500 Georgia - 500 Startups-ის აქსელერაციის პროგრამა საქართველოს ბანკის და საქართველოს  ინოვაციებისა და ტექნოლოგიების სააგენტოს მხარდაჭერით დაიწყო. შერჩეულ სტარტაპებს უკვე აქვს შესაძლებლობა სხვადასხვა წარმატებული კომპანიის დამფუძნებლებთან და მენტორებთან ერთად იმუშაონ საკუთარი იდეების დახვეწაში. ამასთან, მოიძიონ ფინანსური რესურსი, მიიღონ საინტერესო ინფორმაცია მარკეტინგის, პროდუქტის დიზაინის, გაყიდვებისა და სხვა მათთვის საჭირო სფეროების შესახებ. აქსელერაციის პროგრამისთვის შეირჩა 9 ქართული და 6 უცხოური კომპანია. ესენია: Nextsale; Mandarin Solutions; Cargon; CARU; FINMAP; CARDEAL; Phubber; Intrro; Stack; Raccoon.World; LiveCaller; WeGoTrip; Tripcars; Echolize ; Lightspeed.

„500Georgia - 500 Startups-ის აქსელერაციის პროგრამაში დაახლოებით ერთი კვირაა ვართ ჩართულები, დაიწყო სესიების და სავარჯიშოების განხორციელება. დარწმუნებით შემიძლია ვთქვა, რომ უმნიშვნელოვანესი პროგრამაა, ჩვენი სტარტაპის განვითარებისთვის კი ბევრად უფრო მნიშვნელოვანი იქნება ვიდრე წარმოგვედგინა. ძალიან კმაყოფილები ვართ, რომ ვიღებთ მონაწილეობას და ყველას ვურჩევთ ანალოგიურ პროგრამებში მაქსიმალურად ჩაერთონ, განსაკუთრებით სტარტაპებმა. მთავარი რასაც ეს პროგრამა მოგვცემს, არის ის რომ სწორად შევძლებთ კომპანიის მართვას, გადაწყვეტილებების მიღებას და სწორი აქცენტების დასმას, ეს კი ჩვენთვის ყველაზე მთავარია. პროგრამა დადებითად მოქმედებს საერთაშორისო რეპუტაციაზეც, ყველა ინვესტორისთვის  მნიშვნელოვანია, რომ სტარტაპს ეს სკოლა გავლილი ჰქონდეს, შესაბამისად უფრო თამამად თანხმდებიან ინვესტიციის ჩადებაზე და უკეთეს პირობებს გვთავაზობენ“, - განაცხადა Phubber-ის თანადამფუძნებელმა გიორგი ჩუგოშვილმა.

აქსელერაციის პროცესი დაყოფილია ორ ნაწილად. პროგრამა წარმოადგენს ინტენსიური და დისტანციური ტრენინგის კომბინაციას, რომელიც 10 თვის განმავლობაში ხორციელდება. სტარტაპერებს მოუწევთ შემდეგი ეტაპების გავლა:

• Foundation boot camp - აქტიური ტრეინინგები მეტორებთან;
• Remote Experimentation - დამოუკიდებლად მუშაობა ტრეინინგებზე მიღებული გამოცდილებით;
• Growth Intensive - პროექტების წარდგენა მენტორებთან და მისი დახვეწა;
• Silicon Valley Immersion - სტარტაპერებისთვის საოცნებო ადგილას 1 თვიანი პროგრამის აქსელერაციის პროგრამის გავლა.

„მოხარულები და ამაყები ვართ, რომ სწორედ საქართველოს ბანკის, როგორც კერძო სექტორის და ძლიერი ფინანსური ინსტიტუტის ჩართულობით უკვე დაიწყო აქსელერაციის პროგრამა. სტარტაპები იწყებენ იმ ძალიან საინტერესო გზას, რაც მათ მისცემს უნიკალურ შესაძლებლობას, იმუშაონ მსოფლიოში ერთ-ერთ ყველაზე აქტიურ ვენჩურული კაპიტალის მქონე კომპანიასთან. ეს არის ქვეყნისთვისაც ძალიან დიდი მნიშვნელობის მქონე მოვლენა და გვიხარია, რომ ამ პროექტს ინოვაციების და ტექნოლოგიების სააგენტოსთან ერთად ვახორციელებთ. გვჯერა, რომ 500 Georgia ხელს შეუწყობს ნიჭიერი ანტრეპრენერების აღმოჩენას, დაეხმარება მათ წარმატებული კომპანიების შექმნაში, რაც საბოლოო ჯამში გლობალური ეკოსისტემის განვითარებას შეუწყობს ხელს. გვინდა წარმატებები ვუსურვოთ მონაწილეებს ჩვენს თავს და ქვეყანას ასეთი მნიშვნელოვანი პროექტის განხორციელებაში“,- აცხადებენ საქართველოს ბანკში.

500 Startups ბიზნეს იდეის საწყის ეტაპზე ინვესტიციის მოზიდვის აქსელერატორია. გარდა თანაინვესტირებისა, 500 Startups ხელს უწყობს ინოვაციური ეკოსისტემების განვითარებას, მხარს უჭერს სხვადასხვა საგანმანათლებლო პროგრამის, ღონისძიების, კონფერენციის ორგანიზებას. 500 სტარტაპმა მსოფლიოს მასშტაბით 1 მილიარდი დოლარის ღირებულების ინვესტირება მოახდინა 17 სტარტაპ კომპანიაში. მათ შორის არიან Credit Karma, Twilio, Canva, Grab, Gitlab, VTS, Bukalapak, The RealReal, Talkdesk, Knotel და Udemy.

(R)