9 წიგნი, რომლებიც გეითსის, ბეზოსის და ბაფეტის აზრით, უნდა წაიკითხოთ

9 წიგნი, რომლებიც გეითსის, ბეზოსის და ბაფეტის აზრით, უნდა წაიკითხოთ

access_time2020-05-07 13:45:25

ბილ გეითსი წლის განმავლობაში დაახლოებით 50 წიგნს კითხულობს, მარკ კუბანი დღეში სამ საათს კითხვას უთმობს, მარკ ცუკერბერგი კი წლის გამავლობაში 24 წიგნს კითხულობს, რაც შეეხება უორენ ბაფეტს, ის დღის 80%-ს კითხვას უთმობს.


უნარების და ცოდნის გასაღრმავებლად წიგნების კითხვა საუკეთესო საშუალებაა, ამიტომაც საინტერესოა რას კითხულობენ წარმატებული ადამიანები და რის წაკითხვას გვირჩევენ ისინი ჩვენ.


BookAuthority ასობით მსგავსი ლიდერის რეკომენდაციებს გვთავაზობს. მათ შორის ბილ გეითსის, უორენ ბაფეტისა და ჯეფ ბეზოსის მიერ ტოპ–სამი რეკომენდებული წიგნები შემდეგია.


ბილ გეითსი გვირჩევს:


Shoe Dog: Nike-ის შემქმნელის მემუარი დაწერილი ფილ ნაითის მიერ.


ეს წიგნი "ნიუ იორკ თაიმსის“ ბესთსელერია. წიგნში საუბარია, თუ როგორ დაარსდა Nike-ი, როგორ განვითარდა და როგორ გახდა მსოფლიოს ერთ-ერთი მომგებიანი და სიმბოლური სპორტული ბრენდი.


სტრესის ტესტი: ფინანსური კრიზისების ანარეკლები (Stress Test: Reflections on Financial Crises) ტიმოთი გეითნერის ავტორობით.


ნიუ-იორკის ფედერალური სარეზერვო ბანკის ყოფილ ხელმძღვანელს და პრეზიდენტ ბარაკ ობამას პერიოდში ხაზინის მდივანს, გეითნერს ამ წიგნში მკითხველი დიდი დეპრესიის შემდეგ ყველაზე ცუდი ფინანსური კრიზისის სცენების უკან გაჰყავს. ის უხსნის მკითხველს რთულ არჩევანს და პოლიტიკურ არასასიამოვნო გადაწყვეტილებებს, რომელიც ფინანსური სისტემის აღდგენისთვის და ეკონომიკის კოლაფსის პრევენციისთვის მიიღეს.


ძლიერი ლიდერის მითი: პოლიტიკური ლიდერობა თანამედროვე ეპოქაში (The Myth of the Strong Leader: Political Leadership in the Modern Age) დაწერილი არჩი ბრაუნის მიერ.


მსოფლიოს ერთ–ერთი გამოჩენილი პოლიტიკური ისტორიკოსის შესანიშნავი წიგნი, რომელიც გვასწავლის საპარლამენტო დემოკრატიის საწყისი ეპოქიდან დაწყებული ბარაკ ობამას პრეზიდენტობის ჩათვლით პერიოდს.



ჯეფ ბეზოსი გვირჩევს:


ინოვატორის დილემა: როდესაც ახალი ტექნოლოგიები დიდი კომპანიების მარცხს იწვევს (The Innovator's Dilemma: When New Technologies Cause Great Firms to Fail) დაწერილი კლეიტონ კრისტენსენის მიერ.


აღნიშნული წიგნი შესულია Amazon-ის რედაქტორების მიერ შედგენილი 100 საუკეთესო წიგნის სიაში, რომელიც ლიდერობას და წარმატებას ეხება. კრისტენსენის წიგნი დაფუძნებულია მსოფლიოს ცნობილი ლიდერების, მათ შორის სტივ ჯობსისა და მალკოლმ გლედველის მოსაზრებებზე.


სემ უოლტონი, ამერიკაში შექმნილი (Sam Walton, Made in America) დაწერილი სემ უოლტონის მიერ.


სემ უოლტონი მე-20 საუკუნის უდავო მეფეა ვაჭრობის საკითხებში, მან Walmart-ი შექმნა, რომელიც მსოფლიოში ყველაზე მსხვილი რითეილერია. წიგნში ის ინსპირაციის და ოპტიმიზმის შესახებ ყვება, რამაც მას ამერიკული ოცნების ახდენის შესაძლებლობა მისცა.


მონაცემებით მართული მარკეტინგი: 15 საზომი, რაც ყველამ მარკეტინგში უნდა იცოდეს (Data-Driven Marketing: The 15 Metrics Everyone in Marketing Should Know) დაწერილი მარკ ჯეფერის მიერ.


2011 წელს ეს წიგნი ამერიკის მარკეტინგის ასოციაციამ საუკეთესო წიგნად დაასახელა მარკეტინგში. ჯეფრი წიგნში გვთავაზობს ნათელ და დამარწმუნებელ წესებს, რაც დაგვეხმარება უდიდეს შედეგებს მივაღწიოთ მარკეტინგით.


უორენ ბაფეტი გვირჩევს:


აუთსაიდერი: რვა არასტანდარტული CEO და მათი რადიკალურად რაციონალური გეგმა წარმატებისთვის (The Outsiders: Eight Unconventional CEOs and Their Radically Rational Blueprint for Success) დაწერილი უილიამ თორნდაიკის მიერ.


ეს წიგნი ბაფეტის ნომერ პირველი რეკომენდაციაა წასაკითხ წიგნებს შორის. წიგნში მოთხრობილია თუ როგორ მიაღწია წარმოუდგენელ წარმატებას რვა აღმასრულებელმა ხელმძღვანელმა. მათ რადიკალურად განსხვავებული მიდგომები გამოიყენეს კორპორატიულ მენეჯმენტში. ამ ხელმძღვანელების კომპანიებია: General Cinema, Ralston Purina, The Washington Post Company, Berkshire Hathaway, General Dynamics, Capital Cities Broadcasting, TCI და Teledyne.


ყველაზე მნიშვნელოვანი რამ ილუმინირებული: უჩვეულო გრძნობა მოაზროვნე ინვესტორისთვის (The Most Important Thing Illuminated: Uncommon Sense for the Thoughtful Investor) დაწერილი ჰოვარდ მარკსისა და პოლ ჯონსონის მიერ.


ავტორი ჰოვარდ მარკსი Oaktree Capital Management-ის თანადამფუძნებელია და ის ცნობილია თავისი გამჭრიახი შეფასებებით ბაზარზე არსებული შესაძლებლობებისა და რისკების შესახებ.


იოცნებე მასშტაბურად (Dream Big) დაწერილი კრისტიან კორეას მიერ.


40 წლის განმავლობაში ხორხე პაულო ლემანმა, მარსელ ტელესმა და ბეტო სიცუპირამ უდიდესი იმპერიაა ააშენეს ბრაზილიის კაპიტალიზმის ისტორიაში. ეს მათი ისტორიაა. აღსანიშნავია, რომ ლემანი ბაფეტის პარტნიორია. ის ბაფეტმა საუკეთესო ბიზნესმენებს შორის დაასახელა. "ის ფანტასტიკური ადამიანია და მისი ისტორია უნდა გახდეს ინსპირაცია ყველასთვის, როგორც ჩემთვის“, – განაცხადა ბაფეტმა.






„ჩვენ პრობლემებს დაუხვეწავ კანონმდებლობაში ვხედავთ და არა თიზ-ის ინფრასტრუქტურაში“ - ჰუალინგის თიზ-ის აღმასრულებელი დირექტორი

„ჩვენ პრობლემებს დაუხვეწავ კანონმდებლობაში ვხედავთ და არა თიზ-ის ინფრასტრუქტურაში“ - ჰუალინგის თიზ-ის აღმასრულებელი დირექტორი
access_time2021-04-16 18:30:56
„ჩვენ პრობლემებს დაუხვეწავ კანონმდებლობაში ვხედავთ და არა თიზ-ის ინფრასტრუქტურაში, რაზეც უკვე წლებია ვსაუბრობთ* - აცხადებს ჰუალინგის თიზ-ის აღმასრულებელი დირექტორი სოსო ნიბლაძე, თუმცა არ ეთანხმება ქეთი ბოჭორიშვილის მოსაზრებას, რომ თიზ-ებში ინვესტორებს პრობლემების მოგვარება თვითონ უხდებათ და თიზ-ებში არ არის მოწესრიგებული ინფრასტრუქტურა. „ჰუალინგის თიზ-ში გასული 5 წლის განმვალობაში განხორციელდა 50 მლნ დოლარზე მეტი ინვესტიცია, როგორც უშუალოდ ინდუსტრიული პროექტების მოზიდვის...

რუსეთი დსთ - დან ჩასულ არალეგალ მიგრანტებს ქვეყნის დატოვებას სთხოვს

რუსეთი დსთ - დან ჩასულ არალეგალ მიგრანტებს ქვეყნის დატოვებას სთხოვს
access_time2021-04-16 19:00:31
რუსეთის შინაგან საქმეთა სამინისტრო დსთ-ს ქვეყნებისგან მოითხოვს, რომ მათ რუსეთში არალეგალურად მყოფი თავისი მოქალაქეები 15 ივნისამდე დაუყოვნებლივ გაიყვანონ. ამის შესახებ საპარლამენტთაშორისო ასამბლეაზე უწყების ხელმძღვანელის მოადგილემ ალექსანდრ გორავოიმ განაცხადა. შინაგან საქმეთა სამინისტროს სტატისტიკის მიხედვით, დღეს რუსეთში 332 ათასი არალეგალი მიგრანტი იმყოფება უზბეკეთიდან, 247 ათასი  - ტაჯიკეთიდან, 152 ათასი - უკრაინიდან, 120 ათასი...

16 აპრილი - რეგიონში მხოლოდ თურქული ლირა გაუფასურდა

16 აპრილი - რეგიონში მხოლოდ თურქული ლირა გაუფასურდა
access_time2021-04-16 18:00:21
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 16 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 16 აპრილის ვაჭრობის შედეგად (რომლის ოფიციალური კურსი 19 აპრილისთვისაა) ეროვნული...

დღის Top 10 საინტერესო ამბავი

დღის Top 10 საინტერესო ამბავი
access_time2021-04-16 21:00:47
დღის Top 10 საინტერესო ამბავი: 1.„ახალი ობლიგაციების დაბალი საპროცენტო განაკვეთით ბიუჯეტი 350 მლნ ლარს დაზოგავს“ „ფინანსთა სამინისტრომ წარმატებით დაასრულა 500 მლნ აშშ დოლარის ღირებულების ევრობონდების გამოშვება. საპროცენტო განაკვეთმა (coupon rate) შეადგინა 2,75%. ახალი ობლიგაციებით მოხდა 2011 წელს გამოშვებული ევროობლიგაციების...

„ქართული ოცნება“ საჯაროდ აწერს ხელს შარლ მიშელის ეგიდით შექმნილ დოკუმენტს - არჩილ თალაკვაძე

„ქართული ოცნება“ საჯაროდ აწერს ხელს შარლ მიშელის ეგიდით შექმნილ დოკუმენტს - არჩილ თალაკვაძე
access_time2021-04-16 17:15:15
„ქართული ოცნება“ მედიატორის მიერ შექმნილ დოკუმენტს ხელს საჯაროდ აწერს. ამის შესახებ განცხადება პარლამენტის თავმჯდომარემ არჩილ თალაკვაძემ პარტიის ოფისში გამართულ ბრიფინგზე ცოტა ხნის წინ გააკეთა. „ქართული ოცნება“ საჯაროდ აწერს ხელს ევროკავშირისა და ევროსაბჭოს პრეზიდენტის შარლ მიშელის ეგიდით შექმნილ დოკუმენტს, რომელიც ევროსაბჭოს პრეზიდენტის სპეციალურმა წარმომადგენელმა საქართველოში კრისტიან დანიელსონმა წარადგინა. ჩვენ დიალოგის დასკვნით შეხვედრაზევე დავაფიქსირეთ დოკუმენტის...


მსგავსი სიახლეები

up