2020 წლის 07 მაისს ევროპის ბიზნეს ასოციაციის ორგანიზებით გაიმართა ასოციაციის წევრებთან ონალინ შეხვედრა შრომის ინსპექციის უფროსთან ბ-ნ ბექა ფერაძესთან. სამუშაო შეხვედრის თემა იყო „როგორ გავაგრძელოთ ბიზნეს აქტივობა COVID -19-ის შემდგომ“.

შეხვედრაზე განხილული იქნა ეკონომიკის გახსნის პროცესში საწარმოთა ბიზნეს საქმიანობის განახლების პროცედურებთან დაკავშირებული საკითხები.

ბექა ფერაძი განმარტებით, პირველ ეტაპზე, ეკონომიკის სამინისტროში ტექნიკური ზედამხედველობის სამსახური ერთად შრომის ინსპექცია ახდენდა კონკრეტული ბიზნეს სუბიექტების შემოწმებას და ვადაზე ადრე ხდებოდა საქმიანობის განახლების ნებართვების მინიჭება. ამ ეტაპზე შრომის ინსპექციას გადაეცაეკონომიკის გახსნისა და საწარმოთა შემოწმების კოორდინაციის უფლებამოსილება. ახლა ეპიდსიტუაცია ქვეყანაში მეტწილად დამაკმაყოფილებებლია და შემაკავებელი ზომებიდან გახსნის ეტაპზე გადავდივართ. შესაბამისად, მთელი ქვეყნის მასშტაბით შემოწმების დაწყების შესახებ მიღებული იქნა გადაწყვეტილება. უმთავრესი მიზანია ფრთხილად მოხდეს ეკონომიკის გახსნა, სწორედ ამიტომ ხდება ობიექტის წინსწრებით შემოწმება თუ რამდენადაა იგი შესაბამისობაში ჯანდაცვის სამინისტროს მიერ გაცემულ რეკომენდაციებთან.

როგორ უნდა განხორიციელდებს რეგისტრაცია?

ბიზნეს სუბიექტს აქვს უფლება არ დაელოდოს სექტორის გახსნას და მანამდე მოგვმართოს შემოწმებისათვის. მან განცხადი უნდა გააკეთოს ჯანდაცვის სამინისტროს ელექტრონული გვერდის მეშვეობით. შემოწმების მოთხოვნის დაფიქსირების შემდგომ, 2-3 დღის ვადაში ჩვენი წარმომადგენელი დაათვალიერებს ობიექტს. შემოწმების დროს ხარვეზების დადგენის შემთხვევაში გაიცემა რეკომენდაციები. საქმიანობის დაწყების შემდგომ თუ აღმოჩდა შეუსაბამობა კომპანია დაჯარიმდება. სანქცია ოდენობა 15 000 ლარია. ჩვენი თვითმიზანი არაა სანქცირება. იგი პრევენციულია ხასიათისაა და ეკონომიკის გახსნის ეტაპის მდგრადობის გარანტია.

01 მაისიდან 5 დღის განმავლობაში 6000 ობიექტზე მეტის შემოწმება მოხდა. ციფრი მასშტაბურია და შრომის ინსპექციის თანამშრომლებთან ერთად სხვადასხვა მარეგულირებელი უწყების დახმარებით მოხდა ეს ყველაფერი. რეკომენდაციები ჯანდაცვის სამინისტროს მიერაა შემუშავებული და მისი აღსრულებაც ჯანდაცვის სამინისტროს პასუხისმგებლობაშია, თუმცა მასშტაბურობიდან გამომდინარე ბიზნეს სექტორის შემოწმების პროცესში ჩართულია სხვა სახელმწიფო უწყებებიც (მუნიციპალური სამსახურები, გარემოსდაცვითი ზედამხედველობის დეპარტამენტი, სურსათის ეროვნული სააგენტო, შემოსავლების სამსახური, სსიპ სამშენებლო და ტექნიკური ზედამხედველობის სააგენტო, სსიპ სამედიცინო და ფარმაცევტული საქმინაობის რეგულირების სააგენტო.

ჩვენი მიზანია, რომ COVID-19-თან ერთად თანაცხოვრება შევძლოთ. რეკომენდაციების დაცვა ჩვენი ყოველდღიური ცხოვრების ნაწილი უნდა გახდეს. 15 რეკომენდაცია შემოშავებული სხვადასხვა სექტორული მიმართულებით. საცალო ვაჭრობისთვის ახლა მუშავდება დამატებით და მალე იქნება მიღებული.

ფაქტია, რომ ეკონომიკის გახსნა დაანონსებულზე სწრაფად მიდის. უმნიშველოვანესია, ეკონომიკის გახსნის პროცესი იყო ზედმიწევნით სწორად შესრულებული. სწორედ ამიტომ მნიშვნელოვანია, რომ თითოეულ ბიზნეს სუბიექტამდე მივიტანოთ ინფორმაცია პროცედურებისა და ვალდებულებების შესახებ. ამ მხრივ, ბიზნეს ასოციაციების როლი უმნიშვნელოვანესია.