5 წლის გოგო,რომელიც თვეში ნახევარ მილიონ დოლარს გამოიმუშავებს

5 წლის გოგო,რომელიც თვეში ნახევარ მილიონ დოლარს გამოიმუშავებს

access_time2019-11-26 20:10:11

ნებისმიერ ტოპ-მენეჯერს მოუნდება 5 წლის კრასნოდარელი ნასტია რადზინსკაიას ადგილზე ყოფნა და მისი შეშურდება. გოგონა მაიამიში ცხოვრობს, ისვენებს მალდივებზე, იცვლის გარდერობს ყოველკვირეულად- და ეს არაა ზღაპარი. 5 წლის გოგოს შემოსავალი თვეში 200 000- 500 000 დოლარს შეადგენს.


დაბადების პირველივე თვეში ექიმებმა ბავშვს უმძიმესი დიაგნოზი დაუსვეს- ბავშვთა ცერებრული დამბლა. პროგნოზები ძალზე უარყოფითი იყო. ექიმების თქმით, გოგონა ვერ ივლიდა და ვერ ილაპარაკებდა.მშობლებმა შვილის მკურნალობისთვის არაფერი დაიშურეს. მათ შორის, თერაპიის ერთ-ერთი საშუალება იყო მუშაობა ვიდეოკამერაზე. ასე ასწავლიდნენ მშობლები ნასტიას გარე სამყაროსთან ურთიერთობას.


დღეს ერთ დროს უიმედო ავადმყოფი 5 წლის ბავშვიმ ფლობს 5 ვიდეო-ბლოგს, რომელთა ხელმომწერთა რაოდენობა 87 მლნ. ადამიანს აჭარბებს. მისი ბლოგი ტრანსლირდება რუსულ, ინგლისურ, არაბულ და ესპანურ ენებზე.მარტივ ვიდეო-ჩანახატებს იმაზე, თუ როგორც დადის გოგო სკოლაში, დახტის ბატუტზე და სიხარულით იზომავს ახალ ტანსაცმელს, ნასტიასთვის ასობით ათასი დოლარის შემოსავალი მოაქვთ . 5 წლის რუსი ბავშვი 3 წელიწადში გახდა უფრო მდიდარი, ვიდრე ბევრი მსხვილი საერთაშორისო კორპორაციის ხელმძღვანელი.


ნასტია 2014 წელს დაიბადა. უმძიმესი დიაგნოზის მიუხედავად, 2 წლის ასაკისთვის ცხადი გახდა, რომ ბავშვი ნორმალურად ვითარება.„არ ვიცით, რამ უშველა,მკურნალობამ თუ ჩვენმა სიყვარულმა. შესაძლოა, ექიმები შეცდნენ“ - ამბობს გოგოს დედა ანა. მიღწეული შედეგის გასამაგრებლად მშობლებმა გოგონას სამსახიობო მონაცემების განვითარება გადაწყვიტეს.


„გადავწყვიტეთ ვიდეო-ბლოგის შექმნა, თუმცა, წარმოდგენა არ გვქონდა ეს როგორ კეთდება. ნასტიას ვუყიდეთ სათამაშოები და დავიწყეთ მისი გადაღება, YouTube-ზე განთავსება. შევქმენით არხი სახელად Like Nastya. ბავშვს არანაირად არ ერიდებოდა კამერის და დიდი სიამოვნებით იყო ჩართული პროცესში“ - ამბობს ანა.


მისი თქმით, არხის ძირითადი მაყურებლები არიან ბავშვები, რომლებსაც მულტიპლიკაციური ფილმების ყურება მობეზრდათ.რუსეთში საკმაოდ კარგადაა განვითარებული საბავშვო YouTube ,არსებობს ათობით პოპულარული ვიდეო-ბლოგი, რომელიც ბავშვების ყოველდღიურ ცხოვრებას აღწერს.


„ჩვენ არ ვიყავით პირველები, თუმცა, ჩვენმა ბლოგმა ძალიან სწრაფად მოიპოვა პოპულარობა. არხმა დაიწყო მოგების მოტანა, თუმცა, რეკლამას ჩვენ არც ვეძებედით - YouTube-ის წესების მოხედვით, როდესაც რეკლამა ამა თუ იმ ვიდეოზე გადალახავს გარკვეულ რაოდენობას, შემოსავლის ნაწილი ავტომატურად ვიდეოს ავტორს ერიცხება“ - ამბობს პატარა მილიონერის დედა.


ვიდეო-ბლოგის გაშვებიდან 6 თვეში გარდატეხა მოხვდა, როდესაც რადზინსკებმა YouTube-ისგან 20 000 რუბლი მიიღეს.„ჩვენ მივხვდით, რომ ეს მხოლოდ დასაწყისია და ბლოგი ზრდას განაგრძობს. ცოტა ხანში ჩვენი შემოსავალი თვეში 10 000 დოლარამდე გაიზარდა. ამის შემდეგ ჩვენ ჩავთვალეთ, რომ მოვიდა განვითარების დროც. რუსეთში ცივა, ბავშვი ჯერ არ დადის სკოლაში, რატომ არ წავიდეთ სამოგზაუროდ აზიაში?“ - ამბობს ანა.



მოგზაურობა 9 თვე გაგრძელდა. რადზინსკებმა შეცვალეს ბლოგის ფორმატი და დაიწყეს სიუჟეტების გადაღება . კერძოდ, როგორ ერთობა ნასტია ატრაქციონებზე, როგორ ირჩევს ტანსაცმელს, როგორც სინჯავს ადგილობრივ კერძებს.


ცოტა ხანში ბლოგის ხელმომწერთა რაოდენობა მილიონამდე გაიზარდა, შემოსავლებმა კი თვეში ათობით ათას დოლარს მიაღწია.„ნასტიას ბავშვები ქუჩაში ცნობდნენ - ტაილანდში, მალაიზიაში, ინდონეზიაში, ყველგან, სადაც ჩვენ ვიყავით., ქუჩაში მას ხვდებოდნენ სიტყვებით „ო, შენ ხომ ის გოგო ხარ YouTube-იდან?“ - ყვება ანა.


აზიური მოგზაურობის შემდეგ ცხადი გახდა, რომ კლიპები ნასტიას მონაწილეობით საინტერესოა ბაშვებისთვის სხვადასხვა ქვეყნებში . არ აქვს მნიშვნელობა რა ენაზეა ის გადაღებული, ბავშვებისთვის მთავარია ემოცია და არა ტექსტი.თუმცა, ოჯახმა მაინც გადაწყვიტა კლიპების თარგმნა, რისთვისაც თარჯიმნების და ხმების დუბლიორები აიყვანა. ჯერ იყო ინგლისური, შემდეგ დაემატა ესპანური და არაბული.


კუსტარული ოჯახური ვიდეო სერიოზულ მრავალმილიონიან ბიზნესად გადაიქცა, სადაც ჩართულია ვიდეომონტაჟორები, თარჯიმნები, ხმის დუბლიორები, სპეცეფექტების სპეციალისტები. პროექტისთვის ირჩევა შესაბამისი რეკვიზიტი - სათამაშოები, ტანსაცმელი, აქსესუარები, მანეკენები.„რუსეთში ყველაფერი პრობლემაა, იმიტომ რომ თითქმის არაფერი არ იშოვება, ამიტომაც 2016 წელს გადავწყვიტეთ შტატებში გადაბარგება. ჩვენ ასევე განვიხილავდით ლონდონს, თუმცა, იქ ცივა და საბოლოოდ, ფლორიდა ავირჩიეთ, სადაც საერთოდ არაა ზამთარი“ - ამბობს ნასტიას დედა.


ბლოგის შემოსავალი ოჯახს უზრუნველად ცხოვრების საშუალებას აძლევს. მათ იქირავეს სახლი მაიამის ელიტურ უბანში და ყოველდღიურად იღებენ წინადადებებს რეკლამის განთავსებასთან დაკავშირებით.„ჩვენ არ გვსურს ჩვეულებრივი რეკლამა. „ჩვენი საქონელი საუკეთესოა და იყიდეთ ის“. ჩვენ მზად ვართ რეკლამისთვის გამოვიყენოთ ის, რასაც ვიყენებთ ყოველდღიურ ცხოვრებაში. მაგალითად, Adidas-ის ფეხსაცმელი, რომელიც ნასტიას აცვია, ან Danone-ის იოგურტები, რომლებიც ბავშვს ძალიან უყვარს“ - ყვება ანა.


დღეს რადზინსკების ძირითადი არხი Like Nastya Vlog 34,3 მლნ. ხელმომწერს ითვლის, ერთი ვიდეოს ნახვის რეკოდრული მაჩვენებელი კი 724 მლნ-ია.ნასტია ლიდერობს საბავშო ვიდეოს სეგმენტში არა მხოლოდ რუსეთში . მისი ბლოგი ამ კატეგორიის 10 ყველაზე მოთხოვნად ვიდეო-ბლოგის სიაში შედის.


დღეისთვის Like Nastya ერთ-ერთი ყველაზე წარმატებული ვიდეო-ბლოგია არა მხოლოდ საბავშვო სეგმენტში, არამედ საერთოდ.„როდესაც ჩვენ დავიწყეთ ბლოგის კეთება, კონკურენცია იყო ბევრად დაბალი ვიდრე დღეს. ჩვენ არასდროს არ დაგვიხარჯავს ფული ბლოგის რეკლამაზე. ხელმომწერთა რაოდენობა ავტომატურად იზრდებოდა. ამჟამად ჩვენი კონტენტი იცვლება - ბავშვი იზრდება და შესაბამისად, ჩვენ აქცენტს საგანმანათლებლო თემებზე ვაკეთებთ“ - ამბობს ნასტიას დედა.


მისი თქმით, გარეგნულად ისე ჩანს, რომ ვიდეო ბლოგერობა მარტივი საქმეა, თუმცა, რეალობაში ასე არაა. საკმარისია ჩააგდო ერთი დღე და მნახველების რაოდენობა ეცემა. შესაბამისად, მცირდება შემოსავალიც.ორივე მშობელი მთლიანადაა ჩართული ამ ბიზნესში - მამა გოგოს მუდმივი პარტნიორია კლიპებში. გარდა ამისა, ის დაკავებულია პროექტის ფინანსური მხარითაც, დედა სცენარისტია, უკვეთავს რეკვიზიტს, ურთიერთობს დიზაინერებთან, სპეცეფექტების სპეციალისტებთან და მუსიკოსებთან, რომლებიც მონაწილეობას კონტენტის შექმნაში იღებენ.


ერთი კლიპის დამზადება 1000-2000 დოლარი ღირს, ბლოგის თვიური შემოსავალია 200-500 ათასი დოლარი.რადზნინსკენი კვლავ უარს ამბობენ ტრადიციული რეკლამის განთავსებაზე. დღესაც შემოსავლის ძირითადი წყარო YouTube-იდან გადმორიცხვებია.


ფსიქოლოგები აფრთხილებენ მილიონერი გოგონას მშობლებს, რომ ბავშვის ვიზუალური მხარის გამოყენება შესაძლოა გარკვეულ საფრთხეებს შეიცავდეს.


„ეს იგივეა, რაც მოსდის ბავშვ-კინოვარსკლავებს . ადრეული პოპულარობა ძალიან ცუდად მოქმედებს მათზე გაზრდის შემდეგ. თუმცა, ჩვენ ამ საკითხზე არ ვნერვიულობთ. გოგონა არ აღიქვამს მის ირგვლივ შექმნილ სიტუაციას, როგორც განსაკუთრებულ პოპულარობად. ის აკეთებს იმას, რაც სიამოვნებს. ჩვენ ვეუბნებით - „დღეს უნდა გადავიღოთ როგორ იცვლი კაბებს“ - და მას მეტი არაფერი არ უნდა, მირბის ბედნიერი“ - ყვება ანა.


დედის თქმით, 5 წლის მილიონერი გოგო ოცნებობს გახდეს ბიზნესმენი, ამ მსახიობი.


წყარო:forbes.ru

თენგიზ აბლოთია 





ქართული კლუბები ევროტურნირებზე მაყურებლების გარეშე – უეფას ახალი გადაწყვეტილებები

ქართული კლუბები ევროტურნირებზე მაყურებლების გარეშე – უეფას ახალი გადაწყვეტილებები
access_time2020-08-10 19:00:43
6 აგვისტოს უეფას ორგანიზებით მორიგი ვიდეო კონფერენცია გაიმართა, რომელშიც ევროპული ფეხბურთის მმართველი ორგანოს წევრი ასოციაციების გენერალური მდივნები მონაწილეობდნენ. აღნიშნულის თაობაზე ინფორმაციას საქართველოს ფეხბურთის ფედერაციის პრეს-სამსახური ავრცელებს. შეხვედრაზე უეფას ეგიდით გასამართ უახლოეს საკლუბო და სანაკრებო მატჩებზე იმსჯელეს. გადაწყდა, რომ ევროპა ლიგის ოთხივე ეტაპზე და ჩემპიონთა ლიგის სამ ეტაპზე მატჩები მაყურებლის გარეშე გაიმართება, ჩემპიონთა ლიგის პლეი-ოფის...

დონალდ ტრამპმა ამერიკელებს TikTok-ით სარგებლობა აუკრძალა

დონალდ ტრამპმა ამერიკელებს TikTok-ით სარგებლობა აუკრძალა
access_time2020-08-10 20:00:57
აშშ-ს პრეზიდენტმა დონალდ ტრამპმა ამერიკელებს ჩინური კომპანიების ByteDance და Tencent-ის სერვისებით ყოველგვარი სარგებლობა აუკრძალა - მათ შორისაა მოკლე ვიდეოჩანაწერების სერვისიTikTok და მესენჯერი WeChat. აკრძალვის ქვეშ ყველა გარიგება მოხვდება, მათ შორის მოლაპარაკებები წილების შეძენასთან დაკავშირებითაც. ტრამპის ბრძანებულება ძალაში 20 სექტემბერს შევა. გადაწყვეტილებას წინ პრეზიდენტის მუქარები უძღოდა. შემდეგ, 6 აგვისტოს, აშშ-ს სახელმწიფო მდივანმა...

წლევანდელი წელი მთლიანად ჩავარდა - სამთო საექსპედიციო ტურიზმი ჯავშნებს მხოლოდ მომავალი წლიდან ელოდება

წლევანდელი წელი მთლიანად ჩავარდა - სამთო საექსპედიციო ტურიზმი ჯავშნებს მხოლოდ მომავალი წლიდან ელოდება
access_time2020-08-10 18:00:32
კორონავირუსის პანდემიის გამო, საზღვრების ჩაკეტვამ და ფრენების გადადებამ, ტურიზმზე დამოკიდებული კომპანიების შეჩერება გამოიწვია. ერთ-ერთი ასეთი, მთაში მოგზაურობის და თავგადასავლების სააგენტო Mountain Freak-ია, რომელიც მსოფლიოს სხვადასხვა ქვეყნიდან ჩამოსულ სტუმარს ალპინისტურ, სალაშქრო, „ტრეკინგ“ თუ კულტურულ -ფოლკროლურ ტურებს სთავაზობს. პანდემიამდე მთელი სეზონი დაჯავშნილი იყო, თუმცა კორონავირუსმა გეგმები შეცვალა და წლევანდელი წელი მთლიანად ჩავარდა, ამის შესახებ „კომერსანტი“...

მთავრობა „თელასის“ კაპიტალში კუთვნილი აქციების წილს ჰყიდის

მთავრობა „თელასის“ კაპიტალში კუთვნილი აქციების წილს ჰყიდის
access_time2020-08-10 17:00:11
„საპარტნიორო ფონდი“ სს „თელასის“ კაპიტალში კუთვნილი აქციების წილის - 24.5%- ის გასასხვისებლად საჯარო აუქციონს აცხადებს. ინფორმაციას საპარტნიორო ფონდი ავრცელებს. საჯარო აუქციონის საწყისი ფასი შეადგენს 10 511 211.08 აშშ დოლარის ექვივალენტს ლარში. ბიჯის ოდენობაა 50,000 ლარი. აუქციონის დროს დაფიქსირებული ფასი დაკონვერტირდება აშშ დოლარებში აუქციონის გამოცხადების დღისთვის ეროვნული ბანკის მიერ დადგენილი გაცვლითი კურსის შესაბამისად. საჯარო აუქციონი 2020 წლის...

გველის თუ არა უფრო ღრმა კრიზისი?!

გველის თუ არა უფრო ღრმა კრიზისი?!
access_time2020-08-10 16:00:18
ამომრჩევლის მოსყიდვა თუ კრიზისის დროს შეხიდება? ახალ სოციალურ პაკეტს, რომელიც მთავრობამ მოსახლეობის სხვადასხვა ჯგუფს შესთავაზა, უკვე მოჰყვა არაერთგვაროვანი შეფასებები. რადგან არჩევნებამდე 3 თვეა, ოპოზიციამ ჩათვალა, რომ ხელისუფლება იმ ამომრჩევლის გულის მოგებას ცდილობს, ვინც შესაძლოა „ქართული ოცნების“ 8-წლიანი მმართველობით კმაყოფილი არ არის. ხელისუფლებაში ამბობენ, რომ ამ პროგრამებს არჩევნებთან საერთო არაფერი აქვს და აანონსებენ, რომ შესაძლოა კიდევ ერთი სოციალური პაკეტი მომავალი წლის...


მსგავსი სიახლეები

up