1 ივლისიდან გადაუდებელ სამედიცინო დახმარებასა და კარდიოქირურგიაში სანებართვო მოთხოვნები მკაცრდება

1 ივლისიდან გადაუდებელ სამედიცინო დახმარებასა და კარდიოქირურგიაში სანებართვო მოთხოვნები მკაცრდება

access_time2020-05-25 10:00:57

საქართველოს მთავრობის № 520-ე დადგენილების ამოქმედების შემდეგ ახალი ცვლილებების დრო დადგა. ამჯერად, საქმე ეხება №385-ე დადგენილებას, რომელიც სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესსა და პირობებს არეგულირებს. კერძოდ, 394-ე და 149-ე დადგენილებებით, 385-ე დადგენილებაში ცვლილებები შევიდა, რომლის საფუძველზეც გამკაცრდა სანებართვო მოთხოვნები „გადაუდებელი სამედიცინო დახმარების (EMERGENCY)“ და კარდიოქირურგიის მიმართ.

 

2020 წლის 6 მარტის დადგენილებაში ვკითხულობთ, რომ კარდიოქირურგიული მომსახურების მიმწოდებელი ყველა სტაციონარული დაწესებულება ვალდებულია, 2020 წლის 1 ივლისამდე თავისი საქმიანობა შესაბამისობაში მოიყვანოს ამ დანართით განსაზღვრულ პირობებთან და 2020 წლის 31 დეკემბრამდე მოიპოვოს ნებართვის დანართი – „კარდიოქირურგიული მომსახურება“. აღსანიშნავია, რომ დანართით დადგენილი და განსაზვღრული ახალი მოთხოვნების რაოდენობა საკმაოდ ბევრია. 

 

კლინიკა „გულის“ გენერალური დირექტორი, ანზორ მელია იმ პრობლემებზე საუბრობს, რომელსაც 385-ე დადგენილება ჰოსპიტალურ სექტორს შეუქმნის. ექიმი აცხადებს, რომ მაშინ როდესაც ქვეყანაში ურთულესი მდგომარეობაა და კლინიკების შემოსავალი მინიმუმამდეა დასული, საქართველოს მთავრობის დადგენილება დამაზიანებელია. კარდიოლოგი „კომერსანტთან“ ახლად დადგენილ იმ რამდენიმე მოთხოვნას განხილავს, რომელიც ჰოსპიტალურ სექტორს მნიშვნელოვან ფინანსურ პრობლემებს შეუქმნის.

 

გვახრჩობენ, არ შეიძლება ასე. ერთ-ერთი პუნქტი გულისხმობს იმას, რომ კომპიუტერულ-ტომოგრაფიული სერვისი ადგილზე იყოს ხელმისაწვდომი. მანამდე გამოქვეყნებული დადგენილებით, მონო-პროფილურ კლინიკებს, შეეძლოთ ხელშეკრულება გაეფორმებინათ სხვა კლინიკასთან, რომელსაც აქვს კომპიტერული ტომოგრაფი ერთ მისამართზე. ჩემგან 50 მეტრში არის 2 კომპიუტერული ტომოგრაფი. გვეგონა, რომ გადავრჩებით, ახლა როდესაც მომართვიანობა შემცირებულია, როდესაც 520-ე დადგენილებამ ყველა ცუდ მდგომარეობაში ჩაგვაგდო, კიდევ ახალი ხარჯები წარმოგიდგენიათ რას ნიშნავს კლინიკისთვის? იგივე კომპიუტერული ტომოგრაფიის აპარატი, რომელიც დაახლოებით 150 000 ევრო ღირს, შემდეგ ტექნიკის განთავსებისთვის ფართი უნდა მოაწყო, ბარიუმით უნდა დაფარო კაბინეტი, საბოლოოდ ყველა ხარჯი 200 000 ევრომდე დამიჯდება. როდესაც კომპიუტერული ტომოგრაფი მჭირდებოდა, პაციენტი ჩემი სასწრაფოთი 50 მეტრში მიმყავდა და არავითარი პრობლემა არ იქმნებოდა. კლინიკაში მე მაქვს ექო-კარდიოსკოპი, რომელიც გულის გამოკვლევების ყველა მონაცემს აკმაყოფილებს, ახალი დადგენილებით ითხოვენ 3D ექო-კარდიოსკოპიის აპარატს, რომელიც იშვიათად დამჭირდება. საბედნიეროდ შემიძლია პროგრამულად მოვაგვარო, მაგრამ ესეც ხომ ხარჯია. გარდა ამისა, არის ისეთი წვრილმანები, რომელიც ამოსუნთქვის საშუალებას არ გვაძლევს“, - განაცხადა ანზორ მელიამ.

 

44 წლის სტაჟის მქონე კარდიოლოგი აცხადებს, რომ საქართველოს მთავრობის მიერ ბოლო პერიოდში მიღებული გადაწყვეტილებები ჯანდაცვის სექტორის დანგრევისკენაა მიმართული. მისი თქმით, ხელისუფლების მიერ გადადგმული ნაბიჯებით ჰოსპიტალური სექტორი განვითარებას შეწყვეტს.


 

ეჭვი მაქვს, რომ ეს ყველაფერი მიმართულია იმისკენ, რომ დიდმა კლინიკებმა იარსებონ, ხოლო პატარა კლინიკები ჩაიძიროს. საქართველოს მთავრობა ქართულ მედიცინას ანგრევს, ექიმების გადაკიდება მათ ძალიან ძვირი დაუჯდებათ. იმის გათვალისწინებით, რომ ოპოზიციონერის მამა ვარ და ყოველთვის თავს ვიკავებ აზრის გამოთქმისგან, ეს იმას არ ნიშნავს, რომ ყველაფერი მომწონს. ჩემი აზრით, მსგავს დამანგრეველ გადაწყვეტილებებს ჯანდაცვის სამინისტრო კი არ იღებს, არამედ მთავრობა და პარლამენტი. ჯანდაცვის სამინისტროსთან პრეტენზია არ მაქვს, ყველანაირად გვერდში გვიდგანან, რასაც ვერ ვიტყვი მთავრობაზე. ჩვენთან ახლა ისეთი უნიკალური ოპერაციები ტარდება, რაც ევროპის წამყვან კლინიკებშიც კი იშვიათობაა. ესენი კი უფრო და უფრო აუარესებენ სამედიცინო სფეროს, რატომ უნდათ ექიმები საზღვარგარეთ წავიდნენ? რატომ უნდათ რომ ჯანდაცვის სექტორი არ განვითარდეს? “ , -  აცხადებს ანზორ მელია.

 

ახალ პირობებზე გადაწყობა სავარაუდოდ მთელ ჰოსპიტალურ სექტორს მოუწევს, რადგან ახალი დადგენილება როგორც უკვე აღვნიშნეთ „გადაუდებელი სამედიცინო დახმარების (EMERGENCY)“ მიმართულებითაც გამკაცრდა. შეიცვალა სტაციონარული დაწესებულების სანებართვო პირობები, რაზეც „კომერსანტთან“ „თბილისის ცენტრალური საავადმყოფოს“ დირექტორი, გიორგი ლობჟანიძე საუბრობს. ჰოსპიტალური სექტორის წარმომადგენელი აცხადებს, რომ დადგენილებაში არის საკითხები, რომელიც მსჯელობის საგანი უნდა გახდეს. ქვეყანაში შექმნილი რთული მდგომარეობის გათვალისწინებით, „თბილისის ცენტრალური საავადმყოფოს“ დირექტორს აქვს მოლოდინი, რომ რეგულაციების ძალაში შესვლის თარიღი გადაიწევს.

 

დადგენილება განსაზღვრავს გადაუდებელი დეპარტამენტის და კარდიოქირურგიული დეპარტამენტის ინფრასტრუქტურული მოწყობის წესს. არის მოთხოვნები, რომელიც საჭიროებს მნიშვნელოვან ინფრასტრუქტურულ ცვლილებებს. მაგალითად, ემერჯენსში ძველი რეგულაციებით ერთ პაციენტზე გათვლილი თუ გვქონდა რვა კვადრატული მეტრი, ახლა სავალდებულოა 12 კვადრატული, იქ სადაც იზოლირებული საწოლებია, ის კედლები მთლიანად უნდა მოიშალოს და აშენდეს ახალი რეგულაციის მიხედვით. ამ სამუშაოების განხორციელება ახლა ფიზიკურად შეუძლებელია. ამ საკითხზე შეხვედრებიც გაიმართა სამინისტროსთან სადაც ვთქვით, რომ რაციონალურად არ გამოიყურება ის მოთხოვნები რომელიც დაწესებულია. მაგრამ შემდეგ ეპიდემიის გამო განხილვები შეჩერდა. 385-ე დადგენილება იმ ფორმით არის ახლაც და გვავალდებულებს ეს პირობები წლის ბოლომდე განვახორციელოთ“, - განმარტავს გიორგი ლობჟანიძე.

 

„Medi Club Georgia“ - ს დირექტორი გიორგი გოცაძე  აცხადებს, რომ მოთხოვნები რეალურად ასახავს იმ წესებს, რომელიც უნდა იყოს გადაუდებელი დახმარების დეპარტამენტში. მისი თქმით, დადგენილება საერთაშორისო სტანდარტებთანაა მიბმული და  მეტნაკლებად ადაპტირებულია ქართულ რეალობასთან.

 

„ცვლილებები შეიძლება ვიღაცებისთვის მოულოდნელი იყოს, მაგრამ რაღაცები გასაკეთებელი იქნება ნამდვილად.  კლინიკებისთვის ნამდვილად რთულია მოთხოვნების შესრულება იმ რთულ რეალობაში, რომელიც დღესაა, ამიტომ კომპრომისები უნდა დაიშვას, როდესაც ეს ცვლილებები დაიგეგმა იმ დროს ასეთი კრიზისული მდგომარეობა არ ყოფილა ქვეყანაში. რამდენად უპრიანია ყველაფერი ასეთ მტკივნეულ პერიოდში შეცვალო, არ ვიცი, არ მგონია რომ ეს კარგი იყოს“, -  განაცხადა გიორგი გოცაძემ.

 

შეგახსენებთ, რომ 2019 წლის 21 ნოემბერს ძალაში შევიდა საქართველოს მთავრობის 520-ე დადგენილება, რომელიც საყოველთაო ჯანდაცვის პროგრამაში ჩართული კლინიკებისთვის ტარიფების გათანაბრებას გულისხმობდა. მიღებული გადაწყვეტილება უკვე 6 თვეა ექიმებისა და კლინიკების მფლობელთა უკმაყოფილების მიზეზია. ჰოსპიტალური სექტორი ერთხმად აცხადებს, რომ დადგენილი ტარიფები რეალობას არ შეესაბამებოდა და 520-ე დადგენილებით ფინანსური რესურსი რითაც სახელმწიფო პაციენტის მკურნალობას აფინანსებდა შემცირდა.

 

ბაჩო ადამია





რეგიონის ქვეყნების ვალუტებიდან მხოლოდ ლარი გაუფასურდა

რეგიონის ქვეყნების ვალუტებიდან მხოლოდ ლარი გაუფასურდა
access_time2021-06-25 18:00:54
რამდენიმე დღიანი გამყარების შემდეგ ლარმა კვირა გაუფასურებით დაასრულა. 25 ივნისის ვაჭრობის შედეგად ლარი დოლართან მიმართებაში 0.19 თეთრით 3.1489-მდე გაუფასურდა. Bloomberg-ის სავაჭრო პლატფორმაზე კი კურსი უცვლელად 3.1450-ზე ნარჩუნდება. დოლარის გარდა ლარი 0.1 თეთრით 3.7601-მდე გაუფასურდა, ფუნტთან მიმართებაში კი პირიქით 1.97 თეთრით 4.3789-მდე გაუფასურდა. რაც შეეხება მეზობელი ქვეყნების ვალუტებს, ლარი თირქულ ლირასთან 0.02 თეთრით 0.3626-მდე გამყარდა, აზერბაიჯანულ მანათთან 0.18...

იპოთეკის სუბსიდირება, ბავშვთა შემწეობის გაორმაგება, ბიზნესის მხარდაჭერა, დასაქმება – პრემიერ–მინისტრის პარლამენტში გამოსვლის ძირითადი თეზისები

იპოთეკის სუბსიდირება, ბავშვთა შემწეობის გაორმაგება, ბიზნესის მხარდაჭერა, დასაქმება – პრემიერ–მინისტრის პარლამენტში გამოსვლის ძირითადი თეზისები
access_time2021-06-25 16:30:13
საქართველოს მე-10 მოწვევის პარლამენტის საგაზაფხულო სესიის 25 ივნისის პლენარული სხდომაზე საქართველოს პრემიერ-მინისტრმა ირაკლი  ღარიბაშვილმა ანგარიში და ქვეყნის  განვითარების 10-წლიანი გეგმა წარადგინა. მისი თქმით, ეკონომიკური სტაბილურობისა და ქვეყნის სიძლიერისთვის რეგიონების განვითარება და ახალი სამუშაო ადგილების შემქნა...

„ტურიზმის სექტორიდან კადრების გადინება ერთ-ერთი მწვავე პრობლემაა, რომელიც სწრაფ და ეფექტიან რეაგირებას საჭიროებს“ - ლევან ვეფხვაძე

„ტურიზმის სექტორიდან კადრების გადინება ერთ-ერთი მწვავე პრობლემაა, რომელიც სწრაფ და ეფექტიან რეაგირებას საჭიროებს“ - ლევან ვეფხვაძე
access_time2021-06-25 14:50:47
საქართველოს ბიზნეს ასოციაციაში ტურიზმის კომიტეტის სხდომა გაიმართა, სადაც სექტორში არსებულ მთავარ გამოწვევად კვალიფიციური კადრების გადინება და შედეგად მათი სხვადასხვა ინდუსტრიებში გადანაწილება დასახელდა. ასოციაციის წევრი კომპანიებისა და კომიტეტის...

თინუსის სენდვიჩი თინუსისა და პურის გარეშე – NYT–ის ჟურნალისტურ გამოძიებას საქართველოში Subway–ს წარმომადგენელი პასუხობს

თინუსის სენდვიჩი თინუსისა და პურის გარეშე –  NYT–ის ჟურნალისტურ გამოძიებას საქართველოში Subway–ს წარმომადგენელი პასუხობს
access_time2021-06-25 16:00:51
Subway–ს რესტორნების ქსელს ახალი პრობლემა აქვს: The New York Times–ის დამოუკიდებელმა გამოძიებამ ირიბად დაადასტურა, რომ პოპულარულ სენდვიჩში ჩადებული თინუსი არ აღმოჩნდა რეალური თინუსი. გამოძიების შედეგი თანხვედრაშია აშშ–ში მიმდინარე წელს გაკეთებულ კოლექტიურ სარჩელთან. გასულ წელს ირლანდიის სასამართლომ დაადგინა, რომ ამ პროდუქტში არც პურია პური. ამის შესახებ The New York Times წერდა. ამ თემაზე „კომერსანტი“ საქართველოში Subway–ს  წარმომადგენელს გივი ორდენიძეს დაუკავშირდა,...

გადაიხადე საკომისიოს გარეშე - აქცია თიბისი ფეისგან

გადაიხადე საკომისიოს გარეშე - აქცია თიბისი ფეისგან
access_time2021-06-25 13:55:24
დღეიდან თიბისი ფეის ვებგვერდსა და აპლიკაციაში ნებისმიერი სერვისის გადახდას საკომისიოს გარეშე შეძლებთ.   თიბისი ფეი არის პორტალი, სადაც თავმოყრილია 1000-ზე მეტი სერვისი. აქ შესაძლებელია გადაიხადოთ სხვადასხვა ტიპის გადასახადი, ასევე გადარიცხოთ ან მოითხოვოთ თანხა.   www.tbcpay.ge-ს მეშვეობით შეგიძლიათ დაფაროთ კომუნალური გადასახადები, საბანკო და სადაზღვევო თანხები, გადაიხადოთ სწავლის საფასური, შეიძინოთ სასაჩუქრე ბარათები...


მსგავსი სიახლეები

up