თბილისში ექსპლუატაციაში  მიუღებელი 600–800 ობიექტია-პარლამენტი საკანონმდებლო პაკეტის განხილვას იწყებს

თბილისში ექსპლუატაციაში მიუღებელი 600–800 ობიექტია-პარლამენტი საკანონმდებლო პაკეტის განხილვას იწყებს

access_time2019-07-29 09:00:19

პარლამენტი დასრულებულ, თუმცა ექსპლუატაციაში მიუღებელ შენობებზე ამნისტიის გამოცხადებასთან დაკავშირებული საკანონმდებლო პაკეტის განხილვას იწყებს. საუბარია, “საქართველოს სივრცის დაგეგმარების, არქიტექტურული და სამშენებლო საქმიანობის კოდექსში“ დაგეგმილ ცვლილებებსა და მისგან გამომდინარე ახალ საკანონმდებლო ინიციატივებზე.


პროექტის ინიციატორები არიან დეპუტატები: მამუკა მდინარაძე, ანრი ოხანაშვილი, დიმიტრი ცქიტიშვილი, გიორგი ვოლსკი, შოთა ხაბარელი, ბექა ოდიშარია, ლევან კობიაშვილი, სოფიო კილაძე, მარიამ ჯაში და მიხეილ ყაველაშვილი.


პროცესებში ჩართული იყო „საქართველოს მენაშენეთა ასოციაციის“  აღმასრულებელი დირექტორი თორნიკე აბულაძე. დეველოპერის განმარტებით, ეს არის ისეთი შენობები, სადაც ხალხი ისედაც ცხოვრობს და სხვადასხვა დარღვევების გამო  მისი ექსპლუატაციაში მიღება ვერ მოხდა.


„ეს იყო ძალიან ბევრი მოსახლის გაცხადებული პრობლემა. 600-დან 800 სახლამდე თბილისში აშენებული და დასრულებულია მაგრამ, ექსპლუატაციაში არ არის მიღებული. მათი უმეტესობა დაწყებულია კრიზისის პერიოდში, რაღაც დაამთავრეს, რაღაც ვერ დაამთავრეს. მანამდე პროექტები იყო ხის მოპირკეთებით, ძვირფასი კარ-ფანჯრით და ა.შ.


რეალურად კრიზის შემდეგ გადავიდნენ მარტივ ფასადებზე, რათა როგორმე ხალხი შეესახლებინათ. რა პროექტიც იყო დამტკიცებული იმის გაუარესება ხდება. შესაბამისად, არქიტექტურის სამსახური ამაზე ამბობს უარს. მშენებელს ფული არ ჰყოფნის, რომ პროექტი დაასრულოს. ცხადია, რომ იქ გარკვეულწილად დარღვევები არის, თუმცა, არ არის არსებითი, არ აზარალებს მესამე პირს  ანუ საფრთხის შემცველი არ არის. ასეთ კორპუსებში ადამიანები ცხოვრობენ და მათ მისამართი მინიჭებული არ აქვთ, რის გამოც ბევრი იურიდიული პრობლემა ექმნებათ, მათ შორის, ფინანსური. ბანკი ისეთ სახლს ,რომელსაც ამონაწერში უწერია მშენებარე, იმას მიუხედავად,რომ ხედავს ვიზუალურად დასრულებულია, გარკვეული რისკის კოეფიციენტებს უყენებს. შესაბამისად, რეალურ ღირებულებასთან შედარებით ნაკლებად აფასებს. რეალურად, 50 000 -მდე ოჯახს ეს პრობლემა მოეხსნება“, აცხადებს თორნიკე აბულაძე.

 

„საქართველოს მენაშენეთა ასოციაციის“  აღმასრულებელი დირექტორი თორნიკე აბულაძე განმარტავს, რომ საკანონმდებლო პაკეტი ერთის მხრივ ითვალისწინებს ამნისტიას, მეორეს მხრივ კი დასრულებული მშენებლობის ექსპლუატაციაში მიღების სტანდარტის  გამკაცრებას.  


 

„ეს არ არის მარტო ამნისტია, მერია ამბობს, რომ დღეიდან ექსპლუატაციაში მიღების სტანდარტის გამკაცრებას იწყებს. პრობლემა მდგომარეობს შემდეგში– მერიას იმისთვის, რომ მორალური უფლება ჰქონდა ეთქვა, რომ დღეიდან პირობების გამკაცრებას იწყებს, ამისთვის სჭირდებოდა გაეკეთებინა ამნისტია. მთელი შინაარსი არის ის, რომ „აქამდე რაც იყო გვესმის, ამიტომ ამნისტიას ვაცხადებთ, ხოლო დღეს ვიწყებთ სუფთა ფურცლიდან მაგრამ, ვიქნებით ძალიან მკაცრები“, ეს არის ის, რამაც გამოიწვია საკანონმდებლო ინიციატივის შემოტანა“,- განმარტავს თორნიკე აბულაძე.   


„კომერსანტთან“ საკანონმდებლო პაკეტზე საუბრობს georgian construction company -ის დამფუძნებელი ჯუნა თუთბერიძე , რომელიც თვლის, რომ ბინების ექსპლუატაციაში მიღება სწორი გადაწყვეტილებაა


„კანონპროექტს კარგად არ ვიცნობ, საინტერესოა რა შენობებზეა საუბარი. ერთის მხრივ, კარგია, რომ ამნისტია მოხდება, მაგრამ კრიტერიუმები დაცული უნდა ჰქონდეს შენობებს ექსპლუატაციაში მიიღებისას. ესე უბრალოდ ამნისტიის გამოცხადება მგონია, რომ საშიშია, ისედაც იმდენი უბედური შემთხვევები ხდება. თუ საუბარია მცირე გადაცდომებზე, მაშინ კარგი ინიციატივაა, რადგან ხშირად ასეთ საცხოვრებლ სახლებში  ადამიანები უკვე ცხოვრებენ. შეიძლება ეს იყოს ბიზნესის არათანაბარ პირობებში ჩაყენება მაგრამ, იმ ადამაინებმა რა დააშავეს, რომლებსაც სახლი ნაყიდი აქვთ და წლებია ცხოვრობენ. ერთჯერადი ამნისტია ალბათ კარგი იქნება, მაგრამ მომავლში აღარ უნდა გამეორდეს დარღვევები, რათა აღარ მოგვიწიოს სახელმწიფოს ამნისტიის გამოცხადება“,- განაცხადა ჯუნა თუთბერიძემ.

 

შეგახსენებთ, რომ ექსპლუატაციაში მიღება იმ ობიექტებს ეხება, რომლებზეც გაცემულია მშენებლობის ნებართვა და 2019 წლის 15 მაისის მდგომარეობით მშენებლობა დასრულებულია, გარდა მოსაპირკეთებელი და კეთილმოწყობის სამუშაოებისა.დაინტერესებულმა პირმა, ობიექტის ექსპლუატაციაში მიღების მიზნით, სამშენებლო საქმიანობაზე სახელმწიფო ზედამხედველობის ორგანოს კანონის ამოქმედებიდან ერთი წლის ვადაში უნდა მიმართოს.

 

აღსანიშნავია, რომ სანებართვო პირობების დარღვევით ნაწარმოები მშენებლობების ექსპლუატაციაში მიღება - ე.წ ამნისტია არ გულისხმობს დაკისრებული ჯარიმებისგან გათავისუფლებას ან სამშენებლო სამართალდარღვევის ჩადენისათვის ბიუჯეტში ჯარიმის, საურავის ან მისი ნაწილის სახით გადახდილი თანხის სამართალდამრღვევ სუბიექტისათვის უკან დაბრუნებას.

 

“საქართველოს სივრცის დაგეგმარების, არქიტექტურული და სამშენებლო საქმიანობის კოდექსის“ გარდა, ცვლილებები სისხლის სამართლის კოდექსშიც“ ხორციელდება, რომლის მიხედვით, შესაბამისი ნებართვის გარეშე მშენებლობა, მშენებლობის წარმოება სანებართვო პირობების დარღვევით და მშენებლობის შეჩერების შესახებ დადგენილების შეუსრულებლობა სისხლის სამართლის პასუხისმგებლობას გამოიწვევს.

 

საკანონმდებლო პაკეტი პარლამენტს დაახლოებით ერთი თვის წინ წარედგინა.

 

ბაჩო ადამია





შარლ მიშელის დოკუმენტს „ქართულმა ოცნებამ“ და ოპოზიციის ნაწილმა ხელი მოაწერა - შეთანხმების ტექსტს ამ ეტაპზე არ უერთდება „ნაცმოძრაობა“ და „ევროპული საქართველო“

შარლ მიშელის დოკუმენტს „ქართულმა ოცნებამ“ და ოპოზიციის ნაწილმა ხელი მოაწერა - შეთანხმების ტექსტს ამ ეტაპზე არ უერთდება „ნაცმოძრაობა“ და „ევროპული საქართველო“
access_time2021-04-19 22:30:00
შარლ მიშელის დოკუმენტზე - „საქართველოს წინსვლის გზა“ ხელისუფლებასა და ოპოზიური პარტიების ნაწილს შორის შეთანხმება შედგა. დოკუმენტს ხელი რამდენიმე წუთის წინ, ორბელიანის სასახლეში მოეწერა. კერძოდ, შეთანხმების ტექსტს ოპოზიციური სპექტრიდან ხელი მოაწერეს „სტრატეგია აღმაშენებლის“ თავმჯდომარე გიორგი ვაშაძემ, „ლელოს“ ლიდერებმა - ბადრი ჯაფარიძემ და მამუკა ხაზარაძემ, „რესპუბლიკური პარტიის“ თავმჯდომარე ხათუნა სამნიძემ, „მოქალაქეების“ თავმჯდომარე ალეკო ელისაშვილმა და „გირჩის“...

სუპერლიგას ევროპელი ლიდერებიც ეწინააღმდეგებიან - ყველაფერი ახალი ლიგის შესახებ

სუპერლიგას ევროპელი ლიდერებიც ეწინააღმდეგებიან - ყველაფერი ახალი ლიგის შესახებ
access_time2021-04-19 19:00:59
სუპერლიგის შექმნა ასეთი რეალური არავის ეგონა. თუმცა გუშინ ღამით ოფიციალურად შექმნეს ახალი ტურნირი და მაშინვე დაიწყო ვარაუდები, პრეტენზიები და მუქარები. მივყვეთ მოვლენებს.   12-მა კლუბმა გადაწყვიტა, რომ უეფასა და ღარიბი გუნდებისთვის ფულის გაყოფა არ სურთ და ახალი ტურნირის შექმნა მოიფიქრეს. ინიციატორები ფლორენტინო პერესი და ანდრეა ანიელი იყვნენ. რეალის ბოსი პრეზიდენტი იქნება, იუვეს ხელმძღვანელი და მანჩესტერის მფლობელი ჯოელ გლეიზერი - ვიცე-პრეზიდენტები.   ლა...

დოლარისგან გათავისუფლება და მოსახლეობის კონტროლი - რისთვის ქმნის ჩინეთი ახალ ციფრულ ვალუტას?!

დოლარისგან გათავისუფლება და მოსახლეობის კონტროლი - რისთვის ქმნის ჩინეთი ახალ ციფრულ ვალუტას?!
access_time2021-04-19 20:00:01
გასულ წელს ჩინეთმა  საკუთარი ციფრული ვალუტის გატესტვა დაიწყო, რომლის გამოყენებისთვისაც საჭირო არ იქნება ბანკში ანგარიშის ქონა და არც ინტერნეტი. ხელისუფლება აცხადებს, რომ ეს გადახდის სისტემას უფრო ხელისაწვდომს გახდის, ხოლო ეკონომიკას დოლარისგან დამოუკიდებელს. ექსპერტები კი ეჭვობენ, რომ ამ გზით მთავრობა მოსახლეობის კონტროლის კიდევ ერთ მექანიზმს ქმნის. რისთვის სჭირდება ჩინეთს ციფრული ვალუტა,  რომელიც გამოსაცდელად უკვე რამდენიმე მილიონობით გადაეცა...

დღის top 10 საინტერესო ამბავი

დღის top 10 საინტერესო ამბავი
access_time2021-04-19 21:00:13
დღის top 10 საინტერესო ამბავი: რეფინანსირების ისტრუმენტი , რომელსაც ეროვნული ბანკი იყენებს ლარის კურსზე დამატებითი წნეხია ლარის კურსზე გავლენას ეროვნული ბანკის ქმედებები, ბიუჯეტის ხარჯვის გრაფიკი და მოლოდინებიც ახდენს, მთგან...

19 აპრილი - რეგიონში ქართული ლარი გამყარდა, თურქული ლირა და სომხური დრამი გაუფასურდა

19 აპრილი - რეგიონში ქართული ლარი გამყარდა, თურქული ლირა და სომხური დრამი გაუფასურდა
access_time2021-04-19 18:00:59
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 19 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 19 აპრილის ვაჭრობის შედეგად (რომლის ოფიციალური კურსი 20 აპრილისთვისაა) ეროვნული...


მსგავსი სიახლეები

up