50%-იანი კლება გაყიდვებში - ახალი საბანკო რეგულაციების შედეგი სამშენებლო ბიზნესზე

50%-იანი კლება გაყიდვებში - ახალი საბანკო რეგულაციების შედეგი სამშენებლო ბიზნესზე

access_time2019-02-05 21:30:10

2018 წლის 1-ლი იანვრიდან ამოქმედებულმა საბაკო რეგულაციებმა, რომლის მიხედვითაც მსესხებლის გადახდისუნარიანობის შეფასების გარეშე, სესხის გაცემა შეიზღუდა, სამშენებლო სექტორი უკვე მნიშვნელოვნად დააზარალა. კერძოდ, როგორც დეველოპერების ნაწილი „ბიზნესპრესნიუსთან“ საუბრისას აცხადებს, ერთი თვის განმავლობაში მათი გაყიდვები 50%-მდე შემცირდა, ნაწილის შემთხვევაში კი საერთოდ შეჩერდა. მათივე თქმით, ასეთ პირობებში ბიზნესი განვითარებას წყვეტს და იძულებულია, მომავალში მასშტაბური პროექტების განხორციელებისგან თავი შეიკავოს.

ცნობისთვის, 2019 წლის 1-ლი იანვრიდან ძალაში შევიდა საქართველოს ეროვნული ბანკის დებულება - „ფიზიკური პირის დაკრედიტების შესახებ“, რომლის მიხედვითაც სესხის გამცემ ყველა ორგანიზაციას მსესხებლის გადახდისუნარიანობის შეფასება დაევალა. დებულების მიხედვით, სუბიექტი ფიზიკურ პირზე იმაზე მეტ სესხს ვეღარ გასცემს, რისი გადახდის რეალური შესაძლებლობაც მოქალაქეს არ ექნება. ამასთან, დებულებით დგინდება, თუ რა ხანგრძლივობის შეიძლება იყოს ამა თუ იმ ტიპის სესხი. მაგალითად, იპოთეკური სესხის მაქსიმალურ ვადად 15 წელი განისაზღვრა.

დეველოპერები ცალსახად ვერ ამბობენ, რომ რეგულაციები საჭირო არ იყო, თუმცა აღნიშნავენ, რომ მსგავსი გადაწყვეტილებები ბიზნესთან შეთანხმებით უნდა ხდებოდეს, რათა შედეგები ნაკლებად მტკივნეული იყოს და ამასთან, სექტორის განვითარებისთვის ხელისშემშლელ ფაქტორად არ გადაიქცეს.

„საბანკო რეგულაციები ნამდვილად აისახა ბიზნესზე და გაყიდვები 50%-ით შემცირდა. ამ სფეროში რამდენად საჭირო იყო საბანკო რეგულაციები, არ ვიცი. თუ მოქალაქე 30%-ს წინასწარ ვერ გადაიხდიდა, ისედაც ვერ ყიდულობდა ბინას“,- აცხადებს დეველოპერული კომპანია ბინადარის აღმასრულებელი დირექტორი გოგა ტალახაძე.

რეგულაციების შედეგად გაყიდვების შემცირებაზე საუბრობს კომპანია ივერიონის დამფუნებელიც. როგორც არჩილ ჯაყელი  აღნიშნავს, სესხებზე წვდომა არა მხოლოდ მოქალაქეებს, არამედ თავად ბიზნესსაც შეეზღუდა, რამაც სექტორის განვითარება მნიშვნელოვნად შეაფერხა.

„გაყიდვები რამდენით შემცირდა, კონკრეტულ ციფრს ახლა ვერ გეუბნებით, მაგრამ აშკარად იგრძნობა, რომ ამ მიმართულებით პრობლემა არსებობს. გარდა ამისა, მომხმარებლებთან ერთად სესხის აღება ბიზნესისთვისაც გართულდა, რაც მის განვითარებას კიდევ უფრო აფერხებს.


მეორე მხრივ რომ შევხედოთ, როდესაც სესხს იღებს მოქალაქე, დებს სახლს, მერე ვერ იხდის და ამ სახლსაც კარგავს, ესეც თავისთავად პრობლემაა. რაც შეეხება დეველოპერებს, როდესაც სექტორში ისედაც ამდენი რეგულაციები მოქმედებს და ამას ემატება გაყიდვების შემცირებაც, ბიზნესის ვეღარ ვითარდება. ადრეც გითხარით, ამის შედეგად ბინებზე ფასები მოიმატებს. შეიძლება უახლოეს პერიოდში არა, მაგრამ ეს გარდაუვალია, რაც საბოლოო ჯამში, ისევ მომხმარებლებს და დეველოპერებს არ არგებს“,-აცხადებს არჩილ ჯაყელი.

„ივერიონის“ დამფუძნებელის თქმით, აღნიშნულ ვითარებაში დეველოპერულ კომპანიებს მასშტაბური პროექტებზე უარის თქმა და შედარებით ნაკლებად „რისკიანზე“ დაფიქრება უწევთ.

„ამ ეტაპზე ჩვენ უკვე განვითარების დიდი პერსპექტივებზე და მასშტაბურ პროექტებზე უარის თქმა გვიწევს. იძულებული ვართ, რაც გვაქვს იმ მინიმალურ პროექტებს მივხედოთ და მერე უკვე ისეთ პროექტებზე ვიფიქროთ, რასაც მოვერევით და დაზღვეულები ვიქნებით. იმიტომ, რომ დეველოპერულ სექტორზე სხვა ბიზნესია მიბმული, ამასთან, ათასობით ადამიანია დასაქმებული და როდესაც ვერ ვითარდები, მერე სხვა გამოწვევები დგება მარტო ჩვენი კი არა, მთლიანად ქვეყნის წინაშე. ამიტომ, ვფიქრობ, რეგულაციების მიღებისას ძალიან დიდი სიფრთხილეა საჭირო. ნებისმიერი საკითხი ბიზნესთან უნდა იყოს შეთანხმებული, რათა ნაკლებად მტკივნეულად განხორციელდეს“,-აცხადებს არჩილ ჯაყელი.

დეველოპერულ კომპანია „მეგობრობაში“ აცხადებენ, რომ ახალმა რეგულაციებმა სამშენებლო ბიზნესზე უარყოფითი გავლენა მოახდინა და მეტიც, კონკრეტულად მათი კომპანიის შემთხვევაში ეს შედეგი კატასტროფულია, რადგან იანვრის თვიდან მოყოლებული კომპანიას არც ერთი ბინა გაყიდული არ აქვს.

„რეალურად, თუკი აქამდე დაინტერესებულ პირს გააჩნდა ბინის ღირებულების 30%, ბანკი მას შემოსავლების შესწავლისა და დადასტურების გარეშე თანხას აძლევდა, ახლა კი ეს პირობა ცალსახად მოხსნილია. ამ ეტაპზე აღნიშნული პირობით მხოლოდ ემიგრანტები სარგებლობენ, ისიც იმ შემთხვევაში, თუკი ბინის ღირებულების მინიმუმ 40% გააჩნიათ და ჰყავთ თავმდები პირი, სხვა შემთხვევაში სესხი არც მათზე აღარ გაიცემა. 1-ლი იანვრიდან ბინის შეძენით დაინტერესებულ პირებს მინიმუმ შემოსავლის საკმაოდ მაღალი მაჩვენებელიც უნდა ჰქონდეთ და ხელფასიდან აღებული თანხის 20% ყოველთვიურ გადასახადში უნდა ჰყოფნიდეთ.

ვერ ვიტყვით, რომ კომპანია „მეგობრობას“ დაინტერესებული ადამიანების რიცხვი მოაკლდა, თუმცა ფაქტია, რომ ამ პირობების გამო, რეალურად ბინას ვეღარავინ ყიდულობს. მიუხედავად იმისა, რომ მომავალ მობინადრეებს მეტწილად გარკვეული თანხა ხელზე აქვთ, ახალი რეგულაციების გამო ბინის შეძენას მაინც ვერ ახერხებენ. ასე თუ გაგრძელდა, სამშენებლო ბიზნესი ჩაძირვის საშიშროების წინაშე დადგება, რაც იმას ნიშნავს, რომ ქვეყანაში უამრავი ადამიანი უმუშევარი დარჩება, ხოლო დეველოპერები გაკოტრდებიან“,- აცხადებს კომპანია „მეგობრობის“ საზოგადოებასთან ურთიერთობის მენეჯერი სალომე სარიშვილი.

 

წყარო: ბიზნესპრესნიუსი






რაზე ესაუბრა გახარია საპარლამენტო უმრავლესობას?-პირველი კომენტარი

 რაზე ესაუბრა გახარია საპარლამენტო უმრავლესობას?-პირველი კომენტარი
access_time2019-11-15 20:33:48
ქვეყანას პროპორციული სისტემა ექნება, როგორც ეს გვაქვს კონსტიტუციაში - 2024 წლიდან, - ამის შესახებ საქართველოს პრემიერ-მინისტრმა ჟურნალისტებს გიორგი გახარიამ პარტია „ქართული ოცნება - დემოკრატიული საქართველოს“ ოფისში განუცხადა. როგორც გახარიამ აღნიშნა, პროპორციული საარჩევნო სისტემა ხარისხობრივად ცვლის...

სალომე ზურაბიშვილი ხელისუფლებას და ოპოზიციას მიმართავს

სალომე ზურაბიშვილი ხელისუფლებას და ოპოზიციას მიმართავს
access_time2019-11-15 19:57:11
საქართველოს პრეზიდენტი სალომე ზურაბიშვილი შექმნილ მდგომარეობასთან დაკავშირებით განცხადებას ავრცელებს. „პირველ რიგში, მინდა, ხაზი გავუსვა იმას, რომ ჩვენს ქვეყანაში შექმნილი დაძაბულობიდან და პოლარიზაციიდან გამომდინარე, ჩვენი ერთობლივი მონაპოვრის - სტაბილურობის შენარჩუნება არის ჩემი მთავარი საზრუნავი და ხალხის მოთხოვნა. ამ მოთხოვნას ყველამ პატივი უნდა ვცეთ. ჩვენი საზოგადოება გადაიღალა მუდმივი სკანდალებითა და კრიზისებით. მას სჭირდება პერსპექტივის დანახვა...

საავიაციო სფეროს ახალი მოთამაშე შეემატა – Aero Georgia Group-ი რამდენიმე მიმართულებით იმუშავებს

საავიაციო სფეროს ახალი მოთამაშე შეემატა – Aero Georgia Group-ი რამდენიმე მიმართულებით იმუშავებს
access_time2019-11-15 18:17:34
საავიაციო სფეროს ახალი მოთამაშე შეემატა. ავიაკომპანია Myway Airlines-ის ყოფილმა მეწილემ და კომერციულმა დირექტორმა იგორ აფციაურმა თანამოაზრეებთან ერთად კომპანია Aero Georgia Group-ი ჩამოაყალიბა, რომელიც რამდენიმე მიმართულებით იმუშავებს, თუმცა მისი საქმიანობა მაინც ავიაციასთან იქნება მჭიდრო კავშირში. იგორ აფციაური ამბობს, რომ ავიაციის სფეროში მომუშავე საკუთარი კომპანიის დაფუძება დიდი ხანია სურდა. ქართული ავიაკომპანია Aero Georgia Group-ი საქმიანობა...

ეკონომიკა და ლარის კურსი მორიგი დიდი დარტყმის წინაშეა

ეკონომიკა და ლარის კურსი მორიგი დიდი დარტყმის წინაშეა
access_time2019-11-15 19:45:18
20 ივნისის შემდეგ, ქვეყანაში ვითარება 14 ნოემბერს დაიძაბა. სახელმწიფო კიდევ ერთი არასტაბილურობის საფრთხის წინაშეა. პოლიტიკური ვითარება რომ ჩიხშია, ფაქტია. ახლა მთავარია რა ეკონომიკურ ბერკეტს იპოვნის ხელისუფლება, რომ ქუჩის პროტესტმა ეროვნულ ვალუტას და მთლიანად ეკონომიკას მორიგი დარტყმა არ მიაყენოს. ახლა ყველაფერი პროტესტის მასშტაბსა და ხანგრძლივობაზეა დამოკიდებული. 2019 წლის 19 ივნისის მდგომარეობით, 1 აშშ დოლარის ღირებულება 2,7664 ლარის უტოლდებოდა. 20-21 ივნისს...

რა შეიცვლება 2020 წლიდან თბილისის სატრანსპორტო პოლიტიკაში

რა შეიცვლება  2020 წლიდან თბილისის სატრანსპორტო პოლიტიკაში
access_time2019-11-15 22:30:57
გერმანული კომპანიის - „გოპა“ სპეციალისტებმა თბილისის მერიის, საჯარო უწყებებისა და სატრანსპორტო კომპანიების წარმომადგენლებს თბილისში „ჭკვიანი სატრანსპორტო სისტემების“ განვითარების მიმართულებები გააცნეს. მერიის ტრანსპორტის საქალაქო სამსახურის ცნობით, 2020 წლიდან მერია სატრანსპორტო ნაკადების მართვის კომპლექსურ პლატფორმას ქმნის. იგი ხელს შეუწყობს ტრანსპორტის მენეჯმენტის დახვეწას, გზებზე ტრანსპორტის გამტარიანობის გაზრდასა და საცობების...


მსგავსი სიახლეები

up