7 ნოემბრის საქმე 10 წლის შემდეგ და პოლიტიკური შეფასებები

7 ნოემბრის საქმე 10 წლის შემდეგ და პოლიტიკური შეფასებები

access_time2017-11-07 14:57:23

რეზინის ტყვიები, მხუთავი ცრემლმდენი გაზი, რასაც წვიმა კიდევ უფრო ამძაფრებდა, გუგუნი, ხელკეტებისა და ღრიალის ხმა, სასტიკად ნაცემი ადამიანები და მავანთა სიხარულის ყიჟინა, დარბეული ტელევიზია და საგანგებო მდგომარეობით ჩახშული მედია - 10 წელი 2007 წლის 7 ნოემბრის მოვლენებიდან.

 

„აშკარაა, რომ ბადრი პატარკაციშვილს, რომელიც მაშინ ავანგარდში იყო იმ მოვლენების, ხელისუფლების არაკონსტიტუციური გზებით შეცვლისა და ხელისუფლების დამხობის განზრახვა ჰქონდა. ამ მიზნით გეგმავდა მოსყიდვის გზით შინაგან საქმეთა მინისტრის ნეიტრალიზაციას, დაძინებას, როგორც იგი თავადვე აცხადებდა. ბიძინა ივანიშვილი მაშინ მიხეილ სააკაშვილთან ერთად იმყოფებოდა პატარკაციშვილის წინააღმდეგ. მაშინ ივანიშვილი იყო თავიდან ბოლომდე სააკაშვილის მოკავშირე პატარკაციშვილის გასანეიტრალებლად, პოლიტიკურ ნეიტრალიზაციას ვგულისხმობ. შემდგომ ამას მოყვა არა ერთი, ჩემი აზრით, მცდარი ნაბიჯი, რასაც შემდგომ მოყვა პოლიტიკური პასუხისმგებლობა - მიხეილ სააკაშვილი გადადგა თანამდებობიდან, დაინიშნა ხელახალი არჩევნები. პოლიციელების მხრიდან ხშირ შემთხევაში ჰქონდა ადგილი ძალის გადამეტებას და არაპროპორციულ გამოყენებას, თუმცა ამასთან დაკავშირებით პოლიციელები არ დასჯილან, რადგან ხელისუფლების სამიზნე ყოველთვის იყო პოლიტიკური ოპონენტი და არა ცალკეულ შემთხვევაში სამართალდარღვევის ჩამდენი პირი, - ამბობს დღეს „ნაციონალური მოძრაობის“ ყოფილი და ამჟამად „ევროპული საქართველოს“ წევრი ოთარ კახიძე.

 

„ეს არის დღე, რომელიც არის ადამიანის უფლებებისთვის, თავისუფლებისთვის ბრძოლის სიმბოლო. ეს არის დღე, რომელიც არის ნიშანდობლივი, თუ რა შედეგები მოყვება ძალადობას და სისასტიკეს ხელისუფლების მხრიდან საკუთარი მოქალაქეების მიმართ. 7 ნოემბერი დარჩება ისტორიას, როგორც თავისუფლებისთვის ბრძოლის დღე, - აცხადებს იურიდიულ საკითხთა საპარლამენტო კომიტეტის თავმჯდომარე ეკა ბესელია.  

 

ეს ახალი შეფასებებია... გავიხსენოთ რა იყო მაშინ... ფაქტების ქრონოლოგია.

 

ოპოზიციური პარტიების მიერ ორგანიზებული მასშტაბური ანტისახელისუფლო საპროტესტო აქციების ძირითად მოთხოვნა ვადამდელი საპარლამენტო არჩევნები იყო. სექტემბერში დაწყებული გამოსვლების შემდედ, 7 ნოემბრის გამთენიისას, დასუფთავების სამსახურის თანამშრომლების ფორმებში გადაცმულმა სამართალდამცავებმა პარლამენტის წინ გაშლილ კარვებში მოშიმშილე პროტესტანტები დაარბიეს.

 

მოგვიანებით რუსთაველის გამზირზე აქციის მონაწილეთა რიცხვმა იმატა. ხელისუფლებამ ხალხის დასაშლელად მხუთავი ცრემლმდენი გაზი, წყლის ჭავლი და რეზინის ტყვიები გამოიყენა, როგორც შემდგომ აღინიშნა, ადგილი ჰქონდა ძალის გადამეტებას. მხუთავი და ცრემლმდენი გაზი რუსთაველის გამზირსა და მიმდებარე ქუჩებშიც გაუშვეს, რის გამოც მომიტინგეების გარდა, ჟურნალისტები და მიმდებარე ქუჩებზე მცხოვრებნიც მოიწამლნენ.


 

რუსთაველზე დარბეული მომიტინგეების ნაწილმა რიყეზე გადაინაცვლა. ოპოზიციის ლიდერების მოწოდების შედეგად, რიყეზე ათასობით ადამინი გავიდა. სპეცრაზმელებმა და სამხედროებმა ხალხი რიყეზეც დაარბიეს.

 

რიყეზე განვითარებული მოვლენების პარალელურად, შინაგან საქმეთა სამინისტრომ, ვიდეომასალა გამოაქვეყნა, რომელიც გაერთიანებული ოპოზიციის ზოგიერთი ლიდერის რუსეთის უშიშროების ფედერალურ სამსახურთან კავშირს ამტკიცებდა. რუსეთის აგენტებად დასახელდნენ ლევან ბერძენიშვილი, შალვა ნათელაშვილი, გოგა ხაინდრავა და კონსტანტინე გამსახურდია.

 

დღის ბოლოს ბადრი პატარკაციშვილის განცხადება გავრცელდა, რომელშიც პატარკაციშვილმა მომხდარი ბოლშევიკური პუტჩს შეადარა. პატარკაციშვილის განცხადება ხელისუფლების წარმომადგენლებმა ხელისუფლების დამხობის პირდაპირ მოწოდებად შეაფასეს.

 

მთელი დღის განმავლობაში, თბილისის ქუჩებში მიმდინარე მოვლენებს ტელეკომპანია „იმედი უწყვეტ რეჟიმში აშუქებდა. საღამოს, დაახლოებით 9 საათზე კი, სპეცდანიშნულების რაზმი ტელეიმედში შეიჭრა, პირდაპირი ეთერი გაითიშა...

 

სპეცრაზმმა რეზინის ტყვიები და ცრემლსადენი გაზი იქაც გამოიყენა. „იმედის შემდეგ მაუწყებლობა შეწყვიტა ტელეკომპანია კავკასიამაც.

 

იმავე საღამოს პრეზიდენტმა მიხეილ სააკაშვილმა თბილისში საგანგებო მდგომარეობა გამოაცხადა...

 

7 ნოემბრის მოვლენების გამოძიება 2012 წლის საპარლამენტო არჩევნების შემდეგ დაიწყო. 2014 წლის 28 ივლისს, მთავარმა პროკურატურამ 2007 წლის 07 ნოემბერს, მომიტინგეთა მასობრივად დარბევის, ტელეკომპანია იმედში შეჭრისა და ბადრი პატარკაციშვილის კუთვნილი ქონების დანაშაულებრივად ხელში ჩაგდების ფაქტზე ბრალი საქართველოს ყოფილ პრეზიდენტს მიხეილ სააკაშვილს, შს ყოფილ მინისტრს ვანო მერაბიშვილს, ყოფილ გენპროკურორ ზურაბ ადეიშვილს, თავდაცვის ყოფილ მინისტრს დავით კეზერაშვილსა და თბილისის ყოფილ მერს გიგი უგულავას წარუდგინეს. ამჟამად პატიმრობაში ამ საქმის ფიგურანტი, მხოლოდ, ვანო მერაბიშვილია პატიმრობაში, რომელიც სხვა სისხლის სამართლის საქმეზე იხდის სასჯელს.

 

 

 



„რატომ არის კვება ორგანიზმისთვის უმნიშვნელოვანესი ფაქტორი ვირუსულ პერიოდში?“

„რატომ არის კვება ორგანიზმისთვის უმნიშვნელოვანესი ფაქტორი ვირუსულ პერიოდში?“
access_time2020-11-24 16:25:46
მწვავე პანდემიურ პერიოდში აუცილებელია ვიზრუნოთ პატარების იმუნიტეტისა და ორგანიზმის მოძლიერებაზე. ბავშვებისთვის ვიტამინებისა და...

24 ნოემბერი - რეგიონში ქართული ლარი და თურქული ლირა გაუფასურდა

24 ნოემბერი - რეგიონში ქართული ლარი და თურქული ლირა გაუფასურდა
access_time2020-11-24 18:15:33
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 24 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება 3.3193 ლარი...

დღის Top 10 საინტერესო ამბავი

დღის Top 10 საინტერესო ამბავი
access_time2020-11-24 21:00:28
დღის Top 10 საინტერესო ამბავი: 1.„პოლიტიკური სტაბილურობა და დემოკრატიული გარემო ინვესტორისთვის პრიორიტეტია და მხოლოდ მთავრობის ბენეფიტების გამო არ შემოვა“ ევროპული ბიზნეს ასოციაციის (EBA) თანადამფუძნებელი მარიამ ქუჩულორია „კომერსანტთან“ საუბრისას ამბობს, რომ...

როგორ მოვამზადოთ ბიზნესი ან მაღაზია მოსალოდნელი „კარანტინისთვის“?

როგორ მოვამზადოთ ბიზნესი ან მაღაზია მოსალოდნელი „კარანტინისთვის“?
access_time2020-11-24 14:40:04
პანდემიის მეორე ტალღა პირველთან შედარებით გაცილებით მძიმე ჩანს. ინფიცირებულთა მაჩვენებელი ყოველდღიურად მატულობს და ახალ ანტირეკორდებს ხსნის, რაც ზოგად მდგომარეობას საკმაოდ...

„რაში იხარჯება ჩვენი ფული? ქართული ფეხბურთის პრიორიტეტები სასწრაფოდ უნდა შეიცვალოს!“

„რაში იხარჯება ჩვენი ფული? ქართული ფეხბურთის პრიორიტეტები სასწრაფოდ უნდა შეიცვალოს!“
access_time2020-11-24 17:30:23
ვაგრძელებთ წერილების ციკლს, რომელსაც ერთადერთი მიზანი აქვს - ერთი პატარა აგური მაინც დაიდოს ქართული ფეხბურთის უკეთესი მომავლის საქმეში. თქვენს წინაშეა მორიგი წერილი, რომელიც, ალბათ, ბევრს გაანაწყენებს კიდეც, მაგრამ თავს იმთავითვე იმით დავიმშვიდებ, რომ ქართული ფეხბურთის დღევანდელი მდგომარეობის გათვალისწინებით აღარავის ფერების დრო აღარ არის... ...დიახ, აღარ არის, რადგან თუ ბევრი რამ არ შევცვალეთ, თავზე დაგვემხობა ყველაფერი და ვერც დიდ საფეხბურთო ფორუმზე ვითამაშებთ იმის...


მსგავსი სიახლეები

up