კლასიკური Chevrolet 3100 პიკაპი, 50-იანი წლების შემდეგ, მეორე სიცოცხლეს იწყებს. რეტრო მანქანა წარმოებაში დასაბრუნებლად ემზადება, მაგრამ ახლა უკვე როგორც ელექტრომობილი. ამის შესახებ Carscoops-ი იტყობინება.
Chevrolet 3100-ის ელექტრომობილად გარდაქმნას კალიფორნიული კომპანია Kindred Motorworks-ი ახორციელებს. ბენზინის V8-ის ნაცვლად, პიკაპი 295 ცხენის ძალის ელექტროძრავით იქნება აღჭურვილი.
60 კვტ/სთ ბატარეა 320 კმ დისტანციის გავლას უზრუნველყოფს. ელექტრომობილის დამუხტვას სახლის ელექტროწყაროდან დაახლოებით 9 საათი დასჭირდება.
Chevrolet 3100-ის ტყავის სალონი აქვს, წინა პანელზე კი მულტიმედიური სისტემის სენსორული ეკრანი ექნება დამონტაჟებული. გარდა ამისა, მანქანას დაემატება, გასაღების გარეშე, დისტანციური კარის გაღება-ჩაკეტვისა და შუშების მოძრაობის, სავარძლების გათბობისა და სმარტფონების უსადენო დამუხტვის ფუნქციები და ძლიერი აუდიო სისტემა.
Chevrolet 3100 ელექტრომობილი გაყიდვაში 2024 წლიდან იქნება და მისი ფასი 159 000 დოლარი იქნება.
მოამზადა მაკა ბიბილაშვილმა