80 000 ლარამდე ჯარიმა - რა მოთხოვნების დაკმაყოფილება მოუწევთ რუსთავში საწარმოებს

80 000 ლარამდე ჯარიმა - რა მოთხოვნების დაკმაყოფილება მოუწევთ რუსთავში საწარმოებს

access_time2020-10-23 23:00:00

საწარმოები, რომლებიც რუსთავში ჰაერის ხარისხის გაუმჯობესების მიზნით გარემოს დაცვისა და სოფლის მეურნეობის სამინისტროს დამტკიცებულ ახალ გეგმას არ შეასრულებენ, 40 000-დან 80 000 ლარამდე დაჯარიმდებიან.



სანქცია დაიწერება იმის მიხედვით, თუ რამდენად აჭარბებს საწარმოს მიერ ჰაერში გაფრქვეული მავნე ნვითიერებების დოზა არსებულ ნორმას. როგორც „ბიზნესპარტნიორთან“ ლევან დავითაშვილის მოადგილემ, ნინო თანდილაშვილმა განმარტა, ამ დრომდე ეს ჯარიმა 500-დან 1000 ლარამდე მერყეობდა.



„დღემდე არსებული კანონმდებლობა ძალიან ლიბერალური იყო. იმ შემთხვევაში, თუ საწარმოს არ ჰქონდა ფილტრაციის სისტემა, ჯარიმები ძალიან დაბალი იყო. მისი ოდენობა 500-დან 1000 ლარამდე განისაზღვრებოდა, რაც ასეთი ტიპის დარღვევისთვის ძალიან მინიმალურია, ჩვენ ახალი საკანონმდებლო რეგულაციებით მოვახერხეთ ის, რომ ჯარიმების რაოდენობა მნიშვნელოვნად გაიზარდა. დაინერგა რანჟირების სისტემია, რაც გულისხმობს, რომ თუ საწარმოს მხრიდან მავნე ნივთიერებების ჰაერში გაფრქვევა დასაშვებ ნორმას 5-ჯერ აჭარბებს, სხვა მოცულობის ჯარიმაა. თუ 10-ჯერ, სანქცია გაცილებით მაღალია. ჯარიმების ოდენობა 40 000-დან 80 000 ლარამდე გაიზარდა. ყოველ ჯერზე, თუკი საწარმოს დაუფიქსირდება მავნე ნივთიერების გაფრქვევის გადაჭარბება, რა თქმა უნდა, ინდივიდუალურ შემთხვევაში დაჯარიმდება. ეს უზრუნველყოფს იმას, რომ სახელმწიფოს მხრიდან აღსრულება იყოს ეფექტიანი. რა თქმა უნდა, ეს ყველა მსხვილ საწარმოს ეხება. ყველა იმ საწარმოს, რომელთა ფუნქციონირება გარკვეულწილად გარემოზე ზეწოლას ახდენს. ეს მოთხოვნები ყველასთვის თანაბრად შესასრულებელია“,- განაცხადა თანდილაშვილმა.




მისივე თქმით, ახალი გეგმის თანახმად, საწარმოებს თანამედროვე ტექნილოგიებით შექმნილი ფილტრაციის სისტემების შეძენა-დამონტაჟება მოუწევთ.



„რამდენიმე წლის წინ რუსთავში მნიშვნელოვანი სამუშაოები ჩავატარეთ. პირველ რიგში, ყველა სამრეწველო საწარმო კომპლექსურად შევამოწმეთ იმისთვის რომ გვცოდნოდა, რა პრობლემები არსებობდა და როგორ უნდა გამოსწორებულიყო იქ არსებული ეკოლოგიური მდგომარეობა. ამის შემდეგ ჩვენ განვათავსეთ მონიტორინგის სადგური, რომლის მეშვეობითაც ჰაერის ხარისხის მაჩვენებლებს ვაკვირდებოდით. მავნე ნივთიერებების გადაჭარბება იყო. ძირითადი დამაბინძურებელი მტვერი გახლდათ. სწორედ აქედან გამომდინარე, საკანონმდებლო პაკეტზე დავიწყეთ მუშაობა. მთავარი მიზანი ისაა, რომ სამრეწველო ობიექტებიდან ჰაერში გაფრქვეული მავნე ნივთიერებები მინიმალურად შემცირდეს. ეს იმას გულისხმობს, რომ თითოეულ საწარმოს უნდა ჰქონდეს თანამედროვე ფილტარციის სისტემა, რაც მავნე ნივთიერებების გაფრქვევისა და გარემოზე ზემოქმედების მინიმიზებას უზრუნველყოფს. თუ საწარმოებს არ ექნებათ ეს ფილტრაციის სისტემები, სახელმწიფოს აღსრულების მექანიზმები საკმაოდ მკაცრი იქნება. ეს იმას ნიშნავს, რომ კერძო სექტორს უღირს განათავსოს ეს სისტემები, ვიდრე მუდმივ რეჟიმში გადაიხადოს მაღალი საჯარიმო სანქციები. ეს ის მიდგომებია, რომელიც ევროპის ქვეყნებში წლების განმავლობაში არსებობს. მნიშვნელოვანია, რომ ეს მოლაპარაკებები, ფაქტობრივად, 1 წლის განმავლობაში კერძო სექტორის ჩართულობით მიმდინარეობდა. იმისთვის, რომ შევთანხმებულიყავით კონკრეტულ გონივრულ ვადებზე, რასაც კერძო სექტორი თავის თავზე აიღებს“, - აღნიშნა თანდილაშვილმა.


business-partner.ge




თეგები:
ჯარიმა



საქართველოს ნაკრებმა ფინეთიც დაამარცხა და ჯგუფის ერთპიროვნული ლიდერია

საქართველოს ნაკრებმა ფინეთიც დაამარცხა და ჯგუფის ერთპიროვნული ლიდერია
access_time2020-11-28 23:51:10
ევრობასკეტის საკვალიფიკაციო ეტაპზე ერთმანეთს საქართველოსა და ფინეთის ნაკრებები დაუპირისპირდნენ. ვინაიდან მომდევნო წელს ევრობასკეტს საქართველო მასპინძლობს, ჩვენი ნაკრები ამ ტურნირზე ავტომატურად მოხვდა. მატჩი თანაბარ ბრძოლაში მიდიოდა. პირველი ტაიმი საქართველოს ნაკრებმა მინიმალური ანგარიშით მოიგო. მესამე მეოთხედში ფინეთმა მოგვიგო და ბოლო მეოთხედის წინ სიტუაცია დაძაბა.თუმცა საქართველოს ნაკრებმა ბოლო მეოთხედში ძალები მოიკრიბა, დალაგებულად ითამაშა და საბოლოოდ, 91:85...

27 ნოემბერი - რეგიონში მხოლოდ ქართული ლარი გაუფასურდა

27 ნოემბერი - რეგიონში მხოლოდ ქართული ლარი გაუფასურდა
access_time2020-11-27 18:15:54
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3164 ლარი გახდა....

დღის Top 10 საინტერესო ამბავი

დღის Top 10 საინტერესო ამბავი
access_time2020-11-27 21:00:33
დღის Top 10 საინტერესო ამბავი: 1.„მარტში რესტორნების სასაფლაოს მივიღებთ, მათი 90% ვეღარ გაიხსნება“ - რესტორატორთა ასოციაცია მთავრობის გადაწყვეტილებით, 28 ნოემბერი - 31 იანვრის ჩათვლით რესტორნები და კვების ობიექტები მთლიანად გატანის სერვისზე გადადიან. „რესტორატორთა ასოციაციის” ხელმძღვანელი კოტე გაბრიჩიძე „კომერსანტთან“...

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ
access_time2020-11-27 16:15:35
თბილისში არსებული დიდი სავაჭრო ცენტრების ხელმძღვანელების განცხადებით, მთავრობის მიერ გამოცხადებულმა ე.წ. ლოკდაუნმა ისინი მწარე რეალობის წინაშე დააყენა, ყოველი დაკეტილი დღე 6 ცენტრისთვის 10 მილიონი ზარალია. თბილისში არსებული დიდი სავაჭრო ცენტრების წარმომადგენლები პრემიერმინისტრსა და ანტიკრიზისულ საბჭოს მიმართავენ. ეს სავაჭრო ცენტრებია: გალერეა თბილისი;თბილისი მოლი;ისთ ფოინთი;თბილისი ცენტრალი;ქარვასლა;სითი...

Forbes: ჯეფ ბეზოსის ეკოლოგიური ინიციატივა მწვავე კრიტიკის საგანი გახდა

Forbes: ჯეფ ბეზოსის ეკოლოგიური ინიციატივა მწვავე კრიტიკის საგანი გახდა
access_time2020-11-28 20:00:00
Amazon-ის დამაარსებელმა, მსოფლიოს ერთ-ერთმა უმდიდრესმა ადამიანმა ჯეფ ბეზოსმა ბუნებაზე ზრუნვა გადაწყვიტა და საქველმოქმედო ეკოლოგიური ფონდი Bezos Earth Fund შექმნა. ნოემბერში ფონდმა 16 ეკოლოგიური ორგანიზაცია უკვე შეარჩია, ისინი მისგან ჯამურად 1 მლრდ. დოლარს მიიღებენ. თუმცა, ამ ინიციატივას ბევრი კრიტიკოსი გამოუჩნდა, ძირითადად ეკოლოგიური ორგანიზაციები, რომლებსაც ბეზოსისგან არაფერი მიუღიათ. მილიარდერს 3 მიმართულებით აკრიტიკებენ: ...


მსგავსი სიახლეები

up