვევო კომპანიამ გორში პირველი ფილიალი გახსნა. ამიერიდან, გორელები შეძლებენ მიიღონ სრული სადაზღვევო მომსახურება ერთ, კომფორტულ სივრცეში. „არდის“...

TI - კ2 კოეფიციენტის მატების შესაძლებლობა კორუფციის რისკებს ზრდის - რა ხდება სამშენებლო ბიზნესში

TI - კ2 კოეფიციენტის მატების შესაძლებლობა კორუფციის რისკებს ზრდის - რა ხდება სამშენებლო ბიზნესში
access_time2018-12-14 14:30:00
სამშენებლო სექტორში მსხვილი, საშუალო და მცირე ზომის საწარმოები მრავლად არის წარმოდგენილი, მონოპოლიური ან ოლიგოპოლიური მდგომარეობა არ შეინიშნება. ბაზარზე 43 მსხვილი, 281 საშუალო და 6 620 მცირე ზომის აქტიური საწარმოა. თუმცა, მსხვილ საწარმოებში შრომის ანაზღაურება 2-ჯერ მეტია, ვიდრე მცირე საწარმოებში, როცა დასაქმებულთა 43% მცირე საწარმოებზე მოდის, — ასეთია  „საერთაშორისო გამჭვირვალობა - საქართველო” შეფასება მშენებლობის სექტორში ბოლო ათწლეულის განმავლობაში მიმდინარე...


მსგავსი სიახლეები

up