კორონავირუსის გამო ქვეყნის მასშტაბით გამოცხადეებულმა საგანგებო მდგომარეობამ ბევრ სექტორში ფინანსური კრიზისი გამოიწვია. მდგომარეობა მძიმეა ბაზრობებზეც, სადაც დახურული შენობისა და შეჩერებული ვაჭრობის მიუხედავად, სივრცის შენახვა მაინც უწევთ. რაც აუნაზღაურებელ ხარჯთანაა დაკავშირებული. საგანგებო მდგომარეობის გამოცხადებამდე ბაზრობებზე მოვაჭრეთა ნაწილმა თავიანთი ინიციატივით სამუშაო ადგილები დროებით დახურეს, დღეს კი ყველა სავაჭრო ობიექტი გაჩერებულია.
მოთხოვნა, მხოლოდ პირველად პროდუქტებსა და მედიკამენტებზეა გაზრდილი.
„ლილო მოლის“ გენერალური დირექტორი გია კავარაცხელია „კომერსანტთან“ საუბრობს, რომ 90-იანი წლებში, როდესაც ქალაქში ტყვიების ხმა ისმოდა ქვეყანა არ გაჩერებულა, ახლა კი მდგომარეობა მკვეთრად შეცვლილია, ხალხი კი შეშინებული.
„კორონავირუსის გამო ჯერ საგრძნობლად შემცირედა მყიდველების რაოდენობა, დღეს კი ბაზრობა მთლიანად დახურულია. წარმოიდგინეთ 6500 მაღაზიაა დახურული და 20 000 თანამშრომელი უმუშევრადაა დარჩენილი. ფინანსების დათვლა ახლა წარმოუდგენელია თუმცა ხარჯი უზარმაზარია. ჩვენი ვალდებულებები, იმ საქონლის შენახვა , რომელიც აუცილებელია, ობიექტის დაცვა კომუნალური გადასახადები, თუ ეს გაგრძელდა ნამდვილად არ მინდა წარმოდგენა რა მდგომარეობაში აღმოვჩნდებით. ხალხი ძალიან შეშინებულია, ვიტყოდი, რომ ასეთ მდგომარეობაში 90-იან წლებშიც არ ყოფილან, როდესაც ქვეყანაში ტყვიების ხმა ისმოდა. “-ამბობს გია კვარაცხელია.
რაც შეეხება კორონავირუსის გამო, დაკეტილ ადგილებზე იჯარის გადასახადს გია კვარაცხელია აცხადებს, რომ თუ ადამიანმა ვერ იმუშავა, რა თქმა უნდა, გაუუქმდებათ ამ პერიოდის იჯარა.
„ლილო მოლისგან“ განსხვავებით თავიანთი სურვილით საკუთარი ადგილები დროებით დაკეტეს ტანსაცმლით მოვაჭრე პირებმა. ბაზარზე მუშაობას მხოლოდ სასურსათო პროდუქტით მოვაჭრეები აგრძელებენ მუშაობას.
გლდანის აგრარული ბაზარი შპს „მერკატოს“ -დირექტორი ზურაბ ნადარიას თქმით, ბაზარს მყიდველების რაოდენობა მკვეთრად მოაკლდა.
“ბაზრობაზე დარჩენილია ის დახლები, რომლებიც სურსათს, ხილს, ბოსტნეულს და მსგავს პროდუქტებს ყიდიან. სივცრეები კი სადაც ტანსაცმელი იყიდებოდა დახურულია. მყიდველების სიმცირის გამო , თვითონ გადაწყვიტეს გამყიდველებმა დაეხურათ თავიანთი ადგილები. რაც შეეხება იჯარას, ადმინისტრაცია ითვალისწინებს შექმნილ მდგომარეობას და გადასახადისგან გაანთავისუფლებს მოიჯარეებს. რადგან გადახდას ფიზიკურად ვერ შეძლენებ დაკეტილი ადგილების გამო.“-ამბობს ზურაბ ნადარაია.
ნათია ლომიძე