„8 წელია გაჩერებულია რიყეზე დოქები, უფუნქციოდაა პრეზიდენტის სასახლე და ქუთაისის პარლამენტის შენობა“

„8 წელია გაჩერებულია რიყეზე დოქები, უფუნქციოდაა პრეზიდენტის სასახლე და ქუთაისის პარლამენტის შენობა“

access_time2020-02-07 14:30:24

თბილისში რამდენიმე ძვირადღირებული შენობა არსებობს, რომელმაც თავისი თავდაპირველი ფუნქცია დაკარგა, მათ შორის არის რიყის ე.წ „დოქები“, რომელიც მილის ფორმის ორ შენობას წარმოადგენს, სადაც მუსიკალური თეატრი და საგამოფენო ცენტრი უნდა განთავსებულიყო. პროექტის ავტორი იტალიელი არქიტექტორი მასიმილიანო ფუქსასია. 2016 წელს რიყის ე.წ. „დოქები“ მსოფლიოს ათ საუკეთესო კულტურის ცენტრს შორის მოხვდა. ვებგვერდ Designboom.com-ის მიერ გამოქვეყნებულ კულტურულ ცენტრების ტოპ-ათეულში, პროექტმა მე-10 ადგილი დაიკავა. „დოქების“ მშენებლობა დაახლოებით 75 მილიონი ლარი დაჯდა და ობიექტი დღემდე უფუნქციოდ არის დარჩენილი. სულ ახლახან, ეკონომიკის სამინისტრომ, რიყის „დოქები“ 100 საინვესტიციო პროექტის ნუსხაში შეიტანა და აუქციონის წესით გასაყიდად გამოიტანა. ობიექტი სამხარაულის ექსპერტიზის ეროვნული ბიუროს მიერ არის შეფასებული და შენობის საწყისი ღირებულება 95 მილიონი ლარია.


რაც შეეხება პრეზიდენტის ავლაბრის სასახლეს (2019 წლის აპრილიდან პრეზიდენტის სასახლეს სახელმწიფო ცერემონიების სასახლე დაერქვა), ეს ობიექტიც თითქმის უფუნქციოდ არის დარჩენილი. მიუხედავად ამისა, 2019 წელს სასახლის 4 თვის კომუნალურმა ხარჯმა 262 339 ლარი შეადგინა, სასახლის დაცვის სამსახურის ხელფასებზე კი 4 თვეში 239 730 ლარი დაიხარჯა.


თბილისის გარდა ანალოგიურ პრობლემას ვაწყდებით ქუთაისში, სადაც პარლამენტის შენობამ მისი პირვანდელი ფუნქცია ერთი წლის წინ დაკარგა (2018 წლის დეკემბერში, როდესაც საკანონმდებლო ცვლილებით პარლამენტის ადგილსამყოფელად კვლავ თბილისში რუსთაველზე მდებარე შენობა განისაზღვრა). პარლამენტის შენობის დაცვის სამსახურზე 10 თვის განმავლობაში გაცემულმა შრომის ანაზღაურებამ 176 218 ლარი შეადგინა. შესაბამისად, შენობები, რომელთა მშენებლობაზე საკმაოდ სოლიდური თანხები დაიხარჯა (დღემდე არ არსებობს ზუსტი ინფორმაცია, პრეზიდენტის ავლაბრის სასახლის მშენებლობა, რა თანხა დაჯდა; ქუთაისის პარლამენტი - დაახლოებით 340 მილიონი ლარი; რიყის ე.წ. „დოქები“ - 75 მილიონი ლარი), და ახლაც მათი შენახვა სახელმწიფოს ჯამში მილიონობით ლარი უჯდება, დღემდე გამოუყენებელია.


ანალიზი


პარლამენტში „ნაციონალური მოძრაობის“ ფრაქციის თავმჯმდომარე რომან გოცირიძემ ჟურნალისტებთან საქართველოში უფუნქციოდ დარჩენილ შენობებზე ისაუბრა და აღნიშნა: „8 წელიწადია გაჩერებულია „რიყეზე დოქები“, რომელიც შესულია მსოფლიოში თანამედროვე ხელოვნების ათეულში, ჯიუტად დგას და ინგრევა. დაუყოვნებლივ უნდა გადავიდეს პრემიერ-მინისტრი პრეზიდენტის სასახლეში, ვის რაში ჭირდება პრეზიდენტის ორი სასახლე, იხარჯება უზარმაზარი ფული მის გათბობაზე, შენახვაზე... ასევე უფუნქციოა ქუთაისის პარლამენტის შენობა“.


ისტორიული უბნის რეაბილიტაციის მიზნით რიყის პარკის განაშენიანება და კეთილმოწყობა ჯერ კიდევ 2009 წლიდან, გიგი უგულავას მერობის პერიოდში დაიწყო. პროექტი „თბილისის განვითარების ფონდის“ დაკვეთით ხორციელდებოდა, რომლის ფარგლებში რიყის ე.წ. „დოქების“ მშენებლობა დაიგეგმა. რიყის „დოქები“ მილის ფორმის ორი შენობა უნდა ყოფილიყო. პროექტი იტალიელმა არქიტექტორმა მასიმილიანო ფუქსასმა განახორციელა. მასვე ეკუთვნის მოგვიანებით თბილისში, გორსა და მარნეულში აშენებული იუსტიციის სახლების პროექტები. რიყის პარკის პროექტის დაწყებისას ცნობილი იყო, რომ ე.წ. „დოქებში“ მუსიკალური თეატრი და საგამოფენო ცენტრი უნდა განთავსებულიყო. მიუხედავად იმისა, რომ 2011-2012 წლებში რიყის „დოქების“ პროექტზე 75 მილიონი ლარი დაიხარჯა, ეს შენობები დღემდე უფუნქციოდ არის დარჩენილი და მათი შემდგომი ბედი ჯერ კიდევ გაურკვეველია. ისიც აღსანიშნავია, რომ 2016 წელს რიყის ე.წ. „დოქები“ მსოფლიოს ათ საუკეთესო კულტურის ცენტრს შორის მოხვდა. ვებგვერდ Designboom.com-ის მიერ გამოქვეყნებულ კულტურულ ცენტრების ტოპ-ათეულში, რიყის „დოქებს“ მე-10 ადგილი ეკავა.



გასული წლის თებერვალში თბილისის მერმა კახი კალაძემ ჟურნალისტებს რიყის „დოქებით“ რამდენიმე ინვესტორის დაინტერესების შესახებ მიაწოდა ინფორმაცია. „არის ინტერესი რამდენიმე კომპანიის მხრიდან, ველოდებით შემოთავაზებას. ჩვენ გავაცანით კონცეფცია, თუ რა უნდა იყოს ე.წ. „დოქებში“ და რა პრინციპით უნდა იყოს გამოყენებული სამომავლოდ და ველოდებით წინადადებებს. ამის შემდეგ მივიღებთ გადაწყვეტილებებს, თუ რომელი ბიზნესკომპანია გააკეთებს ამ პროექტს“, - განაცხადა ქალაქის მერმა. მოგვიანებით, უკვე გასული წლის ბოლოს, კახი კალაძე ამბობდა, რომ შენობა, სიმბოლურ ფასად, 1 ლარადაც, კი არცერთ ინვესტორს არ სურს, რადგან შენობების დასამთავრებლად სულ მცირე 18-20 მილიონი ლარი მაინც არის საჭირო.


რიყის „დოქები“ ეკონომიკის სამინისტროს ბალანსზე იმყოფება. მიმდინარე წლის 31 იანვარს ეკონომიკის და მდგრადი განვითარების მინისტრმა ნათია თურნავამ რიყის „დოქების“ გაყიდვის შესახებ განაცხადა. მისი ინფორმაციით, ობიექტი სამხარაულის ექსპერტიზის ეროვნული ბიუროს მიერ არის შეფასებული და შენობის საწყისი ღირებულება 95 მილიონი ლარია. „ვაპირებთ, 100 საინვესტიციო ბიზნესის ფარგლებში შევიტანოთ ე.წ. რიყის „დოქები“. საკმაოდ დიდი თანხა დაიხარჯა ამ პროექტის მშენებლობაზე და სამწუხაროდ, დღემდე ამ ობიექტმა ვერ იპოვა თავისი ფუნქცია. არადა ობიექტი ძალიან საინტერესო ადგილას არის, ამ ადგილს ბევრი ვიზიტორი სტუმრობს. ჩვენ ამ გამჭვირვალე აუქციონის გზით შევძლებთ, გავტესტოთ რამდენად რელევანტურია ეს ფასი დღევანდელი საბაზრო მოთხოვნების მიმართ და ღია, საჯარო აუქციონის გზით სწორი გამოყენება ვუპოვოთ რიყის „დოქებს“,- განაცხადა თურნავამ. მისივე თქმით, აუქციონის დაწყება მომავალი კვირიდან იქნება შესაძლებელი.


რაც შეეხება პრეზიდენტის ავლაბრის სასახლეს (2019 წლის აპრილიდან პრეზიდენტის სასახლეს სახელმწიფო ცერემონიების სასახლე დაერქვა), ობიექტი თითქმის უფუნქციოდ არის დარჩენილი. როგორც ცნობილია, საქართველოს ახლანდელი პრეზიდენტი სამუშაოდ ორბელიანის სასახლეს იყენებს. ჯერ კიდევ პრეზიდენტობის კანდიდატი სალომე ზურაბიშვილი აცხადებდა: „ვთვლი, რომ აურა, რომელიც არის პრეზიდენტის ავლაბრის რეზიდენციაზე, მე არ მიხდება, არც აურა და არც ჰავა. ორბელიანის სასახლე ბევრად უფრო უხდება ქვეყანას, ვიდრე ფსევდო რაიხსტაგი მიშას მიერ მოფიქრებული“. პრეზიდენტის ავლაბრის სასახლის თითქმის უფუნქციობის მიუხედავად, 2019 წელს სასახლის 4 თვის კომუნალურმა ხარჯმა 262 339 ლარი შეადგინა, სასახლის დაცვის სამსახურის ხელფასებზე კი 4 თვეში 239 730 ლარი დაიხარჯა. რაც შეეხება ორბელიანის სასახლეს, რომელის ამჟამინდელი პრეზიდენტის სამუშაო რეზიდენციაა, მისი რეკონსტრუქცია-გარემონტებისთვის ბიუჯეტიდან ჯამში 2 656 514 ლარი დაიხარჯა , სასახლის 4 თვის კომუნალურმა ხარჯმა 34 642 ლარი შეადგინა, დაცვის სამსახურის მომსახურებამ კი 123 377 ლარი.


ქუთაისში მდებარე პარლამენტის შენობამ მისი პირვანდელი ფუნქცია თითქმის ერთი წლის წინ დაკარგა (2018 წლის დეკემბერში, როდესაც საკანონმდებლო ცვლილებით პარლამენტის ადგილსამყოფელად კვლავ თბილისში, რუსთაველზე მდებარე შენობა განისაზღვრა). მალევე დაანონსდა, რომ ქუთაისში მდებარე პარლამენტის შენობაში დასავლეთ საქართველოს საპოლიციო ჰაბი განთავსდებოდა. მოგვიანებით, ცნობილი გახდა, რომ საპოლიციო ჰაბი, შესაძლოა, აღარ განთავსდეს და შინაგან საქმეთა სამინისტროს ნაცვლად, პარლამენტის შენობა ეკონომიკის სამინისტროს გადაეცა. სსიპ „ქონების მართვის სააგენტოს“ მიერ „ინტერპრესნიუსისთვის“ მიცემული განმარტების მიხედვით, შენობის ფუნქციური დატვირთვის შესახებ გადაწყვეტილება ინვენტარიზაციის დასრულების შემდეგ იქნება მიღებული. „ინტერპრესნიუსმა“ სახელმწიფო დაცვის სპეციალური სამსახურისგან ქუთაისის პარლამენტის შენობაზე გაწეული ხარჯების შესახებ საჯარო ინფორმაცია გამოითხოვა. სდსს-ს მიერ თავდაპირველად მიწოდებული მონაცემების თანახმად, ქუთაისში მდებარე პარლამენტის შენობის დაცვაზე 10 თვეში გაწეულმა ხარჯმა 493 234 ლარი შეადგინა. მოგვიანებით, სახელმწიფო დაცვის სამსახურმა განმარტა, რომ აღნიშნული ხარჯი ქუთაისში მდებარე ყველა დასაცავი ობიექტის დაცვის ხარჯია, უშუალოდ პარლამენტის შენობის დაცვის სამსახურზე კი 10 თვის განმავლობაში გაცემულმა შრომის ანაზღაურებამ 176 218 ლარი შეადგინა.


შეჯამების სახით, შეიძლება ითქვას, რომ შენობები, რომელთა მშენებლობაზე საკმაოდ სოლიდური თანხები დაიხარჯა (დღემდე არ არსებობს ზუსტი ინფორმაცია, პრეზიდენტის ავლაბრის სასახლის მშენებლობა, რა თანხა დაჯდა; ქუთაისის პარლამენტი - დაახლოებით 340 მილიონი ლარი; რიყის ე.წ. „დოქები“ - 75 მილიონი ლარი) და ახლაც მათი შენახვა სახელმწიფოს ჯამში მილიონობით ლარი უჯდება, დღემდე გამოუყენებელია. იმედს ვიტოვებთ, რომ შენობებს უახლოეს მომავალში გარკვეული ფუნქცია მიენიჭებათ და დახარჯულ მილიონობით ლარს ქარს არ გავატანთ.


ქუთაისში მდებარე პარლამენტის შენობამ მისი პირვანდელი ფუნქცია თითქმის ერთი წლის წინ დაკარგა (2018 წლის დეკემბერში, როდესაც საკანონმდებლო ცვლილებით პარლამენტის ადგილსამყოფელად კვლავ თბილისში, რუსთაველზე მდებარე შენობა განისაზღვრა). მალევე დაანონსდა, რომ ქუთაისში მდებარე პარლამენტის შენობაში დასავლეთ საქართველოს საპოლიციო ჰაბი განთავსდებოდა. მოგვიანებით, ცნობილი გახდა, რომ საპოლიციო ჰაბი, შესაძლოა, აღარ განთავსდეს და შინაგან საქმეთა სამინისტროს ნაცვლად, პარლამენტის შენობა ეკონომიკის სამინისტროს გადაეცა. სსიპ „ქონების მართვის სააგენტოს“ მიერ „ინტერპრესნიუსისთვის“ მიცემული განმარტების მიხედვით, შენობის ფუნქციური დატვირთვის შესახებ გადაწყვეტილება ინვენტარიზაციის დასრულების შემდეგ იქნება მიღებული. „ინტერპრესნიუსმა“ სახელმწიფო დაცვის სპეციალური სამსახურისგან ქუთაისის პარლამენტის შენობაზე გაწეული ხარჯების შესახებ საჯარო ინფორმაცია გამოითხოვა. სდსს-ს მიერ თავდაპირველად მიწოდებული მონაცემების თანახმად, ქუთაისში მდებარე პარლამენტის შენობის დაცვაზე 10 თვეში გაწეულმა ხარჯმა 493 234 ლარი შეადგინა. მოგვიანებით, სახელმწიფო დაცვის სამსახურმა განმარტა, რომ აღნიშნული ხარჯი ქუთაისში მდებარე ყველა დასაცავი ობიექტის დაცვის ხარჯია, უშუალოდ პარლამენტის შენობის დაცვის სამსახურზე კი 10 თვის განმავლობაში გაცემულმა შრომის ანაზღაურებამ 176 218 ლარი შეადგინა.


შეჯამების სახით, შეიძლება ითქვას, რომ შენობები, რომელთა მშენებლობაზე საკმაოდ სოლიდური თანხები დაიხარჯა (დღემდე არ არსებობს ზუსტი ინფორმაცია, პრეზიდენტის ავლაბრის სასახლის მშენებლობა, რა თანხა დაჯდა; ქუთაისის პარლამენტი - დაახლოებით 340 მილიონი ლარი; რიყის ე.წ. „დოქები“ - 75 მილიონი ლარი) და ახლაც მათი შენახვა სახელმწიფოს ჯამში მილიონობით ლარი უჯდება, დღემდე გამოუყენებელია. იმედს ვიტოვებთ, რომ შენობებს უახლოეს მომავალში გარკვეული ფუნქცია მიენიჭებათ და დახარჯულ მილიონობით ლარს ქარს არ გავატანთ.


factchek.ge




პარლამენტის ყოფილ თავმჯდომარეს და საარჩევნო შტაბის უფროსს წარმოდგენა არა აქვს ქვეყნის ეკონომიკურ მდგომარეობაზე

 პარლამენტის ყოფილ თავმჯდომარეს და საარჩევნო შტაბის უფროსს წარმოდგენა არა აქვს ქვეყნის ეკონომიკურ მდგომარეობაზე
access_time2020-09-26 11:28:24
პარტია „ქართული ოცნების“ აღმასრულებელმა მდივანმა და საარჩევნო შტაბის უფროსმა ირაკლი კობახიძემ „რუსთავი 2“-ის ეთერში ილაპარაკა კორონავირუსის პანდემიამდე საქართველოში მშპ-ს ზრდის შესახებ. პარლამენტის ყოფილმა თავმჯდომარემ ეკონომიკის ზრდის მაჩვენებელი არასწორად, მიმდინარე ფასებში დათვალა და თქვა, რომ...

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე
access_time2020-09-25 19:30:42
„ლელოს ვაკის მაჟორიტარობის კანდიდატი ლევან კობერიძე დარგობრივი ეკონომიკისა და ეკონომიკური პოლიტიკის კომიტეტის თავმჯდომარის რომან კაკულიას განცხადებას „კომერსანტთან“ საუბრისას პასუხობს, რომლის თქმით, „ლელო საქართველოსთვის ლიდერის მამუკა ხაზარაძის ინიციატივა, რომელიც მევახშეობის აკრძალვას მოიცავს, „მომავალში დასაწერი წიგნის სარჩევს ჰგავს, რომლის შინაარსიც დაწერილი არ არის და თანაც, განძის კუნძულია ალბათ, სადღაც აღმოჩენილი“. „იმის ნაცვლად რომ ქვეყნის...

დავით სონღულაშვილის პასუხი ,,ლელოს”: ნუ იგდებთ თავს უხერხულ მდგომარეობაში

დავით სონღულაშვილის პასუხი ,,ლელოს”: ნუ იგდებთ თავს უხერხულ მდგომარეობაში
access_time2020-09-25 18:50:59
„ლელოს” წევრმა, ბატონმა საბა ბუაძემ გაავრცელა ყალბი განცხადება, რის მიხედვითაც, ჩემს დეკლარაციაში ასახული გადასესხების ფაქტი თითქოს და ეხება თანხის ხელზე გადასესხებას.   პირადად მას მსურს ვუთხრა და საზოგადოებას მივაწოდო ინფორმაცია, რომ კერძო სექტორში საქმიანობის პერიოდში, პირადი კრედიტი გადავასესხე კომპანიაზე, რაც მთელს მსოფლიოში და საქართველოშიც მიღებული პრაქტიკაა.   ბატონ ბუაძეს შეცდომაში შეჰყავს საზოგადოება და ავრცელებს დეზინფორმაციას....

მიმდინარე კვირაში რეგიონში მხოლოდ ლარმა განიცადა რეკორდული გაუფასურება

მიმდინარე კვირაში რეგიონში მხოლოდ ლარმა განიცადა რეკორდული გაუფასურება
access_time2020-09-25 18:10:49
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა და მისი გაუფასურება დღემდე გრძელდება. მიმდინარე კვირაში, Bloomberg-ის სავაჭრო სისტემაში ლარი რეკორდულად თითქმის 11 თეთრით გაუფასურდა. ეროვნული ბანკის მიერ გამოქვეყნებული 21 სექტემბრის ვაჭრობის შედეგად კი ერთი აშშ დოლარის ღირებულება 3.2295 ლარი იყო, ხოლო დღევანდელი მონაცემებით 3.3332 ლარი შეადგინა.   დღეს დილიდან ვაჭრობა Bloomberg-ის სავაჭრო სისტემაში $1/3.3175 ლარით...

„მევახშეები თავის პარტიაში მოიკითხონ“ - „ქართული ოცნების“ პასუხი „ლელოს“

„მევახშეები თავის პარტიაში მოიკითხონ“ - „ქართული ოცნების“ პასუხი „ლელოს“
access_time2020-09-25 17:20:49
„ძალიან ცუდია, რომ ეს ადამიანი კარიერას ტყუილებით იწყებს. მევახშეები თავის პარტიაში მოიკითხოს“, - ასე აფასებს საპარლამენტო უმრავლესობის წევრი ილია წულაია „ლელო“ მიერ გამოქვეყნებული „ქართული ოცნების“ დეპუტატების სიას, რომლებიც მევახშეობით ფულის „ხელზე გასესხებით“ არიან დაკავებულები. ილია წულაია „კომერსანტთან“ საუბარში აცხადებს, რომ გავრცელებული ინფორმაცია სიმართლეს არ შეესაბამება. ამბობს იმასაც, რომ თანხები საკუთარ კომპანიაზე ინვესტიციის სახით აქვს...


მსგავსი სიახლეები

up