კრიპტოვალუტის მიმართ ინტერესი მუდმივად იზრდება. შესაბამისად, სულ უფრო მეტი ადამიანი ისწრაფვის კრიპტოვაჭრობისა და სარგებლის მიღებისკენ. თავის მხრივ კი, წარმატებული სავაჭრო სტრატეგიის გასაღები ბაზრის დეტალურ ცოდნაში მდგომარეობს.
მიუხედავად იმისა, რომ კრიპტოინდუსტრია არასტაბილურ მიმართულებადაა მიჩნეული, ტრეიდერებს წარმატების მისაღწევად ზუსტი სტრატეგია და სწორ ინსტრუმენტებზე წვდომა სჭირდებათ. როგორც დამწყები, ისე გამოცდილი ტრეიდერები ხშირად მიმართავენ პროფესიონალურ საბროკერო სერვისებს, რომლებიც იმ მნიშვნელოვან ინსტრუმენტებზე წვდომას უზრუნველყოფენ, რაც ტრეიდერებს ეფექტიანი სტრატეგიების შექმნაში ეხმარება.
ამ სტატიაში განვიხილავთ იმ ხუთ საკითხს, რაც აუცილებლად უნდა გაითვალისწინონ ტრეიდერებმა კრიპტოვალუტის ბროკერის შერჩევისას.
მოქნილი და მყიდველზე მორგებული ვაჭრობა
სერვისი ტრეიდერს უნდა აძლევდეს აქტივებისა და ბაზრების ფართო სპექტრზე – კრიპტოვალუტაზე, აქციებზე, საქონელზე, ფორექსზე, ETF-ებზე წვდომას. როგოც წესი, სრულყოფილი პლატფორმიდან მომხმარებლისთვის ხელმისაწვდომი უნდა იყოს ყველა სახის ფასიანი ქაღალდი სხვა საბროკერო სერვისის გამოყენების გარეშე.
მნიშვნელოვანია, რომ მყიდველისთვის ეს პროცესი იყოს მოქნილი, მობილური და მომხმარებელმა სხვა საქმეების კეთების დროსაც ივაჭროს. ამასთან, აუცილებელია, კრიპტოვალუტის შეძენა იყოს მარტივი – სადებეტო ან საკრედიტო ბარათით.
ინსტრუმენტები და რისკის მართვის ხელსაწყოები
მომხმარებელს უნდა ჰქონდეს წვდომა საგანმანათლებლო და კვლევით რესურსებზე, ფინანსური დაგეგმვის ინსტრუმენტებსა და ტექნიკური ანალიზის ხელსაწყოებზე (მათ შორისაა შესრულების ანალიზი, ბაზრის სკანირება და რისკისა და სარგებლიანობის პოტენციალის მონიტორინგი). ასევე აუცილებელია ისეთ ხელსაწყოებზე წვდომა, როგორიცაა ზარალის შეჩერება, მოგების მიღება და ფინანსური სიახლეები.
კარგი იქნება, თუ ბროკერი დემოანგარიშის დაყენების შესაძლებლობასაც იძლევა – ეს მომხმარებელს საშუალებას აძლევს, რეალური ვაჭრობის დაწყებამდე გაერკვეს, რა სტრატეგიები მუშაობს მის შემთხვევაში.
გაერთიანებულ ლიკვიდობაზე წვდომა
არავის სურს აქტივებში ზედმეტის გადახდა. ერთიან ლიკვიდობაზე წვდომით მომხმარებელი ნებისმიერი ზომის შეკვეთის საუკეთესო, ხელმისაწვდომ ფასად შესრულებას შეძლებს. ამასთან, ტრეიდერებს ლიკვიდურობის სხვადასხვა წყაროსთან მუშაობის საშუალება ეძლევათ.
საბირჟო ბერკეტების კოეფიციენტების ფართო სპექტრი
ეს ბერკეტი ნასესხები კაპიტალის აქტივებში ინვესტირებისთვის გამოყენებას გულისხმობს. ბროკერისგან კაპიტალის სესხებით, ტრეიდერებს შეუძლიათ უფრო დიდი პოზიციებით ვაჭრობა, რითაც პოტენციურად უფრო დიდ მოგებას მიიღებენ. კარგ ბროკერს ასეთი ბერკეტების კოეფიციენტების ფართო არჩევანი აქვს (2x-დან 100x-მდე).
მარტივად გამოსაყენებელი
პლატფორმა უნდა იყოს მარტივად გამოსაყენებელი და მომხმარებელს აქტივების იოლ მართვას, სავაჭრო ისტორიის, აქტიური პოზიციების და მიმდინარე შედეგების შესახებ ინფორმაციაზე წვდომას სთავაზობდეს. ბროკერის პლატფორმის მუშაობის შესახებ წარმოდგენა მომხმარებელს საკომისიოებსა და რეგისტრაციის პროცესზე დაკვირვებითაც შეექმნება.
მაგალითისთვის, CEX.IO Broker პლატფორმა ტერეიდერს საშუალებას აძლევს ივაჭროს კრიპტოვალუტითა და კრიპტოდერივატივებით, ფორექსებითა და აქციებით 25-ჯერ მეტი სასესხო ბერკეტით, ხოლო მომხმარებლებს უზრუნველყოფს ლიკვიდობის ბაზრებით. პლატფორმა ტრეიდერებს ასევე სთავაზობს ინსტრუმენტების დიდ არჩევანს ტექნიკური ანალიზისთვის; სასესხო ბერკეტებს, ხელსაწყოებს ზარალის შესაჩერებლად და მოგების მისაღებად – ყველაფერს, რაც ხელს უწყობს სავაჭრო სტრატეგიების ისე ჩამოყალიბებას, როგორც ეს მომხმარებელს სჭირდება.
„ფასიანი ქაღალდების ბაზარი ისეთივე სარისკოა, როგორიც მომგებიანი. სათანადო ცოდნითა და მახვილი თვალით ტრეიდერებს მოგების მიღება შეუძლიათ. კრიპტოვალუტით ვაჭრობა სულ უფრო ძლიერდება და ინდუსტრია ინსტიტუციონალიზებულ მიმართულებად ყალიბდება“, – აცხადებს CEX.IO Broker-ის მონაცემთა ანალიზის დეპარტამენტის ხელმძღვანელი იური მაზური.
წყარო: businessfeed.ge