8 მლნ-ის ინვესტიცია ჩავდე და ახლა ყველაფერი რომ გავყიდო, 5 მლნ-ს ზარალზე გავალ - „შირაქი“ მსხვილფეხა საქონელს ისევ ყიდის

8 მლნ-ის ინვესტიცია ჩავდე და ახლა ყველაფერი რომ გავყიდო, 5 მლნ-ს ზარალზე გავალ - „შირაქი“ მსხვილფეხა საქონელს ისევ ყიდის

access_time2021-10-11 11:20:00

„დღეს ბაზარზე თითზე დაითვლით დარჩენილ ფერმებს და ამ პირობებში სოფლის მეურნეობის სამინისტროს რომ ჰკითხოთ, ჩვენთან რძის წარმოება ყვავის და ფერმები იხსნება“, - ამის შესახებ ,,ბიზნესპრესნიუსთან“ საუბრისას ,,შირაქის“ დამფუძნებელმა განაცხადა.

ნიკოლოზ ბენიაიძე ამბობს, რომ ქვეყანაში ნედლი რძის მოცულობა იკლებს, შესაბამისად, იკლებს რძის ოდენობა პროდუქტებში და ის ფხვნილით და ირანული რძე-პასტით ნაცვლდება.

„ჩემი კომპანიის მაგალითზე გეტყვით, რომ რძის გადამუშავება როგორც მიდიოდა, მიდის ზუსტად ისევ ისე. პრობლემა შეექმნა ფერმას, რადგან ძალიან გაძვირდა საკვები, ზოგი პროდუქტი 100%-მდეც კი. ამ ფონზე რძის ფასმა ფერმერისთვის არ მოიმატა და ძალიან ცუდ დღეში არიან. მერწმუნეთ, მომავალში ეს აუცილებლად აისახება გადამამუშავებლებზეც, რადგან ნედლი რძის ოდენობა ქვეყანაში იკლებს. რძის პროდუქტების იმპორტი მოხმარების ზრდის კი არა, ადგილობრივი წარმოების შემცირების ხარჯზე ხდება.

დღეს, ქართულ ბაზარზე რძის პროდუქტებში ნედლი რძის შემადგენლობა მხოლოდ 30%-ია. დანარჩენი ნაცვლდება რძის ფხვნილით ან ირანული რძე-პასტით. ეს 30%-იც ნელ-ნელა იკლებს. მე პირადად რადგან ფერმა შევამცირე, შევამცირე რძის მიწოდებაც კომპანიებისთვის. ადრე კომპანიებს თუ 4-5 ტონას ვაწვდიდი, დღეს 1 ტონას ვაწვდი.

ფერმის შემცირება სამწუხაროდ, ისევ მიწევს. 100 სულს კიდევ ვყიდი. მხოლოდ მე არა, სოფლის მეურნეობის ჯგუფებია სოციალურ ქსელში და უამრავი განცხადებაა, რომ ყიდიან საქონელს“, - განაცხადა ნიკოლოზ ბენიაიძემ.


მისი თქმით, დღეს ბაზარზე ფერმები ერთმანეთის მიყოლებით იხურება, ან ამცირებენ წარმოებას.

,,2013 წელს დავიწყე ფერმერული მერნეობა და მაშინ, ერთი სულის კვება 5-6 ლარი ჯდებოდა, დღეს მხოლოდ კვება 20 ლარზე მეტი ჯდება. ამას პლიუს ხელფასი და კომუნალურების ხარჯი. სახელმწიფომ როცა კომუნალურები ქართულ წარმოებებს დაუსუბსიდირა, ფერმებს ესეც კი არ შეგვეხო. სახელმწიფოს ფერმერული მეურნეობის გადასარჩენად არაფერი გაუკეთებია. ჩვენი ფერმა განახევრდა, „მწვანე რანჩო“ დაიხურა, განახევრდა ფშაველში არსებული ფერმა, სრულად დაიკეტა საგურამოს ფერმა. ეს ბოლო რამდენიმე თვეში. დღეს, ბაზარზე თითზე დაითვლით დარჩენილ ფერმებს და ამ პირობებში სოფლის მეურნეობის სამინისტროს რომ ჰკითხოთ ჩვენთან რძის წარმოება ყვავის და ფერმები იხსნება.

ბევრი წვალების და ბრძოლის მიუხედავად, ნედლი რძისაგან დამზადებული რძე-მჟავა პროდუქტები გადასახადისაგან არ განთავისუფლდა მიუხედავად იმისა, რომ მამუკა ბახტაძე, როცა გადადგა, გაკეთებულ საქმეებში მიითვალა. არადა, ყველის წარმოების გარდა ისევ ისე დარჩა. 8 მლნ-ს ინვესტიცია მაქვს განხორციელებული ფერმაში და ახლა ყველაფერი რომ გავყიდო, დაახლოებით 5 მლნ-ს ზარალში ვიქნები“, - განაცხადა ,,შირაქის“ დამფუძნებელმა ,,ბიზნესპრესნიუსთან“.


bpn.ge


თეგები:
ინვესტიცია



„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up