წლის პირველ ნახევარში ბენზინის, დიზელისა და საცხებ-საპოხი მასალების იმპორტი გაიზარდა, საავიაციო ნავთი კი შემცირდა. ინფორმაციას ნავთოპროდუქტების იმპორტიორთა კავსირი ავრცელებს.
2021 წლის ივნისში საქართველოში საცხებ-საპოხი მასალების იმპორტმა 1.67 ათასი ტონა შეადგინა, რაც გასული წლის ანალოგიური პერიოდის მაჩვენებელთან (1.47 ათასი ტონა) შედარებით 0.2 ათასი ტონით - 13.6%-ით მეტია.
იანვარ-ივმისში საცხებ-საპოხი მასალების იმპორტი, გასული წლის ანალოგიურ პერიოდთან შედარებით 16.7%-ით 8.81 ათას ტონამდე გაიზარდა, რაც თავის მხრივ პანდემიამდელ მაჩვენებელს 6.9%-ით ჩამორჩება.
ივნისში საცხებ-საპოხი მასალების იმპორტის 18% ირანიდან განხორციელდა, 15% რუსეთიდან, 14.4% თურქეთიდან და 9.6% გერმანიიდან.
ივნისში 4.6%-ით 6.8 ათას ტონამდე გაიზარდა საავიაციო ნავთის იმპორტიც. იმპორტის 44.1% თურქმენეთიდან განხორციელდა, 29.4% იტალიიდან. 10.3% თურქეთიდან და 1.5% საბერძნეთიდან.
წლის პორველ ნახევარში, გასული წლის ანალოგიურ პერიოდთან შედარებით საავიაციო ნავთის იმპორტი 2.8%-ით 28.1 ათას ტონამდე შემცირდა. ისევე როგორც ივნისში, ექვსთვიან ჭრილშიც იმპორტსი თურქმენეთი ლიდერებობს. მისი წილი ბაზარზე 62%-ს აღწევს.
მიმდინარე წლის იანვარ-ივნისში 6.9%-ით, 532 ათას ტონამდე გაიზარდა საწვავის იმპორტიც. ბენზინის იმპორტი დიზელისას უტოლდება და თითოეულ შემთხვევაში 266 ათას ტონას უდრის.
ფასების ზრდის გამო თანხობრივმა ზრდამ, რაოდენობრივ ზრდას გადააჭარბა. 6 თვეში ნავთოპროდუქტების იმპორტი, გასული წლის ანალოგიურ პერიოდთან შედარებით, $96 მლნ-ით $327 მლნ-მდე გაიზარდა.