8 ეტაპად ჩატარებული სახელმწიფო აუქციონის შედეგად, 2021 წელს 278 ობიექტი, რომელთა ჯამური საწყისი ღირებულება 159 მლნ ლარს შეადგენდა, 236 მლნ ლარად გაიყიდა. სიაში დიდი საერთაშორისო კომპანიები არ იძებნება, ყველაზე ძვირიანი ობიექტი ბათუმში ფიროსმანის ქუჩაზე მდებარე 7000 კვადრატულ მეტრი ფართობის არასასოფლო-სამეურნეო დანიშნულების მიწის ნაკვეთი აღმოჩნდა, რომელიც საწყის ფასზე 2.6-ჯერ მეტად 30 მლნ ლარად (2021 წლის კურსით $10 მლნ-ზე ნაკლებად) სს დე ჯგუფმა შეიძინა, მან იქ 48 თვის ვადაში 150 ნომრიანი სასტუმრო უნდა ააშენოს.

19 მლნ ლარად გაყიდული 2300 კვადრატულ მეტრის ფართობის არასასოფლო-სამეურნეო მიწის ნაკვეთიც ბათუმში მდებარეობს. ის შპს REAL PALACE-მა შეიძინა. კომპანია 2011 წელს დაარსდა და მის ძირითად საქმიანობას ბათუმში საცხოვრებელი და არასაცხოვრებელი კორპუსების მშენებლობა წარმოადგენს. მის წილებს სამი ფიზიკური პირი ზურა ხიმშიაშვილი, ჯიმშერ ზოიძე და თამაზ ბექაია თანაბრად ინაწილებენ. კომპანიამ ბოლო 10 წელიწადში 13 პროექტი განახორციელა, ამჟამად ყველაზე მასშტაბური პროექტი 557 ბინიანი Black Sea Tower-ა, საიდანაც 525 ბინა უკვე გაყიდულია.

შპს ქანდა გრიქალჩერმა მცხეთაში, სოფელ მუხრანში 77 და 66 ჰექტრის სასოფლო სამეურნეო ნაკვეთები 11 მლნ ლარად შეიძინა. იმავე ფასად, იმავე სოფელში 224 ათასი კვადრატული მეტრის არასასოფლო სამეურნეო მიწის ნაკვეთი გია გორგოშაძემ იყიდა.

მცხეთაში მუხათწყაროს მიმდებარედ 5.3 მლნ ლარის გადახდის შემდეგ 63 ათასი კვადრატული მეტრის მიწის ფართობი შპს ლიდერმშენი 2010-ის საკუთრება გახდა.

თბილისში, დოდაშვილის ქ. N18–ში (ნაკვ. 28/13) არსებული 15637 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობების მფლობელი 4.7 მლნ ლარად შპს ტიბანი დეველოპმენტი გახდა.

შპს გოფრატრამ თბილისში ვანის ქუჩაზე 11.3 ათასი კვადრატული მეტრის ფართობის არასასოფლო-სამეურნეო მიწის ნაკვეთი შენობა-ნაგებობასთან ერთად 3.9 მლნ ლარად შეიძინა.

3.1 მლნ ლარად დიღმის სასწავლო საცდელი მეურნეობის ტერიტორიაზე არსებული 12003 კვ.მ. არასასოფლო–სამეურნეო დანიშნულების მიწის ნაკვეთი და მასზე განთავსებული შენობა-ნაგებობა შპს ალფამ შეიძინა.

რუსთავში, XXI მიკრო/რაიონის მიმდებარე ტერიტორიაზე არსებული 56098 კვ.მ. არასასოფლო-სამეურნეო დანიშნულების მიწის ნაკვეთის მფლობელი 3.4 მლნ ლარად შპს მოდერნ თაუნი გახდა.

თბილისში, უნივერსიტეტის ქუჩაზე, საბურთალოს სასაფლაოს მიმდებარედ არსებული არსებული 4404 კვ.მ. არასასოფლო-სამეურნეო დანიშნულების მიწის ნაკვეთისა და მასზე განთავსებული N1-N5 შენობა-ნაგებობების შესაძენად გელა კალცოევს 3.2 მლნ ლარის გადახდა მოუწია.

თბილისში, კახეთის გზატკეცილზე ნავთობაზის მიმდებარედ არსებული 10182 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები 3.2 მლნ ლარად შპს მისო ნოვა კრედიტმა შეიძინა.

აუქციონში შენობა-ნაგებობების ან მიწის ნაკვეთების შესაძენად 1 მლნ ლარზე მეტის გადახდა მოუწიათ ასევე: შპს ჩიგოგიძე ვან ბარსს, შპს დეილს, შპს იბეროელს, შპს გლობალფარმს, შპს კიკეთი დეველოპმენტი 1-ს, შპს ბაკურიანი ინნ-ს, შპს ასკანელი აგროს, შპს არტ ინვესტს, შპს მოდერნ ჰაუს დეველოპმენტს, შპს უდაბნოს, შპს ვიქთორი ჯეორჯიას, შპს კაპიტალ ინვესტ ჯგუფს, შპს ჯორჯიან ალიანსს, სს ატოვების მართვის კომპანიას. აგრეთვე ფიზიკურ პირებს: თეიმურაზ შუკაკიძეს, თამაზ ზვიადაურს, ნონა ჭანტურიას, დავით კოსტავას, ზაურ ცხადაძეს...

2022 წლის ბიუჯეტში პრივატიზაციის გზით 300 მლნ ლარის მობილიზებაა დაგეგმილი.