5,5%-იანი ეკონომიკური ზრდით დასავლეთის ქვეყნების დასაწევად საქართველოს 70 წელი დასჭირდება

5,5%-იანი ეკონომიკური ზრდით დასავლეთის ქვეყნების დასაწევად საქართველოს 70 წელი დასჭირდება

access_time2018-08-30 18:30:24

ქვეყნის ეკონომიკური ზრდა კვლავ მოსახლეობის კეთილდღეობის მიღმა რჩება. როგორც სპეციალისტები ვარაუდობენ, ასე გაგრძელდება მომავალშიც, სანამ ორნიშნა ეკონომიკური ზრდა არ მიიღწევა, რაც საკმაოდ შორეული პერსპექტივაა. აქედან გამომდინარე, ფუჭია იმედი, რომ მშპ-ს ზრდა მოსახლეობის მდგომარეობაზე სასიკეთოდ აისახება, რაც ვერც 5,5%-იანი ეკონომიკური ზრდით გახდება შესაძლებელი. როგორც ცნობილია, სავალუტო ფონდმა 2018 წლისთვის საქართველოს ეკონომიკური ზრდის პროგნოზი სწორედ 5.5 პროცენტამდე გაზარდა, რასაც ჩვენი საზოგადოების დადებითი გამოხმაურება მოჰყვა.


თუმცა საუბარია იმაზეც, რომ ეკონომიკური ზრდის ასეთი ტემპი ქვეყნის სოციალურ ფონს დიდად ვერ შეცვლის, რათა მასების კეთილდღეობაზე გავლენა იქონიოს. საგულისხმოა, რომ არა მარტო წელს, ეკონომიკური ზრდის გავლენა მოსახლეობაზე მოკლე და საშუალოვადიან პერიოდებშიც ნაკლებად მოსალოდნელია. ექსპერტებს მიაჩნიათ, რომ ამ ორი პროცესის (მშპ-ს ზრდა და მოსახლეობის კეთილდღეობა) თანხვედრა შესაძლებელია დაახლოებით 2020 წლიდან, რაც სამუშაო ადგილების შექმნითა და წარმოების განვითარებით იქნება შესაძლებელი.


ჯერჯერობით კი, როცა ხელისუფლების ხელის შემყურეა ლამის მთელი საქართველო და შემწეობის მიმღებთა რაოდენობა ნახევარ მილიონს აჭარბებს, მოსახლეობის კეთილდღეობა და მდგრადი განვითარება კეთილ სურვილს ჰგავს, რომელსაც ხალხი არჩევნების წინ ისმენს.


თუმცა ოფიციალური სტატისტიკა საკმაოდ იმედიანად განგვაწყობს, რასაც უცხოური ორგანიზაციების კვლევებიც ამყარებს.


ეკონომიკური ზრდის ტემპი არ აეჭვებთ ეკონომიკის სფეროს წამყვან სპეციალისტებს, რომლებიც მთავრობას ურჩევენ, აქცენტი წარმოების განვითარებასა და სამუშაო ადგილების შექმნაზე დასვან.


ეკონომისტი ემზარ ჯგერენაია ფიქრობს, რომ ეკონომიკური ზრდის გავლენა მოსახლეობის კეთილდღეობაზე მხოლოდ რამდენიმე წლის შემდეგ იქნება შესაძლებელი.


“ქვეყნის ეკონომიკა და მოსახლეობა დღეს სხვადასხვა გზით მიდიან. ამიტომაა, რომ მშპ-ს ზრდა სოციალური ფონის გაუმჯობესებას ვერ განაპირობებს. ეს პროცესები ხალხის შემოსავალზე ასე სწრაფად არ აისახება. ქვეყნის ეკონომიკური ზრდის სიკეთე შეიძლება იგრძნონ რამდენიმე წლის შემდეგ, ჯერჯერობით ეს შეუძლებელია. ალბათ დაახლოებით 2020 წლის შემდეგ უფრო შესამჩნევი გახდება მოსახლეობისთვის ეკონომიკური ზრდის პოზიტიური გავლენა. რაც შეიძლება ამ მხრივ მოქმედებდეს და შეიძლება სამუშაო ადგილები შექმნას, სწრაფი ეკონომიკური ზრდაა, მაგრამ საქართველოში ასეთი რეალობა დღესდღეობით არ არის. მარტივი საქმე როდია, როცა სოციალურ შემწეობას ნახევარი მილიონი ადამიანი იღებს. კარგია, რომ სახელმწიფო ეხმარება საკუთარ მოქალაქეებს, მაგრამ გაცილებით უკეთესი იქნებოდა, ასეთი საჭიროება არ იდგეს ქვეყნისთვის. წარმოების განვითარებისა და სამუშაო ადგილების შექმნის გარეშე არაფერი გამოვა. პირველ რიგში, ეს პრობლემა უნდა მოგვარდეს. ჩვენ გვინდა რეალური სამუშაო ადგილები და არა პოპულიზმი, რითაც ქვეყანა ვერასდროს წავა შორს”, – აცხადებს ჯგერენაია.


ეკონომისტ ირაკლი მაკალათიას განცხადებით, პროგნოზი არ ნიშნავს ზუსტ ციფრს, ამიტომ საერთაშორისო ორგანიზაციების პროგნოზებში ცდომილების ზღვარი ყოველთვის გათვალისწინებულია. როგორც მან “კომერსანტს” განუცხადა, სავალუტო ფონდის პროგნოზი რეალისტურია, განსაკუთრებით, თუ გავითვალისწინებთ 2018 წლის პირველ კვარტალში არსებულ 5.3-პროცენტიან ზრდას.


როგორც მაკალათიამ აღნიშნა, 2012 წლის შემდეგ 5 პროცენტზე მაღალი ეკონომიკური ზრდა საქართველოს არ ჰქონია, თუმცა 5.5-პროცენტიანი ზრდა საქართველოს ეკონომიკისთვის გარდამტეხი არ იქნება. “ეს მაჩენებელი დაბალია, განსაკუთრებით საქართველოსა და მსგავსი ტიპის ქვეყნებისთვის. ჩვენთან განვითარებაზე რომ ვისაუბროთ, ორნიშნა ეკონომიკური ზრდა უნდა იყოს,” – განაცხადა მაკალათიამ.


სპეციალისტების ნაწილი ვარაუდობს, რომ ეკონომიკური ზრდის სარგებელს მოსახლეობა მიიღებს, თუმცა ეს პროცესი იმდენად ნელი ტემპით მიმდინარეობს, რომ ძნელად შესამჩნევია.


ანალიტიკოსი მერაბ ჯანიაშვილი აცხადებს, რომ ეკონომიკური ზრდის ტემპით საქართველოს დასავლეთის ქვეყნების დასაწევად, სულ მცირე, 70 წელი დასჭირდება. ქვეყანას კი უნდა ჰქონდეს ორნიშნა ეკონომიკური ზრდა, რომ რეალურად მიიღოს სარგებელი.


მერაბ ჯანიაშვილი: “ხელისუფლებას მრავალწლიანი პროცესი აქვს გასავლელი. მოსახლეობის კეთილდღეობაზე ვსაუბრობთ, მაგრამ ცალკე საკითხია, დასახელებული ეკონომიკური მაჩვენებელი არის თუ არა საკმარისი ქვეყნის ეკონომიკური განვითარებისთვის. ცხადია, რომ არა! თუმცა ისიც უნდა ვაღიაროთ, რომ მოსახლეობის ცხოვრების დონე იცვლება უკეთესობისკენ, რაც არ უნდა იყოს შეუმჩნეველი. გააჩნია, როგორი ტემპით მიდის ეს პროცესი. ჩვენ გვქონდა ქვეყანაში ტენდენცია – 2007-2009 წლებში ეკონომიკა სწრაფად იზრდებოდა, მაგრამ მატულობდა უმუშევრობის მაჩვენებელი და სოციალური უთანასწორობა. მოსახლეობის მცირე ნაწილი მდიდრდებოდა და უმრავლესობა ღარიბდებოდა. დღეს ეკონომიკაში გვაქვს 5,5%-იანი ზრდა, რაც საზოგადოების დიდ ფენაზეც აისახება, მაგრამ ძალიან მცირე დოზით, რის გამოც ხალხი ამ სიკეთეს საკუთარ ჯიბეზე ვერ იგრძნობს.


დღეს ჩვენ სხვა რეალობაში ვართ, უმუშევრობისა და სიღარიბის მაჩვენებელი არ იზრდება, რაც გვაიმედებს, რომ მოსახლეობა ეკონომიკური ზრდისგან გარკვეულ სარგებელს მიიღებს. ეს პროცესი საყოველთაოდ ვერ გახდება შესამჩნევი, რადგან მშპ-ს 5,5%-იანი ზრდით სარგებელს დიდად ვერ ვიგრძნობთ. მაგალითისთვის, ბალტიისპირეთის ქვეყნებს ცხოვრების დონით საქართველო 2-ჯერ ჩამორჩება, მაგრამ რა დონეზეც ისინი არიან, ამის მიღწევა ჩვენი ქვეყნისთვის დიდი შეღავათი ნამდვილად ვერ იქნება. ჩვენ გვინდა, დასავლეთი და ჩრდილოეთი ევროპის ქვეყნების დონეზე მივიდეთ. ამისთვის კი 5,5%-იანი ეკონომიკური ზრდა არასაკმარისია. ამ ტემპით მათ დასაწევად 70 წელიც შეიძლება დაგვჭირდეს. ეკონომიკას ახასიათებს როგორც აღმასვლის, ასევე დაღმასვლის ციკლი. ამ თვალსაზრისით, 2014 წელი საკმაოდ კრიზისული იყო. 2017 წელს ვითარება გამოსწორდა და მიმდინარე წლის პირველი ნახევარიც ნორმალურია. რეგიონშიც თითქმის ყველგან უკეთესი მდგომარეობაა, ასევე – ჩვენს სავაჭრო პარტნიორ ქვეყნებშიც. ვფიქრობ, რომ არსებული ეკონომიკური ზრდის პროგნოზის გამართლება სავსებით ლოგიკურია, მაგრამ ჩვენ გაცილებით მეტი გვინდა”.


რეზონანსი





საცხობების ქსელი ანტრე ლონდონში გაიხსნება

საცხობების ქსელი ანტრე ლონდონში გაიხსნება
access_time2020-02-22 19:10:48
საცხობების ქსელი ანტრე ლონდონში გაიხსნება. ქსელის პირველი კაფე ნოთინგ ჰილ გეითის # 138 ში სტუმრებს 2020 წლის ზაფხულიდან უმასპინძლებს. “ანტრე ლონდონი” კომპანიის საერთაშორისო ექსპანისიის ნაწილია, რომელიც თბილისის და ბაქოს შემდეგ მესამე ქალაქს წარმოადგენს.ანტრე თანამედროვე, ჯანსაღი ცხოვრების მოყვარულთა არჩევანია, რომელმაც რეპუტაცია უმაღლესი ხარისხის ხელნაკეთი პროდუქტების წარმოებით მოიპოვა.“ანტრე ლინდონი” ბრიტანულ ბაზარზე საინტერესო სინთეზით...

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“
access_time2020-02-22 18:00:21
თუ გაქვთ სურვილი და, იმავდროულად, თანხაც, თბილისში ახალი ადგილი შექმნათ, სადაც ადამიანები სიამოვნებით ივლიან და გემრიელ კერძებს დააგემოვნებენ, ეს სულაც არ ნიშნავს იმას, რომ ოცნების რეალობად ქცევისთვის ყველა საჭირო ბერკეტს...

ელექტრო სიგარეტების მწარმოებლებს ახალი რეგულაციების დაცვა მოუწევთ

ელექტრო სიგარეტების მწარმოებლებს   ახალი რეგულაციების დაცვა მოუწევთ
access_time2020-02-22 17:00:16
 მშვიდობით, არომატიზირატორებო ტკბილი ბამბის, ხილის ნარევების და კრემ-ბრიულეს გემოთი. ახლო მომავალში, ყველა ეს არომატი, რომელიც ახალისებს ელექტრო სიგარეტების - ვეიპების -  მოხმარებას შტატებში, გავა მოდიდან, ხოლო მწარმოებელ-კომპანიებს  ახალი რეგულაციების დაცვა მოუწევთ.აშშ-ის კვების პროდუქტების და წამლების ხარისხის სანიტარული ზედამხედველობის სამსახურის ბრძანებით, ვეიპების სითხეს უნდა ჰქონდეს  კლასიკური თამბაქოს და მენთოლის გემო, სხვა  ყველაფერი დანარჩენი...

„ხან ერთი ტრანსფორმატორი ფეთქდება, ხან - მეორე“ - მაინინგის გამო ჩაბნელებული სვანეთი

„ხან ერთი ტრანსფორმატორი ფეთქდება, ხან - მეორე“ - მაინინგის გამო ჩაბნელებული სვანეთი
access_time2020-02-22 16:00:15
სვანეთში კრიპტოვალუტის მაინინგის გამო მოსახლეობას ელექტროენერგია შეზღუდვით მიეწოდება. ადგილობრივები პრობლემის მოგვარებას ითხოვენ, თუმცა გამრიცხველიანების წინააღმდეგნი არიან. „ენერგო-პრო ჯორჯიამ“ აღმოაჩინა, რომ შარშან სვანეთში ელექტროენერგიის მოხმარებამ მოულოდნელად მკვეთრად იმატა. კომპანიის ანალიზით, გასული წლის დეკემბერში მესტიის რაიონმა იმდენივე ელექტროენერგია მოიხმარა, რამდენიც ერთად აღებულმა 19 რაიონმა. კომპანიაში განაცხადეს, რომ დენის მოხმარების...

„სქაი ბარი“ პეკინის 3 - სახიფათო ზონა ტურისტებისთვის

„სქაი ბარი“ პეკინის 3 - სახიფათო ზონა ტურისტებისთვის
access_time2020-02-22 14:10:33
ეთნო რალის დამფუძნებელი ალექსანდრე გიორგაძე სოციალურ ქსელში წერს, რომ პეკინის 3 ნომერში განთავსებულ ბარ “სქაიში” მასთან სტუმრად მყოფ ტურისტებს 2 ლუდში 3100 ლარი გადაახდევინეს. „კიდევ ერთი თაღლითური შემთხვევა. 2 ლუდში გადაახდევინეს 3100 ლარი. ამჯერად ჩემს სტუმრებს შეემთხვათ. მესამედ არიან უკვე ჩემთან. ვმეგობრობთ, სიგიჟემდე უყვართ საქართველო. სქემა მარტივი. შევიდნენ ლუდისთვის, მიუჯდა 2 გოგო, სთხოვეს დალევა. ამათ უარი უთხრეს. ცოტა ხანში მოდის შამპანური. ეს გოგონები 5 წუთში...


მსგავსი სიახლეები

up